30/08/2023
زيتون يمامة ( ولد) من سنة صديقة لينا لقيته في الشارع وسط الطريق ، كانت عينه مقفوله وعنده جرح كبير تحت جناحه.
اتعالج بس رؤيته مازالت ضعيفة، بيشوف بشكل عام ويعرف يتنقل من مكان لمكان، بس لو في حبوب على الأرض مش بيعرف ياكلها بسهوله، مش بيبقى شايف مكانها بالضبط😔
عالجناه في مستشفى وأخد علاج كتير، بس عينه كدة وصلت لأحسن حاجة.
بس صعب إنه يرجع للشارع تاني، زيتون معروض للتبني، بالقفص بتاعه وحاجته
هو جميل جدا وهادي صوته مش مزعج وذكي،وبقى أليف، بس طبعا أحيانا لما حد بيقرب عليه بيخاف في الأول بسبب إن نظره فيه مشكله
بيحب يتمشى في المكان اللي هو فيه، ومش بيحب يتحبس، بينام فوق القفص بتاعه
القفص مخصوص لحالته، لازم باب القفص يفضل مفتوح طول الوقت، وجوة القفص المية والأكل
لو غيرنا مكان الشرب والأكل مش بيعرف ياكل.
إحنا متأكدين إن اللي هايطلبه هايكون جاد جدا، لانه يمامة مش بغبغان😄
اللي حابب يتبناه ياريت يتواصل على الخاص.
