07/09/2021
واقف ف شيفت مسائي ودخل عليك أونر والكلب بتاعه بينزف😳
*عوضنا ع الله ننقله دم🩸*😕
بس استنى انت هتنقل دم وخلاص! مش لازم تعرف فصيلة الدم ايه!🙄
وده موضوعنا النهاردة "فصائل الدم في الكلاب"، كوباية الشاي وتعالى😄
في البداية لازم نعرف إن فصيلة الدم بتتحدد على أساس وجود أو غياب نوع من الانتيچينات🦠 على سطح كرات الدم الحمراء، فمثلا لو فيه أنتيچين X و Y وفيه كلب ما فصيلة دمه X، ده معناه إن كرات الدم عليها أنتيچين X وفيه في الدم أجسام مضادة للأنتيچين Y، ده كمان معناه إن لو كرات الدم Y اتنقلت للدم X فالجهاز المناعي هيعاملها كجسم غريب لأنه بالفعل عنده أجسام مضادة ليها، فيحصل Hemolytic Transfusion Reaction (HTR) وتبدأ كرات الدم تتكسر... جميل! جيمل.🤗
نيجي لموضوعنا بقى، فصائل الدم في الكلاب بتتقسم على حسب وجود أو غياب بروتين اسمه Dog Erythrocyte Antigen (DEA).😏
وعلى الأساس ده فالكلاب بتمتلك تقريبا 13 فصيلة دم أشهرهم DEA-1, DEA-3, DEA-4, DEA-5, DEA-7 بالإضافة لاكتشاف فصيلة Dal في سلالة Dalmatian، وكل فصيلة ممكن تبقى Positive أو Negative لعامل ريزوس Rh factor👀
خلينا نعرف اكتر عن أشهر فصيلة فيهم DEA-1 اللي بتتقسم لـ 3 أنواع DEA-1.1, DEA-1.2, DEA-1.3
عزيزي القارئ الكلاب اللي فصيلة دمهم DEA-1.1 positive بتمثل حوالي (%33:45) من الكلاب على مستوى العالم وبتعتبر الـ Universal Recipient أو المستقبل العام (بيقابلها فصيلة AB-Positive في البشر) ومعناه انهم بيقدروا يستقبلوا دم من أي فصيلة تانية وده لأن مفيش أي أجسام مضادة لأي فصيلة دم فميحصلش Hemolytic Transfusion Reaction اللي قولنا عليه.😀
أما بقى الـ DEA-1.1 negative بنسميهم Universal Donors أو المعطي العام (بيقابلها فصيلة O-Negative في البشر) يعني ممكن يتبرعوا لأي فصيلة وده لأن سطح كرات الدم الحمراء خالي من أي أنتيچين فالجهاز المناعي يتعامل معاه عادي، ولكن مينفعش ابدا ابدا ننقل دم من كلب DEA1.1 positive لكلب DEA1.1 negative لأن الجسم المستقبل فيه أجسام مضادة لكل الفصائل الأخرى، بس لو فرضا حصل نقل دم هيبدأ يتكون Alloantibodies ضد الدم المنقول وبالتالي عمر كرات الدم الحمراء الجديدة هيقل، وكمان تنتقل الأجسام المضادة دي في لبن الأم للجراوي الصغيرة ويبقى الجسم حساس Sensitized للفصيلة دي، ولكن الخطر كله في نقل الدم للمرة التانية لأن الجهاز المناعي هيبدأ يتعامل مع كرات الدم الحمراء كجسم غريب ويحصل Hemolytic Transfusion Reaction (HTR) وتتهدد حياة الحيوان.😑
طب اعرف فصيلة الدم ازاي في حالة طوارئ زي دي؟!🧐
فيه kits مخصصة لكل فصيلة دم فكرتها بسيطة، نقطتين دم على الـ kit دي واستنى دقيقتين لو حصل تجلط للدم نتيجة لـ Antigen-Antibody Reaction يبقى فصيلة الدم مطابقة للـ kit.
وبس كدة... نتمنى البوست يكون مفيد وبسيط، نشوفكم في بوست جديد دمتم بخير.😌
عاوزين المصادر هتلاقوها في المدونه 🤗⬇️⬇️⬇️
https://evu-scu.blogspot.com/2021/09/blog-post.html
Our union is our power 😎