老虎茶樓 Tiger Tea House HK

23/11/2024

旺角磨嘴live🐢

18/11/2024

🎊Facebook 3000 followers達成🎊
感謝大家支持，本週網店全單九折 🥳
滿$400免費送貨 🚚
https://wa.me/c/85265898749

18/11/2024

見到消防處呢個抽水post就醒起：
1. 消防處正職真係抽水，要救火架嘛
2. 大家有冇同寵物一齊做過火警演習？

屋企應該準備定寵物袋或者容器，放喺容易接觸嘅位置，萬一有突發事件可以立即帶埋佢哋離開現場。

要考慮埋需要幾多個容器，係咪有啲小朋友可以擺埋一齊，有啲一定要單獨一個。仲要留意佢哋大隻咗可能又要換個新嘅。

最後自己演習一次，所有寵物入晒袋可以出門口需時幾耐。做定準備，就唔使喺危急關頭先嚟做 🙏

原帖：
https://www.facebook.com/share/aoNVCH5NQbpnwnNz/

【試吓當你真係煮緊飯時起火🔥】

無論係用電磁爐定明火煮食，萬一起火，記住以下步驟：

🔸熄爐／熄電掣或拔插頭
🔸用鍋具蓋或滅火氈蓋住火種，直至熄滅

⚠️滅火氈係防火物料，唔可以用其他毛氈替代！
⚠️只要蓋得夠實，火無氧氣就會窒息

保持冷靜，你都可以係高冷廚神👩🏻‍🍳

留意消防處Facebook同Instagram，我哋即將公布「社區應急先鋒計劃」詳情，教大家更多應急知識！

#家居火 #識滅火
#電磁爐 #明火煮食 #滅火氈 #廚神
#社區應急先鋒計劃
#香港消防處

17/11/2024

🐢遇到棄龜怎麼辦？

有時候見到熱心網友在街上發現懷疑棄龜，拍下照片放到動物群組希望義工拯救。

作為龜友我們很感激大家幫助，然而如果拍照後沒有救起或者限制牠的活動範圍，義工到達目的地之時牠可能已經不在當區。

龜雖然看似活動緩慢，其實一天可以走很長距離，相差半小時搜索範圍可達方圓100米以上，加上牠們的天性是會找草叢或隱蔽的地方匿藏，變得更難救援。

🛟最好的做法是：
- 用一個牠不能爬出的容器或袋裝好
- 放在一個安全的、24-26度的地方靜置
- 拍照讓義工確認品種及狀態
- 如有傷口都拍下，方便義工提前跟診所預約
- 拍下特徵及花紋，方便主人相認
- 在動物群組貼出照片，列明發現地點、日期及時間
- 如果有相應群組需要等待審批，先貼在一些失物認領或該區的群組，呼籲其他網友代為分享都可以

如果實在不能帶走，拍照後儘量找一個容器或袋將牠裝好，放在陰涼處並確保牠不能逃走，貼上標籤再通知義工或網友到該處接走棄龜。

++++++++++++++++

🤔真的是棄龜？
如果不確定是否棄龜，可以從發現牠們的情景猜測來歷，例如：
「在市區發現一隻龜獨自在街上遊蕩」
> 有人放龜曬太陽時走失

「被放在箱中，可能放在陽光下」
> 可以向附近店舖查詢是否在曬龜

「瑟縮一角，流血」
> 樓上單位有人曬龜，失足跌下來

「在水中游泳」
> 視乎地點，公園水池一般都是棄龜，私人水池可能有人飼養(商場、屋苑前門)，先向負責人查詢

++++++++++++++++

🧤如何捉龜
如果確定是棄龜，先用安全的做法捉起牠。

避開嘴巴咬到的範圍，從後捕捉，一隻手按住龜殼，另一隻手托住腹甲。未捉穩不要離地太高，避免跌傷。

鼓勵用工具幫助，例如垃圾剷、膠箱，可以用掃把等棒狀物輕推。

安置好棄龜後向相關機構查詢，例如獸醫診所、香港兩棲及爬蟲協會、民間棄龜組織或私人義工。謹記：善用網絡資源尋求協助。

不建議一開始就交給政府機構，因為如果機構人手不足有可能會考慮人道毀滅，我們希望儘量透過民間團體的方式去處理以避免這類情況。

++++++++++++++++

😵‍💫先搞清楚牠是甚麼
在找到幫手之前有甚麼可以幫助到棄龜？

首先，請有經驗的龜友分辨是水龜還是陸龜。這部份很重要，因為兩者的照顧方式十分不同。

如何自行分辨：
顏色、斑紋、大小都不能用作辨別方法。主要看殼型和腳。

殼高圓 - 陸龜
殼流線型 - 水龜

腳粗壯、粗鱗、象腿狀 - 陸龜
腳有潤滑皮膚、尖爪、後腳有蹼- 水龜

++++++++++++++++

⏰️等待義工時可做的事
兩三日簡單照料方法
1. 溫度
龜是變溫動物(舊稱冷血動物)，牠們沒有自身體溫，用毛巾包住牠們也不會變暖。牠們需要熱源去保持體溫，維持機能運作，避免生病。

如果室溫能保持24-26度就沒有必要額外加溫，短短幾天照料可省卻爬蟲的保溫器材，例如加溫燈或水族暖管等。

2. 食物
基本上陸龜素食，水龜肉食。最簡單和安全的食物就是龜糧，可以到爬蟲店以龜的照片向店員查詢適合的龜糧。

龜的身陳代謝較慢，手掌心或以下大小的龜一天只需食一餐，較大的龜則每兩三天一餐，每餐份量為頭部大小。

水龜需要在水中進食，陸龜糧需要加水泡軟。

龜需要時間適應新環境，幾天照料期間不吃東西是正常的。

3. 水
水一定要每日提供。

水龜可以短暫時間離水，但安頓好就應該給予乾淨過背水，保持龜殼及皮膚濕潤。

陸龜可以提供一盤乾淨水作飲用，可以每天浸水半小時至一小時補充水份，水位到嘴邊即可，不需要讓牠們長期浸在水中。

++++++++++++++++

🤕遇到受傷的龜
受傷例子：
- 跌爆殼
- 被車輾過
- 咬傷
- 細菌感染(皮膚、龜殼、眼口鼻)

即使傷口不大，如果沒有經驗就應該交由專業人士處理，聯絡最近的珍禽異獸獸醫診所，解釋情況。切忌拖延，應該儘早求醫。

放入沒有密封的箱，讓牠有空氣呼吸又不能逃走。
避免不必要的移動，減低進一步受傷的機會。

醫療期間同步聯絡棄龜義工，查詢下一步行動。

如有需要，香港有寵物救護車服務。
謹記：善用網絡資源尋求協助。

*原文於2024年香港寵物節演講環節發表

17/11/2024

兩爬天書已經全部交收完成，感謝大家支持 🫶

仲有一位龜友Mxx K###g Ch###g我揾唔返你嘅紀錄(可能又俾fb食咗我啲msg)，麻煩你見到呢個post揾我哋呀 🙏

#台灣直送 #咖鎂啦奇異動物書坊

16/11/2024

又考吓大家，見唔見到指骨位喺邊度 👀

唔同品種、唔同健康狀態嘅龜龜有時喺指甲嘅外表上會有分別。例如呢隻盾臂龜仔嘅指甲，清楚睇到粉紅色嘅指骨，而越接近指骨角蛋白外殼越實白，代表密度較高，用嚟保護骨骼。

既然層次咁分明，我哋就保留實白嘅部份，留返最堅硬嘅角質層去保護手指，等佢唔怕行路時有損耗。

正常修甲唔會導致流血；有時修剪範圍較難揾，或者血管不正常增生會導致有少量出血，可以輕力按壓或者用止血粉止血；如果大量出血，代表已經傷及骨骼，已經由護理變創傷，需要用醫療程序去止血、消毒、包紮，等手指痊癒。

磨嘴/磨殼/剪甲/打針/餵藥/暫養/上門照顧/放龜曬爬/講座/生日派對/爬缸設置/造景/維護服務/飼養報告
歡迎pm查詢

成員獲得美國兩棲及爬行動物證書，以及ECSI寵物急救證書，交俾有經驗嘅專人照顧，即刻放心晒 😌

15/11/2024

[熄咗佢？]
有好幾次龜友問起水質問題，問多兩句佢哋會話「我每日開濾水器XX個鐘頭」呢個時候我就明係咩問題了。

濾水器最重要嘅部份，唔係吸屎嘅棉，係棉後面嘅生物濾材，例如生物環、生物珠等。生物濾材為硝化菌提供生活同繁殖嘅地方，佢哋會將大便分解出嚟嘅毒素降低，延長水質，可以耐啲先換水，而硝化菌係需要大量氧氣去生存，如果熄咗濾水器佢哋就會窒息而死。

想知多啲可以揾吓「氮循環」嘅原理，我哋遲啲都會同大家詳細分享。

15/11/2024

一開始凍大家啲位置就亂晒籠，有人9點幾就瞓，又有人攞咗人哋盞燈嚟保暖，不過大家一致最愛床上面張暖墊。

#咁我瞓邊🙄

15/11/2024

唔好問點解蟹缸入面有個蒸籠，我剩係知佢坐得好C服。

#古巴地蟹

13/11/2024

八號風球現正生效，我哋確保室外嘅小朋友們都喺安全位置，大家都記得check吓喇。

13/11/2024

🔥爬蟲保溫袋預購開幕🔥
今年又嚟喇！爬蟲保溫袋開放預購，今個冬天唔怕龜龜凍親，我哋仲有新嘢益大家 👋

之前有龜友查詢，怕拉埋拉鏈，龜龜會唔會好焗。的確保溫袋嘅設計係避免流失溫度所以唔似寵物袋會有網面，不過有見及此今次引入新款🚨上開式保溫袋🚨，袋身較高，拉開少少拉鏈都唔怕龜龜走出嚟。

傳統保溫袋繼續有售，分三個大小，最大嘅狗仔都裝得落 🐶

保溫袋扣除成本後會將收益用作營運資金，照顧我哋接收返嚟嘅棄龜 ❤️

保溫袋入面有膠箱避免龜龜周圍痾，仲送埋尿墊一張💦同暖包一個❤️‍🔥，唔使揾呢樣揾嗰樣，即買即用 ✌️

專業級別運輸動物用暖包，有效40小時，行均全香港都得 🤯

除咗冬天保暖，夏天都可以加雪種降溫，避免出街中暑 🥵

凡惠顧我哋任何服務滿$500購買保溫袋可獲85折 🫶

⚠️11月20號11:59pm截單⚠️
預計11月尾/12月頭到貨，請pm我哋獲取預購資料 👋

上開式保溫袋 $248
容積：13L
袋尺寸：33x18x24cm
膠箱尺寸：24.5x17x9cm

傳統款保溫袋
M碼 $238
容積：12L
袋尺寸：31x21x21cm
膠箱尺寸：24.5x17x9cm

L碼 $338
容積：38L
袋尺寸：46x30x30cm
膠箱尺寸：37x25x11cm

XL碼 $398
容積：78L
袋尺寸：53x36x40cm
膠箱尺寸：44x30x14.5cm

*內籠網袋係M size獨有，L及XL size依然有前袋及側袋，容量特大，夠晒方便

13/11/2024

尋日走勻港九新界，交收到10點幾，再返屋企搞法律文件，今朝一早出門口處理今年暑假工作時發生意外單case。

大家真係要小心身體，無論為咗自己定係主子。尋日見一位龜友，佢話佢屋企人患重病，分唔到時間照顧龜龜，打算俾人領養，好唔捨得 🙏

我哋主子壽命特別長，自己健康先可以照顧好佢哋，記得同佢哋爭吓菜食 😆

11/11/2024

唔知幾時開始四條一變咗做消費嘅日子，而我哋尋日就已經燒咗肺。

為咗嚟緊講座我哋要物色甲蟲，分別約咗 .andscorpions 師兄入手鍬形蟲，同埋一齊上蟲森萬象 揾兜蟲，次次上去都學到嘢，甲蟲真係有好多學問 🙏

跟住行多兩步去龜仔樂園 .hk 入手Mazuri鱷魚糧，平時大M水M都係25磅，鱷魚糧零舍唔同有33磅，條腰差啲冇斷到。

雖然個賣相哈哈哈，不過鱷龜們終於唔使逐粒龜糧仔慢慢啄，可以大大啖咬。加埋大雞扒同雜錦海鮮，人人有份，希望佢哋喺入冬前可以儲夠能量啦。

10/11/2024

🐢藥膏回歸🐢
大家等咗好耐嘅藥膏終於返貨喇 ✌️

實例證明，使用一星期，龜殼由嚴重角質化變返靚靚，全靠呢隻龜殼護理藥膏 👏

網店現已上架，有興趣可以睇埋仲有咩啱，滿$400免費送貨 🚚

https://wa.me/c/85265898749

10/11/2024

乜爪都修🙋‍♂️
今日同四隻蜜袋鼯修甲，一拎上手就俾佢哋啲爪仔拮到損晒，好彩我哋視力幾好，咁細粒都修到 👀

磨嘴/磨殼/剪甲/打針/餵藥/暫養/上門照顧/放龜曬爬/講座/生日派對/爬缸設置/造景/維護服務/飼養報告
歡迎pm查詢

成員獲得美國兩棲及爬行動物證書，以及ECSI寵物急救證書，交俾有經驗嘅專人照顧，即刻放心晒 😌

09/11/2024

🔥兩款萬眾期待嘅商品抵達老虎茶樓喇🔥

台灣直送，兩爬天書《新手專用！兩棲爬蟲類飼育書》各位預購嘅朋友久等喇，我哋明天開始會安排交收同寄順豐 🚚

感謝 咖鎂啦奇異動物書坊 為香港龜友提供優惠，佢哋仲有其他爬蟲精品架，有啲香港揾唔到嘅佢哋都有 👍

另一樣今日到貨嘅就係🦎Happy面豬登滑鼠墊🦎有佢就可以日日安坐office玩Happy個面豬登 🤤，同時承托手腕，減低疲勞同勞損 👏

即上Whatsapp網店，買埋龜糧同其他精品，滿$400免費送貨 ✌️
https://wa.me/c/85265898749

07/11/2024

[兩爬天書update]
龜友們係咪等得好心急呢，我哋都係呀 🥹
最後我哋訂咗超過40本天書，因為量多需要向書商另購所以用多咗時間，不過佢哋終於嚟喇！

到貨後我哋會再約大家交收同埋寄順豐，感謝大家耐心等候，再update你哋吖 🙏👋