Pure.t 淳

31/01/2021

咁就11年喇

25/01/2021

我想話… 多謝大家支持！

貓貓利是封响24小時內全部售罄 - 多謝各位善心人，無言感謝

23/01/2021

**** Update: 24小時內全部已售罄，痴鬼線ga你地，多謝大家支持，先代所有將會受惠嘅浪浪多謝每一位幫手like and share 同支持嘅人

31/01/2020

眨下眼就十週年
身兼數職確係顛
壓力來自東南邊
幸得客人送好言
鼓勵說話信心添
儘管身邊多意見
被說愚笨不愛錢
堅持佛系大笨店
拒絕跪低鞋油獻
揀客揀到唔比面
十年堅持真心善
關愛動物要行先
健康寶寶笑在臉
客人感動受感染
出錢出力齊行善
初心未忘從未變

10年，人生能幾多個10年？(其實呢句係咪指定對白？)

感謝一路與我同行嘅你地，你地大部份都與我一路走了10年，見證我一直於診所、pure.t和作為ooo媽媽三職中遊走，從無停過落嚟，見證我痛失5隻豬寶寶，見證我由二變一… 全部客人都如好友般，見證我嘅一切。

抱歉响過去兩年我不停的失蹤、不停推你地唔接job，讓你地等了又等。因為在診所嘅工作同ooo媽媽兩邊都沒有喘息嘅時間，往往即使多不在狀態多麼需要休息，只要一夠鐘上場就要做到滿分，唯一能有option say no 的，就只有你地。

感謝你地一直寵著我，你地從來沒有投訴、沒有找其他姐姐，一直的同我講 "anytime, any day, 只要你okay", 沒有助手嗎？你們提供姐姐，或者，沒有姐姐嘅就自己請假來做我助手。永遠都有紅色可樂/檸檬茶招待我，即使你地屋企從來都唔飲凍飲品。午飯時間提供午飯，下午有下午茶，晚上來的有晚餐，就是怕我吃不夠。

感謝你地話我知，一直嘅忠心係因為daffy 係pure.t 嘅daffy, 並唔係因為我係任何診所嘅護士，反而95%嘅你地都因為我離開診所而為我感到解脫和高興，有人仲話："咁終於易啲book到你啦 XD"

即使有些寶寶們都全部已離開，你地依然如好友般關心，常說："感恩當時有你".

pure.t的10年，雖然係極奇怪唔入主流唔肯亦無乜宣傳勁佛系嘅一個大笨店，但10年所交嘅真心愛動物嘅朋友、毛孩子，無枉過。

願大家都珍惜身邊人、眼前毛孩子。
一句愛你，很難嗎？

慶幸還活著就好，大家都要身體健康。
齊上齊落，一個都不能再少。

Love you all, 我才感恩遇上你地每一位

23/08/2017

縱使10號風球，已做足準備，風雨不改，約定了嘅furbaby我地係唔會失約，仲有額外定驚抱抱服務 😍😍 貓貓唔比我離開半步

23/08/2017

T10.... 如果你見到小動物响度避風雨，希望唔好驅趕佢地。

風雨下揾食艱難，無家人保護嘅小毛孩只求溫飽生存，請包容佢地 ❤風雨平靜後，佢地就會離開呢。

而响屋外放養的，請比佢地入返室內或提供避雨地方。祝願街外嘅小毛孩都揾到個安全嘅地方渡過呢場風雨 ❤

#快啲落波啦 #祝願所有街外毛孩平安

12/01/2017

今日cat sit時突然聽到爆玻璃聲，查看之下原來客人家裡嘅廁所一塊小鏡仔跌咗落地爛咗，碎晒响貓砂盤前。

好在今日自願逗留多幾個鐘頭陪兩隻豬寶寶，因為家長今次離港有啲長時間，每日都盡可能就陪佢地耐啲。如果未能在現場即時清理，佢地出入貓沙盤難免有可能踩到玻璃碎。

我自己個人對 寵物+玻璃碎 呢個組合係非常paranoid的，已經即時清理現場，重覆檢查再檢查，仲要親自徒手掃、摸、印地下每一吋先安心。張相未必睇到，但確實有好多細小嘅玻璃碎散落週圍。

我估係天氣潮濕而導致個吸盤鬆落，所以想提一提大家如果屋企都係有呢啲潛在危險要小心留意，希望能夠提防家具小意外，保護愛寵😍

14/10/2016

HOCC [Dear Friend, ] 演唱會順利响過去嘅週末完成了。之前Pure.t 淳 集體獨家贊助嘅演唱會飛已經全部比有心人响 "原價義賣幫動物"嘅活動認領晒。雖然活動反應唔係好熱烈，但有心人們都同我分享咗佢地關愛動物嘅事：

有領養繁殖場救出嘅動物﹑每月捐助動物團體﹑有响路上執到落單貓bb救起並給與醫療同照顧… 其實我地每人行一小步都可以以我地嘅能力去用唔同方法來給動物一點愛。

今次小店pure.t作出呢個集體贊助決定，識我地嘅人都知我地從來都好少宣傳﹑亦响近呢一年因為健康問題而減少咗好多工作甚至停頓了，贊助金額絕對不多但得來不易，但內裡意義係遠遠大於金錢能買到的。而好明顯呢個小額贊助响真實上又好值得喎：除咗能夠支持HOCC支持有種小眾小店﹑集合咗300多個有種善良單位創造了"不可能" 之外, 當中10% 亦撥到十八種香港社企基金﹑而我地因贊助而得來嘅飛再義賣籌得總共$3280 ﹐亦將會全數用來買糧食交比照顧流浪無家動物嘅獨立義工與毛孩們分享，然後大家仲有得一齊睇演唱會… 咁有意義嘅演唱會飛，真係多謝你地支持佢地同我地。

四場演唱會過後，留下係無比嘅力量同感動。四晚裡面有好多好多位dear friends散落唔同嘅角落，希望每一位都帶住希望﹑堅定﹑善良﹑大愛﹑欣賞尊重他人嘅種子，帶返去自己崗位裡繼續培育同散播。即使週遭已經一片黑暗，但用心的話就不難發現其他被埋沒咗嘅色彩，無處不在。

好inspiring好powerful嘅一個dear friend團隊，感謝每一個參與其中嘅人，包括台前幕後﹑每一個入場嘅觀眾… 一齊繼續相信希望﹑相信善良，無忘初衷﹑對自己忠誠，勇敢擁抱親愛的黑色，加油 ❤

#集體獨家贊助
#是有種人自創無數可能 #支持領養不棄養 #相信想像相信希望
#無忘初衷 #失去或黑暗並不可怕
#我相信總有些大人物坐迷你上路

HOCC Goomusic Goomusic主辦－【Dear Friend,】何韻詩2016演唱會 十八種香港

13/10/2016

記得pure.t當年開業時，其實都無乜諗住宣傳嘅所以係咁二只印咗少量嘅傳單，有自己親自派過﹑亦有放响店外。記得第一晚派比一堆放狗街坊，比佢地圍起串笑我地唔知deng咁，嚇一嚇之下我地從此無再派過傳單，後來先發現原來佢地係隔離街寵物美容店嘅人… 然後我地嘅傳單晚晚都比人偷晒。

從此我地就無再做過任何宣傳，亦慢慢發覺我地想做嘅宗旨，原來唔係好多家長識欣賞。香港人要快快快快到連想同佢地傾下了解下隻動物都嫌你煩，好多嘅佢地要fancy 野﹑要名氣﹑要水流式咁快﹑要即興等等，無咩人識得去欣賞我地嘅作風。

End up我地決定唔要隨波逐流，只做有心有緣人，無謂再花時間去討好一班其實佢地去邊度沖涼剪毛都覺得一樣嘅客人。我地一直無咩做宣傳，多謝各位賞識，我地嘅客人都係一班最好﹑最懂得尊重嘅家長，我地個page都係因為做咗dear friend集體獨家贊助先即刻set up返。
因為亦要穿梭診所同義groom工作，我地時間好寶貴，所以一直堅持啲時間只留比最需要我地嘅動物同認同+尊重我地理念嘅人。

講返個傳單，真係好老土又肉麻架啲內容。我記得我寫咗我地有十心級服務：
愛心﹑細心﹑良心﹑關心﹑稱心﹑耐心﹑善心﹑熱心﹑專心同責任心。做了咁多年來發現，原來我漏咗寫最緊要嘅心 - 同理心。有同理心，就已包含以上好多嘅心，再加尊重。識我地嘅就知，呢啲咁老土肉麻嘅就係我地嘅形容詞。

"將心比己，將愛延續。"
而家簡而清，堅定嘅初衷，縱使困難重重，但從來未變過。
❤

by the way 介紹返，其實我地轉咗型主力做貓保姆，已極少再接寵物美容，多謝收睇🙈

Don't judge, give your friend a hug.
同理心係好重要，講完。

29/08/2016

***** *****
HOCC [Dear Friend, ]演唱會四場爆滿，大家買到飛未呢？身為集體獨家贊助其中之一，我地係有少量飛準備原價義賣，不過一貫我地嘅宗旨，想借呢個機會傳達下好人好事關愛動物嘅訊息。義賣全數會購買糧食比獨立義工餵飼流浪無家嘅動物。

*****************
參加方法：

1: 送個Like比我地個page

2: 响呢個post度留言分享一件你近期對動物做過嘅好事，不論大小事﹑對象係有家無家野生嘅動物都可以，分享下等多啲人知道其實我地隨時隨地都可以出一點力去幫身邊有需要嘅動物。

3: 一共會義賣5張飛：$680x2, $480x2 同 $480x1 三個組合(留言可以留埋你prefer邊個組合，雖然未必match到)

4: 活動時間由即日開始，會選出三組感動有愛嘅朋友獲得義賣機會，20/9之後我地會逐一通知獲選者。

5: Pure.t擁有活動最終決定權。

就係咁，愛動物又想去支持HOCC今次嘅演唱會，快啲行動啦 😍

*****************

** 我地嘅服務未必個個即時都用得著，亦唔係你話想支持集體獨家嘅小商戶就可以即刻幫襯… 所以like咗先啦，當你地或身邊將來有人需寵物保姆/護理服務時請記得我地就係支持了啦 😍

** 請唔好因為純粹想要飛而騷擾流浪貓狗或作任何放生行為(其實係殺生) 呀呀呀呀，希望明白我地嘅理念。

** 如果諗唔到有乜可以分享，比個提示丫不如就呢兩日約班朋友去食素，然後成班朋友又可以一齊Like一齊參加喎你話係咪very good idea呢 ╮(╯▽╰)╭

** 請體諒我地係原價義賣而唔係送飛，因為我地希望能夠將成件事變得更有意義 😍

#真心嘅朋友最抵讚
#一齊分享好人好事
#可能可以感染到身邊人

#支持領養不棄養
#全數捐出一齊換罐罐比無家動物
#機會係留比真心睇字嘅人

期待大家留言，齊齊有種撐小眾分享好人好事！

HOCC Goomusic Goomusic主辦－【Dear Friend,】何韻詩2016演唱會

20/08/2016

昨日 HOCC "Dear Friend," 加場嘅優先訂票又hom 一聲全部售磬, 你地買唔買到飛呀? 如果未成功就8月26 號公開發售再努力!
今日出返太陽，要keep 住有希望 😍
Happy Caturday!!

落咗雨咁多日濕det det, 今日終於見到吓太陽喇!
Happy Caturday!

Yay! 銀芽!!!

12/08/2016

爆滿！爆滿！恭喜HOCC 同成個團隊!
8成飛公開發售3小時售罄！！！真正爆場！感動！

香港人要相信希望，相信自己嘅可能性，重重困難下只要團結，收起怒怨轉成動力，打破傳統框架行第二條路都係可以成功的。火柴雖小但團結起來就可以變成光火照亮黑暗。

每一位買飛支持嘅朋友，就keep 住呢團正直勇敢又善良嘅心，好似蒲公英咁飄散落每一角落，繼續發掘响沉重嘅一片黑之下被埋沒了嘅各種色彩，包括你地自己嘅善良一面，yayy!! 呢件事唔只係HOCC 個concert, 個意義係可以apply on everywhere, everyone.

"我從地平綫爬上來
不管縫隙多麼的狹窄
用盡全力愛我所愛
默默的推翻了﹑顛覆了"

"我相信總有些大人物坐迷你上路"

So proud of you ☺

P.S. 如果真心支持同明白成件事嘅，希望唔好買黃牛﹑唔好買黃牛﹑唔好買黃牛。感謝！

【果斷加場！】

兩場於三小時內爆滿，一票不留，遠遠超出預期，萬分感謝大家！

經過幕後團隊一輪討論及分析後，為免大家要再排多幾次隊，
為杜絕黃牛，為咗確保人人有show睇，
我地決定唔拖拖拉拉，唔玩懸疑唔玩一加再加，
一次過，坦蕩蕩，迅速加開最後兩場！

兩萬幾張飛，再次全部交到大家手上！
希望我地無推斷錯誤，四場紅館，靠曬你地！
幫我再掃曬佢！

詳情下個禮拜公佈，
會有變陣措施，盡量希望大家買得順暢，
請大家耐心等候資訊。

11/08/2016

這群人不曾同台
偏偏不陌生
分途來修行
發著貼心聲音

有種贊助 + 貓貓 😍
聽朝10am 開賣門票啦 😍

仲有多謝各位有種贊助，一齊創造紅館歷史！

特別鳴謝兆基創意書院租出場地。

10/08/2016

好感動能夠出一點綿力去參與❤ 當晚大家第一次見面，互不相識，但一啲都唔陌生。見面都會微笑點頭，好窩心感動。多謝各位有種人，要繼續相信想像﹑相信希望﹑相信善良。

"希望就在黑暗中。"

仲有要多謝100毛 😍

08/08/2016

[感動分享] 相中呢個moment, 充滿愛同勇氣。

貓貓確診腎衰竭，需要每日打皮下水，卻又踫巧意外令打皮下水嘅位置受傷了有個大傷口。對於突如其來的一切，對於完全沒有經驗處理傷口和打皮下水嘅家長係有啲overwhelming. 我地完全明白，it is when we step in to help.

我們都經歷過做一個零經驗嘅家長，對於面對患病嘅小寶貝，每一步都係一齊學習。當中嘅無奈﹑無助﹑壓力，並唔係响網上問幾句睇文字就可以完全幫忙舒緩。

動物係我地老師，而佢地通常會對自己家長特別嚴厲(即係恰佢地囉 ╮(╯▽╰)╭), 經過一個禮拜嘅示範﹑鼓勵同在旁協助，勇敢嘅爸媽終於攜手成功响無人幫助下自己完成任務。

呢個時刻，我地只在旁感動微笑。

有時响診所教家長打皮下水，其實只响短時間內要接收咁多information, 家長嘅心情﹑對針/血有無恐懼等等，都影響佢地返到屋企點樣處理。對於我地嚟講可能係common sense嘅每一個小步驟，必需要耐心地將心比己﹑切身去了解隻動物同家長嘅需要與心情，先能做到將對各位包括貓貓嘅stress level都盡量減到最低來完成任務。

二人一貓，你地係互相扶持到老嘅隊友，要好好加油，you are not alone ☺
無條件嘅愛係絕對能夠克服任何恐懼/事的，great job!

Thank you for trusting your paws in ours. ❤

08/08/2016

"希望就在黑暗中"

明天星期五（8月12）早上十時開售！

【Goomusic主辦－何韻詩2016演唱會】

{Dear Friend, }
何韻詩2016演唱會
HOCC LIVE IN HK COLISEUM

Goomusic主辦
紅磡香港體育館
2016年10月8日，10月9日
時間: 晚上8時15分
$680／$480／＄280
門票8月12日於城市售票網公開發售
電話購票: 2111 5999
網上購票: www.urbtix.hk
票務查詢: 3761 6661

……………

在遊戲之外，開一個派對，
在規條之外，流一次汗，
在常規之外，做一些反常。

白不一定相對黑
常規不一定相對失常
朋友不一定相對敵人

在「真實」太多的紛亂中
找到超越對立的力量
看見黑色裡面，那顏色的總和。

希望就在黑暗中。

……………

主辦／製作：Goomusic
出品人：何韻詩
監製：麥婉欣／何秉舜／何韻詩
音樂總監：何秉舜@goomusic
創作總監：畢明
美術總監：文念中
舞蹈總監：High King@OnestoWatch
演唱會服裝設計及形象總監：Silvio Chan and ALTERNATIF
統籌：Jelly Cheng@goomusic

樂隊成員:
Band Leader/Keyboards: 何秉舜@goomusic
Drums: Stephane S. Wong, Heihei@gdjyb
Bass: CM groovy
Guitars: 英師傅, Mike Orange
Programmer/Keyboard: 李端嫻，Kiri Tse@goomusic

舞台設計：周貞
燈光設計：蔡頌倫
燈光提供：Max Production Ltd.
音響設計：蘇宏業
音響鑑聽：Soloan Chung / Gene
音響及樂器提供：Miso Tech Co. Ltd.
錄像設計：華蓮戰隊
髮型設計：Ben Lee private i
化妝設計：Hubei Har
海報概念：文念中／麥婉欣
海報設計：AllRightsReserved
海報攝影：Rex Tsui Photography
海報特技化妝：陳嘉偉Gary Chan
贊助統籌：Bonnie Pang，小丁，Monica Wong
統籌助理：Canaan Fong

集體支持：叱咤903
內定電視台： 毛記電視

文案： 畢明 budming／ 鄧小樺 TANG SIU WA
特別鳴謝：集體獨家贊助

07/08/2016

香港人/有種小店集體贊助 ☺ 好靚 ❤

明天。

01/08/2016

大颱風嚟緊，如果你見到小動物响度避風雨，希望唔好驅趕佢地。

風雨下揾食艱難，無家人保護嘅小毛孩只求溫飽生存，請包容佢地 ❤風雨平靜後，佢地就會離開呢。

而响屋外放養的，請比佢地入返室內或提供避雨地方。祝願街外嘅小毛孩都揾到個安全嘅地方渡過呢場風雨 ❤

20/07/2016

多謝成個 HOCC 團隊不停趕起有種小店地圖… 我地响西營盤香港大學附近，但暫時內部/外部一齊裝修，不過其實我地做上門寵物服務的，個店只係workshop 小天地嚟。所以大家記住我地先啦，暫時唔使特登過嚟因為會摸門釘喔 ☺ 多謝大家支持 ☺ 支持香港本地小店，save 低個地圖逐間幫襯丫 ☺

Goomusic感謝各位有種贊助，現在贊助單位已超過200個！

附上有種贊助簡約版Google map，正式版正在趕製中，大家請耐心等候！

請大家多多支持有種商店！

18/07/2016

我地個page 乜都無你地都like左先，真係多謝你地支持小店！
無論係支持 HOCC, 支持有種人，支持本地小店，支持互助互愛既香港精神，都好感動，多謝你地。

呢個集體獨家贊助活動見到好多愛同團結，要繼續相信呢個小可愛香港仍係善良處處，只等大家去發現。佢地可能無華麗既包裝無宣傳，但每日仍用心去經營。希望就算唔係有參與贊助活動既本地小店，大家都多多支持佢地。

我地係做寵物有關的，如果無養開用唔著我地都介紹下比朋友啦 :)
再多謝！

【集體獨家贊助，第二輪贊助單位！！】

各個單位實力雄厚，今次類別更多，連我咁瘋癲都俾你地嘅熱情嚇一跳，當中有咖啡店、傳統餅店、帛事花店、玩具店、性商品店、工程測量、參茸海味、狗狗訓練、物理治療、室內設計、婚禮策劃、畫室等等等等不能盡錄！

全靠大家嘅參與，你地已經集體令今次演唱會數目遠遠拋離一般演唱會獨家贊助，邊個話香港市場無得做，邊個仲夠膽睇小香港小店？

雞煲棧 元朗
Puff Terrariums
heydaysss http://www.heydaysss.com/
Color Life
Hidden Coffee
Brown Sugar https://www.facebook.com/brownsugar.hkshop
Dawn Shi F*k Ying
四喜麵包西餅
SECRET CORNER
Doggie Taste 焦糖生活
思靈室內設計裝修 Type One Design House
Wujai Music
香港帛事花店 http://www.hk-flowers.com/
Bittersweet咖啡館
Pure.t 淳
Agassi Fashion
頑童玩具 NAUGHTY GUY
Cheese n Dash - homemade DOG treats
康活信物理治療有限公司 http://www.horizon-physio.com/chi/
薯嘜社區 Smartworkshop
Little Right Hand Cakery (英國）http://littlerighthand.co.uk/
蔡東豪
CUCKOO'S NEST
BlissHIVE Bakery Café
OA, My Dear Café / 我親愛的,咖啡廳（台北）
Ms Ng
element Watches www.elementwatches.co
響片100FUN狗狗教養訓練
C & S Marriage and Wedding Planning
三小褔
Sinbad Coffee Roasters
Sigma Mascot (HK) Limited
Ceramics & Art 樂陶畫
Boy Mui 牛快樂日記
飛藥堂參茸海味
ten Design Stationery http://store.ten-design-stationery.com/
Creative Clouds http://www.creativeclouds.com/
HK Youth
VIA Eyewear http://www.via-eyewear.com/
Oh! Cosmetics
ZUC.CCH.ERO
Mindful Fitness Studio 運動禪舍
Science JR.
LRCF Fitness Box HK http://www.lrcffitnessbox.club/
李怡先生

多謝大家！有種贊助好嘢！

------------------------------------------------
【首50個單位】
Maison Wine http://www.maisonwine.com/
伊館排隊團
大飯糖 (Sweet Canteen)
無名氏（但姓林嘅）
Yiteng Zhang
The Corners
CHAN KWAI PING
14Gym - 您的家居健身、飲食教練 (http://www.14gym.com/)
G.Guard Hong Kong - Professional Penetrative Body Coating
FreeUp Music 釋放音樂
廖天恩
ONION CHEUNG
LAU WAI MAN CRESCENT
低調菇徒
凱明製衣有限公司
All Day Breakfast Creative Boutique
Genic Eyewear http://www.geniceyewear.com/
嘉嫂海味雜貨店 ‧ KASO Grocery
LWish Motors Services Ltd.
搶鮮食品
Florence Cheng
Maisie Choi
LUI HOI YING & LI CHUI TING
TACTUAL
鄭俊輝
李鴻彥
Yip Pui San
醫思坊中醫診所
Karen Wong
Sun Yip Engineering Co. （消防工程公司）
Tina's Choice http://www.tinaschoice.com/
毛記電視
Rise Smart Overseas Education Centre 廸昇海外升學中心
Volts Workshop光之子工作坊
Kwong Hay Tung
Ellen Ng
ODY http://www.odytheofficial.com/
張天琳
Cheung Chau Lam's family
M.A.D (food lifestyle)
Winnie Therapy Centre
麥理民 Mak Lei Man
The Artilicious Cakery
C3 Interior Design
寧心堂中醫館 Quality TCM 痛症專家 Pain Cure Expert
又飛啦! Flyagain.la
Go Go Star
Law Shuk Ling
威威音響 (http://www.wiwitubes.com/)
香港兔友協會
陳良蕙
博勢力
樊咲
La Muse Studio 繆斯藝術
海攻房 Fishing-One Tackle Shop
陳靖薇

有意參與贊助嘅朋友，請send公司簡介到
[email protected] :)