16/03/2024
جاءت لي اكتر من شكوي من ناس اشترت جراوي من مزارع
وكانت الشكوي في البيع بالغش وادعاء تسب جرو لغير أمه يعني يجيب أم مستوي عالي من عنده ويدعي نسب الجراوي ليها بالباطل
وصاخب مزرعة يشتري جراوي من الناس ويرجع بيعهم بالنسب لكلب عنده بالغش والاسعار المبالغ فيها والتي لانتماشي مع مستوى الجرو
طيب نبتدئ الكلام بالاتي :-
١- مش كل المنتجين غاششين
٢- قبل ما تشتري كلب من مزرعة اسأل علي سمعتها وشوف الرفيوهات اللي علي صفحتها
٣- لما تشتري جرى من مزرعة وارد جدا يغشك ويجيب أم مستوي عالي وبشهادات ويقول عليها أم الجراوي بالكذب وده بيحصل طيب نعرف ازاي ان كانت امهم ولا لا اول حاجة البيديجري ودة نقدر بيه نربط الجرو بأمه ولما يكون سعر الجرو فوق ١٠٠٠٠ جنية اطلب تشوف فيديو الجواز ولو مفيش متشتريش علشان الغش كتير اوي
٤- اوع يغرك شكل المزرعة وحمام السباحة والتريد ميل ( المشاية ). علشان دي عده النصب بيحاول يخلي عينك تروح في حته غير اللي المفروض تكون فيها
٥- دما اسأل علي اسم صاحب المزرعة واتاكد من صفحته علشان المجاملات بينهم وبين بعض كتير
٦- خد صور الجراوي اللي معروضين للبيع واطلب تقييمهم مستوي وسعر من كل الصفحات ده علي الأقل هيخليك تعرف موقف المزرعة أيه
