Ikram pet cemetery offers your pet a decent rest place,where you can give your pet a last dose of yo
26/08/2020
👈المعلومة اللي في البوست ده مش مبنية على نظريات علمية و لا على تجارب معملية و انما مبنية على تجارب شخصية. البعض قد يكون مر بموقف مشابه و هايحس ان الكلام صحيح و البعض ممكن يستغربه جدا. لكن يعلم الله ان ما يلي تلخيص لمواقف حقيقية.
👈خلاصة التجارب الشخصية دي بتقول ان الأليف🐾🐾 بيعرف موعد رحيله مش بس كده، ده كمان بيختار الوقت المناسب له و لصاحبه. الأليف ما بيختفي من حياتك فجأة. لو فقدت أليف فكر شوية في تسلسل الأحداث اللي حصلت قبل الوفاة ، ممكن تلاحظ ان اول اشارة كان بيبعتهالك ان وقت رحيله قرب بدأت من شهر او اكتر، و لو فكرت في يوم الوفاة نفسه هاتلاقيه انه كان يوم اجازة او فترة اجازات زي ما يكون بيختار الوقت المناسب (مش علشان ينكد عليك لا) علشان يكون عندك وقت تمتص صدمة الفراق. احد القصص اللي وصلت لينا عن الموضوع ده بتحكي ان الأليف اختار فترة اجازة صاحبه و كأنه كان عارف ان صاحبه هاينهار و هايحتاج فترة على بال ما يسترد نشاطه و يقدر يرجع لشغله. طبعا العلم عند الله و لكن لما الموضوع يتكرر مع اكتر من شخص اكيد بيكون له معنى و معنى كبير كمان بس ما بيقدر يوصل للمعنى ده غير اللي لاحظ و اتأكد ان ترتيب الأحداث لا يمكن يكون صدفة و التجربة خير برهان زي ما بنقول.🐾 رحمة الله على كل الأرواح الأليفة الطيبة ...🐾 ابدا ما بننساهم🐾💔🐾
لو حصل معاك موقف مشابه يا ريت ما تبخل بمشاركة تجربتك يمكن مشاركتك تصبر قلب💔 حزين على فراق أليفه🐾🐾
16/08/2020
لو تعرف حد أليفه انتقل لرحمة الله واجب تعزيه ... هاتستغرب و تقول "اعزيه في قطة🐈 او كلب🐕"... هاقولك ايوة ... و كمان تخلي بالك و انت بتقوله "البقاء لله" اذكر اسم الأليف "روكي" او "بيلا" لأنه بالنسبة لصاحبه مش مجرد حيوان ... الأليف بيصبح عشرة و فرد من العيلة... الأليف حتى لو خربش كرسي او عمل حمام على السجاد عمره ما بيعمل ده عن خبث او ضغينة بعكس البشر اللي ممكن نزعل و نشيل من عمايلهم... الأليف ونيس لما بيروح للي خلقه فراقه بيبقى صعب قوي 💔... روتين الحياة بيبقى ناقص و غير متوازن لفترة طويلة لأنه كان جزء منه... لو تعرف حد أليفه اتوفى ... خد بخاطره و اتحمله لأنه فقد عزيز و غالي و هايحتاج وقت علشان يتأقلم مع الوضع الجديد...
Be the first to know and let us send you an email when Ikram pet cemetery posts news and promotions. Your email address will not be used for any other purpose, and you can unsubscribe at any time.
