Dr/ Zahraa Fityan

Dr/ Zahraa Fityan CARE IS OUR STRATEGY
(1)

البطارية وجمال البطارية 🐥🗄️من انهارده مش هتشتري تآني وهتربي في بيتك 😋
14/06/2023

البطارية وجمال البطارية 🐥🗄️
من انهارده مش هتشتري تآني وهتربي في بيتك 😋

بإذن الله هيكون متوفر ف العيادة يوم الاحد سمان عمر يوم🐥🐦
28/04/2023

بإذن الله هيكون متوفر ف العيادة يوم الاحد سمان عمر يوم
🐥🐦

شرا العبد ولا تربيتة 🤔بس لو كان العبد ده تربيته هتأثر ع صحتك فربيه ع أيدك أحسن 👌⬅️عشان كده وفرنلكوا ف العيادة بطاريات_تر...
17/04/2023

شرا العبد ولا تربيتة 🤔

بس لو كان العبد ده تربيته هتأثر ع صحتك فربيه ع أيدك أحسن 👌

⬅️عشان كده وفرنلكوا ف العيادة بطاريات_تربية تصلح لتربية أي نوع من الفراخ عادي والبط كمان 🐓😍

وكمان ممكن تتحط في البلكونة ومن غير أى ريحة
لأننا وفرنا لوح تحتهم سهل يتنضف كل يوم ويتحط تانى ✅

و مكان للأكل بعيد عن الفرخ عشان ياكل ع قده 😅
ومتشليش هم تكلفة العلف 💸

لو عندك أى أستفسار نورينا فى العيادة 🥰
📌العنوان
شارع المجلس سنتريس أشمون
📱رقم التليفون
01017254727

صباح الخيرمع شدة حبنا لهلة الخريف و إعلانه قدوم الشتاء خلينا مننساش إنه ده موسم المفضل 🐓اسألي ع مصل الانفلونزا علطول و...
12/11/2022

صباح الخير
مع شدة حبنا لهلة الخريف و إعلانه قدوم الشتاء خلينا مننساش إنه ده موسم المفضل 🐓
اسألي ع مصل الانفلونزا علطول وابدأي حصني وإحنا هنساعدك ونعرفك إزاي تاخدي احتياطاتك
دمتم بخير ❤️

الكتكـوت الأحمر بخمسيـــن قرش 😂مفيش حد معملش مشروع تربية الكتاكيت ومفشلش معاه في النهاية 😁لكن أنت عمرك سألت نفســك ليه ك...
30/08/2021

الكتكـوت الأحمر بخمسيـــن قرش 😂

مفيش حد معملش مشروع تربية الكتاكيت ومفشلش معاه
في النهاية 😁

لكن أنت عمرك سألت نفســك ليه كل الكتاكيـت دي بتموت 😬

علشــان كده قررت النهارده اكشفلكوا حقيقة الكتاكيت الملونه 😎

بتنقسم الكتاكيت عندنا ٣ أنواع
✅ نوع لإنتاج اللحم ودي الفراخ إللي بتكبر وندبحها أو بنشتريها من الفرارجي عادي جدا.
✅ نوع "بياض" بمعنى مخصص فقط لإنتاج بيض المائده إللي بنشتريه من المحلات و السوبرماركت.
✅ نوع "أمهات" وده إللي بيبيض بس بناخد بيضه ويطلعلنا النوعين إللي فوق ☝🏻

⚠️ الأهم إن كتاكيتنا الملونه هي فراخ بياض عادي ولـكن ديوك يعني ملهاش لازمه ومش هتدينا بيض وطبعا لأنها بياض مش هتدينا لحم.
⚠️ نوعية دي من الكتاكتيت بره مصر بيتم إعدامها اعلشان كده بيلونوها ويبيعوه
للأطفال.
فضروري لما تقرر تربي كتاكيت وعاوز تربي وتكبر وتعمل مشروعك اشتري
من مصدر موثوق فيه👌

🖇 اكتبلنا في الكومنتات تجربتك مع تربيـة الكتاكيت الملونة ومات ليك كام كتكوت
قبـل كده 😁

#كتاكيت

خربوش قطك ميتنسيش 😂وكله قوم وشعر قطك على السجاد وهدومك في حتة تانية خالص 🐈الناس بتكون فاكرة إن دا العادي في تربية الحيوا...
27/07/2021

خربوش قطك ميتنسيش 😂

وكله قوم وشعر قطك على السجاد وهدومك في حتة
تانية خالص 🐈

الناس بتكون فاكرة إن دا العادي في تربية الحيوانات
الأليفة فى البيت ✖

تعالى وأنا أقولك ازاى تعتني بحيوانك صح ✅

♻ الشعر
لازم يومياً نسرح شعر حيواننا الأليف مره عكس اتجاه الشعر ومره مع الشعر وفي منتجات متخصصه لده وفي حالة عدم توافره نستخدم بودرة التلج.

🐾 الأظافر
لازم بشكل دوري نقص الأظافر وياريت نروح لأقرب دكتور بيطري يعلمنا أفضل طريقة للقص.

🐜 الحشرات
لازم كل فتره نفحص حيواننا ونشوف في حشرات ولا لا وخصوصاً لو خرج لجنينه أو بره البيت وفي حالة تواجد حشرات نحط أمبول الحشرات في الحال.

💉 التحصينات
لازم نهتم بمواعيد التحصينات جداً، وتابع بشكل دورى
مع أقرب دكتور بيطري أو وحدة بيطرية.

📌 لو عاوز تعرف معلومات أكتر أو تتابع حالة حيوانك وأهم التحصينات ليه ابعتلنا وهنرد عليك بكل التفاصيل.


كل عام وأنتم بخير بمناسبة عيد الأضحى المباركأعاد الله علينا وعليكم باليُمن والبركات 🎈
19/07/2021

كل عام وأنتم بخير بمناسبة عيد الأضحى المبارك
أعاد الله علينا وعليكم باليُمن والبركات 🎈

أيا كان نوع اللحمة إللي دبحناها تعالو نعرف هنخزنها ازاي 👌🏼✅ زي ما قولنا قبل كده أننا لازم نفرد لحمتنا كويس ونحطها في مكا...
18/07/2021

أيا كان نوع اللحمة إللي دبحناها تعالو نعرف
هنخزنها ازاي 👌🏼

✅ زي ما قولنا قبل كده أننا لازم نفرد لحمتنا كويس ونحطها في مكان جيد التهويه لمده ٥ ساعات أو ٣ ساعات عشان حرارة الصيف.
✅ نحطها في التلاجة لمدة ساعتين.
✅ توضع في أكياس يفضل أكياس شفافه ومنزودش في الكيس عن كيلو عشان البروده توصل لكل قطع اللحمة.

✅ وإحنا بنرصها ف التلاجة نراعي مسافات ما بين الأكياس عشان توصل البروده لكل الاكياس.
✅ طيب لو عندي فريزر مبيوصلش البروده لتحت يبقا لازم كل يومين اقلب الأكياس ف التلاجة عشان اتلاشى حاجه إسمها "حروق الفريزر" ودي بتخلي اللحمه في مناطق داكنه وبرضو عشان اتلاشى العفن.
✅ نأخد بالنا أن الدهون لازم تبقا ناحية فوق عشان بتبوظ أسرع

✅أخيراً لازم نراعي كويس المده إللي بيتخزن بيها اللحوم بمعنى لحم الضأن والماعز ميزدش عن ٦ ل ٨ شهور العجول من ١٠ ل ١٢ شهر.

📌 لو عاوزه تعرفي معلومات أكتر عن لحمة الأضحية
ابعتلنا وهنرد فى أقرب وقت.

لو عندك لحمة وعاوزه تشويها في العيد البوست دا ليكى ..👇🏽🐏🔗 بعد إتمام الدبح، توضع اللحمة فى مكان تهويته جيدة.🔗 لابد أن تكو...
17/07/2021

لو عندك لحمة وعاوزه تشويها في العيد
البوست دا ليكى ..👇🏽🐏

🔗 بعد إتمام الدبح، توضع اللحمة فى مكان تهويته جيدة.

🔗 لابد أن تكون المدة تتراوح ما بين ساعتين إلى تلت ساعات.
🔗اللحم اللي هنستعمله فى الشوى يوضع فى تلاجة لمدة ساعتين.
🔗يفضل أن يقطع اللحم قطع صغيرة لكى يتم شويه بشكل تام.

📌لو عاوز تعرف أزاى تخزن لحمتك بطريقة صحية ابعتلنا وهنرد عليك.


5⃣ نصائح ليك لو لسه مشترتش الأضحية 🐑♻️ هنضحي بجمل لازم يكون معدي ال٥ سنين لو بقره سنتين أو أكبر لو ماعز يبقا سنه ولو ضأن...
16/07/2021

5⃣ نصائح ليك لو لسه مشترتش الأضحية 🐑

♻️ هنضحي بجمل لازم يكون معدي ال٥ سنين لو بقره سنتين أو أكبر لو ماعز يبقا سنه ولو ضأن يبقا ٦ شهور.

♻️لازم نتأكد من سلامة الاضحية ظاهرياً بمعنى لا تكون عارجه ولا هزيله ولا ظاهر عليها مرض واضح ولا سنانها مكسوره ولا قرنها فيه مشكله وكذلك الديل لازم يكون
سليم.
♻️ طب لو أنا اشتريتها خلاص أتعامل إزاي بعد ما اتأكدت خلاص من إنها سليمه ظاهريا لو ظهر عليها أي مرض متديش أي دواء إلا باستشارة طبيب بيطري.
♻️ضروري نغذيها كويس جدا.
♻️لازم نركز إن إحنا في صيف ومينفعش الأضحية بتاعتنا تعطش.

📌لو عاوز تسأل عن أي معلومات خاصة باختيارك للاضحية ابعتلنا وهنرد في أقرب وقت.

كم مره أمك قالتلك مفيش تربية قطط لحسن متخلفيش 😂طب كم مره رجعتى عن فكرة تربية القطط لخوفك من الأمراض المتعلقة بيها..🐈تعال...
28/06/2021

كم مره أمك قالتلك مفيش تربية قطط
لحسن متخلفيش 😂

طب كم مره رجعتى عن فكرة تربية القطط لخوفك من الأمراض المتعلقة بيها..🐈

تعالى هنا وأنا أقولك تربية القطط بتسبب عقم ولا لا 👇🏽

باختصار في عندنا طفيل رزل إسمه "toxoplasma"
ودا بيجي من عدة طرق ⬇

🔰أهمها وابرزها هي اللحوم الغير مطهية بالكامل
زي البيف واللانشون والبسطرما وغيرهم بتأكلها القطة بتاعتك وتنزل ف البراز وعن طريق التعامل المباشر مع البراز بيتصاب الإنسان.

🔰كمان ممكن من عادتك الشخصية زى أكل اللحوم النية

طب مربيش قطط وأريح نفسي ..🤔

لا طبعا تربية الحيوانات الأليفة خصوصاً مع الأطفال بتقدر تعمل تواصل وبتخليهم إجتماعيين
طب والحل ؟؟

⚠️ مناكلش قطتنا لحوم مش مطهيه.☑

⚠ ضروري التعامل مع براز القطط بشكل سليم يعني منتعاملش مباشر، البس حاجه ف أيدي وأنتي بتشيله.

⚠غير من عاداتك وابتعد عن اللحوم غير مطهية.

⚠ولو كنتي مربية قطه وبتأكليها بيف ولانشون قبل الجواز بشهر لازم تعملي تحليل toxoplasma ونتطمن ومتقلقيش الموضوع سهل جدا

📌 لو عاوزه تعرفي أي معلومات أو استفسارات أبعتلنا على صفحتنا وهنرد عليكي فى أقرب وقت.
————
CARE IS OUR STRATEGY

ناس كتير فكرة إنك عشان تكون دكتور لازم تكون جد طول الوقت 😂والحقيقة دا مهم جداً علشان أحترام المحتوى العلمى 👌🏼 لكن ضروري ...
24/06/2021

ناس كتير فكرة إنك عشان تكون دكتور لازم تكون جد طول الوقت 😂

والحقيقة دا مهم جداً علشان أحترام المحتوى العلمى 👌🏼

لكن ضروري نكسر من حدة المحتوى ونفرفش على الناس🤣

ودي نظريتى الأولى فى الرعاية والعناية الجمع بين التفاني فى العمل والهزار والضحك 🙏🏽

للمزيد من الفرفشة والمعلومات الطبية تابعونا على👇🏽

https://instagram.com/drzahraafityan?utm_medium=copy_link

متنسوش تنضموا لجروبنا 👇🏽

https://www.facebook.com/groups/201773775163213



ليه اخترت شعار "العناية هي استراتيجيتنا الأولى" ..🤔كل طبيب بيطري من بداية دخوله للكلية مش بس بيعاني من وجهة نظر المجتمع ...
21/06/2021

ليه اخترت شعار "العناية هي استراتيجيتنا الأولى" ..🤔

كل طبيب بيطري من بداية دخوله للكلية مش بس بيعاني من وجهة نظر المجتمع في تصنيفه، لكنه بيعاني من كم التخصصات إللي موجودة في كليتنا!

وده بيضعه في حيرة ممكن تأخد سنين وممكن كمان ميبقاش عارف هو عايز إيه❓

وعشان كده اختيار "العناية بالحيوان" من وسط كل التخصصات كان اختيار مش سهل و مسئوليه كبيره عليا ومن هنا جتلي فكرة "Vet Care" اسم عيادتي عشان مدركه إن العناية لازم تكون ليها الاولوية وكمان لازم تكون مدروسة 👌🏼

لذلك العنايه بالحيوان أي كان حالته أو حالة المادية للمالك لازم تكون نقطة تركيزك كطبيب🙏🏽

⚠خلال الفترة الجاية من خلال بوستاتنا هنحاول نقدم كل الدعم والعنايه لأصحاب الحيوانات أياً كان مكانهم أوحالتهم وطبعاً كل خطوة مبنية على استراتيجية مُحكمه.

📌 لو عاوز تعرف أي معلومات أو استفسارات أبعتلنا على صفحتنا وهنرد عليك فى أقرب وقت.
————
CARE IS OUR STRATEGY

Address

Elmgls Street, Sintris
Ashmun

Opening Hours

Monday 10am - 8pm
Tuesday 10am - 8pm
Wednesday 10am - 8pm
Thursday 10am - 8pm
Saturday 10am - 8pm
Sunday 10am - 8pm

Telephone

+201017254727

Website

Alerts

Be the first to know and let us send you an email when Dr/ Zahraa Fityan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dr/ Zahraa Fityan:

Shortcuts

Share

Category

You may also like