Clash Dog's training

Clash Dog's training خدمات و توعية لمربيين الكلاب بشكل علمي و عملي

28/07/2022

البيدچ بتاعتنا خدت علامه البيدچ المتكامله وصلنا ل ٢٦٠٠ متابع بفضل دعمكم شكرا لكم جميعا

واتمني التفاعل يكون اكتر لو عايزنا نتكلم في موضوع معين أو يسأل عن حاجه الغرض التوعية وليس الربح المادي

05/02/2022



السلام عليكم و رحمة الله و بركاته
نبدء بسم الله...
هنتكلم في موضوع شائع عن التدريب بين المربي أو الغاوي أو الهاوي في مجال تربية الكلاب في مصر بالاخص وان الخبرة تغني عن العلم في التدريب و هنا تبدأ المشكلة عن غير قصد أو عن الجهل بالشيء (مثال) أن حد مثلا يكلمني عن أنه عنده كلب محتاج يتدرب (طاعة) ويختصر الموضوع في كلمة طاعة من اكتساب الخبرة طبعا.
طيب هل حضرتك تعرف مراحل تدريب الطاعة ف يجاوب أن الطاعة عبارة عن شوية أوامر الكلب هينفذها.

طيب هل كلب حضرتك مؤهل يجاوب طبعا كلبي ذكي جدا هي كام حصه وانا متأكد أن كلبي يوصل لمستوي عالمي زي الي بنشوفه في الشوهات و المسابقات .

طيب حضراتكم كل الكلام ده (خــطـــأ)

١-درايڤ الكلب هو مستوي تركيزه مع الأشياء المحيطة بيه و دي حاجه سيكولوجية في الحيوانات عموما و بتختلف من فصائل لاخره أو نفس الحيوان و اخر و بترجع عموما في الكلاب لخط الدم و الجينات الوراثية لأهله مش أنه ذكي أو غبي ومن هنا بنقول أن مش كل كلب ينفع في كل حاجه وان كل كلب ينفع في حاجه معينة علي حسب احتياجات.

٢- تدريبات (انواع التدريب) أو (التدريبات عموما كلها) هي عبرة عن عدة مراحل تبدأ من اختيار الجرو و النوع المناسب لإحتياجاتك دي مراحله صعبة جدا تحتاج لعلم و خبرة يعني زي دراسه سلوكيات كل انواع الكلاب و البنية الأساسية للعظام و الصحة بشكل عام و اختبار الجرو الي يقدر يلبي احتياجاتك من تربيته.

٣-(التأهيل) وهو من أهم الحاجات الي هـا تصقل بيها مهارات الجرو وترفع مستوي تركيزه علي الحاجه الي بتأهله عليها منذ نعومة مخالبه زي المثل ما بيقول من شاب علي شئ شاب عليه...

يعني (الطاعة) محتاجه تأهيل و (الحراسه) بجميع انواعها محتاجه تأهيل و (الشم) محتاج تأهيل و (الإنقاذ) و كلاب (المساعدة الطبية) و الي آخره محتاج تأهيل...وكل مدرب محترم صاحب علم بيتبع مدارس تدريب معينة وهم قلائل جدا في مصر ومفيش فرصة أنهم يعلمه حد لأن بأختصار محدش عنده استعداد أنه يتعلم لانهم كلهم فاهمين وعندهم الخبرة الي تكفيهم في غاواية تربية الكلاب و القصد مادي فقط لا غير (إلا من رحم ربي).

٤-طيب الكلب يبدأ يتأهل سلوكيآ و تدريبيا من عمر كام

الكلب ليتأهل سلوكيآ من يوم ولادته عن طريق الام لحد ما تقرر انك تعزل الجرو عنها و انسب وقت تعزل الجرو عن أمه هو عمر (٦٥يوم) و تبدأ حضرتك كــ مربي محترم تبدأ تأهيله تدريبيا عن طريق مدرب محترف مع أختلاف المراحل العمرية و الزمانية الي المدرب بيعملها (خطة تدريبات) علي حسب التكنيك و المدرسة الي بيشتغل بيها و الافضل أنه يكون مدرب واحد في جميع المراحل التدريبيه.

٥-طيب هل الكلب مينفعش يتدرب وهو كبير لا (ينفع جدا) الكلب يتدرب مهما كان كبير بس علي حسب الاعمار و الصحة و هياخد مجهود و وقت كتير لانه طبعا فترة عمره الي عاشها اتعلم فيها حاجات كتير جدا محتاج انك تغيرها بأشكال متعددة ممكن سلوكيا أو سيكولوجيا ومش هتاخد جميع الكفاءات الكلب الي بدأ من صغره ولسه بصحة جيدة و التدريبات بترفع مستوي لياقة الكلب البدنية مش بس مستوي الدريڤ.

يعني قصد كلام أن مفيش حاجه اسمها حصة ده خطة تدريب و برنامج ومستويات تدريب وان الخبرة لوحدها مش كفاية وان مدعين العلم أو من يطلق علي نفسه مدرب بدون علم مش كفاية الموضوع مش فلوس و خلاص أو انك تربي كلب و خلاص تدريب الكلب ده مش جزء (تــرفــيــهــي) زي محضرتك فاهم تدريب الكلب جزء أساسي من تربيتة زي الاكل و العلاج وإلا تربية الكلب تكون حرام ويسقط شرط تربيتها و أقتبس الشرط ده من الايات الكريمه في القران
(يَسْـَٔلُونَكَ مَاذَآ أُحِلَّ لَهُمْ ۖ قُلْ أُحِلَّ لَكُمُ ٱلطَّيِّبَٰتُ ۙ وَمَا عَلَّمْتُم مِّنَ ٱلْجَوَارِحِ مُكَلِّبِينَ تُعَلِّمُونَهُنَّ مِمَّا عَلَّمَكُمُ ٱللَّهُ) صدق الله العظيم

يعني شرط نعلمهم يعني ندربهم لغرض مطلوب منهم علي حسب احتياجات الإنسان المختلفة.

أتمني أن يكون الموضوع نال اعجابكم و قدرت اوصل ولو جزء بسيط عن كائن صديق و محب و رفيق للإنسان ربنا سخره لخدمة الناس

ونتمنى الدعم بالايك و المشاركه لتعم الفائدة على الجميع





27/12/2021

موضوع للنقاش حد يعرف حاجه عن سيكولوجية الكلاب ... التسلسل و السلوك و الإدراك الحسي و الفهم
لو عايزين اكتب موضوع عنه اكتب كومينت إن كنت بتربي كلاب أو لا ومدي اهتمامك و اعمل لايك




28/07/2021

الكلب الذئب التشيكوسلوفاكي ❤️❤️❤️

28/07/2021

مفيش وصف غير أن الناس دي بيقولوا علي نفسهم مدربين 🤣🤣🤣🤣

28/07/2021

أصحاب السبوبه لما يعملو فيها مدربين 🤣🤣🤣🤣🤣

23/05/2021



بسم الله الرحمن الرحيم

النهارده هنقدم عرض علي التدريب الخاص

هنيجي لحد عندك نعملك تقيم لكلبك و توظيف مهاراته

لو كلبك عنده مشكلة سلوكية ومش بتعرف تاخد منه لعبته و انت بتلعب معاه أو مش بتعرف تقرب منه وهو بياكل و بيزمجر عليك أو مش بتعرف تقرب لمكان خاص بيه أو مزاج كلبك متقلب عنده ردود أفعال غريبه وبيهجم عليك انت شخصيا يبقي اكيد محتاج يتدرب معانا تعديل سلوكيات

لو كلبك بيشدك وانت بتتمشي بيه أو لما بيشوف حيوانات أخري و بيحاول يجري عليهم ومش بينفذ الأوامر
لو كلبك بيهجم علي اي شخص بدون أوامر أو مش بيسمع الكلام
يبقي اكيد محتاج يتدرب معانا علي الطاعة و يكون اجتماعي

لو كلبك الدرايف بتاعه مقبول و محتاج تدربه علي الحراسه الشخصية أو حراسه منشاه أو حراسات متقدمه يبقي اكيد محتاج يتدرب معانا

و متاح تدريب و تأهيل رياضي للعروض و مسابقات ال EKF

تدريب و تأهيل الجراء

طرق التدريب كلها إيجابي يتبع للمدرسه الحديثة في تدريب و تأهيل الكلاب بكامل المعدات اللازمه لتنفيذ اعلي مستوي مع أليفك

العرض داخل القاهرة فقط بعد اول حصة تدريب جرومينج و تحصين ضد الحشرات لاول مره مجانا اختياري

للحجز و الاستعلام كلمنا علي رسائل الصفحة




04/05/2021



عدوى البابيزيا في الكلاب

عدوى البابيزيا بالكلاب مرض معدي حاد أو مزمن يسببه نوعان من البابيزيا وينتقل عن طريق القراد وتتميز الحالات الحادة منه بالحمى وفقد الشهية وفقر الدم وهيموجلوبينية البول واليرقان والنفوق.

بابيزيا الكلاب يسببها نوعان من البابيزيا هما بابيزيا كانز Babesia canis و بابيزيا جيبسوني B gibsoni؛ بابيزيا كانز كبيرة الحجم يبلغ طولها 5ميكروميتر كمثرية الشكل توجد على هيئة أزواج بكرات الدم الحمراء وهى الأكثر ضراوة، أما بابيزيا جيبسوني فهي صغيرة الحجم طولها 1.9ميكروميتر وتوجد بشكل أحادى أو على هيئة مجموعات.

بابيزيا كانز تنتشر على نطاق واسع عالميا فهي منتشرة في أنحاء آسيا وأفريقيا والشرق الأوسط وجنوب أوربا وكذلك جنوب ووسط أمريكا بينما بابيزيا جيبسوني ذات انتشار محدود في الهند وسيلان والشرق الأقصى مشتملا على اليابان و أجزاء من الصين.

القراد من أجناس ديرماسينتور Dermacentor، وهايلوما Hyalomma، وريبيسيفاليس Rhipicephalus، هيمافيسياليسHaemaphysalis ينقل بابيزيا كانز، بينما القراد من أجناس هيمافيسياليس وريبيسيفاليس ينقل بابيزيا جيبسوني. والطفيل ينتقل بين القراد عن طريق المبايض Transovarially من جيل لآخر في بعض أنواع القراد أو عبر المراحل Transstadiallyحيث يلتقط القراد العدوى في طور ولا يستطيع نقله إلي في الطور الذي يليه في أنواع أخرى.

الكلاب متدنية المناعة و الكلاب صغيرة العمر فيما بين 2-8 أشهر هي الأكثر قابلية للإصابة، حيث أنه في بابيزيا الكلاب لا يوجد ما يناظر مناعة العجول الصغيرة في بابيزيا الماشية و الجراو هي الفئة التي تتعرض لسلسلة من الإصابات أو من الانتكاسات في خلال العام الأول من عمرها مع نمو المناعة تدريجيا.

الأعراض:

يتفاوت المرض في صورته وحدة أعراضه ويتراوح فيما بين العدوى تحت الإكلينيكية الغير محسوسة إلى الحالات فوق الحادة التي تصاحبها الصدمة وتكسير كرات الدم وفقر الدم بشكل خطير.

الحالات الحادة النمطية تتميز بصفة رئيسية بالحمى و الضعف وقد تبدو أعراض فقر الدم مع أغشية مخاطية باهتة اللون الوردي والخمول مع اعتلال العقد الليمفية مع القلق بشكل عام، وبدرجة أقل شيوعا النعاس والقئ و اليرقان والبول الهيموجلوبينى.

بابيزيا الكلاب المخية قد تحدث، كما قد يحدث أحيانا التهاب الفم أو المعدة أو الأمعاء كما قد تحدث أعراض تنفسية أو خاصة بالجهاز الدوري.

الحالات فوق الحادة التي تحدث في الجراو غالبا ما تصاحبها صدمة ناشئة عن انخفاض ضغط الدم الناتج عن إنتاج وإفراز مواد موسعة للأوعية الدموية Vasoactive amines and cytokines مما يسبب اتساعها.

الحالات المزمنة والحالات الحاملة للعدوى بشكل تحت إكلينيكي و الحالات غير النمطية من عدوى بابيزيا الكلاب قد تحدث أيضا.

الصفة التشريحية تكشف عن تضخم الطحال والغدد الليمفية أيضا واليرقان إلى جانب تضخم الكبد و الكلى.

الفحوص الإكلينيكية للدم سوف تكشف عن فقر الدم وانخفاض ملحوظ في عدد الصفائح الدموية Thrombocytopenia وكذلك انخفاض نسبة الألبيومين بالدم Hypoalbuminemia وازدياد نسبة البيلليروبين بالدم Bilirubinuria.

التشخيص:

كما هو الحال مع عدوى البابيزيا بالأنواع الأخرى يعتمد التشخيص المبدئي على أعراض الحمى وفقر الدم واليرقان وهيموجلوبينية البول ولكن الحالات المزمنة يصعب تشخيصها لان الأعراض قد تكون مبهمة مع غياب هبموجلوبينية البول و محدودية مستوى تواجد الطفيل. والتشخيص الايجابي المؤكد يستلزم رصد الطفيل في مسحات الدم الشريحية أو رصد الأجسام المضادة سيرولوجيا.

في الحالات الحادة، الطفيل عادة ما يمكن رصده في مسحات الدم الشريحية المصبوغة بصبغة ديف السريعة Diff-Quik و يفضل صبغة رايت Wright أو جيمسا Giemsa. المسحات الشريحية يفضل أن يتم إعدادها من وسائد الشعيرات الدموية الطرفية عند نهاية الأذن أو وسائد الأظافر لتعظيم فرصة رصد الطفيل.

في الحالات المزمنة والحالات الحاملة للعدوى بشكل تحت إكلينيكي حيث يكون فيها الطفيل مختفيا أو متواجد بأعداد قليلة جدا فان التشخيص عادة ما يعتمد على رصد الأجسام المضادة للطفيل باختبارات سيرولوجية متنوعة، هذة الاختبارات المتاح منها يشمل: الاختبار الفلوروسنتي المضيء الغير مباشر IFAT شائع الاستخدام وكذلك الاختبارات التي تم استخدامها حديثا مثل اختبار الاليزا النقطي dot-ELISA.

العلاج:

الاميدوكارب ثنائي البروبيونات "الاميزول" بجرعة 5.0- 6.6ملجم /كجم من وزن الجسم حقنا تحت الجلد أو بالعضل مرتين يفصل بينهما 2-3 أسابيع علاج فعال (أميزول 0.42-.550 ملل/10كجم).

داى أمينازين أسيتيورات (برينيل) بجرعة قدرها5ملجم /كجم من وزن الجسم حقنا بالعضل بجرعة واحدة يعتبر علاج آخر يمكن استخدامه.

تم استخدام عقار كليندامايسين Clindamycin بنجاح كعلاج لعدوى بابيزيا الكلاب ويمكن اعتبار ذلك في الحالات المقاومة للعلاج أو في الحالات الحادة الشديدة.

العلاج الداعم مثل حقن المحاليل وريديا ونقل الدم قد يكون ضروريا لإنقاذ حياة الحيوان

المناعة:

الكلاب التي شفيت من عدوى طبيعية تظل محمية مناعيا لمدة سنتين في غياب التعرض للعدوى مرة أخرى، هذا مع تواجد الطفيل في الأوعية الدموية الطرفية، هذة الكلاب إذا تعرضت لضغوط فان انتكاس الحيوان وتنشيط العدوى يصبح واردا كما سوف يصبح هذا الحيوان مصدرا لنشر العدوى.

إجراءات مكافحة المرض المعمول بها تعتمد غالبا على التشخيص المبكر للمرض والعلاج ومكافحة القراد.

يجب استخدام مبيدات القراد لإزالة القراد من البيئة المحيطة بالحيوان للإقلال من أعداد القراد إلى جانب تخليص الحيوانات من القراد بأسرع ما يمكن.

حديثا تم إنتاج لقاح فاقد الضراوة ضد بابيزيا كانز في فرنسا وجنوب إفريقيا، هذا اللقاح يحد من حدة الأعراض دون أن يؤثر على تواجد الطفيل بكرات الدم الحمراء




السلام عليكم جميعا و رمضان كريم موضوعنا النهارده عن نوع محترم جدا في الكلاب و قديم جدا وشائع جدا في جميع أنحاء العالم ل...
20/04/2021



السلام عليكم جميعا و رمضان كريم

موضوعنا النهارده عن نوع محترم جدا في الكلاب و قديم جدا وشائع جدا في جميع أنحاء العالم لكفأة و قدرات النوع ده من الكلاب في العديد من انواع (العمل المختلف) وبالإضافة أنه عائلي جدا لو اتربي في أجواء الأسرية بيبقي كلب اجتماعي جدا موضوع النهارده عن كلب الچيرمن شيبرد (German shepherd) و ألوانه المختلفة وبعيدا عن قصة منشأة و المواصفات القياسية هنتكلم بس عن تعدد الالوان و انواع العمل الي التكلف الكلب الجيرمن ولازال حتي الآن هو من أكفاء كلاب العمل وهو تكلف بالأعمال الآتية.

رعي الاغنام و المواشي

و الرعاية الصحية لاصحاب نوبات القلب و الصرع
و رعاية المكفوفين.

وتكلف بأعمال الحرب و الاعمال البوليسية و الاجتماعية و الصحية مثل.

التفتيش و التأمين من المفرقعات و المواد المتفجرة

و القتال و الدفاع ضد أي مهاجم و استخدم في الحرب العالمية الأولى و الثانية لأغراض حرب مثل التصدي للدبابات وهو يحمل عبوات متفجرة وكان ولازال هذا أمر غير مقبول.

البحث و الإنقاذ عن منكوبين الزلازل و الانقاض و الكوارث الطبيعية

و تقفي الأثر و المطارده

و البحث عن افات و الامراض الأشجار في المزارع

و دلواقتي في برنامج تدريب الكلاب عن الكشف عن مصابين فيروسات مختلفة ومنهم فيروس كورونا .

أما عن الوان كلب الجيرمن شيبرد....

بلاك اند تان

بلاك اند ريد

بلاك اند سيلڤر

سوليد سيلڤر

سوليد بلاك

ستيل بلوو

جولدن شيبرد

باندا شيبرد

بلوو اند تان

سوليد وايت

السبيل و هما

جولد أو تان سبيل

سيلڤر سبيل

ريد سيبل

وهناك بعض المصتلحات في الألوان مثال بلاك جاكيت او مثلا بلاك كوت و احنا في مصر بنقول عليها بلاك چاك أو بلاك كود

لو اول مره تعرف المعلومات دي عن الكلاب أو اول مره تعرف معلومات عن كلاب الچيرمن شيبرد سجل إعجابك بالبوست و اعمل شير




ماهو مرض البابيزيا في الكلاب – وكيف تحدث العدوي؟مرض البابيزيا في الكلاب ، هو أحد الأمراض التي تحدث بسبب نوع من الطفيليا...
12/02/2021



ماهو مرض البابيزيا في الكلاب – وكيف تحدث العدوي؟

مرض البابيزيا في الكلاب ، هو أحد الأمراض التي تحدث بسبب نوع من الطفيليات أحادية الخلية التي تنتمي لعائلة تسمي بابيزيا Babesia ، وهي واحدة من طفيليات الدم الشائعة في الكلاب.
هي من الأمراض التي تنتقل عن طريق حشرة القراد بشكل رئيسي ، وعن طريق العدوي المباشرة من الدم أثناء نقل الدم ، أو عبر المشيمة ، أو من الجروح. الطريقة الشائعة للانتشار هي القراد ، حيث تستخدم الطفيليات حشرة القراد بشكل مؤقت حتي تجد العائل المناسب لها ، وتقوم حشرة القراد بحقن الطفيل داخل دم الكلب السليم.
بسبب انتقال البابيزيا عن طريق القراد بشكل رئيسي، لذلك ليس غريبا وجود أمراض أخري مصاحبة لها من الطفيليات التي تنتقل عن طريق الدم مثل ، الايرليخيا ، والأنابلازما وغيرها. بعض هذه الأمراض تتداخل أعراضها فتزيد من حدة كل مرض منهم.
مرض البابيزيا في الكلاب
تصيب البابيزيا جميع أنواع الكلاب في جميع الأعمار ، ولكن الكلاب التي تعيش في مناطق تسمح بالاصابات المتكررة بحشرة القراد هي الأكثر عرضة للاصابة بالمرض.
تزيد فرص الاصابة بالمرض في مواسم انتشار حشرة القراد خصوصا في فصل الصيف.

أعراض البابيزيا عند الكلاب

فترة حضانة البابيزيا في الكلاب تكون لمدة أسبوعين في المتوسط بداية من انتقال العدوي وحتي ظهور الأعراض ، ولكن في بعض الأحيان تبدأ الأعراض بشكل خفيف جدا ، وتكاد تكون غير ملحوظة لمدة شهور وأكثر من عام أحيانا.
تتفاوت أعراض البابيزيا بشكل كبير في الكلاب ، من الممكن أن تستمر الأعراض خفيفة جدا لفترات طويلة ، الأمر يتوقف علي نوع الطفيل المسبب للمرض ، وحالة الجهاز المناعي للكلب. الأعراض أيضا من الممكن أن تظهر وتختفي عدة مرات طوال فترة المرض.
تهاجم طفيليات البابيزيا كرات الدم الحمراء وتتكاثر بداخلها ، وينتج عن وجودها تكسير كرات الدم الحمراء كرد فعل من الجهاز المناعي للجسم ، وتصيب الكلب بأنيميا شديدة Hemolytic Anemia ، حيث يتم اطلاق الهيموجلوبين الناتج عن تكسير الدم الي الجسم.
يؤدي اطلاق الهيموجلوبين الي ظهور أعراض الصفراء علي الجسم ، والأنيميا ، عندما يفشل الجسم في انتاج عدد كاف من كرات الدم الحمراء لتعويض معدل التكسير الناتج عن المرض. وتتحدد شدة وصعوبة المرض بشدة حالة الأنيميا وليس بعدد الطفيليات الموجودة في الجسم.
نقص الشهية للطعام.
قلة الطاقة والحيوية في الجسم ، والشعور بالتعب.
لون شاحب وباهت للثة والأغشية المخاطية للجسم.
ارتفاع درجة الحرارة.
زيادة حجم البطن.
تغير لون البول ليصبح داكن.
يميل لون الجلد الي الأصفر.
نقص الوزن.
انتفاخ العقد الليمفاوية.
تضخم الطحال.

تشخيص مرض البابيزيا

تطور ظهور الأعراض هام جدا لتشخيص المرض. أيضا تاريخ الكلب المصاب ، وما اذا كان تعرض للقراد أم لا ، أو أجري نقل للدم. سيقوم طبيبك البطري بالفحص الظاهري لجسم الكلب ، ومن الممكن أن يطلب تحاليل الدم لتقييم الأنيميا ، وتحليل البول أيضا.
أيضا هناك بعض الاختبارات الخاصة بمرض البابيزيا بالتفاعل مع أنواع أجسام مضادة معينة ، أو رؤية الطفيليات في الدم تحت الميكروسكوب.

للوقاية من البابيزيا ، هناك تطعيم فعاليته مرتفعة نسبيا ، ولكنه غير متاح تجاريا في مصر.
الوقاية من مرض البابيزيا في الكلاب بشكل أساسي تتم عن طريق مكافحة القراد باعتباره الناقل الرئيسي للمرض ، علاوة علي العديد من المشاكل الصحية الأخري التي يسببها وجود القراد ، استعمل أدوية الحشرات المخصصة بشكل دوري ، وقم بالتخلص من حشرة القراد فور رؤيتها علي كلابك.




Let'$ do some WorkDoberman
17/10/2020

Let'$ do some Work

Doberman

انا بقالي فترة مش بنزل بوستات لعدم التفاعل مع الصفحة الي عنده سوال اي كان السوال عن الكلاب يتفضل يسأل في الكومينت و هرد ...
16/10/2020

انا بقالي فترة مش بنزل بوستات لعدم التفاعل مع الصفحة الي عنده سوال اي كان السوال عن الكلاب يتفضل يسأل في الكومينت و هرد عليه في أقرب وقت علشان نتفاعل كلنا مع بعض وتعم الفائدة للجميع

Working gears
28/09/2020

Working gears

Rottweiler ❤️
02/08/2020

Rottweiler ❤️

25/07/2020

السلام عليكم جميعاً رواد الصفحة

البعض منكم يعرفني معرفة شخصية و البعض لا وبما أن الصفحة بتخص مجال الكلاب فالموضوع الي هتكلم فيه هيكون بخصوص الكلاب ولكن من وجهة نظري الشخصية و التجربة في المجال ده وليست من وجهة النظر العلمية أو خبرة بعض الغواه الي بيلقبوا نفسهم بأنهم منتجين أو مدربين أو مرابين و اصحاب علم في المجال ده عايز اتكلم عن موضوع غير اعتيادي بعيدا عن الأمراض الشائعة في الكلاب أو صفاتها أو قدرتها في جميع الأعمال أو انوعها.

وباختصار كده هو رابط العلاقة مابين الإنسان و الكلب أنه مش مجرد انتفاع واشكال الانتفاع بالنسبة لكل شخص ذكرته من منتجين أو مدربين أو مرابين مختلفة.

يعني المنتجين وخدنها انتفاع مدي بحت و ذياع صيت للتوسع في الانتفاع المدي بدون ذكر الاسباب علشان الموضوع ميبقاش كبير ولكن قابل للنقاش أن حد حب يسأل

أما بقي المدربين أو من يلقبوا نفسهم بكده من بدون علم وانا بسميهم أصحاب السبوبه هو برضه بيدور على الانتفاع المدي فقط لا غير ولكن بيضيف مشاكل خطيرة للحيوان و المربي وممكن تنتهي بكارثة لأحد الأطراف أو للطرفين علي حد سواء و برضه بدون ذكر الاسباب ولكن قابل للنقاش أن حد حب يسأل.

نيجي بقي للمرابين وهنا الانتفاع معنوي ونفسي بأمتلاك انواع غالية و جماليا للفت النظر أو لاستعراض القوة من خلال الحيوان و دول بيمثلو ٨٥٪ من المراقبين الي يشوفهم أو اتعملت معاهم ١٠٪ للفت الأنظار ٥٪ فقط لتكوين رابط العلاقة النفسية للاحتياج لضم كائن أو كيان غير بشري كجزء من حيات النوع ده من الناس.

ونيجي لتقيم كل واحد منهم هتلاقي ٨٥٪ بيأذي الغير بأستعراض قوة الحيوان و بيأذي الحيوان في جميع حياته من أكل و شرب لرعاية صحية ونفسية و بيأذي نفسة في الاخر.

و ١٠٪ بيأذي الحيوان فقط لأنه في تصوره أنه شئ من الكماليات زي العربية الفخمة مثلا وأنها مش بتحتاج اكتر من زيت و بنزين علشان تشتغل وتلفت الانظار طول ماهي ماشية.
يعني بالنسبالي ٩٥٪ بتربي كلاب تأذيها أو تأذي بيها النفس أو الغير بطرق مختلفة و انك كشخص مدرك أو غير مدرك معندكش مفهوم انت ليه فعلا محتاج كلب في حياتك أو مفهوم التربية الصحيحة وتكوين رابط نفسي بينك وبين حيوان أو كيان غير بشري بشكل مثالي.

انا عارف ان كلامي مش هيعجب الأغلبية الي هما ال ٩٥٪ لكن والله بحاول اصحح مفهومكم عن حيوان انت المفروض بتعلمه وبيقدم كتير وبيفيد البشرية في مجلات كتير جدا يوميا اكتر ما بيستفيد منها
من يتقي الله يجعل له مخرجا

عن الجمال و كفاءة عالية في العملAustralian shepherd
23/07/2020

عن الجمال و كفاءة عالية في العمل

Australian shepherd

الحشرات و تأثيرها على الصحة العامة للكلاب واحدة من أكبر المشاكل المعتادة التي تواجه مربيين الكلاب خصوصا في فصل الصيف هي...
02/07/2020



الحشرات و تأثيرها على الصحة العامة للكلاب

واحدة من أكبر المشاكل المعتادة التي تواجه مربيين الكلاب خصوصا في فصل الصيف هي وجود حشرة القراد والكثير من المربيين يشتكي كثيرا بخصوص فشل علاج القراد من الكلاب والمعاناة المستمرة من وجود تلك الحشرة.

١.تعريف القراد
هو أحد الطفيليات الخارجية التي تصيب الكلاب وكثير من الثدييات
تعتبر هي الطفيليات الأكثر انتشارا في الكلاب وتمثل المشكلة الكبر لدي مربيين الكلاب و اثني القراد الواحد بتقدر تبيض من ٣٠٠٠ بيضه الي ٦٠٠٠بيضه خلال الموسم الواحد

٢. الأمراض
يتغذي القراد علي دم الكلب فتسبب العديد من المشاكل بداية بالأنيميا وفقر الدم الذي يصيب الكلب نتيجة لتكسير كرات الدم ، ومنها الجفاف الشديد وأحيانا شلل في الجهاز العصبي وأحيانا حساسية للجلد و أيضا تسبب نقل العديد من الأمراض للدم مثل طفيليات الدم مثل البيبيزيا و انابلازما التوليريميا ومرض لايم و امراض الدم هذه ممكن تنتقل للإنسان عن طريق القراد لو حصل اتصل وتغذي علي الإنسان.

٣.الوقاية من القراد
في جزئين للوقاية من القراد وهما جزئين مينفعش يتعمل واحد منهم بس يعني لازم تعملهم مع بعض اولا التخلص من القراد الي علي جسم الكلب وفي مجموعة كبيرة جدا من الأدوية الموضعية ليها.

ثانيا. التخلص من القراد داخل بيت او مابيت الكلب و المنطقة المحيطة بالبيت أو مكان الكلب إذا كانت جنينة أو داخل المنزل او اي كان و رش اي شئ في المكان جيدا ممكن القراد يستخبي فيه زي شقوق الخشب أو الطوب الاحمر و الأشجار و الأرضيات طبعا و التخلص من الرمال أو الحاجات الي ملهاش لزوم توجدها في المكان لأن ممكن القراد يستخبي و يبيض فيها.




Punisher the Dutch shepherd 🐕‍🦺🐕‍🦺🐕‍🦺🐕‍🦺
30/06/2020



Punisher the Dutch shepherd 🐕‍🦺🐕‍🦺🐕‍🦺🐕‍🦺




والصمت في حرم الجمال جمال 👹⁦☠️⁩🖤
28/06/2020



والصمت في حرم الجمال جمال 👹⁦☠️⁩🖤



المعاناه اللى كتير مننا بيواجهها سلوك أليفك مش كويس سواء فى البيت أو بره البيت يكسر ويخرب ويعضعض ومبيسمعش الكلام أو اج...
26/06/2020



المعاناه اللى كتير مننا بيواجهها
سلوك أليفك مش كويس سواء فى البيت أو بره البيت يكسر ويخرب ويعضعض ومبيسمعش الكلام أو اجرسڤ مع الكلاب الغريبه بيجرك في الشارع بيجري وراه القطط راجع لجزء كبير مش موجود فى أساسيات التعليم والتأسيس
لازم يتعلم ويتدرب
يتعلم إزاى يكون مطيع وتعدل سلوكياته الخاطئه
التدريب مش رفاهية للكلب ده جزء أساسي و وقاية لك ولغيرك من الناس المحيطة بيك و بكلبك و وقاية منه و عليه من الحيوانات الغريبه إذا كان كلاب أو قطط أو حاجات كتير في حياته معاك لازم يتعلمها
كلبك لازم يمشي جنبك مش قدامك ولا ينفع يجرك
لازم تكون انت القائد ما ينفعش كلبك (يزمجر عليك أو يزوم ) لاي سبب وانت بتاخد منه الاكل او لعبته
التأهيل بيبداء من سن ٧٠ يوم ومفيش حاجه اسمها اصل الكلب كبير ماينفعش يتدرب لا ينفع في اي سن ومهما كان عمره كبير ..



هل من معجبين 👹❤️⁩
25/06/2020



هل من معجبين 👹❤️⁩




السلام عليكم بما أن مفهوم تربية الكلاب غلط في مصر أو الشرق الأوسط عموما عند الأغلبية إلا من رحم ربي قولت اطرح عليكم موض...
18/06/2020



السلام عليكم بما أن مفهوم تربية الكلاب غلط في مصر أو الشرق الأوسط عموما عند الأغلبية إلا من رحم ربي قولت اطرح عليكم موضوع مهم جدا جدا اقراها للآخر لو سمحتم.

اولا الكلاب بشكل عااااام هي مش لعامة الناس، يعني ايه مش لعامة الناس يعني كلبي الشخصي لنفسي فقط يعني من الحاجات الشخصية جدا في حياتي بمعني أن مش اي حد يخش مكانه من غير ما يديله اهتمام أو يقتحم المساحة الي المفروض هيتربي فيها أو البيت لو هو فرض غريب عن البيت و يزعق لكلبي أو يضربة أو يديله أوامر ياخد حاجه بتاعته زي اكله أو لعبته أو ادواته علشان اقدر اكون شخصية كلب قوية و بدون مشاكل سلوكية، وناس هتسأل هل الكلاب بتفهم ده ايوه حضرتك بتفهم ده كويس اوي وهل هما ليهم مراحله عمريه علشان شخصيته تتكون الكلب بيبدء يكون شخصيته من اول يوم بيتولد فيه ومن اول مرة بيروح يرضع فيها و الام بتعلمهم بالغريزه الفطرية و بتبدء تصنفهم علي حسب قوتهم و شخصيتهم، و الكلاب في أول مراحل عمرها بتحتاج للتأهيل يعني يشوف ناس وعربيات وكل شئ و يسمع اصوات مختلفة عالية و واطيه و محتاج يخرج من مكانه و نظام يومي كامل يتمشي أمتي وياكل أمتي واي طريقة فيها عقاب بالعنف و الضرب بتأثر بالسلب علي شخصية الكلاب، يعني تعاقب الكلب ازاى ممكن يتعقب بالربط و دخولة للبوكس بتاعة لمجرد العقاب أو أوامر النهي عن الفعل الغلط طيب هل في وقت محدد يتعاقب فيها الكلب أيوة وهو ده اصعب شيء في الموضوع الكلاب عموما بتفكر بسرعة جدا وهنا المشكلة الي أغلبية الناس مش فاهمة ان الكلب لو عمل حاجه غلط وانت خدت حوالي اكتر من ٣٠ ثانية علشان تعقبه ببساطه هو هيكون مش عارف هو بيتعاقب بسبب ايه او ايه هو الفعل الغلط الي عملو لأن ببساطه كده تاني بيكون عقله فكر في اكتر من حاجه تاني بعد الفعل الي حضرتك شايفة غلط وبتكون عينه نقلت الااااف الصور و الاصوات لعقله فهو ميعرفش أن كده الغلط منه او ايه سبب العقاب ببساطه وان العقاب بدون سبب في بتأثر في حالته النفسية وبيبدء يكون سلوك خاطئه عنك وعن نفسه وكل مرة الموضوع بيزيد مع تكرارك لنفس طريقة العقاب والي بتكون مدتها الزمنية اكتر من ال ٣٠ ثانية لأن الكلاب مش بتنسي اى حاجه في حياتها نهائي هو الموضوع مقعد أو كده اه للاسف بس محتاج من حضرتك انك تكون فهمه مش اكتر يعني علي قد ماهو معقد علي قد ماهو بسيط وسهل جدا،

ثانيا الكلاب مش بتفهم الكلام اوبس ازاي ده بقي اقول لحضرتك الكلاب لا بتفهم كلام ولا للغة يعني ولا عربي ولا انجلش ولا اي للغة من لغات بلاد العالم امال بتفهم ازاى.

للغة الكلاب هي تحديد مستويات نبرات الصوت و التفريق بنهم و للغة الجسد و الإشارة ومن هنا بيبتدي يحل الشفرات بتاعت نبرات صوتك و للغة جسدك علشان يفهم ايه المطلوب منه او حضرتك عايز توصله ايه ومع التكرار بيقدر يوصل حضرتك طالب منه ايه ويعمله وكل كلمه في الكون او ايه صوت ليه ترددات مختلفة عمرها ما تبقي شبة بعض يعني كل كلمة ليها تردداتها و معناها مختلف بالنسبه للكلب يعني يقدر يفهم انك بتقوله الأمر علشان يعملو ولا علشان بتجرب صوتك من مستوي نبرة الصوت بعيدا عن ترددات الكلمة نفسها من غير مدخل في تفصيل وشرح أنه هيعمل الأمر أو لا.

يعني بالمختصر المفيد لازم حضراتكم تتعرفه علي المخلوق ده بيفكر ازاى و بيفهم ازاي و ايه طبيعة حياته و غريزته علشان نقدر نتواصل معاه كبشر و نعلمه صح علشان ناخد منه المطلوب في العمل أو في الحياة الشخصية المنزلية.

واتمني اني اكون قدرت اوصل معلومة صح لحد ببساطه والكل يستفيد علشان احنا كبشر لو وصلنا للمعلومة الصح الكلاب هتستفيد مننا زي ما هتفدنا و اشك أن حد في مصر شرح الموضوع للناس زي احنا ما شرحنا كده بفضل الله لتعم الفائدة علي الجميع ولو عوزينا نكمل الموضوع اكتب لنا في الكومينتات.




نتمني من كل المتواجدون بالصحفة بالمشاركة بآرائهم عن المعلومات الي قدمناها من قبل ولو عايزينا نتكلم في موضوع معين أو الا...
13/06/2020



نتمني من كل المتواجدون بالصحفة بالمشاركة بآرائهم عن المعلومات الي قدمناها من قبل ولو عايزينا نتكلم في موضوع معين أو الاستفسارات عن أي شيء يخص الكلاب من نحية سلوكيات أو تدريب أو نصيحة علاجية أو نصيحة غذائية وممكن نرشح انواع الكلاب علي حسب العمل المطلوب و متابعتها من اول الاختيار لحد التأهيل و التدريب و الشروع في العمل بنجاح أو الوصول للمستوي المطلوب في التدريب.

ولو عجبتكم موضوعاتنا اعمل شير و لايك




12/06/2020

German shepherd workout ❤️




06/06/2020

the German shepherd sable
فين عشاق السيبل الراعي الالماني

شوفت صاحب ايوه شوفت يعني فعلآ شوفت صاحب قوة قلبك لما خوفت يعني فاهم من عيونك ايه اللي عايزه ونفسك فيه عمره ما اتجرا يخو...
05/06/2020



شوفت صاحب ايوه شوفت
يعني فعلآ شوفت صاحب قوة قلبك لما خوفت
يعني فاهم من عيونك ايه اللي عايزه ونفسك فيه
عمره ما اتجرا يخونك مهما تتجرا عليه
من زمان ماشي بمشورتك بتلاقيه سمعآ وطاعة
في انتظار رهن لأشارتك لو هيستناها ساعـــــه
يلمحك لو جاي فــ يجري يحضنك لو لسه سايبه
ومعتبر انك حياته اهله و اصحابه و قرايبه
لما تتحط فى مشاكل بتلاقيه جندي الحراسة
مستعد يشيل بدالك حتي لو هيشيل رصــاصــه
كل ده من غير مقابل او مقابل كان بسيط
حضن مثلا لقمه ميه كلمه حلوه وبسكويت
شوفت صاحب اقوي منك بيبقي اضعف بين ايديك
مستعد يموت اللي بص بصة شر ليك
الحقيقه لا مشوفتش الصفات دي عايزه واحد يبقي عنده ألف قلب
الصفات دي يحكيلك عنها اللي ربي في حياته كــلـــب.




السلام عليكم موضوع النهاردة هو عن اقتناء الكلاب أو امتلاك كلب و تربيته....اولا كده علشان اكون واضح معاكم أن مفهوم اقتنا...
05/06/2020



السلام عليكم

موضوع النهاردة هو عن اقتناء الكلاب أو امتلاك كلب و تربيته....

اولا كده علشان اكون واضح معاكم أن مفهوم اقتناء الكلاب عند الأغلبية في الشرق الأوسط أو بالاخص مصر هو مفهوم غلط و انا عن نفسي سمعت حاجات كتير جدا من بعض مرابين الكلاب أن كل واحد فيهم بيربي كلب لغرض معين والغرض ده غالبا بيكون غلط يعني زي آن واحد بيربي كلب علشان يعمل بيه مضاربة أو fight أو مربي كلب علشان يستخدمه في ترهيب الناس أو مربي كلب كأنة للعبة او شئ للتفاخر أو (للتجارة بشكل عشوائي) والنوع ده بالاخص بيعمل كوارث في حق الكلاب من اول خلط السلالات مع بعض ينتج عنها كلاب بيكون مصيرها الرمي في الشارع ومفيش جهة هنا في مصر بتحمي حقوق الحيوان عموما لحد النصب علي الناس الي عايزه تربي كلب وفي حاجات تانية كتير شبه كده.

طيب ثانيا انا هقتني كلب ليه اكيد لأسباب هذكرها لحضرتكم.

اقتناء الكلب اولا لحراسات المنشات أو الحراسه الشخصية او المزارع ده غير استخدمها في الجيش و الشرطه و شركات الحراسات في العالم في وظائف كتير جدا
ودي بنسميها( كلاب شغل).

ثانيا اقتناء كلب للرياضة و العروض الجماليه بمستوي المواصفات حسب كل سلاله

ثالثا اقتناء كلب لذوي الاحتياجات الخاصه و ده يندرج تحتها حاجات كتير جدا منها الي اغلب الناس بتقتني كلب بسببها أو علي ما اعتقد هو عامل نفسي بيخليك في احتياج لرافيق ومعتقدش أن في رفيق احسن من اقتناء كلب و ده بيتطلب منك ك مربي تتعلم مسؤلية الحيوان الأليف الي بتربيه معاك فهو بيحتاج يأكل كويس و يتعلم و بيفهم و يحس و يغلط وبيتأثر بجميع المشاعر زي الفرح و الحزن و الغضب و الخوف ف لازم نفهم يعني ايه كلب و هربيه ليه قبل ما ناخد اي خطوة ومين الناس الصح الي نتعامل معاها علشان اعرف اختار الكلب المناسب ليا و إبداء في تأهيل بطريقة صحيحة و تعليمه في المكان المناسب لاحتياجاتي.
لو الموضوع عجبك اعمل لايك و شير لتعم الفائدة للجميع




السلام عليكمكنت عايز اتكلم في موضوع شائع جدا اليومين دول حول سلاله معينة من الكلب وهي المالينوا أو الراعي البلچيكي و اع...
05/06/2020



السلام عليكم
كنت عايز اتكلم في موضوع شائع جدا اليومين دول حول

سلاله معينة من الكلب وهي المالينوا أو الراعي البلچيكي

و اعتبارا من أول ٢٠١٩ وانا شايف كلام كتير عن السلاله

وذياع سيطها بين المربيين ك أكفاء كلب شغل وبالتالي

اسعرها رفعت جدا لزيادة الطلب المحلي أو الاستيراد عليها

ودي اول نقطة (زيادة غير طبيعية في الاسعار علي الإنتاج المحلي)

طيب النقطة التانية و الي بتسبب مشاكل كبيرة عن قصد أو غير قصد هو عدم خبرة معظم المربين أو الغواة بالمواصفات العالمية وبقي حرفيا اي كلب بني و وشه اسود بقي يتقال عليه مالينوا و اي خلط ينتج عنه الوان غير معروفه بقي لون نادر و طفرة جينية واااااو و برضه مالينوا طيب فين الصح من كل الكلام ده هي المواصفات العالمية ..
والتي لم تكن تم تشكيل نادي للسلاله حتي عام 1891
وتم الاعتراف بالسلاله دوليا وتم إنشاء أول نادي للسلاله
سنة 1901

belgian malinois dog breed American kennel club
وكان اول حد صنف ال 4 السلالات البلچيكية منها المالينوا كان البروفيسور بلجيكي (ادولف راؤول) رئيس الجامعة البيطرية البلچيكية وحدد مواصفات المالينوا

كالتالي: الالوان هي غالبا بني الون مائل الاحمرار أو الماهوجيني ذات اذان سوداء وقناع الوجهة أسود يصل الي الرقبة غالبا ذي شعر مزدوج و قصير مستقيم وحاد مع زيل يصل غالبا الي مفصل الركبة الخلفي ذي صدر منحدر للداخل وعريض عند الاكتاف اذان علي شكل مثلث متوازي الاضلاع و منتصبة وشكل الجمجمة ملائم مع باقي الجسد وأرجل تشبة أرجل القطط مستقيمة وهو يأخذ شكل المربع في المجمل.

يتراوح طول الذكر البالغ من 61سم الي 66سم عند الاكتاف و طول الانثي من 56 الي 61 سم عن الاكتاف ويبلغ من الوزن من 29كغ الي 34كغ للذكر البالغ و الانثي من 25كغ الي 30كغ..

اتمني لو الموضوع عجبكم تعملي شير ولايك لتعم الفائدة للجميع.




صباح الخير وجمعة مباركة علي حضراتكم جميعاموضوعنا النهاردة مهم جداً وناس كتير بتسأل عليه مراحل الرضاعة والتغذية والنمو ف...
05/06/2020



صباح الخير وجمعة مباركة علي حضراتكم جميعا
موضوعنا النهاردة مهم جداً وناس كتير بتسأل عليه

مراحل الرضاعة والتغذية والنمو في الكلاب

بتتولد الجراوي ( صغار الكلاب ) عمياء ولكن سبحان الله بالغريزة الربانية بتوصل لصدر الأم وترضع
- لبن السرسوب : هو أول لبن بينزل من الام بعد الولادة علطول وبيتفرز من ٢ --- ه أيام وبيبقي مغذي جدا وغني بأجسام مناعية بترفع من مناعة الجرو لمدة تصل ل٤٥ يوم علي الأقل ضد أي أمراض معدية
- من الولادة لعمر ٦ أسابيع الرضاعة من ٤ - ٦ مرات ، يوميا بأنتظام
مراحل النمو :
- من الولادة لعمر ٣ أيام جفاف وسقوط الحبل السري
- من عمر ٧ ل ١٤ يوم بتبتدي تتفتح الأذن
- من عمر ٥ ل ١٦ يوم بتبتدي الزحف وتبدأ في المشي
- من ١٠ ل ١٤ يوم بتبتدي تفتح
- عند عمر ٩ ل ١٤ يوم نمو سريع في الحجم
والجرو بيتضاعف وزنه في ٨ أيام من بعد الولادة .

لو لا قدر الله الأم مبترضعش لأي سبب ومكنش في إستطاعة حضراتكم شراء لبن صناعي مخصص للكلاب

نعمل الأتي :
ربع لتر لبن بقري دافي نحط عليه صفار بيضة واحدة مع معلقتين سكر ناعم صغيرين ونجيب من الصيدلية شراب الفروتال للأطفال ونحط من نقطة وتزيد لعشر نقط مع كل رضعة أو زيت حبة البركة ونرضع بالسرنجة بدون سن
- عند عمر ١٤ يوم بتبدأ بالمشي وبيحاول يستكشف الأكل الخارجي مع الرضاعة ممكن نجيبلهم جنب لبن الأم في الفترة دي زبادي لايت.

- من عمر ١٥ ل ٢٠ يوم الجرو بيبتدي يظهر شخصيته وبتزداد شهيته في الأكل
- بداية من عمر ٢١ يوم بيبتدي ينقص لبن الأم تدريجياً
- عند عمر ٢١ يوم بنبتدي ندخل أكل تدريجي مع الرضاعة طبعا ونبتدي واحدة واحدة بسريلاك قمح
ممكن زبادي وعليه دراي مبلول
ممكن نفس اللبن البقري اللي أتكلمت عنه فوق ونضيف ليه عيش ونقدمه دافي

من عمر ٣٠ يوم ممكن نبتدي نأكل الكلاب لحمه مفرومة مع رز أبيض / بقسماط مطحون وممكن نعودهم علي الدراي المبلول

نهاية الأسبوع الخامس ل السادس مرحلة الفطام هنبتدي نثبت للكلاب ٤ وجبات في مواعيد منتظمة

الصبح أول وجبه فول بالبيض

تاني وجبه لحمة وخضار و أرز او عيش

ثالث وجبه دراي مبلول وممكن ازود معاه رغيف مبلول

رابع وجبه لحمة وخضار تاني

وممكن لرفع المناعة عند الجراء تدخل جرعة عسل ابيض ٣سم بالسرنجة بدون سن يوم بعد يوم بعد الوجابات و توقف اسبوع و الاسبوع الي بعده نفس النظام

- من عمر ٤ شهور بيبدي الجرو يغير ويبدل أسنانه . وبنقلل وجبة هيبقو ٣ وجبات
من عمر ٦ شهور هنقلل وجبة هيكونوا وجبتين فقط
من عمر سنه هياكل وجبه واحدة مساءاً.

-بالنسبة للتدريب يبداء تأهيل الجرو من عمر ٣شهور

من عمر ٦ شهور نبتدي ندرب الكلب علي أوامر الطاعة

من عمر ٩ شهور تأهيل التدريب علي الحراسه

ومن عمر ١٢شهر يعني سنة بيتدرب تدريب كامل تأكيد علي الطاعة و الحراسة الكاملة وتنمية وصقل مهارات الكلب
في انواع تانية من أنواع التدريب علي العمل بتتحدد علي حسب قدرات الكلب ويتم الاختيار للعمل من خلال المدرب

لو عجبك الموضوع متنساش تعمل لايك وشير عشان غيرك يستفيد



Address

Cairo

Opening Hours

Monday 11am - 6pm
Tuesday 11am - 6pm
Wednesday 11am - 6pm
Thursday 11am - 6pm
Friday 11am - 6pm
Saturday 11am - 6pm

Telephone

+201112722077

Website

Alerts

Be the first to know and let us send you an email when Clash Dog's training posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Clash Dog's training:

Videos

Shortcuts

Share

Category

Other Pet Services in Cairo

Show All

You may also like