Dr hassan bakr طبيب و جراح الحيوانات الاليفة

13/07/2022

القط الجميل 🥰 ده جه عندي المستشفي بكسر في عظمة الفخد و تمزق شديد في عضلات الفخد و الركبة بعد ما وقع من الدور الرابع
الحمد لله تم اصلاح الكسر و القط بعد اسبوعين رجع يستخدم رجله طبيعي و يجري عليها كمان 😍🤩🤩
عمليات العظام عندنا بتتعمل باحترافية شديدة و تعقيم عالي لضمان نتائج ممتازة و شفاء سريع باذن الله
دكتور حسن بكر

17/03/2022

افهم حواس قططتك الخمس 👌😻

افهم حواس قطتك الخمس ؟

لو انت من مربيين القطط و عندك شغف تعرف قطتك بتشوف ازاي او بتسمع ايه يبقي لازم تقرأ البوست ده

اولا حاسة السمع :
و دي من اقوي الحواس عند القطط و بعض الدراسات بتشبهها باطباق الستالايت و ده بيدل علي قد ايه دي حاسة قوية عند القطط و اكيد بتاخد بالك من انتباه القطط لو بدأت كلام او انتباهم لو سمعوا حركة غريبة خارج المكان و دي من المميزات ال ربنا ادهالهم عشان يكونوا صيادين ماهرين و ده بيساعدهم في حياتهم البرية

ثانيا حاسة اللمس

القطط تشابه بني ادم في حاسة اللمس و خصوصا مناطق الشوارب و الكفوف و الذيل , و عشان انت بتربي قطط لازم تعرف ان شوارب القطط هي اقوي جهاز احساس باللمس و لازم تتجنب قصها في الجروومينج لانها بتساعدها في حياتها اليومية .

ثالثا حاسة البصر

القطط بيتمتعوا بحاسة بصر قوية يقال انها تقريبا خمس حاسة البصر عند الانسان و بتشوف في النهار افضل من الليل , لكن القطط عندها القدرة علي رؤية الحركات السريعة بمعني لو ان فيه حركة تساوي للانسان لا شي القطط بتعرف تلقطها و لكن في العموم قدرة الانسان علي البصر افضل من قدرة القطط

رابعا حاسة التذوق

كتير من المربيين بيقولوا ان القطط بتختار اكلها او انها بتفضل طعم نوع معين من الاكل عن نوع تاني , في الحقيقة هم بيختاروا اكلهم فعلا لكن مش عن طريق الطعم ابدا لكن عن طريق الرائحة يعني لو الاكل بالنسبالك طعمه حلو و ريحته مش عاجبة القطة مش هاتاكله

خامسا حاسة الشم

اقوي حواس القطط علي الاطلاق و اقوي بكتير من الانسان , تعرف ان القطط عندها اكتر من 200 مليون خلية في انفها مخصوصة للشم . و بالاضافة لاستخدام القطط لحاسة الشم لاختيار اكلهم زي ما قلنا قبل كدة بيستخدموها كمان قبل ما يقرروا يدخلوا اي مكان جديد لتحديد ما اذا كان المكان ده امن ليهم او لا و كمان بيستخدموها كطريقة للتواصل بين القطط و بعضهم , و طبعا قدرة القطط علي شم بعض الروائح تفوق قدرة الانسان .

و دلوقتي انت فهمت قدرة قطتك علي التعايش في البيئة ال حواليها بناءا علي حواسها الخمسة , قلنا و تواصل معانا عن مواقف مريت بيها تتعلق بالكلام ال قلناه؟
تواصل معانا عبر الكومنتات او الرسائل علي الصفحة
او عن طريق الموبايل و الواتس اب 0103228863
او زورونا في مقر المستشفي : المحور المركز مول الاباظية الدور الاول بجوار التوحيد و النور الحي الثاني 6 اكتوبر

مستشفي catdog اكبر مستشفي بيطرية للحيوانات الاليفة في 6 اكتوبر

19/01/2022

افضل اوقات العمل لما ربنا يجعل في ايديك شفاء حيوان ضعيف 🥰
طبيب و جراح الحيوانات الأليفة

14/01/2022

دكتور حسن بينصح كل مربيين القطط ، و خصوصا القطط الذكور 🧐
نخلي بالنا في فصل الشتا بتزيد حالات احتباس البول عن القطط الذكور
بالذات ال بيكون اعتمادها علي ال دراي فود و شربها للمياه قليل و ده طبيعي في الشتا
لو لاحظت تردد قطك علي الليتر بوكس كتير و مابيعملش بول او بيعمل نقط بسيطة او مدممة علي طول استشير دكتورك البيطري لان ده في خطورة كبيرة علي حياته .
للاستفسار عن حالات احتباس البول ابعتولنا علي الصفحة او كلمونا و احنا هانقدملك النصيحة .
دكتور حسن. طبيب و جراح الحيوانات الأليفة

14/01/2022

عملية جراحية لازالة حصوات في مثانة قطة عمرها 7 سنوات . في الاعمار الكبيرة لازم نستخدم طرق معينة من التخدير ( التخدير بالاستنشاق ) و كمان اجراء تحاليل قبل العمليات الجراحية لتوفير اعلي درجات الامان و ضمان نجاح الجراحة .
خلي بالك القطط و الكلاب عرضة للاصابة بحصوات المثانة و الكلي نظرا لاعتبارات وراثية في القطط خاصة و كمان لاعتبارات تخص التغذية الغير سليمة

13/01/2022

13/01/2022

06/05/2020

معلومات مهمة عن تطعيمات القطط للمربيين

05/05/2020

الاعتناء بالكلاب الصغيرة
معلومات عن الديدان و الوقاية منها : حلقة ١