SIU MOR KWAI - Pekingese & TOFU FA - French Bulldog

10/06/2024

姐姐今日約左學營養學既同學仔，
一齊帶狗狗聚會🥰

同學仔讚豆小姐好乖好定好斯文🤣

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

07/06/2024

放完電，暴斃…………😵😵

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

06/06/2024

係屋企同姐姐玩到癲左～
自己亂跑一通，
直接衝入籠緩衝🤣

🐶：有無見到我d牙仔好雪白呢🦷🦷
醫生都讚我d牙好靚～～
有牙膏廣告可以搵我拍喎～

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

06/06/2024

點解望到，食唔到既？？🤯

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

02/06/2024

屁孩、危站、雜技、蜘蛛俠

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

29/05/2024

豆腐花1，2，3……📸

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

29/05/2024

麻煩各位主人，
同隻狗出街、去公園真係拖返住條繩。
唔好講咩廢話，去公園緊係比佢自由嫁啦！

唔拖繩叫得返黎又點？
唔拖繩跟住你又點？好自豪？好威？
只係代表你無危機意識。

你隻狗乖又點？人地隻狗一定乖？
你隻狗乖又點？確保人地其他狗唔會睇你隻狗唔順眼？
你隻狗乖又點？唔會因為受驚而逃跑？
你隻狗乖又點？意外一定唔會發生？

成日有人問我：佢（豆腐花）到而家你都仲未叫得返？
豆腐花其實已經叫得返佢返黎，
有時我行開佢都會跟到實。
但……代表咩？
代表我要放開佢比佢自由行？！

豆腐花係一隻好驚青既狗，
但佢驚得黎只會識石化、硬呔。
有好幾次（起碼4、5次），係街到，佢比狗聞，
比人聞聞下，睇住隻狗突然間變臉，
嗡咀，露曬d牙出黎，發脾氣想咬佢。
豆腐花又鈍，唔識跑，唔識縮。
好彩佢主人同我2個一齊扯開自己隻狗，
就無事發生。

若果當時我無拖繩，我無拖開佢，
佢一早比狗咬死左。

次次人地咁問我，我表面上只會答“係！”
然後比人話“咁你要教下佢啦！”
實際上，我係信唔過其他狗／主人。

個個都覺得自己隻狗乖嫁啦！
但有幾多隻真係咁？！
我自己做寵物美容我見得多，
有幾多主人口裡話乖既狗，
其實係……可以咬死人。

我到而家都係，
除非公園裡面完全無狗／全部都係玩開既狗，
如果唔係都會拖實佢。
我怕佢會比其他自以為是既主人養既狗咬死！！

愛犬遭巨犬咬穿腸丨手術費要10多萬元 斥肇事狗主拒承擔責任 牛雜妹決法律行動追究：沒有人應該為別人的錯誤埋單

「 #牛雜妹」 #李亦喬（Monnie）飼養的 #貴婦狗 Whiskey，日前遭一頭 #伯恩山犬 衝出狠咬，大腸小腸等多處被咬傷，大量出血，接受手術後要在ICU觀察一星期。

今日（27日），牛雜妹在社交網透露愛犬已回家，「這個孩子為了回家每一天都很努力，能支撐起身體走路，清醒些後在醫院開始緊張發抖、也不太願意進食。醫生在他生命指數各樣平穩安全的情況下，批准他回家了。現在的他還是不太能進食，排便也未達正常水平，會不自主的嘔吐，需要媽媽長期在身邊才能安心睡眠。為了讓他不受傷和安心，這2天我都一直陪在他身邊。」

事發至今一星期，牛雜妹指這星期接二連三發生在身上的事情，令她差差點活不過來，「每天都是哭着睡、醒着哭，沒有一覺是睡得安穩……」

當日牛雜妹接受《娛壹》訪問時，指肇事狗主曾表示會負全責，「但係佢知道醫療費可能需要15萬或以上，佢話佢負擔唔到，不過佢都想努力承擔責任，我哋暫時都冇心思討論呢樣嘢住，所以一切都等出院之後，睇吓個銀碼係幾多再決定點樣做。」

然而，今日牛雜妹透露對方拒絕承擔責任，「做錯事情，便應該承擔責任。當初口口聲聲願意負全責，聽到手術費需要10-15萬，便表示沒有能力負擔這麼多。我們只要求負責直到出院時的所有醫療費用，亦表示不介意分期付款，但依然拒絕承擔，甚至取消原本寫好的支票…」

為了討回公道，牛雜妹決定採取法律行動追究，「難道我就應該為你的失誤和疏忽負上責任？作為母親，更應該要為孩子做好榜樣。我們將會採取法律行動，追討我們一切的損失。沒有人應該為別人的錯誤埋單，如果人有良知，就應該為自己的錯誤負全責。」

#娛壹

27/05/2024

行左個幾鐘，沖埋涼，
返到屋企坐定左就瞓……………………😴😴😴

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

22/05/2024

厲害！
豆小姐個口水波🫧keep左勁耐都唔爆😆

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

20/05/2024

《打針日》

轉眼間1年，又到打針既日子😑

豆小姐依舊去到診所興奮到模糊……
但進步左既係，今日拎住野食叫得聽“sit好”～
（之前係就算拎住野食都係興奮到坐唔定😑）
所以今日可以係出邊磅重～8kg🫣
（仁慈少少減返d狗帶同尿片，個0.1kg 都7.9kg…………）

因為早左到關係，我地坐左一陣，
豆小姐坐唔定，係張櫈到禽黎禽去，撩人玩。
有個叔叔帶左隻臘腸狗入黎“散步”😆
豆小姐係咁想要叔叔同佢玩，
仲呃左叔叔幾粒零食😑

之後入房等醫生，醫生姑娘一到……～
佢又傻左，
係咁要錫姑娘同醫生。
醫生話：“你咁可愛，唔捨得幫你打針……”
姐姐話：“唔駛內疚，佢唔覺痛嫁～”
今次唔駛野食引誘，只需要姑娘💗的抱抱～
醫生吉左入去、抆返出黎都無反應😑
打完仲繼續玩🤪
姑娘話：“真係無反應嫁喎～”
姐姐：“佢皮粗肉厚😆”

姐姐問醫生，8kg啦，駛唔駛減肥？
呢個醫生好人道地話：“唔駛，佢而家好好呀！”
摸落去摸到一層薄薄地既肉包住肋骨，而且條腰仲係到～
keep住就可以。
豆小姐可以避過，唔駛減糧～

醫生話豆小姐皮膚幾好呀～
好彩🤫
姐姐勁驚豆小姐皮膚差打唔到針又要食藥去多次～
因為係呢個星期前，豆小姐皮膚差到姐姐都無曬心機………………
出好多濕疹，係咁出。
手腳又lam到紅曬……面又紅……

姐姐r爆頭都唔知可以點幫佢……
冷氣又開足比佢，都盡量keep得佢同個環境乾淨…………😮‍💨

最後，同佢轉左糧，轉左鴨肉糧。

呢個禮拜嚴厲打擊佢lam手r痕既行為。

每日同佢搽2次黃油……～

每朝落完街抹完身吹勁耐毛……～
怕佢唔夠乾……～

而且最近2個星期開始食益生菌，
千揀萬揀，揀左隻姐姐覺得唔錯既益生菌比佢。
初時食頭1個星期，拆左膠囊比佢。
但見好似無乜改進，上網見，最好連膠囊食。
因為經過胃之後，真係落到腸既菌所剩無幾。
所以呢個禮拜連膠囊比豆小姐，
感覺便便真係靚左、少左～

另外隔4日左右同佢浸一次金銀花白菊花～
同煲綠豆水比佢飲。

加上今個星期天氣涼左、乾左～

終於……😭真係開心死姐姐……～
換來醫生一句：“佢皮膚keep得幾好”
豆小姐既皮膚今舖簡直係姐姐嘔心瀝血既傑作……🤮

但醫生都話開定敏感藥比姐姐看門口，
佢地除左食物敏感，有時空氣、環境敏感，
主人都阻止唔到，
由其前排轉天氣，佢地可能對花粉敏感都會咁。
所以如果佢一變差就食3日藥，睇下會唔會好d～

反正d藥可以擺到2026年～😅
姐姐就應承左配埋～

太好啦～終於打完針，
姐姐可以休息一下👏

p1、2 見醫生前
p3 見醫生後等比$$
明顯，見完醫生，豆小姐面紅耳赤～
就知佢入到去玩得幾開心😆

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

19/05/2024

豆小姐你可以歡容少少嘛？😑
小魔怪笑得幾燦爛？～

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ， #小魔怪， #北京狗小魔怪， #京巴小魔怪， #北京狗， #京巴犬， #香港北京狗， , , ，

18/05/2024

偷拍坐定定等人開飯既豆小姐～
但被發現👀

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

16/05/2024

🚬

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

13/05/2024

瞓就瞓，
又要帶埋隻“獸獸”上黎一齊瞓，
姐姐個身好大咩？😑😑

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

11/05/2024

曬太陽🌞

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

06/05/2024

無啦啦又紀錄一下豆小姐先。

［有（靈）性］
就快1歲零4個月既豆小姐，
開始慢慢發覺佢終於有性。
佢終於分得到邊d係屋企人，邊d係街外人😅

最近姐姐好幾次嘗試係街到賣甩左豆小姐比老闆。
第1次，姐姐突然間係人群中消失，搵廁所🤣
叫老闆幫手拖佢行先。
點知佢一直原地企係到唔肯行，
老闆話佢係咁四圍望搵姐姐。

第2次係舖頭，姐姐放左豆小姐落下層，
然後自己上左上層做野。
下層有老闆餵零食比佢，
佢見姐姐行左上去，佢捨零食而去，
企係樓梯口一直等姐姐，
老闆叫極佢去食野佢都唔肯去。

第3次都係係舖頭，姐姐帶豆小姐行入去，
佢一枝箭好開心咁沖左去搵老闆玩，
姐姐靜靜雞行左出舖外面，
佢玩左唔夠2秒，發覺後邊唔見左姐姐，
即刻擰轉頭搵。

第4次，琴晚係公園搵fd fd既時候，
豆小姐自己走左去搵其他主人玩。
姐姐企左係到一陣，然後靜雞雞行左去另一個位置，
豆小姐玩玩下擰轉頭發現唔見左姐姐，
佢就即刻好緊張咁搵，之後姐姐就叫“豆腐花！”
佢就跑過黎，然後見到姐姐係到佢又走返去人地個主人到玩，
摸左2下，佢又急急腳跑返過黎，要姐姐摸2下，
然後又急急腳跑過去人地到😅，佢好忙～

見到佢有呢個表現，
姐姐其實都幾安慰，
但又有d擔心。

姐姐一直以為佢食野排第1，玩排第2，
但無諗過佢，若果無我地係身邊，佢會連野都唔食😅
將來若果佢有咩事，要分開1、2日既，佢咪餓死？……

［唔識睇眉頭眼額］
呢個bb真係天真無邪到一個點……😑
會令人啞然……

話說琴晚去玩黎左1隻中大size既唐狗-旺旺，
主人一直都拖住繩，無放繩，
主人話佢會護食。
所以有個主人係餵佢地食零食既時候，
旺旺同其中一隻狗狗起左口頭既衝突，
之後佢地2個只要靠近可能2個人左右既距離就會又鬧交😅

旺旺拉住主人周圍行，
行到去豆小姐附近，
豆小姐依然好似平時咁，硬曬呔等人聞，
聞完之後等人走開佢先郁，
聞聞下，旺旺突然間“嗡”咀，然後發脾氣想咬豆小姐，
姐姐即刻拉開豆小姐，佢主人都拉開左旺旺。
但豆小姐個表情🤣，
佢對眼碌到勁大，個樣話比你知佢係勁驚嚇咁😱……但呆左係到😑
後來，比人嚇完，豆小姐仲好天真咁覺得呢個世界無人會對佢惡咁……
有幾次仲斯斯然想行近旺旺身邊，
姐姐即刻大聲喝佢“豆腐花！返過黎！！唔周圍去啦！”
然後先死死氣返過黎……😵‍💫

另1次，有個主人，好惡咁踎係到鬧自己隻狗狗走左出去，
人地明明鬧到勁大聲，勁惡！
豆小姐仲斯斯然咁走埋去人地大脾到～
係咁“女”人，叫人摸😑
姐姐心諗：“豆腐花！你係咪前世未比人鬧過🤦‍♀️”
都唔知好嬲定好笑……😅
姐姐即刻話，“豆腐花！返過黎！”
佢行返過黎，姐姐就捉住左佢條繩唔比佢再行過去住，
等人地鬧完先放開佢。

😮‍💨你話呢，係咪比佢吹漲呢？……
呢位朋友，係完全“唔知道”，甚至係“唔覺得”世途險惡，
係佢個世界入邊，係無壞人……
即使惡過佢，佢都覺得自己既熱情可以溶化佢一樣……
即使發緊脾氣，佢都覺得自己可以幫人降溫一樣……🤷‍♀️

如果佢係人既話呢，大個女應該會成日比男仔呃🤣
成日覺得自己有能力可以改變個男朋友個類～
好彩佢係1隻狗😆

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

05/05/2024

是日上磅日

16.8 lb (~7.6kg)

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

27/04/2024

［9年前回顧］

帶小魔怪出去食早餐，
笑得好開心既寶寶。🥰

#小魔怪， #北京狗小魔怪， #京巴小魔怪， #北京狗， #京巴犬， #香港北京狗， , , ，

24/04/2024

一朝早成隻冤鬼咁👻

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

19/04/2024

親愛既大寶貝，
今日呢個蛋糕某程度係為您而做。
（即使唔係你生日）
原本想整粉紅色，
因為您同姐姐一樣就算比您自己揀玩具，
您都會揀粉紅色個件。

每次聽到“糕糕”2個字就🤩🤩，
即使剛剛入院個晚，
姐姐去睇您，同您講，
👧：小魔怪，你要加油！好返出黎姐姐再買糕糕比你食！
您即刻側一側頭，望住姐姐，好似話比姐姐知，
🐶：我要食糕糕，你記得買比我食！
所以您好叻咁捱左幾日，出返黎～陪多左我地成個月！～
姐姐當時履行承諾，出院當晚買左蛋糕比您食。

今日同同學食lunch既時候，
講起大家各自d狗臨尾個段時間，
姐姐講起您都忍唔住有d哽咽……

Enjoy Life，
姐姐希望您繼續enjoy您而家既life～
亦都係提醒姐姐自己，好好享受而家既生活，
等將來再見！💗

#小魔怪， #北京狗小魔怪， #京巴小魔怪， #北京狗， #京巴犬， #香港北京狗， , , ，

19/04/2024

🥳🥳
姐姐好努力咁用左1個禮拜準備考試🤭
今日最後1堂，大贈送～
整左超級多野食～

分左比養左2隻貓貓既鄰居～
準備分比北京朋友仔～細b～

留返風乾小食，
準備星期日夜晚豆小姐去搵肥仔佢地，
分比班朋友仔。
豆小姐食得人地太多野🤦‍♀️多到姐姐都無眼睇……
好似唔駛錢咁囉…～😑
所以拎d風乾小食去補償下～😅
希望唔好落雨啦！🙏
不過就算落雨都可以等多個禮拜既～

琴晚豆小姐掛住玩唔願瞓，
一想抱佢入房就雞咁腳走。
👧：豆腐花！姐姐聽日要返學學，整糕糕比你食。
你食唔食糕糕？食就要瞓教啦！唔係我聽日唔去，你無得食喳～

🐶聽到“糕糕”2個字，即刻側頭～
🤩🤩糕糕？！
然後好順攤咁比姐姐抱入房🤣
市儈到爆🤑

姐姐好期待level 2同level 3既課堂💗💗

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，
#寵物小食 ， #寵物蛋糕 ， #寵物曲奇

18/04/2024

［舊相新post -- 📸2024.02.09］

哥哥農曆返黎拆行李，
🐶：手信、手信同埋手信。🧐
但無我份？！🤨踩爛曬佢先😏

#實屬無家教既屁孩🤭
#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

15/04/2024

似曾相識無？？

今日姐姐放假，一早起身
去藥房買金銀花白菊花。
煲水比豆小姐沖涼、抹身🤗

豆小姐第1次試，要睇下成效。
呢條方係好耐以前個客比姐姐，
佢隻史納莎成日有疹，
一有就同佢浸，好好多。

所以後期比小魔怪試過。
小魔怪由細到大皮膚都靚靚🥰
但後期有1年，因為冬天時食太多羊肉😑
夏天就開始發，生濕疹，
生到好似麻疹咁，成隻狗都係，
去吉針既時候，叫醫生開支沖涼液比佢沖涼。
但幫助不大…………

後來個客比左條方姐姐，
姐姐即刻同小魔怪浸，
浸左幾次，即刻靚返。
所以後黎每年一到夏天就會浸。
每次浸完，佢d皮膚都會好似降溫咁，無咁粉紅。
問過醫生，醫生都話係可以清熱，佢本身又熱底，
肯浸就浸下啦～

所以而家豆小姐又要試下睇下成果啦～
但係豆小姐個人好煩，
成日乜都亂放入口。
以前姐姐會求其隔一隔渣就比小魔怪浸，
但而家豆小姐，
姐姐怕佢食曬d花……🙄
然後發癲既時候撐曬d渣出黎，塞渠。
所以要慢慢隔清曬所有渣……😮‍💨
而家努力下先，浸完再睇下成果～～～～～～～～

#小魔怪， #北京狗小魔怪， #京巴小魔怪， #北京狗， #京巴犬， #香港北京狗， , , ，

12/04/2024

2個為食樣😋😋

#小魔怪， #北京狗小魔怪， #京巴小魔怪， #北京狗， #京巴犬， #香港北京狗， , , ， ， #豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , ,

11/04/2024

豆腐花今日又有好野食啦～
雪糕曲奇x4、鯛魚燒x8、雞搥x3、肉糜x8～
食到佢係咁lam lam脷～

今日超多製成品，
仲煩惱緊豆小姐一個點食得曬……
返屋企途中見到個客放狗，
即刻分左一半比佢😆
佢有4隻狗～可以1、2日食曬～
咁豆小姐就唔駛浪費～
💗💗💗💗💗

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

06/04/2024

等食ing………………🤤🤤

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ，

02/04/2024

是日上磅日：
16.8lb （～7.6kg）

01/04/2024

🫶🫶

#豆腐花， #法鬥豆腐花， #法虎豆腐花， #法虎， #法鬥， #法國老虎狗， #法國鬥牛犬， #香港法虎， , , ， #小魔怪， #北京狗小魔怪， #京巴小魔怪， #北京狗， #京巴犬， #香港北京狗， , ,