14/01/2021
" Lai Ar( Indigenous Chickens) ningcang tein zuat in Innchungkhar phaisa hmuh nak karh ter hna uhsih "
Lai Ar (Indigenous Chicken) cu ramlak a vakvai mi saram in innzuat sattil zuat mi saram ah an rak hman hi AD phak hlan k*m 1500 te in Taluk ram ah an rak zuat cang tisi .Ar saram phun hi India , Sri Lanka le Southeast Asia pawl ah an rak hmuh hmasa ti a si. A hnu ah fimthiam nak a sang cang mi ram pawl nih research tuah in ar phun an sanh ii Layer( ဉစားကွကျ ) , Broiler ( အသားစားကြက်) tbk a rak chuak.2007-2008k*m cazin ah Kawlram um ar 107.4 billion um i 91.87 billion( 85.74%) cu *lai ar ( Indigenuous chickens) a si . Kawlram um minung 70 % hi khuate lei um mi an si ii 85.74% lai Ar cu khuate pawl zuat mi deuh an si .Khuate lei an zuat mi tamdeuh cu zan an riahnak inn an sernpiak nak ah an riak i chun ah an thlah tawn . Inn khat ah tlawmpal cio lawng an zuat cio tik ah mah ei khim tluk , arti tlawmpal zuar khawh le a caan ah ar tlawmpal a pum in zuar tluk lawng a chuah pi . Cuhlei ah an herh mi rawl tling ten pek khawh lo , zuatdan tthat lo , zawtnak le a dang dang ral in kilven khawh lo ruang ah a karh khawh zat in a karh lo .
Lai Ar (Indigenous Chicken)phun zeizat dah a um ?
Vawlei cung ah a mah le hmun cio in a phun tam pi a um. Ar phun an tthen tik ah ar a chuang le khador , a hmul le ar a pum zoh in an tthen .
Kawlram ah hmuhkhawh mi ar pawl cu Teik cet( တိုက်ကြက်) , Hngawngkong ( လည်ပြောင်ကြက်) , Sit Ta Kaung ( စစ်တကောင်းကြက် ) , Ar Tau or Cet Teing Ngin( ကြက်တိန်ညင်) , In Pin Wa ( အင်ပင်ဝ) , Shwe Ta sawk ( ရွှေတစ်ဆုပ်) , Long Tii ( လုံးတီး ) le Tawng Pian ( တောင်ပျံကြက်) pawl an si.
*Lai ar an timi hi စစ်တကောင်းကြက် timi hi si men lai tiah ka ruah .Fian a fawi nak ah a huap in Lai Ar tiah ka rak hman lai .
" Ar rawl "
Lai ar zuat tik an tthan tthatnak ding ,an ti tit tthatnak le an sa a khah ding ah ar an pum nih a herh mi rawl(nutrition) tling ten pek a hau. Mi tam kan ruahnak cun zingrawl pek hnu kan thlah ii an mah ten rawl an I kawl tik ah an herh mi rawl(nutrition) a bau theng lai lo tiah kan ruah . Asinan kan pawngkam ah an herhzat hmuh kho ding rawl(nutrition) a um lo. An pum nih a herh mi rawl(nutrition) simi Protein,Mineral,Vitaminle pawl le tithiang pek khawh lawng ah an ngandam nak, a ci karh nak le an k*m zat in an tthang kho lai.
" Ar Inn "
Ar inn sak piak tik ah ar pawl zalawng tein an um khawh nak , ceunak ttha ten hmuh khawh nak , thli lut-chuak tthat nak , a ro (dry) , inn thianhlimh fawi ding le an riahnak aa rem ding sak piak a herh .Cun , ti an tit nak , an tlumh nak le ar pifa rual chiah nak tiang ttha ten ser piak a herh .
" Arci kan karh ter tik ah "
Ar khong pakhat ah arnu a tambik pahra tiang chiah tti khawh a si.Asikhawh cun Arkhong pakhat ah arnu pariat chiah piak hi a ttha bik cu a si . Cu arkhong le ar nu chiah tti cu a tam bik k*m hnih tiang lawng chiah tti ah a ttha .Aruang cu inbreeding( a ci aa naih mi in hrinsor ter leng mang ) tik ah a hnu chuak mi ar ci an ttha ti lo.
Ar nu pakhat nih voikhat tlumh ah arti 15-20 tiang a tlumh tawn.Voikhat tlumh ah ni 21 a rau . Arfa keuh zat cu arpi nih a tlumh dan le ar a tlumh nak hmun in aa thlau kho .
"Arfa zohkhenh"
Arfa an thih lo ding ah arfa pawl cu an humhim nak, a lum nak le a thianghlim mi pawngkam ah chiah an herh.Cuhlei ah a pawpi nih a rial kho ding mi rawl pek a herh.
" Ar zawtnak "
Lai ar a man a fak nak a ruang bik cu k*mfatin ar pur a tlun tik ah ar tampi a thi dih tawn.Cu tik ah lai ar a tang mi hi a tlawm ngai .Cuti a tlawm tik ah lai ar man cu a fak chin leng mang . layer ( ဉစားကွကျ ) 7000kyts le broiler (အသားစားကွကျ ) 9000kyts hrawng an si ah lai ar cu a tlawmbik 10000 in 15000 kyts a si .
Ar ah a cang tawn mi zawtnak a huap in kan zoh tik ah ; Virus ,
Bacteria ,
Parasite ,le
fungus ti mi pawl an si .An zawtnak a ruang cio zoh in I khamhcia nak (prevent )le damh nak(Treatment) tuah a herh .
Ar rawl(Nutrition) , Ar zawtnak Kong fiang deuh in ka rak ttial tthan te lai .
Upat nak he ,
Dr.HungBuNing
