All Pets - Veterinary Clinic

12/01/2025

اللحمة النية 🥩
اللحمة النية هي بيئة مناسبة لنمو انواع من البكتيريا والطفيليات اللي بتسبب أمراض خطيرة على أليفك و عليك انت شخصيا لإنه عايش معاك🤓
وأشهر الانواع دي هي:
«التوكسوبلازما»(اللي بيسبب العقم والتشوهات الجنينية والاجهاض احيانا في اخر فترات الحمل )
كمان في بكتريا زي «إي.كولاي» و«ليستيريا» و«السالمونيلا»🤯
بس متقلقوش منظمة الصحة العالمية بتقول ان تسوية اللحمة على ٧٠ درجة مئوية كافية لقتلهم وحمايتك انت واليفك😮‍💨 لذلك اوعو نستسهل ونأكلهم لحوم نيه أو مُصنعه زي اللانشون وغيره

العضم كمان 🦴
بيسبب أحيانا انسداد في الامعاء وغالبا بيحتاج عملية جراحية عشان تعالجه👀
وبيسبب جروح في جدار الامعاء والمعدة بسبب الاجزاء الحادة 🩸وبيسبب مشاكل صحية كتير …انت و أليفك في غنى عنها وعن السعي وراء علاجها 🙏🏻
طب بالنسبة للناس ال بتقول أن العضم مفيد ؟
اهم حاجة طبعا الكالسيوم ولكن نقدر نوفره من بدائل طبيعية كتير او حتى مكملات غذائية بيطريه تساعد اليفك علي النمو بشكل أفضل ♥️

د نسمه اكرم
#

10/01/2025

🚨 تحذير لمالكي القطط: التهاب الجهاز التنفسي العلوي في القطط😿

في الفترة دي، بنشوف حالات كتير من التهاب الجهاز التنفسي العلوي في القطط، وده مرض فيروس أو بكتيريا بيأثر على الجهاز التنفسي. القطط اللي بتصاب بالمرض ده بتظهر عليها أعراض زي:

عطس كتير

سيلان الأنف

سعال

صعوبة في التنفس

فقدان الشهية

⚠️ لو المرض متعالجش في الوقت المناسب، ممكن يسبب مشاكل كبيرة😢.
علشان كده لو لاحظت أي من الأعراض دي على قطتك، مهم تزورنا في العيادة بسرعة.🙌

🔍 إزاي تحمي قطتك؟

1. خلي مكانها دافئ وجاف.

2. حاول تمنعها من التعرض للبرد أو الرياح الشديدة.

3. لو فيه أكتر من قطة في المكان، خليهم بعيد عن بعض علشان تمنع نقل المرض.😷

💉 لو عندك أي شك أو لاحظت الأعراض دي على قطتك، تعالى لعيادتنا All pets clinic ، إحنا هنا علشان نساعدك!❤️

د. محمد حاتم

09/01/2025

👈 تعرف ليه القطط بتدفن فضلاتها💩؟

🔻 القطط بتحفر حوالين فضلاتها و تحاول تخبيها حتى لو مفيش رملة عشان تخفي ريحتها من اي خطر زي الحيوانات المفترسة🐅.

👈 و كمان عشان يتجنبوا مواجهة🥊 القطط التانية الي ف نفس المنطقة "Territory".

🔻و ده اصلا الي كان أسلافها "Wild Cats" بتعمله و ده متوارث في جينات 🧬 كل القطط.

د. احمد حليم

07/01/2025

عروضنا مابتنتهيش 😀😀😇
😊حبينا نفرحكم ونطول فتره عروضنا لاخر يناير
بخصم 50%علي سعر الكشف ❗️❗️❗️
ايوة زى مابقولكم كده 🤣
مستنينكم تنورونااااااااا❤️❤️❤️❤️

06/01/2025

هنتكلم النهارده عن " الانتقائية " عند ملوك ال
"Picky eating"القطط 😸

* ليه القطط بتتعامل معانا أنها ناقدة طعام على أعلى مستوى ؟ 😻
١-التجارب السيئة السابقة : 💥
لو القطه اتعرضت لتجربة سيئه مع طعام معين زى انه كان ساخن زياده عن اللزوم أو فيه بهارات و سببلها ازعاج فى المعده ، دا يخليها ترفضه فى المستقبل 💔

٢-الحساسية الجسدية🩺:
أنواع من الطعام ممكن تسبب نوع من المغص أو التوعك و دا يخليها تحتج و ترفض الاكل دا لو قدمناه مره تانيه 🍼

٣- الامان 🧡:
رغم أنه القطط ولاد عم النمور و صيادين محترفين الا أنهم يفضلوا السلامه فيما يخص الاكل و ياكلوا اللى اتعودوا عليه

٤- البيئه المحيطة🌿 :
القطط لو اتعودت على نوع اكل معين فى العمر المبكر ممكن جدا ترفض الاكل الجديد "قطك على ما تربيه" 😺

٥- الاختلافات الشخصيه :
كل قط/ة ليهم شخصيه و كاريزما و عندهم كمان تفضيلات لأنواع اكل عن غيرها 🐈

* إزاي نقدر نخلي قططنا تودع الانتقائية وتصبح أكثر شجاعة في تجربة أطعمة جديدة؟ 💬❕
١- التعريف التدريجي: 🍽️
هندخل الاكل الجديد للقطط بنسب متفاوتة كل فتره يعنى فى اول يومين 25٪ من الاكل الجديد مع 75٪ من القديم ، ثم 50/50 و هكذا خلال فتره من أسبوع إلى 10 ايام 🍱

٢-مكافآت ، مكافآت🏅 :
تعزيز نظام المكافئه يجعل القطط أكثر إلتزاما نقدم لها "treats" بعد تجربه الطعام الجديد و تشجيعها 🍬🍭
و يجب الإنتباه إلا أن المكافآت لا تستخدم فى الدايت كوجبه / باستمرار / بلا داعى . ⛔

٣- الروتين :⏰
الروتين كلمه عكس المغامره و التجربه الجديد مش كدا 😂
بس الروتين مقصود بيه تقديم الطعام للقطط و يوضع لمده "20-30" دقيقه و إذا لم تأكل نرفع الطعام و نضعه فى موعد الوجبه المقبله .
مهم جدا الالتزام بموعد و عدد وجبات ثابته للقطط حتى تتعلم الإلتزام. ❤️‍🩹

٤- جعل الطعام محببا للقطط🍲 :
الاكل الدافئ تكون له رائحه اقوى و يكون طعمه محببا للقطط أكثر ، و كذلك يمكن اضافه مرقه دجاج على الطعام بشرط أن تكون خاليه من الدهون و قليله الأملاح🔥 .

٥-الصبر💪🏽 :
لا يخفى علينا أن القطط هى كائنات عنيده علشان كدا الصبر و التدريب مهم لتعليمهم أى سلوك جديد

*فيه نقط مهم جدا لازم نراعيها قبل دا كله ✨:
١- لازم تكون الاوعيه نظيفه و يتم غسلها بعد الوجبات 🧽
٢- القطط تكون صحيا كويسه و نشيطه و ليست ساكنه لأن دا يتطلب الرجوع لطبيبك البيطري فورا 🐈‍⬛
٣-راجع الطبيب للتأكد أن القطه تأخد كفايتها من الڤيتامينات و المعادن المهمه لصحتها ♥️

د.ندى ✨

01/01/2025

دوبي كلبه شارع بيبي خبطتها سياره ادى لكسر مضاعف في عظمه الفخد🥲🥲.
قبل وبعد التثبيت للكسر .
دعواتكم ليها بتمام الشفاء😊😘

31/12/2024

كل سنه وانتم بخير🥳💫💯
بدايه سنه جديده سعيده ان شاء الله
عليكم وعلي حبايبنا وقططنا وكلابنا 🤩🥰😍
وبكره بدايه شهر رجب الشهر الاصب شهر الخير والبكره 🥰
وحبينا نشارك معاكم فرحتنا بالسنه الجديده بعرض🎊
الكشف المجاني 🎖 ١.٢.٣ من يناير 💥💥💥💥

مستنينكوا عشان نحتفل سواااا 2025 🥰😍🥳

29/12/2024

طاعون القطط مش بيهزر ياجماعه 🤮🤒🤕😷

وباااء حرفيا اكتر من ٣ ل٤ حالات يوميا 🥲

التطعيم ضرووووووري ارجوكم

23/12/2024

قطه بنت للتبنى عمرها سنتين For adoption

18/12/2024

احصل على خدمة تنظيف الفم والأسنان مجانًا ❗️🤩
مع عملية التعقيم لحيوانك الأليف قطط أو كلاب

🤩🤗💃💥💫💯❤️
عروض All Pets بدأت لرأس السنه
انتظرونا فى مفاجأت تانيه كتير 🤗🤗🥳🥳

انت لسه مكلمتناش !!!!!
بسرعاااااااااا🚀
🔻010 20182450

All you wanna to know about your pet animal

17/12/2024

القطط اما تلبس ال collar 😀🤣

16/12/2024

هنتكلم النهارده أعزائنا مربي الحيوانات الاليفه عن موضوع يخص صحتهم و يؤثر على جوده حياتهم هو السمنه " obesity " 💬❌

لتجنب السمنه يجب أولا التعرف على الأسباب المؤديه لها : ☠️

١-الافراط فى التغذية🍞: يحدث عن طريق ادخال طعام عالى السعرات او الدهون للأليف

او من خلال إعطاءه المكافأت الغذائيه عاليه السعرات " treats " 🍬

٢-قله الحركه أو النشاط : 😴
و قد يحدث ذلك بسبب عدم اللعب مع الأليف أو نزوله للتمشيه " الكلاب" او وجود ألعاب تحفزه على النشاط و الحركه 🥱

او نتيجه لبعض الأمراض سواءا المزمنه كأمراض العظام أو أمراض عرضيه 🤒

٣-اصابه الأليف بأمراض مزمنة مثل💌 : انخفاض نشاط الغده الدرقيه " hypothyroidism"
او Cushing disease

٤-بعد عمليه التعقيم🩹 : نتيجه للتغير الهرموني قد يقل نشاط الأليف و تزداد شهيته

٥- التقدم فى العمر 🧬

للوقايه و الحفاظ على صحه الأليف♥️ :

١-امداد الأليف بالوجبات المتوازنه التى تحتوى على البروتين العالى و الألياف و دهون قليله🍖

٢- تحديد كميات الوجبات و تقسيمها على مدار اليوم 🍽️

٣-استبدال المكافآت ذات السعرات العاليه "treats" بأخرى متوازنة أو قطع تفاح أو جزر🥕

٤- الكشف الدورى للاطمئنان على صحه الأليف و التأكد من عدم إصابته بأى من الامراض المزمنه و عمل التحاليل الدوريه و خاصه عند التقدم فى العمر 🩺

٥- زياده نشاط الأليف من خلال اللعب معه أو خروجه للتمشيه او إحضار ألعاب تنشيطيه 🥎

٦- متابعه الوزن باستمرار و خاصه بعد عمليات التعقيم و التقدم فى العمر 💊

د.ندى ♥️

14/12/2024

اش اش بعد ١٠ ايام من العمليه ✌️🤩

06/12/2024

مافيش اكتر من حالات الاحتباس البولي في القطط اللى بنقابلها يوميا في العياده واكيد انتوا عارفين ده 🙂

لكن وسائل التشخيص زى السونار والاشعه بتدينا رؤيه لحجم المشكله وازاى نقدر نعالجها بشكل اسرع✌️😉

في كتير من العملاء بيمتنعوا عن فحص الحيوان بشكل ادق
لكن بيكون للاسف معاناه اكتر للحيوان بدون حل 😭

سكر عنده حصوة كبيره متكونه داخل المثانه وللاسف عمر مالقسطرة البوليه هتكون الحل 😐

لكن الجراحه هل الحل الوحيد ❗️️😷❗️
ياريت دايما نراجع الطبيب وعمل اللازم لتخفيف المعاناه عن اليفك 😔

06/12/2024

I ❤️ U

03/12/2024

Fixation of Suprachodylar fracture for young kitty 5month old after falling from balcony 🥲
عمليه اصلاح كسر اسفل عظمه الفخذ لقطه تبلغ ٥شهور
اثر سقوطها من البلكونه .

Attention ❗️
غلق البلكونات وعدم دخول القطط اطلاقا
لتكرار نفس المشكله في حالات كتيييييير 🔻

01/12/2024

دعواتكم لزيكو 🥺
للاسف احتباس بول💔
وبدأنا معاه بروتوكول العلاج
🔸️بنفكرك بالكشف الدوري علي أليفك ده ضرورة مش رفاهية خالص
👩‍⚕️لو ظهر علي قطك الاعراض الآتيه توجه لينا فورا
❗️قلة شرب الماء
❗️كسل او قلة أكل
❗️التوجه لليتر بوكس كتير
❗️نقط دم في الليتر بوكس

25/11/2024

Kittens day 🥰🥰