24/03/2023
اشهر الامراض التي توجد عن القطط
1- جرب الاذن :المشكلة ديه بتواجه كتير من مربي القطط , الموضوع بيبان ببساطه جدا بمجرد ما بمسك اذن القطه و بلاقي فيها زي اللي في الصورة كده , كمان القط بيحس بحكه شديده عند منطقه الاذن في الحالة ديه لازم نستشير الطبيب ونمشي علي بروتوكول العلاج اللي الدكتور بيقولنا عليه , الموضوع بسيط لكن لازم منستهونش بيه
2- الفطريات : مشكلة بتكون موجودة غالبا عن معظم القط بنكتشف الموضوع ازاي؟
القط بتاعنا بيحس بحكة في الجسم و ممكن كمان يعور نفسه , الشعر بيقع عند مناطق ميعنه في الجسم وهنا اكيد لازم نستشير طبيب برضو ونلتزم بالعلاج
3- مشاكل خاصه بالاكل والهضم : في البداية كده لازم نعرف ان فيه اطعمه غير محببه نهائي للقطط زي (المشروم - اكل الاسماك بانتظام - العظم _ التوابل _ الثوم _ البصل _ التوابل عمتا )
كمان فيه انواع دراي فود قططتنا مش بتحبها , برضو انتظامنا علي نوع واحد من الاكل ليه تأثير
سلبي علي قططتنا
ممكن برضو القط بتاعنا يكون بيأكل اي حاجة من الارض الموضوع ده خطير جدا لانهم ساعات ممكن يبلعوا أشياء خطرة تكون وقتها تحتاج تخل طبي
4- احتباس البول : المشكلة ديه بتكون بتستهدف غالبا القطط الكبيرة في السن , واغلب الحالات بتكون ذكور وبتكون بتتغذي علي انواع محددة من الاكل خاصة زي الدراي فود لفترة طويله
طيب بنلاحظ الاعراض ازاي ؟
القط بتاعي بيروح لLitter Box بيحاول ينزل بول ولكن لما بتشوف مكانه بتلاقي مفيش بول
ممكن برضو القط يقطع اكل ومايه بعد كده , امتلاء المثانة , وفي الحالات المتأخره القط كمان بيتقيأ ضروري من اول ما نلاحظ الاعراض الاولي نأخده للطبيب ونلتزم بكلام الدكتور
