十猫の家

21/09/2024

分享一件便宜好物✨
頭先食完飯去咗龍豐藥房行咗個圈，見到呢支牙刷，d毛好綿密好似好舒服咁，覺得好岩用黎清潔佢哋嘅下巴！ 果然不出所料，佢哋勁鍾意，唔洗hold貓，佢哋自己對個下巴由你刷🤭🤭仲要清得幾好！！ 係洗牙刷要d心機，實在太密，d黑頭kick係d毛到，要洗幾次先洗到~ 希望支牙刷令佢哋愛上捽下巴，唔駛成日捉住佢哋啦🤭

另外仲有一支$18人用嘅細牙刷，好岩同佢哋刷牙，抵過買寵物個d （相放留言）

18/09/2024

追月夜加凍乾粒同醬醬🌝🌝🥮
#田下の猫

17/09/2024

月餅節快樂！🌕🥮🐇💫🍡

你無睇錯，我手上嘅係 波波 ！！
霧化咗幾次好返好多了🥹
仲俾我哋摸多咗好多～

希望我哋可以越嚟越親近
咁就真係人貓兩團圓🥰

#在家流浪的猫

15/09/2024

呢兩日都係為波波奔波。。醫生開咗霧化藥，即刻要買機。好好彩俾我哋喺carousel搵到全新又平嘅霧化機，賣家又肯俾我即時面交，就飛出港島交收。原來屋企d皮下水過曬期，好彩搵到Smeow義工有，又飛番入黎交收。感恩🙏🏻🙏🏻

今晚第一日同波波打皮下水+霧化。
波波皮好厚皮，完全唔係Mi個隻手感，隔洗衣袋打吉咗兩次都未拎岩feel🥴🥴可能要打多排先拎到個手感。 對唔住啊波，媽媽會加油🥹

霧化箱未到手，唯有用住包膠籠先，要早晚霧化一次。 本身仲諗住放大假去下街，去散下心，睇黎都係要留係屋企了🥴

#在家流浪的猫

14/09/2024

擒日喺診所都無咩嘢
到半夜諗起MiMi 諗起田妹
諗起以前喺街餵佢嘅點滴
喺屋企流浪咗7年幾
由行近少少出口又出手
到呢幾日可以摸肚腩摸手仔
想可以摸佢耐d ☹️☹️☹️

#在家流浪的貓

14/09/2024

終於放大假！ 嗚… 成年無放過假，累得很…
First thing first 就係帶咗波波去睇醫生！
5月中驗血都仲靚仔，今次再驗貧血、腎病、口炎 + 感冒🥹🥲 因為波波餵唔到藥，可以用嘅藥少咗好多好多…

醫生好好，逐樣同我商量波波嘅treatment。口炎嘅用藥會影響腎功能，所以暫時只用止痛藥幫作；因為已經食咗排抗生素都無效加上餵唔到藥，只可以轉做霧化治療；另外再打皮下水、造血針、食止痛藥水、搽耳開胃藥。

🥲 唔知點解波波有腎病好似預料之內咁，只係無諗過突然之間差得咁快。 睇到報告知道無fip 同cancer 跡象覺得好好彩🥺。

鄉下波第一次出到尖沙嘴，由細到大只係見到山山水水，第一次見到高樓大廈，波波表現比想像中淡定。 辛苦哥哥做司機，一直喺車等。 仲有多謝姑娘介紹呢個醫生俾我哋，好溫柔🫶🏻 感恩❣️

支出$4185 💸

08/09/2024

打風前一晚，早咗D 返屋企，10點半就返到去餵貓，發現Dada無出現。以為係落雨同埋我哋早左，但當我哋餵曬全村貓都唔見Dada，就開始緊張了。因為DaDa係24/7留喺花園附近，仲要一叫便來的。 哥哥就即刻check cam，發現佢last seen竟然係前一晚半夜4am，跟住就無出現過。 🥶

哥哥下意識覺得佢困咗喺雜物房，一打開隻窗果然聽到貓叫聲，但見唔到貓，叫極佢都唔郁，只係不停喵喵喵喵喵叫。因為道門鎖咗，佢又唔肯郁，最後要叫醒業主黎開門，攪到全幢屋醒曬🫣 開門後都搵佢唔到，一層一層剝洋蔥先見到佢匿咗入d雜物深深處，勁緊張咁喵喵…

睇黎佢被困呢20個鐘，俾d落雨聲淅瀝沙嘞打落瓦頂篷嚇親佢。。開咗門勁耐佢都唔肯出黎，直至GuGu入去搵佢，佢先慢慢由”Elle Elle Elle”聲咁嗌，變成”喵喵喵”，最後由Gu仔帶佢出黎🥹

無水無糧20個鐘，出黎即刻去廁所、巡邏、飲水食飯🥹🥹🥹 嚇親死！

PS佢地真係好蠢豬，都唔係第一隻被困村民d士多房，好彩佢哋識喵叫嗌我哋咋..

07/09/2024

🤦🏼‍♀️又病左，禮拜一開始感冒發燒.. 波波又係停藥兩日又病過。 佢仲要衰到哥哥餵佢食飯死都唔食，我半夜4點放工番黎一餵就食🤗🤗🤗🤗

好彩有兩日打風wfh， 同哥哥夾手夾腳餵到佢食藥，即刻好番好多🥹。 仲有係我陪同底下，波波終於肯被哥哥餵。

啊！打風前一晚仲發生左件事，下個post再講😬

👇🏻三隻豬不停睇風暴消息

02/09/2024

第一次見到hktvmall架車喺街啊！ 可惜唔係貓貓🐱

31/08/2024

買咗支匙黎餵波，希望會食得好d唔好漏到四圍係啦～ 月尾放假，好想好想去旅行啊，我同哥哥幾年無去過旅行喇波波🥹 #在家流浪的貓

28/08/2024

呢個幾星期晚晚都要手餵佢，日日攪我幾粒鐘… 條友唔係食唔到野，係有特定口味想食，不停試唔同罐，試岩就食得好快，一唔岩就擰歪塊面… 🙄擒晚試吓將d罐唧入條ciao呃佢食，佢原地食曬成罐！ 而我就工廠妹咁同佢入d主食罐落支ciao到🙄

🥲最衰係哥哥餵佢，佢唔食，我一返屋企餵佢就食！！日日攪到我天光先有得瞓，瞓幾粒鐘又要返工，體力透支🥱🥱🥱究竟前世欠咗你咩！！！

不過～～～亦因為咁，我終於可以摸到波波🥹🥹🥹佢唔走肯坐低俾我梳毛、俾我摸肚腩、下巴、手手、耳仔、仲俾我用手指餵佢食野！🥹 7年半，終於等到🥹 幾攰都會堅持到谷肥返你架，你都要加油❣️

26/08/2024

開咗4個鐘會重覆又重覆內容嘅Me is be like .....
救命好想放工攬實呢隻死肥野 😭
#好攰仲有好多野未做嗚嗚嗚嗚...

25/08/2024

天堂與地獄，都係一臉之間😂
#大頭仔

22/08/2024

希望多d人幫手

天地有正氣 人間行公義 ～8.24搜山行動

相信愛護動物人士都留意到，大嶼山寶蓮寺兩名廚工以膠袋笠頭， 強行開車遺棄兩隻狗女「大妹」及「細妹」，警方已拘捕兩人並以「殘酷虐待動物」罪名立案調查。事件曝光後，數十名動物義工日以繼夜，在大嶼山搜索八天但一無所獲，當中多名義工體力透支，但因時間緊逼， 搜索地域廣闊，相信大細妹獲救機會漸趨渺茫，現希望在此召集義工進行徹底搜山行動，希望能盡最後一分力尋回大妹、細妹。

8.24搜山行動：
日期：24/8/2024 星期六
時間地點：10:00～10:30am 東涌地鐵站D出口集合
交通： 抱歉！義工須自費由東涌乘搭大嶼山的士往昂坪，單程約$240，建議義工4～5人成行，直達目的地再攤分車資，預計單程車資每人約$60。

請注意，8.24搜山行動參與屬自願性質，請注意自身安全，義工需有行山，爆林或山澗經驗，請自備食水，手套，淺色輕便衣服，蚊怕水及行山杖等裝備，搜索隊最少由八人組成，分成多隊，希望可搜索廣闊嘅地方，找尋大細妹下落，搜山行動預計在四小時內完成。

義工報名請whatsapp Kent 6999 4221， 請各位幫忙分享到行山群組或邀請相關有經驗人士加入， 感謝幫忙。

17/08/2024

唔順利嘅事一不離二😮‍💨
上禮拜一晚同哥哥一齊喺屋企做通宵。。我唔瞓，牛奶妹同月月都唔肯瞓（兩個平時等我上床一齊上床瞓） ，兩隻野圍住我哋工作檯跳黎跳去。點知月月自己嚇親自已，掃冧曬成枱野，跟住嚇到喺廚房嘅貓又掃冧成枱野，火燒連環船咁嚇到廳嘅貓又飛黎飛去… 10秒都無成屋飛貓… 🥱 因為我成個禮拜無剪甲，被月月插到對腳流血。

仲有就係禮拜四半夜無啦啦上唔到網，以為壞咗router ，第二日即刻買過部新嘅，都係唔work… 今日再換埋張新卡都唔work。 依家電腦上唔到網，連唔到cctv，又睇唔到班貓，超級唔安心 😮‍💨

16/08/2024

又好多日無update…
上兩星期👩🏼我、牛奶妹同波波先後輪住病😷
乜唔係話人貓唔會互相傳染架咩？點解次次都一齊病😷😷

呢兩日終於好番少少，但因為病咗+OT太多 ， 唔夠時間陪樓上班貓、又攪到每晚半夜先餵貓／哥哥一個人照顧20幾隻猫….樓上班貓見唔到我癲咗又打交又噴尿、樓下班貓等開飯等到打交……西西被新黎嘅黑黑打到流血….. 🫠

波波病到瘦曬唔食野，要人親手餵先肯食，但食3啖就跑走，每次都要同佢一齊係地下爬-..- （唔好問點解🤦🏼‍♀️喊出黎..） 暈 ！ 好想同佢睇醫生，有冇朋友知邊個獸醫會開covid隻藥俾fiv貓？

太多唔順利的大事同瑣碎事，身心都好累…希望快d過去可以正常時間放工多d時間陪貓🥲 #放負完畢

16/08/2024

波波病咗，
想伸手黨問下邊個醫生睇FIV貓好？

11/08/2024

呢排要手餵嘅貓唔止一隻🥲 波波仲係口痛，食唔到野，唔想佢又打/食類固醇，盡量手餵d營養野俾佢等佢自己強壯d。 💪🏻

10/08/2024

🥵 呢兩個月罐罐倒水咁快，日日餵2-3轉，盡量餵罐幫佢哋補水。 快d挨過個熱天就好了❣️

09/08/2024

今天難得的WFH，班貓勁開心下晝我喺屋企🥰
一路餵波波食罐一路開會，實在太efficient
但下晝嘅屋企真係好熱，水喉水開出黎係燙手嘅熱水🔥難以想像樓下班貓點熬到日落….

05/08/2024

💔💔💔 今日出門返工，GU伏咗喺花園陰影位，即刻叫哥哥落黎幫手俾d 寵物保礦力佢。到下晝3點幾佢返咗黎食野，睇cam都見到佢mak大個口抖氣…跟住一直無見過佢返黎🥹

放工拿拿臨返屋企，平時我一泊車就黎接我門，今日周圍嗌佢都搵唔到。好彩樓下工人姐姐未瞓，我問佢有無見到黃貓，佢話附近間屋門口有隻貓，佢帶我去，一見到係GU仔而且仲alive有呼吸，我差d大叫咗出黎🥹

今晚暫時唔覺佢有開口，但呼吸聲好響，胃口唔錯，有跑有行，就係成日攤喺到。 唉..落雨又擔心你哋，太熱太曬又擔心，太凍又擔心🥹 如果我哋住複式就好，可以帶曬你哋入屋，唔駛分開你哋🥹



睇返d相GUGU同小岡無論眼型、瞳孔顏色同毛色都好鬼似..

04/08/2024

頭先落去餵貓，GU 、 俊 攤咗係花園正中心，手手腳腳伸直曬，心諗攪咩咁鬼可愛。當佢哋起身行近我，發現GUGU擘大口伸脷抖氣🥵 行兩步就軟攤…. 嚇到心都慌曬，即刻衝上樓拎洗衣袋拎籠，到捉佢個陣無啦啦勁大力反抗。驚越捉佢越喘，唯有觀察住，照餵罐先，轉咗d水份罐、mousse罐俾佢。好在胃口唔差，食少咗但仲肯食，食完罐之後都無再開口抖氣，但就係四圍攤。 唔知係咪呢幾日太過熱，熱到中暑😭 嗚啊 嚇到我腳弱暈一暈… 點算好，仲有好多日熱😩 係咪平日我返咗工個陣都係咁😫 💔💔💔💔

#野田英俊

02/08/2024

有無人可以數得出有咩貓無入鏡🤭🤭

01/08/2024

最近奧運喚醒咗月月體內股運動潛能
前日學識咗跳上門頂🙂 well….
仲打走埋佢家姐成功霸位
🙂🙂🙂🙂

#跳啦跳啦跌親無人可憐你