27/09/2024
https://www.facebook.com/share/ToKS6g6fKTHFRYEQ/?mibextid=WC7FNe
#漁護快訊【女子非法進口及殘酷對待瀕危龜隻⚠️被判入獄18個月】
一名從東京抵港嘅中國籍女子今年一月喺機場被海關人員截查，經搜查後喺佢嘅行李箱入面發現64隻龜。漁護署人員其後確認有關龜隻全部屬於《瀕危野生動植物種國際貿易公約》附錄II嘅列明物種，喺本港受《保護瀕危動植物物種條例》（第586章）管制，女子當場被捕。漁護署之後以涉嫌違反《保護瀕危動植物物種條例》同《防止殘酷對待動物條例》（第169章）檢控該名女子，佢今日喺區域法院認罪同被裁定罪名成立，被判監18個月。
🔔提提大家，根據《保護瀕危動植物物種條例》，任何人如非按照規定進出口或管有瀕危物種，即屬違法。一經定罪，最高可被判罰款一千萬元同監禁十年，有關物品亦會被充公。
同時，根據《防止殘酷對待動物條例》，任何人因胡亂或不合理地作出或不作出某種作為而導致任何動物受到任何不必要嘅痛苦，即屬違法。一經定罪，最高可被判罰款二十萬元同監禁三年。
政府一向致力保護瀕危物種及保障動物福利，漁護署會繼續監察，打擊涉及瀕危物種同殘酷對待動物嘅違法行為。
有關《保護瀕危動植物物種條例》對瀕危物種管制嘅資料👇🏻：
http://www.cites.hk
有關新聞公報 ：
https://www.info.gov.hk/gia/general/202409/27/P2024092700401.htm
#漁護署 #瀕危物種 #箱龜 #斑點水龜 #瀕危野生動植物種國際貿易公約 #保護瀕危動植物物種條例 #防止殘酷對待動物條例
