الدكتور ايمن دهمش للاستشارات البيطريه

28/10/2022

كتب أحدهم، هذه كانت نظرته لي بعد إنقاذه من الشارع 🧡🥺

27/10/2022

الوقايه خير من العلاج♥️

تعرفي ان في أسباب كتير بتساعد على إصابة قطتك بالفطريات !!🤔
و منها :
♦️الاتصال بشكل مباشر او غير مباشر بقط آخر مصاب بالفطريات
♦️تعرض فروة القطة للرطوبة والبلل فترات طويلة
♦️وجود القطة في مكان فيه كمية كبير من الفضلات
♦️تغيير القطة لمكانها بيضعف مناعتها وبيخليها عرضة للإصابة بالفطريات
♦️أثناء الحمل والولادة مناعة القطة بتكون ضعيفة
♦️عدم المواظبة على التطعيمات بانتظام
♦️عدم تعرض القطة للشمس
♦️وأخيرا التغذية الغير صحية
و من أعراض اصابة القطط بالفطريات حاجات كتير أهمها :
♦️وجود قشرة بيضاء على الشعر أو الجلد
♦️وجود أماكن فارغة من الشعر على شكل دائري

بس في حالة إصابة قطتك بالفطريات لازم تشرفينا في العيادة علشان نعالجها ونقدملها الرعاية الطبية المطلوبة

ولو عاوزين تعرفوا أكتر ابعتولنا رسالة أو اكتبولنا تعليق بإستفساركم و احنا هنرد عليكم 💌
و كمان ممكن تشرفونا في :
📍مدينة العبور الحى السادس مدخل ٢ بجوار مول حليم ☎️ : ٠١٠٩٤٥١١٠٨٢

26/10/2022

♥️♥️

لا قيمة للحب دون الوفاء
ولا تظن يا ابن آدم أن الحب والاخلاص خُلِق لك وحدك ❤️

26/10/2022

لو لسا اول مره تربي قط لازم تقرا البوست دا كويس جدا :-
بدايةً وقبل كل شيء، إن كنت ترغب في تربية القطط الصغيرة في المنزل، عليك الأخذ بعين الاعتبار عمر القطط عند إحضارها، إذ يُنصح بالانتظار لحين انتهاء مرحلة الفطام بالكامل التي تدوم في معظم الأحيان من 8 إلى 10 أسابيع، وعدم أخذ القط المراد تبنيه من أمه قبل أن تنهي إرضاعه، لأن القطط في هذا السن تستمد الغذاء والرعاية الصحية اللازمة من أمها، إذ يعتبر حليب القطة الأم مفيداً لاكتمال نمو العظام وصحة باقي الأعضاء.

من الجدير ذكره أن مسألة العمر تعد من أهم النقاط الواجب مراعاتها عند الاطلاع على كيفية تربية القطط الصغيرة في المنزل، حيث يتراوح عمر القطط بشكل عام بين 13 و15 عاماً، إذ تصنف من الحيوانات قصيرة العمر مقارنةً بغيرها من الحيوانات

اول حاجه هنتكلم عليه الغذاء :-
لتحافظ على صحة القطط في منزلك، عليك الانتباه إلى طريقة ونوع تغذيتها، إذ يجب أن تتلقى تغذية سليمة لتجنب اصابتها بالمرض، إليك أساسيات التغذية الواجب أخذها بعين الاعتبار عند تربية القطط فى المنزل :

1-ينصح باعتماد الأغذية المعلبة وتقديمها للقطط وتجنب تقديم الطعام المهروس لها
2-اختيار الغذاء المتوازن للقطط، إذ عليك الانتباه إلى الارشادات الملصقة على علبة الطعام بحيث تكون متوازنة ومتكاملة
3-يُنصح بأخذ مشورة الطبيب البيطري عند تحضير الطعام المنزلي لقطك، إذ يجب أن يحتوي على كامل الفيتامينات والمكملات والعناصر الغذائية ليكون وجبة مثالية له
4-الانتباه إلى الأطعمة المراد تقديمها للقط، إذ أن طعامك لا يناسب بعض القطط، بالتالي قد يتضرر قطك إن أطعمته من طبقك
5-المحافظة على وزن القطط التي تربيها في المنزل، حيث يؤدي الوزن الزائد إلى إصابة القط ببعض الأمراض، مثل السكري، وأمراض القلب، وضغط الدم، كما يُنصح بالتواصل الدائم مع الطبيب البيطري عندما يتعلق الأمر بوزن القطط

تاني حاجه مكان الحمام للقطه:-
غالباً ما يقلق من ينوي تربية القطط في المنزل عندما يتعلق الأمر بالنظافة وقضاء الحاجة عند إحضار قط الى المنزل، ليس بعد الآن، إذ سنوضح لك بعض الأمور الواجب مراعاتها عند تدريب القطط على قضاء الحاجة:

اختيار المكان المناسب لكي يقضي القط حاجته، إذ يجب أن يكون المكان واسع وهادئ بعيد عن أنظار سكان المنزل، وبعد اختيار المكان المناسب لقطك، عليك تعريف القط على المكان من خلال وضعه فيه ومعرفة فيما إذا كان القط يشعر بالراحة فيه أم لا
اختيار الرمل المناسب لوضعه في حيز قضاء الحاجة، إذ أن هناك العديد من أنواع الرمل: الورق المعاد تدويره، ورمل السيليكا، والرمال الطينية، حيث يتعين عليك معرفة النوع الأفضل لقطك. يجب الانتباه إلى رائحة الرمل، إذ أن هناك العديد من أنواع الرمل المعطرة التي قد لا يفضلها قطك
أبعد أطباق الطعام عن مكان قضاء الحاجة

تالت حاجه واهم حاجه نضافة الحيوان
لا بد من الاعتناء بنظافة قطك للحفاظ على صحته ووقايته من الأمراض، إليك بعض الأمور التي يُنصح باتباعها عند تحميم قطك:

يُنصح بأن يتم تحميم قطك مرتين على الأقل في الأسبوع لتنظيفه من الجراثيم التي تختبئ داخل شعرها
تجنب دخول الماء في أذن القط، إذ قد يتسبب ذلك بموت قطك على الفور
توفير كامل المستلزمات التي يحتاجها قطك للاستحمام، مثل اختيار الشامبو المخصص للقطط بحيث تكون رائحته خفيفة وغير نفاثة
تمشيط شعرالقط قبل وضع الماء عليه، وذلك لضمان إزالة الشعر الزائد وأكوام الشعر غير المرغوب بها
وضع القط بهدوء وبشكل تدريجي داخل حوض الاستحمام وإعطائه بعض الألعاب للعب أثناء الاستحمام
التأكد من درجة حرارة المياة المستخدمة لتنظيف القط، إذ يجب أن تكون معتدلة
فرك شعر القط بشكل خفيف لتجنب إيذائه، وحين شطف القط من رغوة الاستحمام، يُنصح بوضع الماء من الاعلى إلى الأسفل تجنباً لإصابته بالخطر
القطط لا تحب الماء كثيراً، لذا يُنصح بعدم استغراق وقت طويل في غسلها
يُنصح بوضع منشفة تحت أقدام القطط عند خروجها من حوض الاستحمام كي تجفف نفسها
تمشيط شعر القط بعد الاستحمام لتجنب تجعيده
Dr/Ayman♥️♥️

26/10/2022

لو طلعتي براءة الدنيا كلها .. هيا الحقنه هتاخديها يعني هتاخديها
=سبني ي متوحشااوو😺

26/10/2022

معلومه مهمه برضو لو اليفك حصله ارتجاع لونه اصفر يبقا لازم ضرورى جدا متسكتش عليه لان عامل الوقت بيفرق جدا في المشكله دى ... لان دا بيبقا حاجه اسمها bile secration نتيجه لوجود مشكله ف الكبد او القناه الكبديه
Dr/ Ayman ♥️♥️

مشاكل الكبد وأليفك‼️

قابلنا الفترة الأخيرة في العيادة حالات كتير بتشتكي من الاحتباس البولي ومشاكل في الكبد.. وهما من الأمراض اللي ممكن تسبب الوفاة 💔

ازاي تحمي أليفك منهم‼️عن طريق التحاليل الدورية👨‍⚕️

♦️Blood Chemistry تحليل الدم للحيوان
لاستعراض حالة وظائف الكبد والكلى للإطمئنان على حالتهما كونهما من أهم أعضاء الجسم.
♦️Urine analysis تحليل بول
للكشف عن الأملاح والحصوات بالجهاز البولي للحيوان الأليف.

🏵️التحاليل الدورية مهمة للحفاظ على صحة أليفك وحياته🏵️
🏵️لو لاحظت أي اعراض على أليفك لا تتردد في زيارة طبيبه البيطري🏵️
_________
⁦👈🏻⁩تقدروا تنورونا بأستفسارتكم على رسائل البيدج او أرقام العيادة :-
01129299965/01129299945

⁦♦️⁩العنوان⁦♦️⁩
📌45أ شارع العزيز بالله متفرع من جسر السويس/الزيتون.
LOCATION: https://maps.app.goo.gl/3NDJficasD1sQS8J6
📌63 شارع الدكتورة عايدة متفرع من شارع التحرير/ الاميرية.
LOCATION:
https://maps.app.goo.gl/PeFygQ24AUV9jUFz5

⁦♦️⁩it's not just a vet.clinic..it's a Perfect vet.clinic 💯
_________

24/10/2022

👌👇

التهاب الاذن عند الكلاب 🥺🐶

- سببها العدوى البكتيرية أو الفطرية في أغلب الحالات.
-كما قد تتسبب الرطوبة الزائدة وعدم تجفيف أذن كلبك بعد الاستحمام إلى حدوث عدوى في الأذن.

📍أعراض التهاب الاذن :

• قيام الكلب بحك الأذن او المنطقة التي حولها
• وجود افرازات ذات لون بني أو أصفر أو إفرازات بها دم من الأذن
• ملاحظة رائحة كريهة تنبعث من الأذن
• احمرار الأذن وتورمها
• وجود قشور داخل وخارج الأذن
• فقدان التوازن واختلال حركة العين
• فقدان السمع الجزئي او الكلي في الحالات المتقدمة

📍علاج أمراض الأذن عند الكلاب

بشكل عام يتم علاج التهاب اذن الكلاب عن طريق تنظيف الأذن بشكل احترافي وبمواد خاصة بواسطة الطبيب البيطري، كما يقوم الطبيب البيطري بوصف بعض الأدوية للكلب ليأخذها في مواعيد محددة.

📍الوقاية

تنظيف اذن الكلب في المنزل بشكل دوري يساعد على عدم ظهور التهابات الاذن.

بعد استحمام كلبك، أو بعد ابتلال أذنيه تأكد من تنظيفها تماما وعدم ترك أي بقايا للماء فيها

22/10/2022

😂😂😂🐶

فول و طعميه و تحبس بشاي و سيجاره كليوباترا
فاهم ولا أبيعك 😅

21/10/2022

كلا مظبوط جدا كنت هكتبه بوست بس هنا ملخص كل حاجه ♥️♥️

21/10/2022

ده انا لو حد فضل يحبني عمره كله مش هيبصلي البصه دي ❤️🐶

21/10/2022

تأكل كلبك دراي فود ولا فريش فود؟
تقريبا مفيش حد عنده كلب أو قطة مسألش نفسه السؤال ده، والحقيقة إنه سؤال ملوش اجابة واحدة تنفع لكل الناس!
عشان كدة احنا في البوست ده هنقارن بين الاتنين وهنوضح مميزات وعيوب كل نوع...
1️⃣ أولاً الفريش فود:
المقصود بالفريش فود هو الاكل العادي مثلا فراخ او لحمة او خضار سواء بيتعمل في البيت أو بيتم شرائه وسواء كان مطبوخ أو نيء
✅ أهم مميزات الفريش فود
- ضمان مصدره
- اغلب الكلاب والقطط بتحب تاكله
- مكوناته طازجة
❎ سلبيات الفريش فود
- صعوبة توفير جميع احتياجات الكلب او القطة من المكونات الغذائية زي البروتينات والفيتامينات وفي الغالب هتحتاج تديله مكملات غذائية، وبالتجربة اغلب الكلاب اللي شوفناها بتاكل فريش فود في مصر (بالطريقة التقليدية) كان عندها مشاكل في الشعر ونقص في البنية الجسدية.
- تكلفته عالية (لو عملته صح)
ورغم ان اشهر ميزة لنوع الاكل ده هو رخص تمنه لكن الحقيقة انك لو هتأكل فريش فود صح فتكتلفته هتبقي اكبر بكتير من الدراي فود، ده غير انك هتحتاج تجيب انواع اكل متنوعة ومكملات غذائية معينة...
2️⃣ ثانياً الدراي فود:
وده عبارة عن أكل مجفف بيتم تصنيعه من مصادر البروتين والفيتامينات والمعادن الطبيعية، وطبعاً في منه انواع كتير جداً بجودات واسعار مختلفة.
✅ مميزات الدراي فود
لا يحتاج إلى مجهود او وقت لتحضيره
الأنواع الجيدة منه تحتوي علي جميع احتياجات الكلب الغذائية لتقوية العظام والحفاظ على الأسنان ونمو العضلات وصحة الشعر
لا يفسد بسرعة ويمكن حفظه لفترة
تكلفته أقل (بالمقارنة مع الطريقة الصحيحة لتقديم الفريش فود)
❎ سلبيات الدراي فود:
الدراي فود بيكون ليه سلبيات في حالتين إما قلة جودة النوع،
أو تقديم دراي فود لا يناسب الكلب،
غير كدة أنواع الدراي فود الجيدة ملهاش سلبيات بشكل عام.
الخلاصة؟ 🐶
رغم إن الفريش فود نظرياً أفضل إلا إن الواقع بيقول ان محدش بيقدر يوفر كل احتياجات كلبه او قطته من خلال الفريش فود فقط إلا المربيين المحترفين،
بالتالي الدراي فود هو الحل الأفضل عملياً لأنه مبيحتاجش مجهود أو وقت لتحضيره ومتوفر دايماً ولو جبت نوع كويس يناسب كلبك عمرك ما هتواجه معاه مشكله!
Dr/ Ayman

20/10/2022

التغذية السليمة للكلاب ❤🐶

1 ـ تنويع الوجبات التي نقوم بتقديمها للكلب.
2 ـ يمكننا اعطاء الكلب الفاكهة ( كالموز ، الكيوي ، الفراولة و البطيخ) وغيرها من الفواكه الأخرى التي يستمد من الكلب الطاقة اللازمة كما أنها تكون صحية ومفيدة له.
3 ـ يمكن ادخال النشويات الى طعام الكلاب بإضافة البطاطس أو الأرز إليه.
4 – الكبد والبيض وهى أيضًا من أهم الأطعمة التي تحتوي على الكثير من العناصر المفيدة للكلاب.
5 ـ لا يجب حفظ طعام الكلاب في الثلاجة لمدة طويلة
6 ـ يمنع تمامًا تقديم الأطعمة التي تحتوي على الشوكولاتة للكلاب.
7 – يجب أن يتعود الكلب على تناول الأطعمة المنزلية.

📍وبشكل عام يحتاج كل من الكلاب والقطط إلى شرب كميات كبيرة من الماء خاصة في فصل الصيف.

20/10/2022

هوضح لكم الفرق بين البرد والبارفو.. لأن بينهم أعراض متشابهه. 🦮

* أعراض البرد :

1- سيلان الأنف
2- إحمرار العين
3- إرتفاع فى درجة الحرارة
4- صعوبة فى التنفس
5- الخمول

* أعراض البارفو

1- إسهال دموي
2- إرتفاع فى درجة الحرارة
3- ترجيع مستمر
4- الخمول
5- فقدان الوزن

لو أليفك عنده أعراض من دي لازم تعرضه فوراً على دكتور بيطري عشان يفصل لو كان بارد او بارفو.👉
Dr/Ayman

20/10/2022

سونااار ايه يا بغلاااوو
انا جعاناااوووو 😂😂😂♥️♥️

20/10/2022

ركزو ف الكام نقطه دول مهمين 👇
هناك مجموعة من الأمور الواجب مراعاتها عند تربية حيوان أليف في المنزل ولا سيما عندما يتعلق الأمر بالقطط، إذ يجب الانتباه لبعض الأمور المتعلقة في تربية القطط في المنزل واضرارها التي قد تنجم جراء اقتنائها، إليك مجموعة من هذه الأمور:

1-من الطبيعي أن تكون القطط كثيرة الحركة، مما قد يؤدي إلى وصولها إلى أماكن خطرة لا يُسمح لها بالوصول إليها، مثل المواد الكيميائية، وأعين الغاز، والنوافذ المفتوحة، لذا يجب أخذ الحيطة والحذر من تلك الأماكن

2-إمكانية انتقال الأمراض الفطرية (القوباء) التي تحملها القطط إلى الأنسان، حيث تظهر على شكل بقع حمراء على جلد الإنسان

3-تؤدي القطط في بعض الأحيان في حال اقترابها من مكان الشرب والطعام إلى التهاب الحلق واللوزتين

4-الحذر عند تنظيف القطط لما تسببه من نزلات معوية، مثل الاسهال الناجم عن انتقال الميكروبات مثل السالمونيلا، لذا يُنصح بوضع قفازات عند تنظيف القطط وإبعادها عن مكان تناول الطعام
Dr/Ayman♥️

19/10/2022

تعرف أن فيه أطعمة كتير قطتك 🐱 ممكن تبقى بتاكلها
وهي خطر على صحتها بشكل كبير 🙄

و أهم الأطعمه دي :

🔷البصل والثوم 🧄🧅
🔷البيض النيئ واللحوم النيئة والسمك النيئ🥚
🔷مشروبات الكافيين والشيكولاته 🍫
🔷الحليب🥛
🔷العنب والزبيب🍇
🔷السكر والحلويات بكل أنواعها 🍭
🔷الكحول 🥃

ولو عاوز تعرف أكتر كلمنا على رقمنا 15891 ☎️
أو 📍شرفنا في العيادة وممكن كمان تكتب استفسارك في كومنت واحنا هنرد عليك على طول 🏃

18/10/2022

مهم جدا جدا جدا

🏵️في تغيير الفصول بين الصيف والشتا أمراض كتير بتنتشر🏵️

♦️من الأمراض الڤيرو.سية المنتشرة الكاليسي، أعرف منين ان قطتي ممكن تكون مصابه به⁦‼️⁩

_________
🚩الأعراض:-
1️⃣نقص الشهية أو فقدانها.
2️⃣ إفرازات العين والأنف.
3️⃣ظهور قرح على اللسان وسقف الحلق.
4️⃣ارتفاع درجة الحرارة.
5️⃣الهمدان وقلة الحركة.
__________

🚩الوقاية⁦:-
المحافظة على تطعيمات القطط الدورية يقلل من فرص الإصابة بالڤيرو.سات المميته للقطط.
__________

🏵️متاح التطعيمات في المنزل داخل القاهرة والجيزة الزيارة بتكون من الطبيب البيطري المختص⁦🏵️⁩
__________

⁦🏵️⁩عند ظهور أي أعراض على قطتك متتأخرش في زيارتك للطبيب البيطري كل ما كان الكشف بدري كل ما فرصة الشفا كانت أعلى⁦🏵️⁩
__________

⁦👈🏻⁩تقدروا تنورونا بأستفسارتكم على رسائل البيدج او أرقام العيادة :-
01129299965/01129299945

⁦♦️⁩العنوان⁦♦️⁩
📌45أ شارع العزيز بالله متفرع من جسر السويس/الزيتون.
LOCATION: https://maps.app.goo.gl/3NDJficasD1sQS8J6
📌63 شارع الدكتورة عايدة متفرع من شارع التحرير/ الاميرية.
LOCATION:
https://maps.app.goo.gl/PeFygQ24AUV9jUFz5

⁦♦️⁩it's not just a vet.clinic..it's a Perfect vet.clinic💯

_____________

16/10/2022

ليه بلاش تأكل كلبك العظم !؟؟

⚠️ بصوا خلونا نشوف كده دورة حياة العظمة الصلبة اللى بياكلها كلبك 🐶وانت فى غاية السعادة وفرحان بأن العضم بيخليه يربرب ❌ويكبر بسرعة❌ من مصدر مجهول 🤦‍♀️🙇‍♀️🙆‍♀️

🐕 🟥بداية من الأنف اللى هو أول حاجه هيشم بيها الكلب العظم اللى هياكله.
لو كلبك استنشق فتفوته او شظايا من العظم بشكل خاطئ ممكن تعلق بالقصبة الهوائية عنده وتؤدى لحدوث صعوبة بالتنفس ولو ده حصل لازم فورا تاخده وتجرى على الطبيب البيطرى .

🐕 🟥 عدى مرحلة الشم الحمد لله بأمان وبدأ أكل العظام ندخل على الفم والاسنان.
نتيجة طبيبعة من صلابة العظام اذا اتعلقت بين اسنان الكلب عظمه هتتسبب آلام مبرحة فى الفك نتيجة لحدوث نزيف بالفم أواللسان أواللثة أو كسر الأسنان .

🐕 🟥 خلاص كل اللى فات عدى بأمان ندخل على البلع والمرئ والمعدة والأمعاء والمستقيم وركز معايا كويس أوى فى اللى جاى
قد تتعرض الكلاب لمشاكل بالهضم عند تناول العظم فى حالة تعلقه بالمرئ مما يؤدى إلى تقيئ الكلب فى محاولة منه لإخراج العظمة العالقة مرة تانية ، وفى حالة فشله لابد من الإستعانه بالطبيب البيطرى فورا .

🐕 🟥 اذا لم تتعلق بالمرئ ومرت بسلام للمعدة واستوعبتها المعدة لصغر حجمها ربما لا تستوعبها الامعاء ان كانت كبيرة الحجم مما يؤدى لإنسداد بالأمعاء ولا يوجد حلول بديلة وقتها عن الاعتماد على البيطرى لإخراجها .

🐕 🟥 قد تتسبب العظام فى ثقب وتجريح المعدة أو الأمعاء مما يؤدى الى حدوث إلتهاب بريتونى وهو إحدى أنواع العدوى البكتيرية التى تحدث فى بطن الكلب وقد تتسبب فى "موته".

🐕 🟥 قد تمر العظمة بسلام من المرئ والمعدة والأمعاء وتسبب نزيف حاد بالمستقيم مما يشكل خطورة على حياة الكلب .

🐕 🟥 قد تمر بسلام من كل ما سبق وتصل لمرحلة الإخراج وما يشعر به الكلب حتماً من آلام شديدة من تأثير شظايا العظام الحادة والإمساك .

♥️رجاءًا ♥️ شوف ايه الحكمة اللى بتدعوك لإنك تأكله عظام ودور ليها على بديل صحى وآمن ويرحمه من آلام مش مجرد انها محتملة لأه✖️ هى آلام مؤكده ✔️
ومش كل مرة هتظبط لما ما تسألش طبيب وتسأل مجرب استفاد من الاتنين بس اعقلها عشان ترحم الحيوان اللى ربنا وكلك على تربيته 🌹.
Dr/ Ayman

16/10/2022

نركز ي جماعه بخصوص عملية التعقيم هجاوب عن كل حاجه فيها علي هيئة سؤال وجواب👇

يعني ايه اصلا التعقيم؟
التعقيم هو عملية تعقيم قطتك الأنثى. في ذكور القطط، يطلق عليه الخصاء، على الرغم من أن هذا المصطلح يستخدم أحيانًا للإشارة إلى عملية التعقيم في كل من الذكور والإناث.

كيف يعمل التعقيم؟
يجب إجراء عملية التعقيم من قبل طبيب بيطري أو غيره من المتخصصين المؤهلين، ويستلزم ذلك إجراء قطتك لعملية جراحية. ثم تُمنع قطتك الأنثى من إنتاج البيض الذي يمكن أن يخصبه قط ذكر، بالإضافة إلى منع جسمها من إفراز الهرمونات الجنسية التي تجذب الذكور.

متى يمكنني تعقيم قطتي؟
سواء أكان قطك ذكرًا أم أنثى، يمكنك تعقيمه قبل سن البلوغ. بالنسبة لإناث القطط، في سن ستة إلى سبعة أشهر، على الرغم من أنه يمكن القيام بذلك بأمان من سن ثلاثة أشهر. تميل إناث القطط إلى الحصول على أول دورة حرارة لها عندما تبلغ ستة أشهر من العمر؛ ستلاحظ تغيرًا في سلوكها حيث أنهم تُكثر المواء، وتفرك نفسها بساقيك أو أثاثك، وتأخذ وضع التزاوج كلما لمس أحد ظهرها.

هل يجب علي تعقيم قطتي؟
يرجع إليك أمر تعقيم قطتك الأنثى، أو ما إذا كنت تريد أن تكون لها قطط صغيرة في المستقبل. توجد عدد من الفوائد لتعقيم قطتك؛ الأهم هو أنه يمكن أن يزيد من عمرها بشكل كبير.

يمكن للتعقيم أيضًا:

منع الصغار غير المرغوب فيها
قلل من احتمالية قتال قطتك الأنثى مع قطط أخرى
تقليل احتمالية انتشار الأمراض المنقولة بالاتصال الجنسي
الحد من عدد القطط الضالة التي تظهر بسبب الصغار غير المرغوب فيها
التقليل من أعراض التعرض للحرارة، والتي يمكن أن تكون مزعجة وصاخبة لمالكيها
كيف سيؤثر التعقيم على النظام الغذائي لقطتي؟
بمجرد تعقيم قطتك، ستبدأ في ملاحظة التغييرات في سلوكها - بما في ذلك عاداتها الغذائية. يمكن أن تزيد شهيتها للطعام بنسبة 20-25٪، لكن إنفاقها الفعلي للطاقة يقل بنسبة 30٪. هذا يعني أنه من السهل جدًا على القطة الأنثى أن تأكل وتخزن الطاقة الزائدة على شكل دهون.

إذا قررت تعقيم قطتك وهي لا تزال صغيرة، فستظل تنمو وبالتالي تحتاج إلى طعام يدعم ذلك دون تشجيعها على زيادة الوزن دون داع. يعد الطعام المحدد، المصمم خصيصًا للقطط الصغيرة المعقمة، أحد أفضل الأشياء لإطعامها في هذه المرحلة.

ما المضاعفات التي يمكن أن تحدث مع التعقيم؟
تأتي أكبر المضاعفات المرتبطة بالتعقيم من الوزن المحتمل الذي يمكن أن تكتسبه قطتك، والذي بدوره يمكن أن يؤدي إلى أمراض خطيرة على الصحة. يرتبط كل من داء السكري وأمراض المفاصل بالسمنة في القطط، في حين أن القطط المستقرة أو الداخلية يمكن أن تنتهي بمشاكل في الجهاز الهضمي بسبب قلة الحركة وقضاء الكثير من الوقت التزيّن.

إن اتخاذ قرار بتعقيم قطتك هو قرار يمكن أن يؤثر إيجابًا على صحتها وحياتها المنزلية، لكن له آثار طويلة الأمد. إذا كنت بحاجة إلى مزيد من النصائح، فتحدث إلى طبيبك البيطري الذي سيكون قادرًا على تقديم النصح لك بشأن أفضل مسار للعمل
Dr/ Ayman

15/10/2022

15/10/2022

نقص الطاقة من المنظور الاستراتيجي

طبعا العلف غلي جدا جدا و زي متكلمنا قبل كدة عن نقص الطاقة و خسايرها و مصايبها ... .و عرفنا ان الكبد مهروس مع البقرة و الدهون قاعدة تترسب فيه و اتكلمنا ازاي نعمل اختبار .....و نسجل نتايج الاختبار و نحللها و نعالج البقر بدري بدري قبل ما الحالة تتطور و البقرة السيستم يقع.......و تستبعد.

كبد البقرة اللي بتترسب فيه دهون بينتج جلوكوز اقل ب ٣٥% الجلوكوز ده هو اكسير الحياة بالنسبه للبقرة و اي نقص فيه بيتسبب في ان البقرة تاكل اقل و ده هتشوفه في حظاير البقر الحديث هتلاقي البقر سايب علف تاني يوم .....و قاعد بيخس....

الحمد الله ان العلاج موجود و حلات كتير لو اختبرت و اتعالجت بسرعه بترجع تكمل الموسم طبيعي و بنقلل الخسائر ....بس انت كطبيب او مهندس زراعي او مربي ازاي اقلل الكيتوزيس و الكبد الدهني (نقص الطاقة)

هنا العلم قال كلمته خصوصا علم الوراثة اللي ساهم بشكل كبير ان البقر برة مصر صحته العامة ارتفعت و بقينا بنشوف بقر ٨ و ٩ موسم عادي جدا و مكملة ...و ده بنشوفه في شهادات البقر المستورد .

الناس دي منظمة كل حاجة بتحصل عندهم فل قطيع بيسجلوها و يحللوها و بناء علي المشكلة بيختاروا الطلوقة اللي بيعالج المشكلة دي .....لا بيعملوا مناقصة عشان يختاروا الطلوقة و لا بيختاروا القصيبات عشان صورته حلوة.....لا دا عارفين ان ده مستقبل مزرعه ....يعني مفيهوش هزار.

لو انت مش قادر او مش شايف مشاكل مزرعتك او بتدفن دماغك فل رمل و اهي ماشية ثق تماما قطيعك هيفضل زي ما هو مش هيكبر و هتفضل في مكانك.



برة مصر كل عجله بتتولد بياخدوا منها عينة و تتبعت المعمل و المعمل بيقول كلمته و بيتنباء بانتاجيتها و مشاكلها و بيقولك تكمل ولا تمشي من اول يوم اتولدت.

ده متاح في مصر و بيكلف ٣٠ دولار للعجلة .....بس مش كل الناس تقدر تعمله ....

الحل التاني اننا نرجع لبيانات القطيع اللي محدش بيهتم بيها و لو المدير مشي البيانات بتضيع او الناس بتكسل او مش بتسجل.....و هنا الكارثة طب احنا هنعرف مشاكلك ازاي يعني.....اكيد مش هننجم....

كل العالم متجه ناحية البقرة اللي بتعيش اكتر المقاومة للامراض الايضية زي نقص الطاقة البقرة اللي تصرف علاجات اقل .....البقرة الصحية المستدامة اللي عجلها يكمل و مناعته ممتازة.

لو لسه بتختار طلايق عشوائي انت خسران و فايتك كتير.

في الصورة عجله مقاومه لنقص الطاقة اقل من متوسط قطعان الهوليستين ٩٧ البرنامج اختارلها طلوقة من الطلايق المتاحة متوسطه ١٠٧ عشان تعلي عن المتوسط العالمي للهولستاين و بالتالي العجله تبقي افضل من امها.

الفحص الجيني و افضل الطلايق الهوليستين متوفرين بشركة 4GENETICS تواصل معاهم لاختيار افضل الطلايق لمزرعتك و ابني مزرعتك صح.

15/10/2022

نركز جدا علشان في ناس بتغلط ف تنضيف قطتها ودا ممكن يسبب امراض 👌 ودي الطريقه الصحيحه للاستحمام👇
بعد أن تطمئن القطة لحوض الاستحمام الفارغ حاول تبليل أرجل القطة بالماء دون غمرها كليًا بالماء، اغمر حوض الاستحمام بالماء الدافئ (وليس الساخن) حتى يصل الماء إلى ارتفاع 5 سنتيمترات بحيث يغطي أرجل القطة، وذلك لكي تعتاد القطة على صوت الماء الجاري. ينبغي أن تغلق الباب لمنع القطة من محاولة الهرب
Dr/ Ayman

15/10/2022

لتحافظ على صحة القطط في منزلك، عليك الانتباه إلى طريقة ونوع تغذيتها، إذ يجب أن تتلقى تغذية سليمة لتجنب اصابتها بالمرض، إليك أساسيات التغذية الواجب أخذها بعين الاعتبار عند تربية القطط فى المنزل :

يُنصح باعتماد الأغذية المعلبة وتقديمها للقطط وتجنب تقديم الطعام المهروس لها
اختيار الغذاء المتوازن للقطط، إذ عليك الانتباه إلى الارشادات الملصقة على علبة الطعام بحيث تكون متوازنة ومتكاملة
يُنصح بأخذ مشورة الطبيب البيطري عند تحضير الطعام المنزلي لقطك، إذ يجب أن يحتوي على كامل الفيتامينات والمكملات والعناصر الغذائية ليكون وجبة مثالية له
الانتباه إلى الأطعمة المراد تقديمها للقط، إذ أن طعامك لا يناسب بعض القطط، بالتالي قد يتضرر قطك إن أطعمته من طبقك
المحافظة على وزن القطط التي تربيها في المنزل، حيث يؤدي الوزن الزائد إلى إصابة القط ببعض الأمراض، مثل السكري، وأمراض القلب، وضغط الدم، كما يُنصح بالتواصل الدائم مع الطبيب البيطري عندما يتعلق الأمر بوزن القطط
احرص على تقديم الماء النقي لقطك
Dr/ Ayman