18/01/2024
ما رأيكم بنشر مواضبع مثل هذه ؟
ضيفتنا اليوم السيدة vibramycine
أهلا بك معنا؛ اسمحيلي نقلك vibra كيما يقولولك صحابك الصيادلة والاطباء
Vibra: هههه اكيد اكيد
الصحفي: ممكن اسمك العلمي واسم العائلة الكريمة
Vibra: اسمي doxycycline من عيلة عريقة tétracycline
الصحفي:الله يبارك خيار المضادات؛ مجرد فضول واش من تكنيك تتبعوه في خدمتكم ؟
Vibra:اممم سر المهنة بصح معليش يا سيدي؛ حنا نحبسو صناعة البروتين في البكتيريا ؛ اكثر من هكا منزيدكش العين راهي علينا بزاف ههههه
الصحفي: اوكي؛ سيدة vibra راكي فارضة روحك بقوة في وصفات اطباء الجلد؛ واش سر هذه الشهرة؟
Vibra: بسبب فعاليتي في علاج حب الشباب؛ وحتى مرض الوردية(لا غوزاسي) ونزيدك راني قادرة نخلص الجسم من بعض انواع البكتيريا في حالة اصابة الجهاز التنفسي ؛ البولي ؛التناسلي؛ العين؛الانف؛الأذن والحنجرة
الصحفي: سمعت عندك دواء متحبيش تسمعي حتى اسمو ؛ صح؟
Vibra: آآآ كنا ملاح علاش تفزدلي في المورال ؛ شوف من خلالك نبعث رسالة لكل الصيادلة اذا جاتكم وصفة فيها انا و والكوراكني يرحم باباكم ما تمدوهاش راني كي نتلاقى معاه هذاك السيد نقلبو الدنيا ونديرو ارتفاع الضغط داخل الجمجمة
الصحفي: ان شاء الله يكونو المعنيين في الاستماع؛ ايه واش حكايتك مع الاطفال تحت 8 سنين والمرأة الحامل والمرضعة؟
Vibra: راني نتسبب في تصبغ الاسنان الدائم باللون الاصفر على هذيك متمدونيش للاطفال تحت ثمانية سنوات المرأة الحامل في الثلاثي الثاني والثالث والمرأة المرضعة
وتعيشو لي يشربني يدير حسابو كي يتعرض لأشعة الشمس يحط كريم واقي راني ندير des réactions de photosensibilisation
الصحفي: يعطيك الصحة مادام vibra الله يحفظك من la résistance
Vibra:شكرا
