30/12/2024
صباح الجمال والارزاق ❤
بحب اخاطب مربي البلكونة كتير
فى البلكونة فرص انتاجه اقل من قصين
بمعنى انه لو فى قصين بيشغلوا بعض اكتر
#توالف
اذا كان فيه توالف وعدم نقر وضرب ماتقلقش وتحلى بالصبر
للمناعة وليس للعلاج
#العمر
تقارب العمر بيساعد على سرعة الانتاج
وخلى بالك هتشتري من اي محل اغلبهم بيقول على الزغاليل شباب وعلى شغل يعنى هتصبر عليهم مش اقل من خمسة اشهر
اذا طار احد الازواج او م.ات اصبر على الاقل اسبوعين لان الفرد الموجود مش بينسى بسرعة ووارد جدا يموت الفرد الجديد ماتدخلش الفرد الجديد مباشرة
#المكان
اهم عوامل التزاوج والانتاج تثبيت مكان القفص وبعيد عن الاطفال والقطط
وفى الشتا تأمن بمشمع بلاستك من الهواء
#الحبوب
اتعب شوية وهاتها من تاجر حبوب بلاش من عند المحلات او العطار
نسبتها كيلو فلارس وكيلو بلكم
عقمها معلقة جنزبيل ومعلقة كركم
موجودة بشكل يومي
قدم خضار وبيض مسلوق ومستنبت مرتين فى الاسبوع
#المسقاه
غيرها يوميا خصوصا لو هتستخدم ادوية
#القهوة
القهوة دى بقى هتشربها انت وانت قاعد معاهم
ومستمتع بطيورك وبتنسى المشاكل
وماتخليش حد يكرهك فى هوايتك
