Animals Welfare Activists

⚠️جسمه حرفيّا عم بينزف من كل الميلات⚠️ شوهد بمحيط برج حمود. الصبايا حطولو اكل ومي بس ما قدروا كتير يقربو منه. الجرب اكله، الدم من كل الميلات بجسمه. هالمعتر حرام يبقى بالشارع. غير وجعه والحك والدم والقهر، ضروري انقاذه قبل ما يقتلوه. Location: https://maps.app.goo.gl/AcJcWN2Nd5mrsuhJ6?g_st=ac ا✏️ #GhinaNahfawi

⚠️جرو صغير...بس تعذب كتير⚠️ اكتر من مرة سمعت الفيديو...صغير ومقهور كتير..زعلان ضعيف تعبان مكسور القلب والخاطر...مربوط كان بحبل غسيل...ما منعرف اديش انسحل وتعذب وعطش وجاع لحد ما لقيوه بهالحالة. هالصغير بحاجة لطبيب بيطري والاهم..بحاجة لحناين يجبرو بخاطره المكسور. موجود بمحطة ال IPT تحوم البترون☎️70345145 ا✏️ #GhinaNahfawi

⚠️عينها حجر...⚠️ ما بعرف الوقت اللي قطع على هالمعترة ومتحمّلة عينها اللي متل الحجر. يوم بعد يوم والحالات عم بتصير مرعبة وتزداد سوءا. موجودة بالدامور☎️71946656

🚨نداء للأحبّة بمحيط طريق عام ضهور الشوير بولونيا. للتواصل☎️81120433

⚠️قصة الغولدن بعين الرمانة حد ثانوية سعيد⚠️ للزبالة اللي لابس ثياب وبتسوق Jeep ورميته لهالمعتر بهالمكان. انت اقل من زبالة، الزبالة مفيدة ♻️، انت قعر المستوعب اللي منرمي فيه الزبالة. يا حقير، تبقى لف ال Jeep وخدوا معك عالقبر، ان كان تحت التراب او بشي جارور! آخرتك وجبة للدود. مبارح ببوست ومانشن ع تويتر، عرفت بهالمعتر. واليوم صار عندي كل التفاصيل عنه. والمعتر ناطر! ا✏️ #GhinaNahfawi

⚠️اجرام بحق كلب بالحدت السان تيريز⚠️ حإبدأ هالبوست بالمناشدة بإنقاذ هالصغير اللي عمره بس 6 اشهر والمصاب بجرح عميق بإيده من مكان مُلوث بشوية موتورين ومعقدين نفسيا والظاهر قضّوا طفولتهم بالضرب من اهاليهم بالنرابيج فكبروا فاشلين معقدين ومرضى وعم بفشّوا خلقهم بأضعف الكائنات. الحادثة اللي خبرني ياها خضر صارت قبل مبارح، والكلب حاول يخلليه عنده خضر تحت بيته لبينما نلاقيلو مكان آمن. وخضر دهنلو بيتادين عالجرح انما اليوم الصبح صار تطور سريع بالأحداث وبيحكيني شخص آخر انو نفس الكلب تعرض لضرب مبرح بالنربيج. يا فاشلين واللي ناطرين بالدور الشفقة ولقمتكم، مش ملاقيين غير هالمعتر تضربوه!! هالصغير اذا بقي بمكانه سيتم قتله. يجب سحبه فورا. للتواصل مع خضر☎️76045558 ا✏️ #GhinaNahfawi

⚠️بط مكبوووب بكرتونة⚠️ بعد البسينات والكلاب والسلاحف والأرانب، البعض من هالشعب "الفهيم" تخلى عن بطتين ورميوهم بكرتونة بالشارع!! بالشارع بهالشوب!! اقسم بالله انو لو شو ما صار فينا قليل! لشو بتجيبوا لولادكم حيوانات وبترجعوا بترموهم! لك انتو حتى الصرصور حرام يتواجد ببيوتكم!! نحنا لا منحب الحياة ولا حتى منحب الموت لأنو جبناء منخاف منه ومنخاف نوقف امام قاضي السماء!! نحنا ما منحب شي، لا الشجرة ولا الصخرة ولا التراب ولا السما ولا الشمس ولا الطير ولا الحيوانات ولا حالنا! لك نحنا منكره حالنا!! هالصغار ما عنده محمد مكان بمحله الهم مع الشكر الكبير الو انو شالهم من الشارع. رجاء اللي عنده مزرعة او مكان مع بركة صغيرة ممكن تكون جنّة لهالصغار ويعتني فيهم لآخر نهار بعمرهم، يتواصل مع محمد. طريق الجديدة☎️70734583 وانا بدي تابع وين ومع مين حيصيروا رجاء🙏🏽. ا✏️ #GhinaNahfawi

⚠️من خوفه مخبّى تحت السيارة - السان تيريز⚠️ لفي على المنطقة وتخبى تحت السيارة. عنده اصابة بإيده. ما بعرف اذا معنّف وكرمال هيك خايف كل الوقت..ما ضهر من تحت السيارة الا لما حطّولو مي واكل ورجع يتخبى. اللي قادر يساعده، رجاء يتواصل مع هالرقم☎️71875680 ا✏️ #GhinaNahfawi

😻هالحلو للتبني😻 قصته متل كتار قصص بتوجع القلب..بس قدرنا نتحمل هالوجع لحتى نلاقيلهم بيوت تحميهم. هالصغير عمره سنتين، مخصي وآخد كل طعوماته. كان عايش مع اصحابه اللي قرروا يسافروا ويتركوا البلد، سلّموه لشخص على اساس انو حيكون مؤتمن على حياته. انما للأسف ما اتفق مع البسين اللي عنده و "اضطر" يفلتو بالشارع. ما بدي احكي اكتر لأنو ما بقا في كلام يفيد. المهم، الصديق الغالي نسيم @vegan_wonderer_1982 شالو من الشارع وصار عنده بالبيت، انما نسيم سبق وتبنى بسينة طرشا كنت نشرت عنها ومبسوطة كتير وبأمان...وما اتفقت مع هالحلو ابدا. نحنا ضروري بحاجة لبيت يتبنى هالقمور لأنه بحاجة يكون وحده ملك 👑 ببيت يحبه وما يتخلى عنه. للتواصل☎️71960761 ا✏️ #GhinaNahfawi

⚠️زاحوها رفقاتها للكلبة عن الطريق - حراجل⚠️ قهر وحرقة قلب كل يوم اكتر من يوم. ضربتها سيارة بحراجل، ورفقاتها للكلبة زاحوها عن الطريق وهي زحفت وكمّلت لتخبّي حالها من وجعها. الشاب اللي بلغ حط مي واكل، حاول يزيحها اكتر بس انينها منعه يكفي لأنها كتير موجوعة. عندها جراوي وما بعرف اذا بيعرف عنهم شي الشاب. يا ريت اللي قادر يساعدها ما يتردد. للتواصل☎️70846655 ا✏️ #GhinaNahfawi

🚨تحديث عن كلبة الحرج بالحازمية🚨 ما في كلام يعبر عن الشكر والامتنان للصديق علاء حيدر اللي رفض ينام قبل ما يتوجه عالحازمية ويفتش عن الكلبة. شكرا للغالية كارين اوهانيان والصديق عامر اللي لبوا النداء وانضموا للبحث عن الكلبة المصابة. حبيبتي صغيرة ومسالمة وكتير معترة. بالفيديو جمعت كل اللي تصور خلال رحلة البحث عنها. علاء توجه للطبيبة البيطرية، اجر الكلبة للأسف بدها بتر وحبيبتي خسر كتير دم وكانوا كل الوقت سامعين صوتها عم تبكي وصوتها دلّهم على مكانها بهالحرج اللي كلو نبات شائك. الشكر الاكبر للصبية دوللي ابراهبم اللي بلّغت عنها وبقيت تحاول من ال 9 الصبح. وللجبان اللي قوّصك، بيجي نهار وبتدفع ثمن. ضروري نطلب تأمين مكان لإخواتها ال 2 لهالكلبة واللي مصيرهم القتل كمان. لأي حدا بحب يساعد علاء بكلفة العلاج، يتواصل معه☎️71980464 ا✏️ #GhinaNahfawi

⚠️ساعدونا نلاقي خضّورة - طرابلس⚠️ خضّورة او doura مش بسينة عادية..هي بسينة شارع خلقت وعاشت 4 سنوات بشارع مطران (طرابلس). بزعل وبشفق على كل شخص ما بيفهم احساس شو يعني تعيش معك بسينة طريق وتصير رفيقة الكتار بالشارع ويكون هالشارع بيتها وحياتها. خضوره بسينة شيرازية تمها مشقوق، عمرها 4 سنوات وحامل. اختفت فجأة من شارع مطران من حوالي 19 يوم..نحنا اكيدين انها مكبوبة. وين معقول تكون؟ بالمينا، التبانة، بباب الرمل، بالثقاقه، بالمئتين، بنهر ابو علي، بطينال ومحيطه، بالجامع الكبير، بالبالات، بالزاهرية، بالسوق، بالتل، بالقبة، بأبو سمرا، بالبداوي...بكل طرابلس. ساعدونا نلاقيها. هالصغيرة هلأ ضايعة بمحيطها وبمكانها الجديد. وبيبقى الأمل انو اللي رماها، يحس على دمه ويرجع يجيبها على مكانها. هالشيرازية اللي لونها رمادي وابيض بترد على اسمها خضورة او doura. اذا في اي معلومات، للتواصل مع الصبية المحروق قلبها عليها واللي هي ربتها وبتهتم فيها☎️03165885 ا✏️ #GhinaNahfawi

🔴Updates🔴 لقيناها...رحلة البحث عنها بهالرابط: https://www.facebook.com/share/v/p6JRchVLvssQsR9A/?mibextid=oFDknk 🚨نداء عاجل للإنقاذ🚨 ⚠️تقوص تسعة الصبح ومختفي بالحرج وعم بينزف⚠️ جبان حقير ساكن بالحازمية قوّض هالمعتر اللي هرب بحرج كبير كلو شوك. المعتر عم بينزف وبعد ما قدرنا نتعاون مع حدا يتجاوب معنا لنقدر نفتش عليه داخل هالحرج. بعرف انو الطلب جدا صعب بس في روح بالدق وحيوان بحاجة لإنقاذ. اللي قادر يساعد، رجاء يتواصل مع الصبية☎️03351102 ا✏️ #GhinaNahfawi

🚨⚠️🚨⚠️🚨⚠️🚨⚠️🚨⚠️🚨⚠️ #عاليه

⚠️عم تتخايلوا انو هالصغير مكبوب!!!!!⚠️ لقيوه على طريق المتن بوسط الطريق العام. ما بعرف كيف زمط من بين السيارات. الانسان الطيب اللي وقّف السيارة ليشيلو، ما صدق عيونه شو شافت. جرو بعمر الشهر او الشهرين مكبوب! تخلوا عنه ولا فرقت معهم عمره الصغير. عم تتخايلوا انو هالشي المكعزل ونايم متل الجنين ببطن امه مكبووووب على طريق عام...بهالعصفورية!! بدنا ضروري متبني وبيت لهالحلو لانه الشاب اللي لقاه عنده كلب ما بيتقبل حدا غيره ابدا. للتواصل☎️76888157 ا✏️ #GhinaNahfawi

⚠️معنا للساعة 6 المسا بس⚠️ 🚨ضايع او تخلوا عنه؟🚨 لقيوه بفرن الشباك مبارح بالليل. لفي على تمثال ومحبة السيدة العذراء وما كان راضي يفل. وبعد عدة محاولات، قدروا يخلوه بمدرسة..بس الست معها لليوم الساعة 6 المسا والا ممكن تخاطر بشغلها كمان. ما الها قلب يرجع عالشارع، وبدنا قلب يلاقيلو مكان آمن. للتواصل مع الست الطيبة اللي عمبتحاول تساعده☎️03988942 ا✏️ #GhinaNahfawi

⚠️لقيوها بمنطقة بسوس⚠️ على حافة عامود الكهرباء وبعدها بالشارع. رجاء اي حدا قاطع يشيلها وينقلها لمكان آمن. Location: https://maps.app.goo.gl/pG58yGmnqv1nvr9B7?g_st=ac ا✏️ #GhinaNahfawi

⚫️تحديث⚫️ توفت صباحا بالمستشفى. للأسف عرفنا فيها مبارح وكتير مأخرين! اسبوع على هالحالة! ⚠️ما بقا اعرف شو لازم اكتب..⚠️ ضربتها سيارة من اسبوع ومشيت طبعا. المعترة بعين واحدة وصارت مشلولة وشفقت عليها ست عمرها 72 سنة وطبعا ما عندها القدرة المادية اطلاقا لحتى تساعدها. بلّش ياكلها الدود من الخلف، عمبحاول اتخايل شو حاسة او شو ما حاسة..عمبحاول قدّر اديش وقت بعد ممكن تضاين. موجودة بالأوزاعي. اللي قادر يرفع عنها هالظلم، رجاء يتواصل مع منار اللي بتعطيكم رقم السيدة. للتواصل☎️ ا✏️ #GhinaNahfawi

⚠️ضروري بدو بيت قبل ما يصير بالشارع⚠️ اكيد نور -الصبية اللي بالتسجيل- كان قصدها انو في نفايات لابسة ثياب قررت تتخلى عن هالروح وترميه بالشارع! ذكر وعمره شهرين ونور عم بتحاول تلاقيلو بيت. للتواصل☎️71585157 ا✏️ #GhinaNahfawi

⚠️رميوهم عالمتن السريع. الجراوي ماتوا وبقي واحد⚠️ عايشين بين وحوش حرفيا. يعني يتميز لبنان بطقسه وبالحمضيات وبوحوش نسيوا ينقرضوا وبعدهم على قيد الحياة! رميوها لهالإم مع جراويها اللي ماتوا. بقي واحد حبيبي بعدو بيحضنهم وبنام الى جانبهم. وجودهم خطر عالخط العام وبين لحظة ولحظة هي او ابنها حتهرسهم سيارة. اللي قادر يساعد وينقلهم على مكان آمن، يتواصل☎️03907806 ا✏️ #GhinaNahfawi