花之家

Home
花之家

希望透過此平台分享多年homemade做法和小朋友生活日常及健康資訊給大家🩷

花花是花媽第一個女兒，初養毛小孩，什麼都不懂，坊間教乾糧就是他們的食物，花花未夠一歲已開始食厭了每餐都要加少少肉她才吃還要先挑肉粒來吃乾糧都不太願食，自己試過將不同牌子乾糧放入口再想想如果要我每一餐都食乾糧食足十幾年心情會如何? 於是大約五年前開始慢慢接觸自煮鮮食，透過書本同網上資料初初由一星期餵兩餐開始到所有晚餐轉為鮮食，直到三年前將兩餐都改為全鮮食，現在家有三位毛小孩每次開飯大家都好期待不夠兩分鐘便清掉，飯碗永遠吃得乾乾淨淨，看著他們吃完滿足的樣子便是我繼續自煮鮮食的原動力。

"Homemade -- 自煮鮮食"，這條花媽形容為不歸路的單程路的確話難唔難話易唔易。近年已有不少硏究指出進食飲食均衡的真正食物 "real food"比進食乾糧更為健康。乾糧有機會所引致的健康問題相信已不是新鮮事。花媽希望透過此平台分享自己homemade的做法同生活飲食上一啲健康資訊給大家參考，讓更多人

接觸自煮鮮食給毛小朋友呢個觀念，鼓勵更多人嘗試自製美食給家中小朋友，更歡迎大家留言分享自己心得。

Remark:
1) 每個小朋友身體狀況不同運動量和吸收也不同，花媽的食物比例和所用食材未必一定適合你小朋友。建議要按自己小朋友體質和身體情況自行調整一個合適餐單。

2) 自煮鮮食的確是要花時間下少少苦功，但不用給自己太大壓力。如有興趣可先試試一星期煮一兩餐，慢慢的全晚餐，掌握左做法再考慮轉全鮮食。

3) 其實如真的沒有時間也可考慮自製小食如風乾小食，自家製無添加之餘價錢亦便宜很多，所買的食材來源亦由自己控制，長遠計健康和經濟上都化算得多。

4) 香港很多醫生都不支持鮮食多半跟你說餵乾糧最全面最安全等等。如你仍然相信鮮食支持自煮，請找一個支持自煮鮮食的家庭醫生，身邊人跟醫生的支持是十分重要的。

10/11/2024

又到食梨嘅季節🍂Bord 嘅肉蒸完出黎係香好多😁

山羊*牛*牛心牛肝牛腰*滑蛋*西蘭花*椰菜*蜜糖豆*露荀*青瓜*甘荀*梨*藍莓

05/11/2024

呀仔而家冇晒牙仔食野會難啲擔到食物所以奴婢會用匙羹餵等佢食得舒服啲🩷🩷

鴨胸*火雞*牛心牛肝牛肺*滑蛋*西蘭花*椰菜花*小棠菜*露荀*苦瓜*蘋果*藍莓

#寵物鮮食

17/09/2024

做節點都要加個蝦蝦笑比小朋友淺嚐🥰呢個印尼海捕白蝦一啲都唔咸啱晒佢地食💕

祝大家中秋節快樂🩷🩷

火雞*鴨胸*蝦*牛心牛肝牛肺*滑蛋*西蘭花*椰菜花*小棠菜*露荀*青瓜*蘋果

#寵物鮮食
#中秋節快樂

07/07/2024

有時間當然即刻煮最好，唔夠時間嘅我肉類就會餐餐蒸，蔬菜就假期整定一星期嘅份量分好一份份去急凍，到食前一晚拎去下格解凍煮飯時先攞出來興返熱☺️

#毛孩鮮食

23/06/2024

不時不食。。咁熱嘅天氣滾個冬瓜肉片豆腐湯大小朋友一齊飲😋

12/06/2024

香蕉都係好有益小朋友啱食嘅生果，花媽久唔久都會加少少比小朋友食😊

01/06/2024

小朋友最鐘意就係食媽媽煮嘅滑蛋喇😊蛋係好有營養嘅食物，花媽隔日比一星期會比三日呀仔食半隻呀女食一隻🤗

30/05/2024

最近有好多小朋友可能因轉季或天氣潮濕而搞到皮膚敏感🌧️，除左成日R嚴重嘅仲會咬痕癢嘅地方咬到甩毛，花家嘅四女兒亦唔例外😢。過往每年差不多時候四女兒就會開始咬下自己雙腳外側咬到甩少少毛但過一排就會冇事，不過今年嚴重左咬多左同範圍大左，所以呢兩三個月花媽都想盡辦法同呀女舒緩到而家終於咬少左開始出番D毛，喺度同大家分享下我嘅做法☺️。

【中醫調理💊】：皮膚問題除左同天氣有關亦有可能內濕熱毒積聚透過皮膚發出來，同呀女睇左醫生按呀女嘅情況Dr. Sheena認為主要同天氣或花粉敏感有關，開左啲去濕排毒同舒緩痕癢嘅中藥調理。

【食材🥩】：天氣熱加上潮濕，日常鮮食改以較涼同低敏嘅鴨肉、火雞，山羊肉同魚為主，牛轉為一星期食一至兩日。未痕到咬毛前平日都有食豬嘅，豬本身性平但考慮到係穀飼，同醫生溝通過後先停一排豬睇下情況。平時花媽一星期都有兩日比小朋友飲羊奶不過中醫角度奶容易令腸胃有風容易誘發皮膚敏感所以暫時都停左。鮮食嘅澱粉類都係以番薯為主同埋盡量減少食穀物類、屬性溫熱嘅肉類。

【環境🍀】：雖然醫生話如果每年都係差唔多時間敏感就同天氣或對花粉敏感有關，但潮濕天氣亦可能令居家滋生過多粉蟎引致皮膚敏感，所以呢段時間亦盡量勤啲清潔床仔被鋪，以不含化學成分同人造香料嘅洗衣用品同地板清潔劑黎清潔。

【沖涼💦】：維持1至2個月先沖一次，改用更低敏同滋潤皮膚嘅溫和潔毛液。沖涼太密或用太乾嘅潔毛液好容易沖走皮膚上嘅天然油脂令到毛孩皮膚更乾更加痕癢。

【梳毛🐶】：每日定時梳毛，除左幫助疏通皮脂線提升毛髮光澤，亦可減少積聚濕氣同細菌。

【內服🧉】：除左以中藥調理，保健品都係keep住每日比椰子油同魚油幫助舒炎同皮膚保健。另外益生菌亦係每日必定加嘅，佢可以幫助提供一個健康嘅腸道環境，令腸道有效將食物原來帶有細菌、毒素同致敏原排出體外減低炎症發生。如小朋友胃腸道唔健康，有破損嘅腸壁就會將細菌、毒素同誘發炎症嘅致敏原都一併吸收流入血液，加劇皮膚敏感。

【外用🐶】：Keep住每日去完街街用蘋果醋稀釋抺身，Bragg嘅有機蘋果醋花媽用左多年個個小朋友都冇體味👍🏻蘋果醋可幫助減少體味、驅趕跳蚤同時抑制酵母菌嘅生長，不過已有傷口嘅皮膚就暫時唔適合用蘋果醋因其酸性會刺激傷口引起刺痛。因為呀女皮膚已出左狀況，除左自己溝精油都想睇下冇時間整的話市面有冇其他純天然草本配方嘅舒緩止痕產品來幫呀女，終於比我搵左隻攞左澳洲生產製造認証嘅純草本精油配方Essential Dog諗住試下佢個低敏沖涼同止痕消炎產品，因為公司係做trading咁我就游說左老細入d來試下😆試左佢個消炎止痕噴霧同乳液約一個月，搽左後真係明顯咬少左不過呀女都大隻用噴霧就似乎抵D喇😁。如果唔係用開精油唔熟用咩油來舒緩皮膚問題或者冇時間DIY嘅家長直接用呢個草本配方都係一個不錯嘅選擇👍🏻。

補充一下, 如果大家嘅毛孩皮膚已出左狀況如可避免就最好暫停滴劑、內服防蟲劑同延後疫苗注射。敏感其實係免疫系統嘅過敏反應, 避免不必要嘅疫苗注射或者藥物都可幫助減少對免疫系統嘅傷害，因為疫苗本身就會刺激免疫系統製造抗體。而滴劑嘅殺蟲劑美國EPA研究報告曾指出部分毛孩喺使用後會出現不良反應包括瘙癢、皮膚炎、瘡疹、紅斑、甩毛等情況🙈。如小朋友唔係長時間逗留戶外或居住環境有較多昆蟲家長可視乎需要考慮下係咪可轉用較溫和無毒嘅天然驅蚊蟲噴霧。花媽已冇用滴劑多年而家一直都係DIY或用D註明以天然草本成分為主嘅防蚊蟲噴霧，除左藥物大家都可以考慮其他更天然健康嘅選擇🩷🩷🩷。

Reference:
https://bit.ly/3x4gMrd
https://bit.ly/3yzojyI
https://bit.ly/457NAfB
https://bit.ly/3yGKpzu
https://bit.ly/4bXTWAC
https://bit.ly/3wXbq12
https://bit.ly/3yyoLx9
https://bit.ly/3R63j9p

#皮膚敏感 #皮膚問題 #甩毛 #腸漏 #致敏原 #過敏 #紅斑 #痕癢 #炎症 #濕疹 #防蝨 #驅蚊蟲 #抗生素 #類固醇 #益生菌 #椰子油 #魚油 #有機蘋果醋 #消化系統 #免疫系統 #提升免疫力 #鮮食餵飼 #低碳餵飼

28/05/2024

超過年幾冇出post, 今日花媽終於踏出呢一步再喺呢個專頁分享花家日常，年檢最健康冇任何表徵嘅大女兒同三女相繼喺22年同23年尾突然走左，反而自6歲確診心臟病到22年去到stage c 要加去水藥嘅愛兒到而家精神仲係唔錯🙏🙏。每三個月定期覆診非常感恩Dr. Peter話暫時一切安好啱啱四月照超聲心臟亦有細左少少🩷🩷。呢段時間雖然好傷心但亦明白所有野自有安排，花媽可以做嘅就係盡能力令每個小朋友都食好訓好日日開心，呀仔同四女兒亦推動我決定繼續分享佢地生活日常❤️。呀仔自從轉左stage c後大致鮮食比例都係差唔多只係將內臟嘅心臟比例再調高d，澱粉以番薯為主同定期食藥之餘加左心臟保健品，其他比開嘅保健品就日日keep住。好在呀仔仲係日日好有胃口開餐前仍然吠爆媽媽手腳太慢😆。

#心臟病鮮食照料
#老人家愈來愈心急

Address

Website

facebook.com

Alerts

Be the first to know and let us send you an email when 花之家 posts news and promotions. Your email address will not be used for any other purpose, and you can unsubscribe at any time.

Videos

呀仔而家冇晒牙仔食野會難啲擔到食物所以奴婢會用匙羹餵等佢食得舒服啲🩷🩷 鴨胸*火雞*牛心牛肝牛肺*滑蛋*西蘭花*椰菜花*小棠菜*露荀*苦瓜*蘋果*藍莓 #寵物鮮食 #homemadedogfood

Shortcuts

Address
Alerts
Videos
Claim ownership or report listing
Want your business to be the top-listed Pet Store/pet Service?

Country:

City: