Ֆերմերական Տնտեսությունների Միավորում "Farmer Economies Union" ՀԿ

09/08/2018

Հարգելի ֆերմերներ արդեն տևական ժամանակ է, ինչ հանրապետության տարբեր մարզերում նկատվում է թռչունների՝ մասնավորապես հավերի ու հնդկահավերի մասսայական անկման դեպքեր։

Թռչունի հերձումից պարզ է դարձել, որ ներքին օրգանները ախտահարված են սև բիբարի հատիկների նմանվող գոյացություններով։
Մտավախություն կա, որ աղիքային հարուցիչը կարող է լինել նաև ժանտախտի(չումա) հարուցիչից։(Ժանտախտի հարուցիչի առկայությունը վարկած է և դեռ հաստատված չէ լաբորատոր ստուգման պայմաններում)։ Նշենք նաև, որ ախտանիշները նման են շոգի հետևանքով առաջացող շնչուղիների բրոնխիտի նախանշաններին։

Խնդրում ենք.

ա.Ապահովել սանիտարահիգիենիկ և պրոֆիլակտիկ միջոցառումների ժամանակին ու հավուր պատշաչի իրականացումը։

բ.Անկախ թռչունների ներկայիս վիճակից, խորհրդակցել անասնաբուժի հետ բուժզննում և պրոֆիլակտիկ բուժում իրականացնելու համար։

Հարուցիչի տարածման հիմնական պատճառ է հանդիսանում

1.պատվաստումների թերի, որոշ դեպքերում անգամ իսպառ բացակայությունը

2.Թռչնանոցների թերի ախտահանումը

Ձեզ ենք ներկայացնում տեսանյութ, որտեղ երևում է հարուցիչով հիվանդ հավերի պահվածքը (թռչնանոցում 25֊26 աստիճան է).

02/12/2016

09/06/2016

26/04/2016

ՈՒրախ ենք տեղեկացնել, որ մեր թիմը արդեն կատարում է տարբեր տեսակի (ընտանի, վայրի և ֆերմերական՝ արտադրական) կենդանիների հիվանդությունների ախտորոշում, բուժում, ինչպես նաև պրոֆիլակտիկ միջոցառումների իրականացում:

13/08/2015

Նորություն փոքրիկների համար

24/07/2015

Բնության, գյուղացու և սպառողի համագործակցության պտուղները

2014-ի ավարտը ու 2015-ի մեկնարկը տեղի ունեցան մեղմ ասած ֆինանսատնտեսական ծանր պայմաններում: Դրանք հիմնականում ...

28/05/2015

Շնորհավորում ենք բոլորիս...

08/05/2015

Հասարակական Կազմակերպությունն իր շնորհավորանքներն է ուղղում մայիսյան տոների կապակցությամբ:
Մայիսի 9-ը հայ ազգի համար կրկնակի տոն է: 70 տարի առաջ ֆաշիզմի դեմ տարած հաղթանակով հայ ազգը ցույց տվեց աշխարհին իր տեղն ու դերը: Հայրենական Մեծ պատերազմին մասնակցել է 500.000 հայ, որոնցից 300.000-ը հերոսաբար ընկել է դաշտում...
Սակայն մեր ազգի հաղթանակները դեռ չէին ավարտվել: 1992թ. մայիսի 9-ին հակառակորդին հերոսաբար դուրս մղելով՝ հայերը ազատագրում են Շուշին:
Հատկանշական է, որ 1994թ. հենց մայիսի 9-ին է կնքվում նաև Ղարաբաղյան պատերազմի հրադադարը:
Հայ ազգը դեռ շատ հաղթանակներ ունի տանելու: Դա հնարավոր է միայն համախմբվածության ու միասնականության շնորհիվ:
Չմոռանանք մեր անցյալը, ապրենք մեր ներկայով՝ միշտ լավատեսական հայացք գցելով ապագային...

29/04/2015

«Ֆերմերական Տնտեսությունների Միավորում» հասարակական կազմակերպությունը աշխատանքի և համագործակցության է հրավիրում անասնաբույժների, կենդանաբանների(зоотехник) և այգեգործության ոլորտի մասնագետների` կազմակերպության հետ համագործակցող տնտեսաություններում աշխատելու համար:

Պահանջներ`

1.նպատակասլացություն
2.սեփական գործունեության ոլորտում մասնագիտանալու ցանկություն
3.աշխատասիրություն
4.կարգապահություն

Կարող են դիմել նաև ուսանողները, քանի որ կազմակերպությունը կազմակերպում է պրակտիկա նեղ մասնագիտական շրջանակներում:

Մանրամասների համար զանգահարեք (+374)95-09-44-80 հեռախոսահամարին:

Մրցույթին մասնակցելու համար ուղարկեք ձեր ինքնակենսագրականը (CV) [email protected] էլ հասցեին:

02/02/2015

Վաճառվում են Հայկական Գամփռ ցեղատեսակի շան ձագեր նաև ապառիկ (փակովի)

Щенки Aрмянского волкодава-гампра для продажи

Armenian Gampr pets for sale

Վաճառվում են Հայկական Գամփռ ցեղատեսակի շան ձագեր նաև ապառիկ (փակովի) Щенки Aрмянского волкодава-гампра для продажи Armenian

28/01/2015

Շնորհավո՛ր Տոնդ Հայ Զինվոր...
Շնորհավո՛ր տոնդ Հայոց Բանակ...

Our name is Armenian Army

31/12/2014

հասարակական կազմակերպությունը իր շնորհավորանքներն է հղում՝ Ամանորի և Սուրբ Ծնունդի կապակցությամբ:
Թող գալիք տարին լինի առատության, լիության և բերքատվության, նոր զարգացումների և նոր վերելքների տարի:
Թող 2015 թվականը շրջադարձային լինի մեր երկրի համար. թող հասարակական բոլոր ոլորտներում լինեն բազում հաջողություններ և նոր հաղթանակներ:
Մաղթում ենք բոլորին սեր և ջերմություն, պայքարի ոգի և աշխատասիրություն:
Թող կապույտ փայտե այծի տարում իրականանան այն բոլոր երազանքներն ու նպատակները, որոնք կնպաստեն մեր երկրի և մեր հասարակության բարօրությանը:
հասարակական կազմակերպությունը Ամանորին ընդառաջ՝ կոչ է անում 2015 թվականին լինել առավել համառ և աշխատասեր՝ կյանքի կոչելու բոլոր անկատար գաղափարները...

29/12/2014

2014 թվականը հասարակական կազմակերպության համար նշանավորվեց գլխավորապես ծրագրի իրականացմամբ:
Կարևորելով երիտասարդության դերն ու նշանակությունը գյուղատնտեսության և սոցիալական մյուս ոլորտների զարգացման գործում, ինչպես նաև հաշվի առնելով մի շարք հնարավորությունների և պայմանների բացակայությունը, ՀԿ-ը իրականացրեց ծրագիրը՝ չնայած մի շարք խնդիրների ու դժվարությունների:
Ծրագիրը մեկնարկեց 2014թ. ապրիլի 27-ին: ՀԿ անձնակազմը մեկնեց Տավուշի մարզի սահմանամերձ Այգեպար գյուղ: Կազմակերպվեց սեմինար, որի ընթացքում ներկայացվեցին ծրագրի նպատակն ու խնդիրները, ինչպես նաև իրականացման ընթացքը:
Ծրագրի նպատակն էր էր երիտասարդներին հնարավորություն տալ, որպեսզի ծավալեն գործունեություն, ձեռք բերեն գիտելիքներ, կարողություններ և փորձ` այդպիսով զարգացնելով իրենց գյուղական համայնքի տնտեսական վիճակը, ինչպես նաև` իրենց լուման ներդնելով Հայաստանի գյուղատնտեսության զարգացման գործում:
Ծրագրին մասնակցող շուրջ 50 երիտասարդներ ստացան մեկական ճագար, համակցված կեր, և ցուցումներ՝ ճագարաբուծության վերաբերյալ:
Երկրորդ այցը դեպի Այգեպար իրականացվեց 2014թ. սեպտեմբերի 28-ին: Նոր սերնդի բոլոր ճագարները պատվաստվեցին, ինչպես նաև կատարվեց շրջայց և խորհրդատվություն:
Ծրագիրը եզրափակվեց 2014թ. հոկտեմբերի 26-ին, կազմակերպվեց մրցույթ, որին ծրագրի մասնակիցները ներկայացրին իրենց ճագարները: Մրցույթին ներկայացված էին 4 անվանակարգեր. ամենամեծ ճագար, ամենամաքուր ճագար, ամենագեղեցիկ ճագար, ամենաշատ սերունդ տված ճագար: Տարբեր անվանակարգերում հաղթող ճանաչված մասնակիցները ստացան պատվոգրեր և հուշանվերներ: Ծրագրի բոլոր մասնակիցներին տրվեցին շնորհակալագրեր:
հասարակական կազմակերպությունը սիրով համագործակցեց Այգեպար գյուղական համայնքի հետ: Ծրագրի իրականացման ողջ ընթացքում իր աջակցությունը ցուցաբերեց Այգեպարի գյուղապետ Անդրանիկ Այդինյանը, ինչի համար ստացավ հատուկ շնորհակալագիր:
Ծրագրի ողջ ընթացքը լուսաբանելու համար հատուկ շնորհակալագիր ստացավ լրագրող Մերի Հունանյանը:
ՀԿ-ն շարունակում է գործունեությունը...

13/12/2014

Երկնաքարային անձրև...
Տարվա ամենավառ հոսքերից մեկին՝ Հեմինիդներ երկնաքարային հոսքին կարելի է հետևել դեկտեմբերի 13-ի լույս 14-ի գիշերը: Անզեն աչքով հնարավոր կլինի հետևել գեղեցիկ երկնաքարային հոսանքին: Հեմինիդները կարող են հայտնվել երկնքում ցանկացած վայրում: Այրվող փոքրիկ մասնիկները ստեղծում են պայծառ փոքր գծիկներ: Հեմինիդներ հոսքի աղբյուրը Ֆաետոն աստերոիդն է, որը հայտնաբերվել է 1983 թ.: Հոսքի ամենավարար ժամանակ կարելի է հետևել ժամում մինչև հարյուր վառ երկնաքարերի:

21/09/2014

Շնորհավորում ենք բոլորիս Անկախության օրվա կապակցությամբ:

Մեր անկախ Հանրապետությունը 23-ամյա երիտասարդի պես ուժեղ է, ամուր, դժվարությունների ու խոչընդոտների առաջ չկանգնող, չխոնարհվող, իր կարճատև կյանքի ընթացքում մեծ ձեռքբերումների հասած:

Թող իր հետագա ամբողջ կյանքում մեր Հանրապետությունը չկորցնի եռանդը, տոկունությունը, ուժը, հավատը:

Թող տարիները նրան հասունացնեն, իմաստնացնեն, բայց երբեք չծերացնեն:

Թող տարիները մոռացնել տան այն բոլոր զրկանքները, որոնք կրել է հայ ժողովուրդը՝ հանուն անկախության:

Թող անցյալի հիշողությունները դառնան ոչ թե հուսահատություն, այլ՝ պայքար... պայքար՝ հանուն վաղվա օրվա:

Թող մեր Անկախությունը ապրի ընդմիշտ...

09/08/2014

Ճագարները համարվում են առատության և Վերածննդի խորհրդանիշը.

Նրանք հնարամիտ և արագավազ կենդանիներ են, ունեն լավ զարգացած հոտառություն, լսողություն և տեսողություն: Ունեն չափազանց ամուր ետին վերջույթներ, որը թույլ է տալիս բավականին երկար ցատկել:
Ճագարներին պետք է պահել զույգերով, քանի որ ընկերակցությունն իրենց բարօրության բանալին է: Նրանք շատ նվիրված են միմյանց, սիրում են խմբով շրջել: Միմյանց հետ հաղորդակցվում են ձայնային ազդակներով: Վայրի և ընտանի ճագարների ամենասիրելի զբաղմունքը փորելն է:
Ճագարները շուտ են ձանձրանում միևնույն միջավայրից: Մարդկանց և կենդանիների հանդեպ ցուցաբերած ագրեսիվ վարքը նշանակում է, որ ճագարները հոգեկան ապրումների մեջ են:

19/07/2014

Ֆերմերի կյանքը...

Ֆերմերը գյուղացի գործարար է, ով ունի հողատարածք կամ վարձակալությամբ է վերցնում այն, որի միջոցով զբաղվում է գյուղատնտեսությամբ:
Այն երկրներում, որտեղ եղել է գաղութացում կամ ազատ հողատարածքների գրավում, ֆերմերային տնտեսությունները ստացել են ավելի վաղ և ամբողջական զարգացում:
Մեծ Բրիտանիայում ֆերմերային տնտեսությունները հայտնվել են ավելի վաղ, քան Արևմտյան Եվրոպայի մյուս երկրներում՝ դառնալով գյուղատնտեսական արտադրության գերիշխող ձև:
Ֆերմերի կյանքը կենդանիների կողքին է: Այդ պատճառով էլ նա պետք է ունենա անհրաժեշտ գիտելիքներ՝ տարբեր հիվանդությունների, թունավորումների և վարակումների կանխարգելման վերաբերյալ: Նա պետք է իմանա բուժման միջոցներից արագ և ճիշտ օգտվելու եղանակները, երբ կենդանուն սպառնում է մահը:
Այսօր ֆերմերը պետք է լինի շատ բանիմաց, որպեսզի ճիշտ վարի անասնաբուծությունը և ստանա էժան ու որակով սննդամթերք: Կենդանաբուծության տեխնոլոգիաների հիմքերը շատ պարզ են, և հայտնի են հին ժամանակներից:
,- այսպես է գրել Ն.Պ. Օսիպովը 1772թ. գյուղացի Դոմոժիլովայի մասին, ով իր տնտեսությունում պահում էր կենդանիներ: Համագյուղացիների հարցին, թե ինչպես ստանալ այդպիսի գեղեցիկ, փարթամ և բարձր արտադրողական անասուններ, Դոմոժիլովան պատասխանում էր. :

29/06/2014

Աշխարհի ամենափոքրիկ կովը 85 սմ-ոց Ծիծեռնակն է: Նրա երկարությունը չափվել է 2009 թ. սեպտեմբերի 14-ին ֆերմայում: