20/04/2024
ليه بابا و ماما بيخافوا اننا نربي قطط فالبيت ؟! عشان التكسوبلازما
النهاردة هكلمكم بالتفصيل عن مرض مهم جدا وكلام مهم جدا لكل مربيين القطط
مرض التوكسوبلازما بيسببه طفيل اسمه توكسوبلازما جوندى, المرض دة يسبب تشوه للجنين فى الانسان والاجهاض فى بعض الاحيان عند اصابة الام الحامل بالمرض, و ممكن الام تصاب بيه بطرق كتير غير تربية القطط.
كيف تصاب الام الحامل بمرض التوكسوبلازما؟
اكل اللحوم النيه .
اكل اللانشون والسلامى والبيفى واللحوم المصنعه غير مطهيه.
اكل الخضراوات الملوثه ببويضات التوكسوبلازما زي الخس والجرجير والخيار والطماطم.
التعامل المباشر بالايدى مع براز القطط المصابه بالتوكسوبلازما
طب ازاي القطط بيجيلها مرض التوكسوبلازما؟
تصاب القطط بالتوكسوبلازما لما تاكل الفئران المصابه بالمرض.
اكل اللحوم النيه التى تحتوى على بويضات التوكسوبلازما.
اكل اللحوم المصنعه النيه مثل اللانشون والسلامى والبيفى وغيرها بدون طهى.
اعراضه عند القطط؟
فقدان الشهيه.
التعب والخمول.
فقدان الوزن.
ارتفاع درجة الحراره.
انتفاخ الغدد الليمفاويه.
التهابات العين.
اعراض عصبيه فى المراحل المتاخره.
طب بنعرفه ازاي بنعمل تحليل بسيط جدا فالعيادة يعرفنا هل القط مصاب ولا لاء
ازاي تتفادى الام الحامل الاصابه بالمرض؟
1- عدم اكل اللحوم الا بعد طهيها جيدا.
2- عدم اكل اللانشون والسلامى والبيفى واللحوم المصنعه الغير مطهىه.
3- غسل الخضراوات جيدا قبل اكلها.
4- عدم الامساك بفضلات القطط المصابه بالايدى.
طب عشان اتاكد يا دكتور لاني بربي قطط فالبيت ؟
هنعمل تحليل IgG و تحليل IgM لمرض التوكسوبلازما, اذا كان IgG موجب يعنى انك كنتي مصابة بمرض التوكسوبلازما قبل كدا وتم شفائك منه , وفى الحاله دي بيكون عندك مناعه ضد الاصابه بالمرض مدى الحياه
طب لو كان تحليل IgM موجب فدا معناه ان الاصابه بمرض التوكسوبلازما لسه موجودة ولازم نرجع للدكتور عشان تتعالجي منه, وعلاج المرض بسيط جداً .
طيب ملخص الكلام ان
1- شعر القطط لا يسبب عقم عند البنات
2- الام الحامل ممكن يجيلها توكسوبلازما من حاجات تانية غير القطط زي اللانشون والبيف المصنع
4- لو الام اتعرضت قبل كدا للاصابه بمرض التوكسوبلازما وتم شفائها منه بيكون عندها مناعه مدى الحياه منه.
5- قطط المنزل الي مش بتاكل فيران ولا بتاكل لحوم غير مطهيه فرصتها ضعيفه جداً فى الاصابه بالمرض.
شير للبوست عشان تفيد غيرك و توصل المعلومة لكل مربيين القطط
تابعونا ووتقدروا تبعتولنا رسايل لاي شكوي لحيوانك الاليف
