28/01/2025
ناس كتير عندها اعتقاد للأسف
ان البرص او البهاق ليس له علاج او العلاج متوفر فى دوا او مرهم من امريكا او الهند او الصين او غيرها
او انك اقصى ما تستطيع تقديمه هو قالب ملح ازرق فقط لاغير
اولا لازم نعرف ان السبب فى المرض هو انت ومعتقداتك الخاطئة وطريقة التغذية وتثبيت نوعين او تلاته فقط الحصان ياكلهم
12 شهر كل يوم
( شعير وذرة وبرسيم )
لذلك اول طريق للعلاج هى التخلص من الفكر اولا
وتغير طريقة التغذية وخروجك من اعتقاد ان بثباتك التلات انواع انك فى المنطقة الامنه لتجنب الامراض وهى للاسف سبب كل الامراض اللى جت واللى لسه مجتش عندك فى المزرعة
الحل جنبك
من مخزن العليقة اللى بتشتري منه علف خيلك
هات كل اللى يقع تحت ايدك ينفع للحصان
شعير ، ذرة بيضا ، صفرا ، حمرا ، بذرة كتان ، ودوار الشمس ، بسلة خضرا ، ناشفة ، فول ، فول صويا ،توم ، جزر ، بنجر ،قمح شوفان ، فاصوليا بيضا ، فاصوليا حمرا ،ردة قمح، ردة سمسم ، تمر.......اى حاجة تنفع الخيل ياكلها
هاتها
مناعة وشكل ولياقة الخيل مع التشغيل هتختلف تماماً
وابعد عن الشعير المغلى والمبلل (دى قصة لوحدها عشان اقنعك بعدم فايدتها بل بضررها أحياناً)
وابعد عن خرافة بطن الحصان حساسة والبعض يزيد الخرافة اكثر
بقول والحصان العربي بطنه حساسة اكتر من الخيل التانية كلام كله غلط فى غلط للاسف وكنا اتكلمنا عن الموضوع ده قبل كده بالتفصيل وشرحنا اسبابه والعلاقة بين ثبات نوعين او تلاته فقط من الاكل و الامراض الكثيرة وقلة المناعة ..
فى الصور حالة واحدة من حالات كتير اتغيرت تماماً بنسبة
100% وليس 90% او 99% بمجرد تغير العليقة وتنوع الاصناف
من غير مرهم من بلاد السند والهند
من غير حقن من امريكا
من غير علف مستورد
من غير كيس ڤيتامينات او كيس املاح من الصيدلية
مجرد رجعت الحصان لطبيعته والتنوع الغذائي
والبعد عن خرافة الحصان كائن عشبي
هذه المقولة الحق ولكن التطبيق باطل للاسف
حفظ الله خيولكم جميعاً
دمتم فى امان الله ✋ ...
