مفاتيح الخيل

23/10/2023

سوق الخيل العربي المصري والعالمي

الفترة الجاية ان شاء الله هنحاول نتكلم عن عالم الخيل العربي ومؤسساته وخطوطه المسجلة
زى
الواهو ، الايكاهو ، مؤسسة الاهرام ، منظمة الخمسة الامريكية ، منظمة نادي الأصيل الألمانية ، القايمة الزرقة (البلو ليست) مين اللى اخترعها ، وهل القوائم والمؤسسات دى معترف بيها دولياً ولا مجرد جمعيات اهلية ، كل مجموعة مربين جمعوا بعضهم وقعدوا على قهوة او سعات بيقعدوا فى كافيه عشان معاهم مربين أجانب ، عملوا جمعية واختاروا خيل معينة يعتمدوها واخرى يطردوها من تحت سماءهم ويصنفوها
زى الطحاوى وشركسي وبشير ومادورى ونصرالله وطفلة وحنان
ثم ما هى المعايير فى اختياراتهم هل هى الشكل ام الحجج والاوراق واعتراف مشايخ وقبائل العرب ، ام المصدر الذى جاء منها الخيل ، ام البطولات اللى حققتها الخيل ، واين حققوها هل مثل العرب فى ساحات السباق ام فى ساحات الجمال .
هل العربي لما كان بيخاف ان تشبى على فرسته حصان غير اصيل او لما كان بيسافر ليطلق على فرسته من حصان فى بلد اخرى هل كانت معاييره فى اختيار الخيل ان يكون رقبه رفيعة مقوسه افنص الانف مع استقامة ظهر ، هل هى دى المواصفات عند العرب هل دى هى اعلى واكمل صفات الخيل كما يروج بعض ومحبى ومربين خيل الجمال ام هو اتباع لسنن الغرب شبراً بشبر وذراع بذراع حتى اذا دخلوا جحر ضب ؟!!

ويعنى ايه شهادة قوية وكلها ابطال ، وكانوا ابطال فين ،
والفرسة دى او الحصان ده يرجع لمنية النفوس او تمرية او وصفية او بنت بكرة او قمر او هدهده او غيرها من الخيل دى تميزت بايه وفين ولما يتعرض عليك صورتها فين علامات التميز وهل التميز كان فيها لوحدها ولا فى بعض انتاجها من بعض الافحل ثم يتم التسويق على اسم الفرس وكل انتاجها واحيانأ هى واخواتها واولاد اخواتها زى م بيحصل فى حسنية (بنت بكرة الامريكية ).
و أهى كلنا اخوة واسرة مع بعضينا ، والنسبة اللى من الخيل الابطال دى كام فى الفرسة الحالية ؟ احيانا غير مذكورة فى الشهادة اللى بين ايدك ممكن تكون الجدة الثامنة او العاشرة ، كم نسبتها فى الدم ، هل واحد فى المية ولا نص فى المية ولا اتنين ولا خمسة ولا عشرة ، هل النسبة مؤثرة وواضحة ، ونسبة الجينات والدم دى اترجمت لايه ، هل اترجمت لكبد وكلاوى واعضاء داخليه ولا اترجمت لشكل ومواصفات خارجية، راس او رقبة او ظهر او كفل او قوائم او حركة .....

هل التعصب للأنساب والغيرة محمودا ام مذموما وجاهلية منتنة

هل الاهتمام وقراءة ودراسة الانساب هل هو مهم ؟ هل هو علم ينتفع به ، ام جهل لا يضر ؟

هل فيه دليل فى السنة او أثر من الصحابة او التابعين عن ذكر الخيل وفضلها فى القرءان والسنة يتساوى فيها الخيل الهجين والانجليزى والاسبانى والروسي والبولندى والارجنتينى والالماني
مع الخيل العربي ولا نعيد حسابتنا فى الانواع والانساب اللى بنربيها ونتعلم تعريف الخيل العربي إن كنا نزعم حب الخيل وتربيتنا لها لله ورسوله ...

دمتم فى أمان الله
...

17/09/2023

واحدة من اجمل واهم وامتع فترة فى حياتك لما تقرر تشترى خيل وتلف تاخد جولة و مواعيد مع اصحاب المزارع هتقابل المحترم وابن الناس وهتقابل النصاب والحرامى والمتعلم والجاهل واللى يكلمك ويعلمك اللى يعرفه لوجة الله واللى يديك محاضرة وهو بيوجهك لبيعة من عنده لذلك اوعى تخلى الفترة دى هى فترة تعليمك لانك فى الغالب كده مش هتبدأ صح نهائى وهتاخد وتشترى حاجات كلها غلط فى غلط بناءاً على وجهة نظر المزارع اللى انت بتزورها لذلك حاول تخلى فترة تعلمك وزياراتك قبل قرارك للشرا
ولما تقرر طلباتك وانت عايز ايه بالظبط اياك تغيرها وانت فى نص الطريق بناءا على زيارة زرتها لمزرعة او تاثير فكر تانى عليك
الا اذا اتاكدت انه تصحيح مسار لطريق غلط انت كنت ماشى فيه من الاول وبدات قبل م تكتمل الصورة عندك
اقعد واسمع من الكل بس بعقلك
اسمع للسايس والسمسار ومربى الجمال ومربي الادب والسبق واللى بيربى خطوط هيئة ومحطة الزهراء بس واللى عايش فى الخطوط ودى الخط الفلانى والرسن العلانى وهتلاقي اللى بيقولك لا لا مش بربي انا بالقصص دى والارسان والكلام ده

اسمع للكل وروح وفكر وفلتر وحدد ثم قرر

واهم حاجة تحدد من البداية انت عايز ايه وهتربى خيل ليه
ولازم تكون صادق مع نفسك على الاقل لان اول واحد هيتضر هو انت

الفترة مش بتبقي مرة واحدة، ممكن تتكرر تانى بعد شهر او شهرين
لما تحب تضيف حاجة جديدة او بعد تلات او خمس سنين وانت بتعيد ترتيب اوراقك و تقيم انتاجك وتشوف هتبقي على ايه وهتبيع ايه

ممكن تكون كنت جايب بطله بس مش بتنتج عندك كويس

او ربنا يكرمك بانتاج حتى لو دكره متبقاش زعلان ويقدروا ينافسوا ويقفوا طلايق فى اى بطولة دولية .



انساتا المرتجز ✖️ ان كى نقيبية

ام
نسيم الراشيدية من العديد الشقب
عز الراشدية من انساتا نايل ايكو
غازى الراشدية من جميل الريان
...

26/07/2023

شووف 👀

م هو انا عايز اقولك حاجة

عارف انت لو جبت علف الشيكارة بعشين الف جنيه وقعدت تأكل فى الخيل
بردة مش هتزيد معاك غير لما تشغلها صح وتعملها برنامج تشغيل مظبوط 👌🏼

ممكن تلاقيها زاد وزنها ، بطنها كبيرة وضلوعها وسلسلة ضهرها باينة و كفلها فاضي
حتى لو تراكيب الخيل مظبوطة

بس مفيش اى تناسق ولا قوة ولا نفس

عنصرا ✌️ التربية الصحيحة والسليمة

#التغذية
#التشغيل



...

( اخناتون 💘 غدير )
...

( Ikhnatoon 💍 Ghadeer )
...

22/06/2023

مــاشـاء الله لا قوة إلا بالله



الاب ::


( ✖️ )

الام ::
#كنوز ...

( ✖️ )

الرسن : كحيلان روضان

Owner & breeder // AlWareaa Stud مربط الوريعه

📸🎥🎞️ // Amr H Saad
...

30/05/2023

( شاه بندر صقر ✖️ ذهب الخرافي )

**er_Alkharafi

( Shah ba**er saker ✖️ Dhahab Alkharafi )

Owner & breeder :: Al kharafi Stud
...

17/05/2023

..

( انساتا سفير ❌ نعمه عبادي )

المال :: مربط العاديات بالسعودية . .



( Ansata Safeer ❌ Ni'Ma Abadi )

input & output theory
...

16/05/2023

( ✖️ )



( ✖️ )
المالك :: مربط الدوحة-قطر


input & output theory

لا يقع الثمر بعيداً عن الشجر...

14/05/2023

( تالسمان ❌ بنت النيل 😘 )



( Tallahsman & Bint el Nile )

Owner & breeder // Talal Al-kharafi
...

10/05/2023

يحكى أن

أليس كان تايهة فى بلاد العجائب فقابلت ارنوب فبيقولها عايزة تروحى فين قالت له معرفش

قال لها

إذن فلتمشى فى اى طريق شئت ....



( امير النيل ال شربتلي ❌ قماره النيل ال شربتلي )



(Amir elnil AlSharbatly ❌ Amara elnil

Alsharbatly )

Owner & breeder // Sultan Al Sharbatly

📽️ 📸 📹 🎥 // Arabian horse focus

الحكمة المستفادة من الارنوب

طالما مش عارفه عايزه تعملى ايه وتروحى فين متصدعنيش


...

11/03/2023

لو نويت تمارس فن الترويض او التدريب او حتى التربية لازم تفهم طبيعة اللى ادامك تربيته ، بيئته ، حياته ، بيفكر ازاى

يعنى لو هدرب اسود عشان تنجح لازم تدرس وتعرف سلوكها
لو هتدرب وتتعامل مع تعابين لازم تعرف حياتها ماشيه ازاى

حتى لو هتربي اطفال لازم تعرف اداركهم عامل ايه وبيفهم ايه وامتى لكل مرحلة ليها اداراك معين

كذلك لو انت مهندس ، دكتور ،مدرس لازم تعرف وتدرس طبيعة اللى هتتعامل معاهم من فنين لممرضين لطلبه ومن انهى مستوى اجتماعى ومن اى بلد يعنى لو انت مهندس وهتشتغل فى شرق اسيا
غير لما هتشتغل فى أفريقيا غير مع فنين فى اوروبا او الهند

اللى هيخليك تنجح فى التعامل هو ما مدي فهمك لعقلية وثقافة اللى ادامك

لذلك بتسمع كتير عن الفروسية
عشان تفهما وتنجح فيها لازم تفهم طبيعة وطريقة تفكير اللى هتتعامل معاه ...

ودى البداية

ًا؟

تُعتبر الخيول حيوانات فريسة؛ فهي بتعتمد على الهروب كوسيلة أساسية للبقاء على قيد الحياة. وحيواناتها المفترسة الطبيعية هي حيوانات كبيرة زي أسد الجبال أو الكوجر**، أو الذئاب، أو الدببة، لذلك تُعتبر قدرتها على الهروب من الحيوانات المفترسة دي حاجة حساسة ومهمة جدًا. واحنا كبشر، محتاجين نفهم كويس طريقتهم الطبيعية في الهروب علشان نقدر نفهم الخيول دي فهمًا كاملًا وبشكل فعلي.

الخيول بتعتبر واحدة من أكتر الحيوانات إدراكًا وذكاءً من بين كل الحيوانات المستأنسة. وعلشان هي حيوانات فريسة، لازم يبقى عندها القدرة على اكتشاف الحيوانات المفترسة. أي تغير ممكن مايبقاش ملحوظ بالنسبالنا كبشر، ممكن يُسبب للخيول قلق أو تفهمه على إنه إنذار؛ واحنا كفرسان ومُدربين بنُخطئ دايمًا في رد الفعل دا ونترجمه على إنه عايز "يهرب" أو إنه سلوك سيئ.

وقت الاستجابة عند الحصان بيبقى سريع جدًا. ومهم جدًا لحيوان الفريسة إنه يتفاعل بسرعة مع المفترس اللي قدامه علشان يقدر يعيش.

احنا ممكن نقلل أو نزيل حساسية الخيول للحاجات أو الحيوانات المخيفة بالنسبالهم. همّا بس هيحتاجوا إنهم يتعلموا بسرعة إيه هي الحيوانات اللي ممكن تضرهم (زي الأسود او النمور او الدببه وغيرهم) وإيه اللي مفيش منه ضرر (زي الطيور والصخور بالوانها المختلفة و غيرهم)، علشان مش يقضوا حياتهم كلها في الهروب.

الخيول ممكن تسامح، لكنها لا تنسى. بيقدروا يفتكروا بشكل خاص المواقف السيئة، التي بالغت فيها المشاعر الإنسانية! وهو دا السبب في أهمية إننا نخلي جلسات تدريب الخيول أكثر إيجابية وهدوءًا.

الخيول بتصنف معظم التجارب اللي بتقابلها لحاجة من اتنين:

1) حاجة مش بتخاف منها، لذلك بتتجاهلها أو تحاول تستكشفها.
2) حاجة بتحاف منها، وبالتالي هتهرب منها .

لذلك، لمّا نقدم أي شيء جديد، الخيول بتبقى محتاجة تفهم وتشوف إن الحاجة دي عادية مش بتخوف. ومرة تانية، مهم جدًا إننا نخلي تجارب التدريب أكثر إيجابية.

الخيول سهل جدًا السيطرة عليها.

الخيول بطبعها تحب أن تُقاد زي حيوانات القطيع كدا، واللي دايمًا بيحصل فيها تسلسل هرمي للهيمنة. ولو دا حصل صح، سيطرتنا كبشر عليهم أثناء التدريب هيبقى سهل جدًا من غير ما نسبب لهم الخوف بشكل كبير.

الخيول بتمارس سيطرتها عن طريق إنها بتتحكم في حركة أقرانهم أو الخيول اللي معاهم.

الخيول بتقبل الهيمنة أو السيطرة عليها في حالة:

1) لمّا نبقى احنا أو حيوان تاني عايزينهم يتحركوا وهمّا مش عايزين دا.
2) لمّا نبقى احنا أو حيوان تاني عايزين نمنعهم من الحركة وهمّا عايزين يجروا مثلا أو يهربوا. ومن ضمن الأمثلة، استخدام حظيرة أو سياج دائري أو استخدام اللجام على جانبي الحصان أثناء التدريب أو إن الحيوان الأكثر سيطرة في القطيع يطارد الحيوان الأقل سيطرة.

لغة الجسد عند الحصان بتبقى مميزة جدًا بالنسبة لفصيلة الخيول. يُعتبر الحصان حيوان اجتماعي جدًا، بيقدر يعبر عن مشاعره ونواياه لزملائه في القطيع عن طريق التعبير الصوتي وكمان لغة الجسد. علشان كدا الشخص اللي بيتعامل مع الخيول بيحتاج إنه يكون بيعرف يقرأ لغة الجسد الخاصة بهم علشان يبقى مُدرب شاطر.

الإحساس

رؤية الحصان دي أول حاجة بتكشف له مواطن الخطر. على الرغم من ضعف رؤيتهم للألوان، إلا إنهم بيقدروا يميزوا درجات اللون الأزرق والأحمر عن اللون الرمادي. ومع ذلك، فهمّا بردو بيواجهوا صعوبة أكبر في تمييز اللون الأصفر والأخضر عن اللون الرمادي. كمان بيبقى عندهم إدراك ضعيف للعمق لمّا بيستخدموا عين واحدة. مش بيقدروا يميزوا بين عربة مقطورة من نفق لا نهاية له أو بركة طينية من حفرة عميقة. إدراكهم للعمق بيتحسن بمعدل 5 مرات لمّا يستخدموا عنيهم الاثنين (فيما يسمى بالرؤية الثنائية). بيقدروا بسرعة يغيروا تركيزهم من الأشياء القريبة إلى الأشياء البعيدة. وهو دا السبب في إن الخيول بتقدر تحرك رؤوسها بطرق مختلفة لرؤية الأشياء القريبة مقابل الأشياء البعيدة. كمان الخيول عندها قدرة عالية على اكتشاف الحركة. وهو دا السبب اللي بيخلي الحصان أكثر هروبًا في أيام الرياح؛ لأن الأشياء اللي عادةً بتكون ثابتة بقت بتتحرك دلوقتي فيبدأ يفهمها الحصان على أنها تهديد محتمل. الخيول بتقدر تشوف كويس بالليل؛ ومع ذلك، حساسية التباين أو المقارنة عندهم بتبقى أقل من القطط.

آليات رؤية الحصان تختلف عن رؤيتنا. بيقدروا يشوفوا الأشياء من حولهم بشكل بانورامي تقريبًا، مع وجود مناطق عمياء في دماغهم واحدة في الأمام مباشرةً والثانية في الخلف مباشرةً. لا تقترب من الحصان أبدًا من غير ما تتكلم معاه وتنبهه؛ لأنه لو خاف هيبدأ يستخدم واحدة من آليات الدفاع الخاصة به، زي الرفس أو الجري. الحصان بيقدر يشوف حاجتين مع بعض في نفس الوقت، بيشوف بكل عين حاجة. ودا بيسمح لكل جانب من جوانب دماغه إنه يشتغل لوحده. كما هو الحال في البشر، الخيول بيبقى عندها جانب واحد هو اللي مسيطر (الجانب الأيمن أو الأيسر)؛ ومع ذلك، على عكس البشر، الخيول بتحتاج إنها تتعلم الحاجة مرتين: مرة على الجانب الأيمن والتانية على الجانب الأيسر. وفي اعتقاد كدا بيقول إن التعبير اللي بيظهر في عين الحصان مؤشر جيد على سلوكه، زي لمّا يفتح عينه جامد وبياض العين يظهر، ولمّا يكون خايف؛ بتكون العين نصف مقفولة أو كأنه نعسان، وهكذا.

حاسة السمع عند الحصان بتبقى أقوى من حاسة السمع عندنا كبشر. بيستخدموا حاسة السمع في 3 وظائف أساسية: علشان يتعرفوا على الأصوات، ويحددوا المكان اللي خارج منه الصوت، ويجمعوا معلومات حسية يقدروا يتعرفوا بيها على هوية الأصوات دي أو أصحابها.

الخيول تقدر تسمع الأصوات ذات التردد المنخفض إلى المرتفع جدًا، في نطاق 14 هرتز إلى 25 كيلو هرتز.

(لكن في البشر بيبقى في نطاق 20 هرتز إلى 20 كيلو هرتز).

آذان الخيول بتقدر تتحرك بزاوية 180 باستخدام 10 عضلات مختلفة
(في مقابل 3 عضلات بالنسبة لآذان الإنسان)

وكمان بتقدر تحدد منطقة معينة علشان تسمعها بوضوح. ودا بيسمح لهم إنهم يوجهوا نفسهم باتجاه الأصوات علشان يقدروا يحددوا إيه اللي عامل دوشة. ودي حاجة لازم مراعاتها لو بتستخدم الأغطية اللي بتحمي أعينهم وأذنيهم.

الخيول بتبقى حساسة جدًا لأي حد يلمسها.

جسمهم كله بيبقى حساس بالظبط زي أطراف أصابعنا. لدرجة إنهم ممكن يحسوا بأي حشرة أو ذبابة واقفة على شعرة واحدة أو أي حركة للفارس.

إشارات الجسم

الخيول شاطرة جدًا في إنها تعرفنا كويس هي حاسة بإيه؛ المشكلة الوحيدة هي أن أغلب الناس مش بتعرف ازاي تتكلم مع "الحصان". لذلك، هعرض معاك دلوقتي شوية نصائح كدا عن قراءة لغة الجسد عند الخيول.

بالنسبة لذيل الحصان:

لو مرتقع: دا معناه إنه يقظ أو منتبه أو متحمس.

لو منخفض: دا علامة على الإرهاق أو الخوف أو الألم أو الاستسلام.

لو مرفوع فوق مستوى ظهره: (زي ما بنشوف في أغلب المُهرات) دا معناه إنه مرح أو قلقان جدًا.

لو بيتحرك من جهة لأخرى: دا معناه إنه منزعج.

أرجل الحصان:

لو بينبش بحافره في الأرض: هو كدا بيعبر عن شعوره بالإحباط.

لو بيرفع أحد أرجله الأمامية: ممكن يكون تهديد بسيط (أو وضعية طبيعية أحيانًا عند تناول الطعام).

لو بيرفع أحد أرجله الخلفية: دا غالبًا بيعبر عن تهديد دفاعي عند شعوره بالخطر.

لو بيضرب قدمه بقوة على الأرض: هو كدا بيعبر عن تهديد بسيط أو شكوى (أو ممكن يكون بيحاول يبعد الحشرات أو الذباب عن أرجله).

تتضمن بعض تعابير وجه الخيول ما يلي:

العض: ودا بنشوفه في المهرات اللي بتخضع أو تستسلم للخيول الأكبر سنًا. هيفتحوا أفواههم ويسحبوهم للخلف في الزوايا، وبعد كدا يفتحوا ويقفلوا فكيهم.

فتح الفكين مع ظهور الأسنان: هو كدا بيظهر العدوانية أو أي هجوم محتمل.

السلوك اللي بيمد فيه الحصان رقبته ويرفع رأسه ويستنشق وهو يلف شفته العليا للخلف مُظهرًا أسنانه الأمامية: دا بيحصل بسبب شمّه لرائحة قوية أو غير مُعتادة، عادةً لما بتشمّ الفحول رائحة الأنثى (الفرسة) وهي في دورة الشبق. في السلوك دا هو بيعرض أنفه للهواء ويثني شفته العليا فوق أنفه.

اتساع فتحتي الأنف: دا بيعبر عن الحماس واليقظة.

إبراز بياض العينين: عادةً ما يُعبر عن الغضب أو الخوف. (إظهار بياض العينين دا بردو يُعتبر صفة طبيعية لبعض السلالات).

آذان الخيول تُعتبر مميزة وفريدة من نوعها:

في الطبيعي: الآذان بتكون مثبتة بشكل غير محكم لأعلى، والفتحات بتكون متجههة للأمام أو للخارج.

تصلب الآذان: تتصلب الآذان مع توجيه الفتحات للأمام مباشرةً ودا معناه إن الحصان يقظ.

الآذان وكأنها في وضع الطيران: تتدلى جانبيًا مع توجيه الفتحات لأسفل للتعبير عن التعب أو الإحباط.

تدلي الآذان: تدليها بشكل غير محكم إلى الجانب يُعبر عن التعب أو الألم.

اتجاه الآذان بزاوية للخلف (مع فتحات موجهة للخلف نحو الفارس): دا بيدل على الانتباه إلى الفارس أو الاستماع إلى تعليماته.

تثبيت الآذان بشكل مسطح على الرقبة: دا معناه إنك تحترس! لأن الحصان غاضب وعدواني.

طرق التواصل

الخيول عندها طرق مختلفة من التواصل صوتية وغير صوتية.

الخيول ممكن تصدر أصوات زي الصرير أو الصريخ، وعادةً بيبقى معناه إن في تهديد من ناحية الفحل أو الفرس.

في صوت اسمه الحمحمة (Nicker) **ودا صوت هادي ونبرته منخفضة بيصدره الحصان وفمه مغلق. الفحل بيصدر الصوت دا لمّا يكون بيغازل الفرسة؛ والفرس والمهر بيصدروا الصوت دا لبعض؛ وكمان الخيول المستأنسة بتصدره لما يكونوا محتاجين إلى الطعام.

صوت الصهيل دا يُعتبر الأكثر شيوعًا: بيبقى صوت نبرته عالية وممتد ممكن يوصل لمسافات بعيدة شوية. الخيول بتصدر الصوت دا علشان تعرّف الناس مكانها فين وعلشان تعرف تحدد مكان رفيق القطيع الخاص بهم. كمان همّا بيقدروا يستجيبوا لأصوات بعض حتى لو كانوا بعيدًا عن الأنظار.

صوت النفخ، ودا صوت قوي بيحصل فيه خروج كمية كبيرة من الهواء ينتج عنه صوت عالي النبرة يسمى "الصفير"، والصوت دا يُعتبر علامة إنذار بيستخدموه للتحذير.

صوت الشخير، ودا صوت نبرته بتكون أقل حدة وأقصر من النفخ، وعادةً بيحصل بسبب دخول الأشياء في الممر الأنفي.

وزي ما بيبقى في علامات تدل على العدوانية داخل القطيع، في بردو علامات تُعبر عن الصداقة. ودا بنشوفه في الأفراس والمهرات اللي بتدفع بعضها وهمّا بيلعبوا وتتمرغ في الأرض أثناء الرعاية أو في وقت الراحة، وكمان لمّا يكون في حصانين مع بعض في المكان بنشوفهم وهمّا بينظفوا بعض.

الهيكل الاجتماعي

***القائد*** [اللي بيبقى أمر أساسي أنه يكون الفارس أو المسؤول]، قائد القطيع بيبقى عادةً الفرس الأكبر سنًا واللي بيطلق عليها
(Alpha Mare)،
حتى ولو كان في فحل موجود في القطيع. بتقوم بدورها في الهيمنة والسيطرة حتى لو كانت ضعيفة جسديًا عن الآخرين. الفرس الأكبر سنًا بيبقى عندها خبرة أكتر وخاضت مواجهات أكتر وقدرت تنجو من مخاطر أكتر من أي حصان آخر في القطيع. متطلبات القائد عمرها ما كانت في القوة ولا الحجم؛ لو كان الموضوع كدا مكنش قدر الإنسان إنه يسيطر على الحصان أبدًا. الهيمنة بتتأسس مش بس من العدوان، لكن كمان عن طريق المواقف اللي بتعرّف الخيول إنه من المتوقع ومن الممكن أن يتم طاعتها.

الخيول بتبقى ضعيفة أكتر عندما تأكل أو تشرب. لذلك، لمّا يكون الحصان في وضع الخضوع، فهو كدا بيأكل عن طريق خفض رأسه والمضغ ولحس شفتيه. السيطرة بتحصل لمّا الحصان يجبر الآخر على إنه يتحرك عكس رغبته. أحد الخيول بيحرك جسمه في اتجاه الآخر أو يتصل به علشان يجبره إنه يتحرك. يبدأ يحصل القتال عادةً لمّا يحصل تحدي للحصان المسيطر من الحصان الآخر اللي مش راضي يتحرك أو بيستجيب له بعنف.

العيوب

العيوب دي حاجات سلبية بتحصل نتيجة أسباب مختلفة، منها التوتر والملل والخوف والطاقة الزائدة والعصبية.

الخيول بترعى بشكل طبيعي من 12 إلى 16 ساعة في اليوم.
فلمّا احنا نحبسهم في الاسطبلات، كدا بنمنعهم من ممارسة أنشطة طبيعية كتير زي الرعي أو المشي أو اللعب مع الخيول الأخرى. وبالتالي المحفزات الطبيعية كدا مش كافية إنها تخلي الحصان يبدأ يخلق محفزات لنفسه.

بمجرد ما تبدأ تحصل العادات دي هيبقى صعب جدًا التخلص منها.

في سلوك غير طبيعي في الخيول اسمه شفط الهواء (Cribbing) **ودا بيحصل لمّا الحصان يعض سطح ثابت (زي حافة باب الاسطبل أو الصندوق اللي فيه الحبوب أو السياج)، أو يبدأ يقوس ظهره ويمتص الهواء فيحصل دوشة من صوت الشخير بتاعه. دا كله يؤدي إلى إطلاق الإندورفين اللي بيعمل على تخفيف الحالة المزاجية. ممكن السلوك دا يتحول إلى إدمان؛ وحتى لو بعدته عن الحاجات المزعجة دي، فهو ممكن بردو يفضل يعمله. حتى بعض الخيول بتفضل إنها تعمل السلوك دا عن الأكل! وكل دا ممكن يسبب فقدان في الوزن وضعف في الأداء ومغص في المعدة وتأكل مفرط في الأسنان.

كمان في سلوك بيعمله الحصان اسمه الترنح (Weaving)** ودا بيحصل لمّا الحصان يقف جمب باب الاسطبل وبشكل متوازن بيحمل شوية على الجزء الخلفي وشوية على الأرجل الأمامية وهو بيترنح برأسه. ودا بردو بيحصل بسبب الملل أو الطاقة الزائدة، وممكن يؤدي إلى فقدان الوزن وضعف الأداء وضعف الأوتار.

الرفس في الاسطبل والمشي والضرب والحفر والعض في باب الاسطبل، كل دي عيوب أو مشاكل بتحصل بسبب الملل من حبسهم في الاسطبلات. وعلشان تقلل من تكرار السلوك دا، ممكن تحاول تضيف وجبة زيادة أو تضيف ألعاب في الاسطبل أو توفر فيه أعشاب أكتر أو تزود وقت الخروج للرعي.

مضغ الخشب وأكل الحصان في الفرشة بتاعته سواءً كانت القش أو النشارة أو الرملة** وأكل الروث وإيذاء النفس، كل دي حاجات بتحصل بسبب قلة التمرين أو الملل. ومع ذلك، ممكن بردو نقص التغذية يعمل المشاكل دي. وعلشان تتخلص من الحاجات دي كأسباب، ممكن تزود الألياف في النظام الغذائي، ولك الحرية في اختيار الملح أو المعادن. دا ممكن يقلل من تكرار المشاكل دي.

كل لما بكبر في السن، مش بيبقى عندي وقت أو رغبة في التعامل مع السلوك السيئ وكمان مش ببقى عايز ألقي اللوم على الظروف الماضية. ***

رأيي في ردود الأفعال زي المخالفة أو الشد أو الخوف أو العناد هو إنك المفروض تعرف الحصان نيتك وتحاول تصلح المشكلة. لكن بردو هتوصل لمرحلة تحتاج فيها تحدد ما إذا كان السلوك دا، واللي يُعتبر على الأقل غريزي أو فطري إلى حد ما، تريد التعايش معه، خاصةً لو كان بيعرض حياتك للخطر.

الهروب من الحيوانات المفترسة دا حاجة في طبيعة الحصان. وبشكل فطري، الخيول بتعتبر البشر إنهم كائنات مفترسة، لذلك كونك صديقًا، دي مش رغبة بتيجي بشكل طبيعي لحصانك. لمّا بنبدأ علاقتنا بالقفز على حصان، كل الحواس الشديدة دي واللي سمحت للحصان بالبقاء على قيد الحياة لآلاف السنين في عالم مليان بالحيوانات المفترسة بتركز علينا. والخيول بتقدر تقرأنا كأننا كتاب مفتوح قدامها. لمّا بتفقد الثقة في نفسك، الحصان بيعرف دا. لو كان بيستغلك وبيتصرف خارج نطاق محاولاتك للسيطرة، فدا بردو يُعتبر شيئ فطري فيه.

درب نفسك كويس، واعرف حدود "حصانك"، واتصرف من خلالها.

المراجع...

كيبر .. 1986. الهيكل الاجتماعي. العيادات البيطرية
في أمريكا الشمالية - ممارسة الخيول.
معمل سلوك الخيول، جامعة بنسلفانيا،
كلية الطب البيطري.

تمت الترجمة بواسطة//

...

20/02/2023

هنتكلم النهاردة عن ليه وازاي ممكن نضيف الزيت إلى النظام الغذائي للخيول

الموضوع دا كتبه د. ديفيد مارلين يوم 28 سبتمبر 2020

بيقول إن مع انخفاض درجات الحرارة، ممكن تكون إضافة بعض الزيوت إلى النظام الغذائي لحصانك طريقة آمنة وفعالة للمساعدة في الحفاظ على الحالة الصحية للخيول الأكبر سنًا والخيول اللي بتفقد وزنها بسهولة. ومع ذلك، تُعتبر إضافة بعض الزيوت إلى النظام الغذائي مفيدة لأكتر من سبب. أول حاجة، يُعتبر الزيت دا مصدرًا مركزًا للطاقة وبالتالي فهو فعال جدًا كمصدر للطاقة للخيول اللي بتعمل مجهود شاق زي خيول السباق، خاصة الخيول اللي ممكن تتعرض للتغذية بشكل أكبر. وعمومًا، نص معلقة من الزيت بيبقى فيها نفس الكمية من الطاقة اللي بتبقى موجودة في معلقة من الأعلاف المركزة.

طيب إيه هو تأثيره على الجلد والشعر وحالات قرح المعدة وتشنجات العضلات

الزيت بيكون بردو كويس جدًا في حالات الجلد والشعر وممكن كمان يساعد الخيول اللي بتعاني من مشاكل جلدية زي الحكة الصيفية اللي بتحصل بسبب لدغات الحشرات. كمان إضافة الزيت بدلًا من النشويات بيكون فعال في التعامل مع الخيول اللي بتعاني من قرح المعدة - على عكس الاعتقاد الشائع إن إزالة النشويات وليس إضافة الزيت هو اللي بيحسن من الحالة الصحية للمعدة. غالبًا ولمدة 25 سنة أو أكثر كان التعامل القياسي مع الخيول المعرضة لحالات تشنج العضلات هو التحول إلى نظام غذائي فيه كمية نشويات قليلة ونسبة عالية من الزيوت، وما زال دا يُعتبر أحد أهم التغيرات في التحكم في الغذاء لمثل هذه الخيول.

تأثيره على أمراض الجهاز التنفسي وحالات المغص

إضافة الزيت إلى العلف بردو بيقلل الأتربة اللي ممكن تكون موجودة فيه وبالتالي ممكن يستخدم في التعامل مع الخيول اللي بتعاني من حساسية الجهاز التنفسي (زي الربو أو انسداد مجرى الهواء المتكرر أو مرض الانسداد الرئوي المزمن أو التهاب مجرى الهواء). وأخيرًا وليس آخرًا، د. ديفيد بيقول إن إضافة الزيت للعلف دي حاجة كان بيستخدمها مع الخيول المعرضة للمغص بشكل متكرر ومن خلال تجربته إن دا كان بيقلل بشكل كبير من شدة وتكرار النوبات في أغلب الخيول.

بيقول إنه في الشهور الأخيرة اللي فاتت تلقى تساؤلات كتير من أصحاب الخيول عن زيت القمح اللي واضح إنه بيتسوق له جامد الأيام دي. لذلك مع وجود العديد من الزيوت المختلفة وعلاماتها التجارية الموجودة في السوق، ازاي هتقدر تحدد أفضل زيت ممكن تستخدمه في التغذية؟ دا اللي هنتكلم عنه دلوقتي.

مجموعة حقائق سريعة عن الدهون

1. الفرق بين الزيوت والدهون هو أن الزيوت في درجة حرارة الغرفة بتبقى في صورة سائلة، أمّا الدهون فبتكون في صورة متماسكة أو صلبة .

2. على الرغم من أن النظام الغذائي الطبيعي للخيول يحتوي على كمية قليلة جدًا من الزيوت والدهون، إلا أنها تقدر تهضم كميات عالية نسبيًا في النظام الغذائي .

3. الدهون اللي موجودة في النبات بتبقى عادةً في صورة أحماض دهنية غير مشبعة .

4. زيادة الدهن أو الزيت في النظام الغذائي بيأخر عملية إفراغ المعدة من محتوياتها .

5. وجود الزيت في النظام الغذائي لا يؤثر بشكل مباشر على قرح المعدة. لكن إزالة النشويات وإضافة أي مصدر للطاقة مكانها زي الزيوت مثلًا، هو دا اللي بيحسنها.

6. المكان الأساسي اللي بيحصل فيه هضم الدهون وامتصاصها هو الأمعاء الدقيقة (وهي جزء من القناة الهضمية بتبقى بعد المعدة مباشرة)

7. لو حصل إضافة لكمية كبيرة من الزيت في النظام الغذائي للخيول، ممكن يحصل إسهال بسبب الاضطراب اللي حصل للبكتيريا الموجودة في القناة الهضمية الخلفية .

8. في المجترات، الدهون غير المشبعة بيبقى لها تأثير سلبي كبير على البكتيريا الموجودة في القناة الهضمية أكتر من الدهون المشبعة .

9. الخيول بتقدر تهضم الزيت أو الدهن بمعدل عالٍ لما بنضيفة لوحده صافي من غير أي إضافات عليه (بتهضم من 60 إلى 95%) مقارنةً بـ 5 إلى 60% في العلف و50 إلى 75% في الحبوب .

10. ينتج كمية حرارة قليلة من هضم الزيت أو الدهن مقارنةً بهضم العلف .

11. زيادة الدهن أو الزيت في النظام الغذائي بيزود من احتياج الخيول لفيتامين هـ .

12. أغلب الخيول بتقدر تتحمل بشكل كويس إضافة الزيت أو الدهن بمعدل 500 مل في اليوم .

13. إضافة الزيت إلى النظام الغذائي ممكن يساعد في حالات قرح المعدة، لكن دا بيحصل فقط لما بنستخدمه كمصدر طاقة بديل للنشويات. إزالة النشويات وليس إضافة الزيت، هو اللي بيبقى له التأثير. الزيت نفسه مش بيبقى له تأثير على قرح المعدة - دا من الخرافات اللي كانت شائعة .

14. أحماض أوميجا 3 وأوميجا 6 الدهنية - دي أحماض بتبقى موجودة بنسب مختلفة في الزيوت اللي بنغذيها للخيول. ببساطة جدًا، أحماض أوميجا 6 الدهنية الموجودة في الزيوت أو الدهون تقدر تزود من الاستجابة للالتهابات لكن أحماض أوميجا 3 الدهنية مش بتقدر تعمل كدا. علشان كدا مهم جدًا إن الخيول دي يبقى عندها ضعف أوميجا 3 على الأقل مثل أوميجا 6 .

15. الطاقة اللي بتنتج من الزيت أو الدهن بتبقى متشابهة أيًا كان مصدرها إيه (الذرة أو بذر الكتان أو فول الصويا أو غيرهم) - بتكون حوالي 3.7 ميجا جول لكل 100 جرام أو 100 مل. الحصان اللي وزنه 500 كيلو جرام وعمله متوسط أو خفيف ممكن يحتاج إلى 100 ميجا جول في اليوم (من إجمالي النظام الغذائي - العلف + الأعلاف المركزة + الزيت) .

16. تتحلل الزيوت أو الدهون المعرضة للهواء والضوء واللي ممكن يؤدي إلى تقليل الاستساغة والإحساس بالطعم وفقدان الفيتامينات وتكوين مركبات مسرطنة ومركبات تساعد على حدوث الالتهابات، واللي بقى مرتبط عند الناس بالأمراض العصبية وأمراض القلب والسرطان.

الزيوت الأكثر شيوعًا التي يمكن إضافتها إلى النظام الغذائي للخيول

زيت القمح .....

لذيذ وطعمه حلو
يحتوي على كميات صغيرة من فيتامين هـ وفيتامين ك ودي ميزة فيه
رخيص (رخيص جدًا كمادة خام وبالتالي هيبقى رخيص كمنتج نهائي)

عيوبه أنه يحتوى على كمية قليلة من أوميجا 3 (7 جرام في كل 100 مل من الزيت)
ويحتوى على كمية عالية جدًا من أوميجا 6 (55 جرام في كل 100 مل من الزيت)

زيت الشوفان.....

لذيذ وطعمه حلو
يحتوي على كمية من فيتامين هـ وفيتامين ك
رخيص (رخيص جدًا كمادة خام وبالتالي هيبقى رخيص كمنتج نهائي)

عيوبه أنه يحتوى على كمية قليلة من أوميجا 3 (2 جرام في كل 100 مل من الزيت)
ويحتوى على كمية عالية جدًا من أوميجا 6 (39 جرام في كل 100 مل من الزيت)

زيت بذر الكتان...

لذيذ جدًا وطعمه حلو
يحتوى على الكمية الأعلى من أوميجا 3 (53 جرام في كل 100 مل من الزيت) ودي ميزة فيه
كمان ميزة أنه يحتوى على كمية قليلة من أوميجا 6 (13 جرام في كل 100 مل من الزيت)
نسبة أوميجا 3 : أوميجا 6 تزيد عن 4 : 1
يحتوي على كمية صغيرة من فيتامين هـ، وكل دول مميزات فيه

زيت الذرة.....

رخيص جدًا
لذيذ وطعمه حلو نسبيًا
متوفر في السوق على نطاق واسع
يحتوي على كميات صغيرة من فيتامين هـ وفيتامين ك

مشكلته أنه يحتاج معالجة أو تجهيز بشكل كبير
وكمان يحتوى على كمية قليلة جدًا من أوميجا 3 (1 جرام في كل 100 مل من الزيت)
ويحتوى على كمية عالية جدًا من أوميجا 6 (54 جرام في كل 100 مل من الزيت)

زيت القنب......

يحتوي على كمية متوسطة من أوميجا 3 (21 جرام في كل 100 مل من الزيت)
يحتوي على كمية قليلة من الأحماض الدهنية المشبعة

لكن عيبه أنه يحتوى على كمية عالية من أوميجا 6 (59 جرام في كل 100 مل من الزيت)

زيت بذور اللفت......

رخيص

مشكلته أنه يحتوي على كمية قليلة من أوميجا 3 (9 جرام في كل 100 مل من الزيت)
ويحتوي على كمية متوسطة من أوميجا 6 (20 جرام في كل 100 مل من الزيت)

زيت جوز الهند......

لذيذ وطعمه حلو
يحتوي على كمية قليلة من أوميجا 6 (2 جرام في كل 100 مل من الزيت)
يحتوي على كمية قليلة من الأحماض الدهنية المتعددة غير المشبعة

عيوبه أنه يحتوي على كمية عالية جدًا من الأحماض الدهنية المشبعة
لا يحتوي على أوميجا 3
لا يوجد به أي فيتامينات تقريبًا

زيت نخالة الأرز.......

لذيذ وطعمه حلو
يحتوي على كميات صغيرة من فيتامين هـ وفيتامين ك

عيوبه أنه يحتوي على كمية قليلة من أوميجا 3 (2 جرام في كل 100 مل من الزيت)
ويحتوى على نسبة عالية جدًا من أوميجا 6 (33 جرام في كل 100 مل من الزيت)

زيت فول الصويا......

لذيذ وطعمه حلو
يحتوي على كميات صغيرة من فيتامين هـ وفيتامين ك
يحتوى على بعضٍ من أوميجا 3 (7 جرام في كل 100 مل من الزيت)

عيبه أنه يحتوى على كمية عالية جدًا من أوميجا 6 (50 جرام في كل 100 مل من الزيت)

زيت عباد الشمس......

يحتوي على كميات صغيرة من فيتامين هـ وفيتامين ك
رخيص

عيوبه أنه لا يحتوي على أوميجا 3
ويحتوى على كمية عالية جدًا من أوميجا 6 (66 جرام في كل 100 مل من الزيت)

زيت الزيتون.......

يحتوي على كميات صغيرة من فيتامين هـ وفيتامين ك

عيوبه أنه يحتوى على كمية قليلة من أوميجا 3 (1 جرام في كل 100 مل من الزيت)
ويحتوى على كمية عالية من أوميجا 6 (10 جرام في كل 100 مل من الزيت)

زيت بذور بوغلوسويديز أرفينسيس أو (Ahiflower oil)

يحتوي على كمية عالية من أوميجا 3
ويحتوي على كمية قليلة من أوميجا 6
جيد التحول إلى حمض الإيكوسابنتاينويك وحمض الدوكوساهيكسانويك

لكن المشكلة أنه مازال لم يتم تحديد سلامة تغذيته على المدى الطويل للخيول والإنسان
وكمان غالي جدًا (أغلى من زيت بذر الكتان بحوالي 7 مرات)
ولسة مش معروف هل يحتوي على فيتامين هـ ولا لا

اتخاذ القرار في نوع الزيت اللي هتستخدمه في التغذية

د. ديفيد بيقول أنه يتجنب بشكل خاص استخدام زيت القمح وزيت الشوفان (بغض النظر عن إن بعض المنتجات بتحتاج معالجة خاصة - لكنه ما زال هو نفسه زيت قمح وزيت شوفان) وزيت الذرة وزيت القنب وزيت نخالة الأرز وزيت فول الصويا وزيت الزيتون وزيت عباد الشمس للخيول المعرضة لحدوث قرح المعدة أو الإسهال أو المغص أو أمراض الجلد أو الجهاز التنفسي أو الخيول التي تعاني من أيٍ منهم. زيت جوز الهند مقبول إلى حد ما كمصدر للطاقة ويحتوي على كمية قليلة من أوميجا 6، لكن لا يحتوي على أوميجا 3 وكمان غالي شوية. زيت بذور بوغلوسويديز أرفينسيس ممكن يكون اختيار كويس لكنه حاليًا غالي جدًا، وزي ما عرفنا، فإحنا مش عندنا أي معلومات عن تأثيره على المدى الطويل في تغذية الخيول عليه. أمّا زيت بذر الكتان فهو ما زال أفضل زيت يمكن استخدامه للخيول من وجهة نظره، ودا بيعتمد على مواصفاته وطعمه الحلو وإنه متوفر وكمان سعره كويس.

اتخاذ القرار في نوع الزيت اللي هتشتريه

هنعرض مع بعض دلوقتي بعض الإرشادات العامة اللي هتساعدك في اختيار منتج الزيت اللي ممكن تشتريه

1. بصفة خاصة، ابعد عن زيت القمح وزيت الشوفان وزيت الذرة وزيت فول الصويا وزيت نخالة الأرز وزيت عباد الشمس - لأن كلهم فيهم كمية عالية من أوميجا 6 وكمية قليلة من أوميجا 3
2. لا تشترِ أي زيوت موجودة في عبوات بلاستيكية شفافة أو لونها فاتح. لأن الزيت بيحصله عملية أكسدة من الأشعة فوق البنفسجية حتى لو كانت قليلة جدًا
3. ابعد عن المنتجات اللي بيبقى فيها مساحة كبيرة من الهواء فوق الزيت - لأن كل ما كانت العبوات فيها هواء كتير، تزيد عملية الأكسدة
4. الزيوت اللي بينضاف لها مضادات أكسدة (سواءً كانت طبيعية أو صناعية، زي إكليل الجبل) بتحسن عملية التخزين وتقلل الأكسدة
5. الزيوت المعصورة على البارد بيبقى لها مستويات أكسدة أقل من الزيوت عالية المعالجة
6. يتطلب إضافة الزيت إلى النظام الغذائي المزيد من فيتامين هـ (على الأقل وحدة دولية لكل مل). لذلك، لو بتأكل حصانك 300 مل في اليوم، فانت كدا محتاج على الأقل 300 وحدة دولية من فيتامين هـ في النظام الغذائي له. وبدل كل دا، فانت ممكن تشتري بعض منتجات الزيوت اللي تحتوي بالفعل على كمية من فيتامين هـ.

تمت الترجمة ::
الرابط الاصلى فى اول تعليق

دمتم فى امان الله.....
...

27/10/2022

👌👌👌👌👌👇

. سؤال ... أزاي أعرف أن حصاني أتدرب كويس وأصبح جاهز لدخول التأهيلي لمسافة 40 كم ..؟
. الأجابة ... عن طريق معرفة وقت الاستشفاء أو التعافي أو باللغة الانجليزية (Recovery) إزاي برضو مش فاهم وضح أكتر. يعني سرعة عودة النبض الى الوضع الطبيعي ما قبل السباق
مثلا انت طلعت بالحصان في يوم تدريب لعمل أختبار للحصان لمسافة 20 كم على سرعة 16 كم في الساعة (دي السرعة القصوى للسباقات التأهيلية) بمجرد انك قطعت المسافة بتنزل من على الحصان بتفك السرج وتبرد الحصان ثم بتقيس نبض الحصان أذا كان أعلى من 64 نبضة في الدقيقة فإستمر في التبريد وبعد دقيقتين أعد قياس النبض إذا مازال في نفس مستوى القياس الأول ... حتى تصل الى معرفة وقت التعافي اللي أخده حصانك من وقت الوصول الى نهاية 20 كم حتى الوصول الى تعافي القلب بنزول النبض الى أقل من 64 نبضة في الدقيقة.
كل ما كان وقت التعافي أقل وأسرع كل ما تعرف أنك كنت ماشي في تدريب #الحصان كويس..
لذلك يجب التدريب مع مدرب ذو خبره عالية لتحقيق وقت تعافي في أقل وقت ممكن من خلال قياس الفترة الزمنية لعودة النبض المرتفع الى الوضع الطبيعي.
خد بالك مستوى المدربين وصل الى انك تنزل من على حصانك بعد الإنتهاء من مسافة 30 و 40 كم بأن يدخل على الفحص البيطري ونتيجة قياس النبض أقل من 64 نبضة في الدقيقة، يعني مفيش وقت للتعافي هو متعافي أصلاً 😊