02/04/2024
都唔記得幾耐無出po
忙到傻左
但突然好想講下 鏟手腳底毛，修波波手，鏟patpat 毛
想講左我自己嘅立場先
我自己有14隻貓，14隻係正常情況下都不會鏟身上任何一條毛，包括手腳底毛同patpat毛
原因有兩個。
第一個
貓嘅世界同狗好唔同
狗狗做美容，會鏟禿哂手腳底嘅毛，直頭連肉球與肉球間都會擘開黎鏟，鏟到一條毛都無。但貓就絕對唔可以了，會好易皮膚出問題，詳細唔多講，唔係我想講嘅重點。有興趣知就pm
第二個，都係令我會唔鏟手腳底毛嘅原因
如果有玩過比賽，就知比賽係要求將副毛keep到最好，毛量要夠多，唔俾修剪任何毛髪。好啦，咁點解會有條咁嘅規矩？難道真係玩比賽巴乜閉？難度真係比賽就高人一等？
以下係我以往去比賽，聽各前輩講嘅，再加上自己嘅經驗得出嚟。如有錯，歡迎各位前輩指教🙏🏻
乾淨嘅貓嘅毛髮其實就係對皮膚最好嘅保護，
皮膚 當然包括手腳底，肉球，都包括pat pat 毛。咁比賽，就自然係要貓貓最原本，對貓貓最好嘅狀態咁去比賽，亦即係 貓身上所有嘅毛都要留低，而且係要乾淨。同時乾淨係重點之中嘅重點。
咁所以點解手腳底同pat pat 毛都會留。
所以基於個種「貓貓要全身留毛而且要乾淨&多」嘅堅持，有啲主人（包括我）就係會選擇唔鏟手腳底同pat pat毛。
又另一方面，某時候，其實我支持鏟patpat 毛，支持鏟手腳底毛。
例如
—某啲貓貓真係每次痾屎都痴屎，爛屎當然痴，有時候靚屎都痴，抹都抹唔乾淨
—每個人都可能有啲特別嘅情況，例如可能有bb, 例如可能搬屋，例如可能去旅行，搞到無時間搞清潔
—貓貓本身好抗拒沖涼清潔
呢啲情況，係咪仍然要咁堅持唔鏟？ 咁就當然唔係啦。
無理由搞到成身屎。
適當時候有需要就做啦～
所以我覺得，手腳底毛pat pat毛鏟與唔鏟係睇主人要求同主人嘅想法。都無話真係岩哂，定錯哂。尊重番主人意願，唔鏟嘅人唔洗覺得自己勁啲，鏟嘅人都唔洗覺得自己岩哂。
當然，做美容通常都會鏟埋，因為其實絕大多數主人都會想鏟。 但都想佢地了解下點解會有人堅持唔鏟。
我自己係盡可能一條毛都唔鏟嘅派別，咁當然都有時手痕會剪下波波手🤣過下癮，因為圓66真係好可愛。
總結係我覺得大家都可以用唔同角度多啲了解下唔同野，增加自己嘅知識🤘
如果你睇到呢到，好多謝你睇哂❤️❤️
***** 😺😺😺😺 預約沖涼美容 / 查詢
Whatsapp 或者pm呢到個工人就得家啦!
#梳毛 #英短 #寵物保母 #寵物美容 #波斯貓 #貓 #貓美容 #貓沖涼 #豹貓 #緬絪貓 #上門貓美容 #上門寵物美容 #美國短毛貓 #英國短毛貓 #唐貓 #金吉拉 #短毛貓 #香港貓 #貓公尾 #異國短毛貓 #英國短毛貓 #扁鼻貓 #貓美容 #異短 #美國捲耳貓 #ねこ #布偶貓 #貓沖涼 #寵物梳
