香港刺蝟協會

26/03/2022

18/01/2022

Rip 鼠鼠😭😭😭

如何解決問題？解決個問題！
#問題唔存在就冇問題 #哈姆太郎 #聽日唔一定更加開心 #賣噢

03/01/2022

【發現走失寵物刺蝟】
有無住鴨脷洲嘅朋友走失咗隻刺蝟？
1月2號 夜晚8:30左右發現到佢
地點係 鴨脷洲西村籃球場對後叢林（近羽毛球場）
而家小刺蝟喺執到嘅朋友手上，如果有朋友走失嘅話可以聯絡我哋，我哋幫你聯絡佢
#走失 #走失協尋

31/12/2021

新嘅一年又開始啦，祝大家同刺蝟身體健康～
新一年最緊要平平安安💪🏻💪🏻💪🏻
事事順利，疫情快啲過去👋👋👋
#新年快樂 #新年快樂🎉 #新年快樂2022 #新年快樂❤️ #新年快樂🎊 #新年快樂🎆

18/12/2021

《有關醫療費用問題》
飼養寵物，相信很多飼主都會關心醫療費用的問題，究竟醫生會不會濫收費用，像售貨員推銷不需要的測試呢？

在職業生涯中，的而且確有一些醫生需要追營業額，是的，你沒有聽錯，就算做醫生這樣子高學歷的職業他們也需要幫公司追營業額。一般來說會根據醫生的資歷，而去制定他們究竟需要幫公司找到多少錢。那麼究竟要如何知道醫生有沒有因為追業績而去叫你做一些多餘的測試呢？

其實真的要看你和那個醫生溝通，究竟他能不能夠說服你這個測試的重要性，坦白說，醫藥環環相扣，有一些測試在某一些可能性上的而且確是決定性的一環，不做那些測試，之後的路要如何走下去也比較難定向，有些醫生會想飾演「好人」，只要主人並不想花這筆費用，他們就會估計病情的發展，給予藥物或其他治療，希望他會好轉。當然，這個估算其實也是醫生的專業範圍之一，就是缺乏了實質測試就等於缺乏了證據，像偵探查案的那樣子，缺乏證據就只能推斷了，好處是幫主人省了錢，壞處就是如果推斷錯了，主人責怪事小，病情拖延了便事大了。

那麼我究竟要如何才可以知道醫生想進行的測試是不是真的合理呢？做了多年獸醫護士的我只可以給你們一個建議，入行吧，成為獸醫護士，抱着好學的心朝九晚八地工作，有疑問時便問醫生，幾年之後你所認識的一定會有所不同，我自己和你們分享的知識便是用我的生命、時間和血汗去換回來的，頭幾年連午飯的時間也要跟醫生討論剛剛看了的個案，放工後也上網找一些醫學文章去了解一下今天看了的個案，以及不斷讀課程、考證書，只為了解更多，可以從更加多方面去了解我喜歡動物醫療。

這個過程中，並沒有捷徑。

如果排除金錢的問題，那我想很多主人也會想做所有測試，但是一知道牽涉金錢之後，大多數人都會認為醫生在騙錢。如果主人有金錢考量的話，我建議一開始就和醫生討論這個問題：

你可以帶出你可以負擔的金額是多少，你也想盡力幫助這個小動物，但是可以負擔的只有這個金額，也想請醫生盡力幫忙；以及已經知道如果不進行某些測試的話可能不會太理想，但是真的抱歉負擔不起。

相信如果你有禮貌的表達這個重點的話，醫生和護士一定會理解的，因為始終每個人可以負擔的就不同。能夠留在這個行業中的人其實也是十分愛動物的人，他們可以十分不喜歡人類，對主人萬分不溫柔，但是對動物比人溫柔得多了。

希望這篇文章能夠幫到更加多想看醫生但是害怕醫療費用的主人，能夠有更多的寵物接受正確的醫療治療。

#滴藥預防疥癬蟲 #身體檢查 #獸醫護士 #預防勝於治療 #刺蝟 #香港刺蝟協會 #醫生 #濫收費用 #偏見

04/12/2021

《有關物品捐贈》
最近因為接收左幾隻刺蝟，好多有心嘅朋友都打算捐物資俾我哋，以下等我哋講一講我哋嘅物資使用：

1. 有關糧食
糧食對我哋協會來講係必須嘅，基本上如果已經開咗又或者得返一半其實我哋都唔介意，但係如果本身嗰一款糧比較少刺蝟鍾意食，我哋可能已經囤積左一定嘅數量，我哋就會將最新嗰一包賣出，用賣出嘅錢去買我哋當時最需要嗰一款嘅糧食。主要須要：Mazuri, Hikari, 黑糧

2. 有關底材
有關底材我哋之前都有出過post係需要嘅，呢一類型嘅必需品基本上我哋長期都需要，講緊係紙棉粒，carefresh, boxo 嗰啲。
其餘嘅貓砂，無論紙嘅定係豆腐嘅，又或者係專門比刺蝟嘅，我哋都未必會安排比小刺蝟，因為捐出嘅沙其實數量唔多，要知道教小動物去廁所或者適應一個新嘅廁所底才唔係一日半日嘅事，我哋比較難搵返同樣嘅底才俾佢日後使用，對於適應力高嘅刺蝟我哋都可以比，但係實質上佢哋只有一至兩隻，試問呢兩隻刺蝟用到幾多廁所底才呢？所以多餘出嚟嘅底才，如果係全新嘅話我哋都會希望可以賣出去，而用嗰啲錢去買紙棉粒，因為呢款底才柔軟舒適，而且吸味力強勁，誤食都能夠消化，仲唔驚吉到眼，對於有咁多隻刺蝟嘅我哋來講真係好好用。

3. 有關小窩同其他硬件用品

呢一類型嘅物品相對上面比較難消耗，佢哋都可以清洗及被重用，由於我哋嘅義工都好支持環保，仲用到嘅物品我哋就會希望修補，小窩就算污糟，有屎我哋都會用手清洗，消毒，然後再從用，直至到有破損或不能修補我哋就會棄置，但係看上去比較殘舊並非我哋使用時嘅考慮因素，因為其實動物根本就唔介意，介意嘅只係人類，而造成更多污染嘅亦都係人類。
而呢一類型嘅物品對於其他主人需求相對上比較高，佢哋會想幫刺蝟換新嘅物品，換其他款式嘅物品，而佢哋喺更換物品嘅時候有時亦都會想幫助其他被遺棄嘅刺蝟，呢個亦係我哋最初開始買賣呢類型二手物品嘅原因。
‼️‼️‼️我哋一定會確保我哋嘅刺蝟有足夠嘅物資，有狀況良好嘅物品使用嘅前提之下，先會將多餘而十分新淨嘅物品賣出，希望可以幫補吓我哋日常嘅運作。

希望各位主人或者捐贈者都可以理解，點解我哋會將某啲二手物品賣出，目的其實都係將資源轉化做另外一個模式比手頭上嘅刺蝟。

有認識我哋嘅朋友都知道我哋有四隻親善大使，基本上係進行活動時必須嘅存在，而我哋亦都有四隻已經超過兩歲半，未有人領養嘅刺蝟，加上幾隻等緊消息以及隔離緊嘅刺蝟，早晚餵食，清潔物品，底才，每月滴藥預防皮膚寄生蟲（因為不定期也有新來報到的刺蝟，為確保他們不會交叉感染而導致大爆發，預防是必須的）等等，成本其實也不輕。
接收到物資後，我們需要分類，清洗，拍攝，重新包裝，放到網頁，去到成功賣出其實當中我們也付出了很多努力。試問如果能夠成功賣出物品，就能夠賺到幾多呢？一大包的物資，就當200多元，就夠我們買一包比較大包的糧食，前提是我們能夠賣得出。

對於捐贈者我們有萬分的感謝，因為你們是確確實實的支持我們，而且付諸行動，但是如果介意我們將物品轉買的話，那就請三思🙏不過請了解這個其實亦是幫助我們生存的因素，香港百物騰貴，帶着他們一起的確不易。

最後，再次感謝一路以來幫助及支持我們的朋友，有你們的同行真的令我們覺得一路堅持也是有價值，別人原來也看到的，我們做的不是徒勞的功夫。哪怕接收到一個遺棄，其實對我們來說也是對方的一個肯定，雖然可能已經是因為走投無路，起碼你是因為信任才交給我們。

來年還有很多計劃，希望能夠逐一實行，明年的活動見🙆🏻‍♀️

#捐贈物資 #捐贈 #支持領養不棄養 #支持領養 #刺蝟 #香港刺蝟協會

27/11/2021

《有關領養 瑣事及提醒》
本篇文章對於想領養的朋友會是一個提醒，本來思前想後究竟應否發文，但基於我們亦想給大家緊貼我哋嘅工作，明白我哋工作中既難度同考慮，故亦決意出文。

本文沒有批評意向，筆者盡力以事論事，希望各位能夠理解。

今個星期我哋本來會批核一個年紀大嘅小朋友去新屋企，本來係一個開心嘅事，但係同新的領養者溝通過後，那怕佢已經買咗少量物品，我哋都選擇放棄計劃，綜合左幾個原因，將於以下列出：

1. 我們合資格的領養者一定要有21歲，之前的訪問已經解釋過很多次為什麼一定要21歲，不要跟我們說差幾個月，還未夠就是還未夠，就像你去其他有年齡限制的地方一樣，未夠就是未夠，那請你等待多幾個月才申請。如果負責領養的同事有懷疑，會要求領養者出示身分證過目，證明真的已經滿21歲了。

2. 如果年齡未夠的話，不需要再跟我們說家人支持你領養，我們是很現實的在考慮經濟狀況以及主人的自理能力，如果家人支持的話就叫家人去做功課，然後完成我們的測試再申請領養。因為如果他們支持的話，刺蝟在家他們亦是有責任，那就有責任知道飼養他們的基本知識。

3. 先預備好居住環境，再去接刺蝟回家是基本常識。我們有關領養的文章、以及領養須知也有提及過，不要給我們看獨立的物件，我們要知道的是刺蝟居住的環境是怎樣，給我們看獨立的物件基本上沒有意義。

4. 有關測試問題，真得基本到不得了。當然網上有很多不同的資訊，所以分數上我們也沒有要求大家有絕對的分數。問題的答案基本上是有10多本中外書籍，還有無數個網站綜合而成，大家看過的書我也有看，要不然怎麼能出題目、跟大家交流呢？我可能還要比大部份人勤力的是，付出左自己大多數的人生去了解他們更加多，認識更加多，除了不斷看書，不斷看新資訊，我連工作也要和他們搭上關係，務求知得更多，更加熟悉。不要再跟我們爭吵分數的問題了，沒有騙你，真的有不少人70分以上，沒有一半也有四成，那你就要問問那些人為什麼能達到這個分數，而你只是在這裏找理由了。

5. 我們是香港刺蝟協會，香港的母語是廣東話，所以廣東話當然會優先。不是英語不行，我的工作環境中也有數年時跟大多數外國人相處，但是我就是喜歡我的母語。我們的測試也有英語，但是有關領養資訊仍然是中文，如果你怕因此不合格的話就麻煩用Google Translate。但是我們其實仍然是有外籍人士取得80分以上的，所以請自行斟酌了。（本篇稍後會有英文version發佈於網頁）

良好、正向的溝通是很重要的，始終領養應該是一件愉快的事情。將心比己，如果你是批核者都會想找一些溫和有禮的領養者。對於急躁，不斷查詢，不斷詢問一些之前文章已經有提及的問題，基本上大部份義工都會避之則吉，懷疑這類人是否有耐性和被遺棄、比較怕生的動物相處，更甚的是會考慮究竟他們是否適合飼養動物。

希望本篇文章能夠幫到想領養的朋友對於我們的批核過程有進一步的了解，感謝各位支持領養。
（圖片並非當事刺蝟）

香港刺蝟協會
創辦人 Zofeya 字
Nov 2021

#支持領養不棄養 #老有所依 #老有所依 #刺蝟 #香港刺蝟協會

20/11/2021

07/11/2021

多謝你帶隻小可愛過嚟探班🥰

05/11/2021

30/10/2021

聽日就係我哋嘅萬聖節活動啦👻👻
各位報咗名嘅朋友準備好未呢😼😼😼

#萬聖節

08/10/2021

《天雨關係，所有檢查將會取消》
由於天雨關係，⛈⛈⛈
咁大風大雨其實真係唔適合帶隻動物出街～
知道大家啲appointment好難先預約到返嚟，
但係安全理由，如果未來三日出現：
紅雨，黑雨， 3號風球或以上風球的話，
所有身體檢查、沖涼、剪指甲、及滴藥將會全部取消，
請大家主動同我哋改返appointment～
如果黃雨及1號風球，天氣唔係真係咁差嘅話都可以繼續，但係對於比較細膽嘅刺蝟我哋都會建議你改期，費事更加嚇親佢💥💥💥

感謝大家支持🙆🏻‍♀️🙆🏻‍♀️

#打風 #安全至上 #改期 #3號風球 #紅色暴雨 #紅雨 #身體檢查

30/09/2021

「姑娘我可唔可以上嚟睇啊？」「下乜唔係有得上嚟睇咩？」「我想睇住我寶貝所有時刻啊！」「點解唔可以上嚟啊？」
冇啊！冇得睇啊！🙈🙈🙈講咗係私人地方啦！白紙黑字寫到明㗎啦！唔好詐詐諦，唔好側側膊，唔好扮冇睇！

嗰度係我。屋。企！我唔俾你上去都好合理姐係咪？

我一個星期做十幾20隻，我唔係每個星期要比二、三十人上我屋企呀？我做義工姐，邊個會做義工做到開自己屋企比人哋參觀啊？我已經做義工做到將自己屋企俾埋個協會😂呢個已經係我底線

激死人呀你班人🤣🤣解釋到我斷氣🤣🤣🤣

如果你係純粹痴纏既話，怪獸家長，麻煩你學識放手🥸
如果你係覺得冇信任嘅話，麻煩你搵個第二位，因為我做嘅嘢絕對對得住我嘅專業，真係做咗八年珍禽異獸護士，考咗好幾張證書，仲有寵物美容牌，並唔係隨便行出嚟一個姐姐同你摸吓隻刺蝟（雖然我真係着得好casual）

基本上如果約咗幫刺蝟沖涼嘅話要放低俾我一個鐘，已經包左nursing check（會check啲乜嘢？去睇吓個check list啦：https://www.hedgehoghk.com/aboutpreventskinparasit

一個鐘頭之後基本上可以接返～見返你心愛嘅小寶貝啦
我多數都會影返相俾主人睇嘅，但係始終我一個人得壹對手，如果刺蝟本身唔係太合作嘅話我就唔會有第三隻手去影相📸️📸️😂臣妾真係做唔到呀👸🏼一隻手抱住佢一隻手剪指甲邊有第三隻手影相呀🤣🤣

有唔明當然可以問，但係如果你問嘅嘢係我下面個list入邊，我就淨係會cap圖圈俾你睇😌
唔係我冇禮貌，而係太多人咁樣問，
而我已經寫得好清楚🥲我已經解釋到好攰😂😂😂
我會用多餘嘅時間用嚟同協會入邊啲刺蝟玩🦔🦔✌🏻
再次多謝你哋支持🙆🏻‍♀️🙆🏻‍♀️🙆🏻‍♀️

（呢篇文章係特登為咗部份嘅主人而設，因為人數真係唔少，其實真係要搵一篇文講清楚，如果我send咗呢條link俾你地希望你哋唔好hard feeling🙌🏻

其他嘅主人你地全部都好好呀☺️☺️好乖好有禮貌又好準時☺️☺️姑娘愛你哋～🤣🤣🤣

#刺蝟 #身體檢查 #滴藥 #預防勝於治療 #沖涼 #剪指甲

26/09/2021

24/09/2021

🔥荃灣愉景新城分校限定🔥

🔅🔅🔅十月動物工作坊🔅🔅🔅

🦔🦔🦔呢隻係刺蝟定係箭豬？啲刺會唔會「吉」親人？
刺蝟食咩㗎？難唔難養㗎？
嚟緊十月，小小科學超人邀請咗香港刺蝟協會嘅刺蝟博士和小朋友一齊玩一齊學。
小朋友可以近距離接觸同餵食可愛嘅小刺蝟～
爹啲媽咪仲可以同小朋友一齊上堂添！👨‍👦👩‍👧

💡💡💡工作坊詳情💡💡💡

🎯目的：透過小組教學，講解動物特色和習性，讓小朋友對動物有更深入的了解，從而學懂愛護小動物，尊重所有小生命，建立人類與大自然的和諧共存關係 🌍

🗓 可選日期：3/10 、10/10 或 17/10 （星期日）

🕒 時間：（45分鐘/節）
下午12:40-1:25
下午1:30-2:15

💲經費：（可由一位成人陪同）
👩‍🔬👨‍🔬新生$300 （即場報讀恆常課程可扣減$100 學費）
🧑‍🔬👨‍🔬舊生$250

💡50%報名費用將捐贈香港刺蝟協會作肋養被遺棄的刺蝟之用，助人自助
⛳ 活動：認識刺蝟和領養概念，零距離接觸刺蝟，餵食和合照。

☎️ 查詢及預約報名 60828020
活動相片可能會作廣告用途

22/09/2021

《扮鬼扮馬刺乜鬼 - 刺蝟聚會》
大家期待已久嘅刺蝟聚會返嚟啦⭐️⭐️⭐️
由於疫情問題原本兩年前已經想舉行，延期去到今年，大家係咪等到頸都長呢🦒🦒🦒
今次活動我哋都會喺旺角嘅party Room舉行，
會有刺蝟交流時間，心得分享同埋幸運抽獎🎁

⭐️活動設有少量名額比冇刺蝟嘅朋友參加，
等佢哋都可以同我哋一齊分享吓養刺蝟嘅樂趣啦😎

⭐️現場設有Halloween刺蝟服飾，係由我哋嘅義工親手做㗎！即場購買同其他刺蝟一齊扮鬼扮馬啦👻👻👻

⭐️我哋仲設有親子裝，等你同刺蝟仔一齊感受節日氣氛😎（冇養刺蝟嘅朋友都可以購買，一齊玩下啦）

⭐️幸運大抽獎：除咗有刺蝟用品之外，更加唔少得佢哋嘅精品啦😏😏仲可以即場交換禮物添

⭐️由於檢疫問題，所有刺蝟入場都需要比姑娘檢查咗先可以去交流，除非過去三個月有睇過醫生，有醫生紙同記錄作為證明，否則為確保其他刺蝟嘅安全，一定要檢查咗先啦👩‍⚕️👩‍⚕️👩‍⚕️費用將會為平日身體檢查同滴藥嘅九折～

⭐️今次活動會邀請兩名義工幫我哋手點名，分配飲品，維持秩序，為咗答謝義工嘅幫忙，
‼️‼️參加費將會半價‼️‼️
咁抵玩，我點樣先可以做到你哋嘅義工呀？
1. 義工當日唔可以帶刺蝟入場，因為會無暇兼顧
2. 獸醫學生優先
3. 有照顧動物經驗優先，因為可能要幫啲動物維持現場清潔（當然主人絕對有責任）
4. 需要早大約半個鐘頭左右入場，幫手佈置
有興趣做義工嘅朋友快啲PM我哋啦，得兩個位㗎咋～

想參加嘅朋友唔好錯過啦🤩🤩

日期： 2021年10月31日
時間：下午三點至六點
地點：旺角
名額：30人
費用：成人$250，12歲以下小童$198
（包括兩盒紙包飲品）
刺蝟身體檢查： $100，滴藥$40 （再九折）
⭐️按政府指引，所有參與者必須有安心出行
⭐️有打齊疫苗嘅朋友請帶針咭
⭐️有興趣參加嘅朋友請喺呢兩日同我哋報名，過數核實（可接受PayMe或者FPS)，因為我哋要book場留位🙏🙏想參加嘅朋友快啲PM我哋啦🙆🏻‍♀️

21/09/2021

又到一年一度嘅中秋節啦～
我哋喺度衷心祝大家人刺兩團圓🦔🦔🦔
記住今年都要玩得安全啲啊～
❌煲蠟
❌將柚子皮擺喺刺蝟度
❌食太多月餅
❌餵刺蝟食月餅🥮

#刺蝟 #中秋節 #中秋節快樂 #人月兩團圓 #人刺兩團圓

17/09/2021

最近知道有繁殖者買咗好多隻刺蝟，
咁啱尋日連續三隻都係同一個繁殖者度買，
一隻就肯定有疥癬，一隻就似乎有，另外一隻雖然唔似有，但係都一樣滴左藥啦～
有病醫病，冇病就做返基本預防，始終預防勝於治療啊

見到小朋友係咁坳痕，又唔想睇醫生住
就快啲預約我哋啦～
當然如果姑娘檢查完都係覺得有問題，
真係冇辦法都會叫你去睇醫生㗎啦～

九月預約已經差不多滿晒啦，想預約嘅朋友就快啲啦

#身體檢查 #香港刺蝟協會 #皮膚病 #寄生蟲 #預防勝於治療 #刺蝟 #預約爆滿 #獸醫護士 #奇珍異獸獸醫護士