東東走了只係2個幾星期，但感覺好似好耐好耐咁。
上星期到了善終公司跟東仔說再見，今次選擇左用水化，過程需要24小時才完成。
依間善終公司有一個“種植重生”嘅服務，將骨碎放入盆栽裡面種植，佢地話係重生。
但對於我黎講，並唔係咩重生，而係將東東回歸大自然，而且還能給植物養份，貢獻返依個世界。
我覺得，東東要麽就留在彩虹橋等我地，要麽就再來做我的毛孩。什麼形式再見也好。我知道，我地一定會再相見。
我唔係一個種植能手，基本上每次種植物不出2個月就會凋萎。所以我將個盆栽交比善終公司打理。
今日係入土，第一次灌溉由家屬負責，當刻個心釋懷了不小。
東東，你係一個橫強嘅小勇士，媽媽也要學你一樣咁叻。
活在當下，豁達面對所有事情。
東東，Miss you❤
東東，多謝你這3年多的陪伴，很感恩你選擇了我們，來當我們的毛孩。
多謝你教曉我做人要有鬥志，遇到困難的事要堅強，心裡要豁達，最重要是能夠活在當下。
你霸王，但從不會欺侮比你弱小的豆豆。
你身形細小，但不會害怕比較惡的虎虎。
你為食，但從來不會搶食。
能夠成為你媽媽，我很驕傲。
東東，不用掛心我們，你就在彩虹橋跑跑吃吃瞓覺仔。
等我們啊，我們一定會再見。
東東情況唔係太好，今日入院留醫，醫生話食藥對佢d痰作用不大清唔到d痰，所以要入院瞓氧氣箱同吊藥。今晚姑娘send左片比我，見佢眼神精靈返，媽咪都安心d。
神奇東東，加油呀❤
神奇東病左😭😭😭
早幾日仲因為開飯時太緊張缺氧抽筋暈左，即刻同佢做急救。
我差d以為佢死左，我一邊喊一邊大叫佢個名，不停推拍佢，好彩最後都醒返。
即晚租左個氧氣箱比佢，聽日覆診喇，希望佢肺d痰會少左稀左啦🙏🙏🙏
本身唔落咪其實已經聽到佢成隻豬仔咁，入埋咪把聲笑爆咀，佢真係一隻豬仔黎架🐽🐽🐽
