هذة الخدمة مقدمة تحت إشرف: (Pet Medical Center (P.M.C.
اولا : البروتين
البروتين عنصر غذائي مهم جدا لكن بنسبة لا تتجاوز ٢٥ % من مكونات الاكل
و يفضل انه يقل قبل عمر ال ٦ شهور و يزيد بعد كدا
لكن خلى بالك
زيادة البروتين بتأثر على الكالسيوم لان البروتين بطبيعته بيتحد مع الكالسيوم اللي في الاكل و يطلع برا الجسم
معني كدا اني لو اكلت الكلب بروتين صافي ابقى بضرة مش بفيدة
ثانيا : الفيتامينات
و دي ارخم حاجة في الاكل لان الفيتامينات موجودة في الخضار و الكلب مش بيحب ياكل الخضار فلازم نضحك علية و نخبي الخضار في البروتين علشان يرضي ياكل الخضار
ثالثا : الكالسيوم
الكالسيوم من اهم العناصر الغذائية اللي الكلب بيحتاجها في كل مراحل حياته و خاصتا في اول ٦ شهور
بس المشكلة ان الكاسيوم موجود في العضم و العضم لو الكلب اكله ممكن جدا يقطع المعدة و الامعاء فكان لازم نفرم العضم
و من هنا بدأت الفكرة
٢٥ % بروتين ( فراخ بانية )
٢٥% فيتامينات ( كوسة و جزر و بروكلي )
٥٠% كالسيوم هياكل فراخ
نفرمهم مع بعض و نضيف عليهم اوميجا ٣ و اوميجا ٦
فاضل اخر حاجة
رابعا : النشويات
و دي اسهل حاجة انك تضيف عيش او رز او مكارونة و بتبقى علي حسب رغبتك في انك تتخن او تخسس الكلب
التعبئة
الاكل دا بيتم تعبئته في اكياس
الكيس نص كيلو يكفي كلب وزن ٢٥ الى ٣٠ كيلو ( بعد اضافة النشويات )
الكيس كيلو يكفي كلب وزن ٥٠ كيلو (بعد اضافة النشويات )
سعره
سعر الكيس نص كيلو ١٠ جنية
سعر الكيس كيلو ٢٠ جنية
الحفظ
يحفظ هذا الاكل مجمد و يكون صالح للاستخدام مجمد لمدة ٦ شهور
طريقة الاكل
الاكل ني (raw) و المفروض ان الكلب ياكل الاكل ني
*فوائد الاكل الني.
اولا
القيمة الغذائية للاكل ١٠٠% لان تسوية الاكل بيكسر الفيتامينات اللي فية
يعني لو سويت الاكل انا بخلي القيمة الغذائية اللي فيه تصل من ١٠٠% الى ٦٠ %
ثانيا
الاكل الني بيقوي الجهاز الهضمي و معدة الكلب
ملحوظة: لو عاوز تسوي الاكل مش مشكلة
اخر حاجة
ازاي افك الاكل من التجميد علشان اقدمة للكلب ؟
افضل طريقة لفك التجميد هو الصعود تدريجيا من بدرجة الحرارة
يعني الافضل انك تنقل الاكل من الفريزر للتلاجة لمدة ٢٤ ساعه
ساعتها هيكون الاكل بارد بس مفكوك
تقدر بعدها تزود علية النشويات
و ممكن يتفك في ١٠ دقايق في المايكروويف او ٢٥ دقيقة في المياة الساخنة
🐶🐶🐶
All Your Dog Needs..Tarek ALi 01033338776
