مركز البرج للرعاية البيطرية

20/07/2022

س: يعني أيه PCR؟
ج: جهاز ال PCR هو جهاز يمكن استخدامه للكشف عن المادة الوراثية لمسببات الامراض الفيروسية والبكتيرية والفطرية والميكوبلازما... وكمان جينات خاصة بمناعة الطائر وإستجابتها للإصابات والتحصينات.

س: طيب حستفيد أيه لما اقدر احدد المرض اللي عندي بالظبط؟!!
ج:
١. نتعامل تعامل مظبوط مع الحالة لأن لكل مقام مقال.
٢. نقدر نطهر بشكل مظبوط للدورة القادمة لأن في فيروسات مقاومة جدا للمطهرات.
٣. نقدر نقيم برنامج تحصيناتنا بشكل سليم.
٤. نحدد مستقبل الدورة من حيث قرار البيع ولا الانتظار لتحسن الوضع.

س: مش ممكن نشخص بالتشريح ؟! هو لازم نكلف يعني ؟؟
ج: ممكن طبعا أحيانا نشخص بالتشريح ولكن ...تاكيد او نفي وجود المرض بال PCR بيدينا ثقه بنسبه ١٠٠% في التشخيص.. اوقات كتير بيكون المرض في فترة الحضانه ومش ظاهر تشريحيا .. واوقات تانيه كتير بيكون في اكتر من مرض وواحد منهم فقط هو اللي ظاهر في التشريح

س: ممكن استفيد بالجهاز في حاجه غير وقت حدوث المشكلة؟
ج: طبعا...
●عارف الدورة اللي كان فيها تقزم في الكتكوت و قامت خناقه بين المربي وشركة الكتاكيت؟؟
ممكن نتفادي ده تماما نطمن علي الكتكوت بدري بدري ونتأكد انه خالي من المشاكل الامية زي الريو والانيميا و الادينو والميكوبلازما! ونتجنب الصدام المتكرر ده.
● عارف الدورة اللي اشتغلت نافق من بعد تحصينه اللاسوتا والنافق موقفش لأخر الدورة ؟ دي كانت بسبب ان الفراخ اخدت اللاسوتا وكان فيها اصابه كامنه من الانفلونزا H9 .. ممكن نتفادي ده تماما ونطمن ان القطيع مفيهوش H9 قبل اللاسوتا او اي تحصين حي خاصه بعد الاسبوع التاني من العمر.

س: هل الموضوع مكلف ؟
ج: ابدا ... ممكن نكشف عن وجود ٤ امراض بثمن لتر رافع مناعة !!

16/07/2022

كتاكيت البشائر في دواجن التسمين

الكتكوت البشائر هو كتكوت امه عمرها اقل من ٣٠ اسبوع ووزن الكتكوت اقل من ٣٩ جرام وطوله ( من المنقار الي نهاية الاصبع الاوسط ) اقل من ١٩ سم .

1-الكتكوت البشائر بتكون مناعته الدموية عالية واغلب امراضه بتيجي متأخره شوية باستثناء الكلوستريديا اللي ممكن تيجي بدرى وبنهتم في الكتكوت البشائر باعطاء جرعات كلوستريديا بدرى شوية عن الطبيعي .

2-الكتكوت البشائر ممكن تتأخر بعض تحصيناته شوية عن الطبيعي علشان ما تتعارضش مع المناعة الامية العالية .

3-الكتكوت البشائر حساس اكثر للحرارة المنخفضة وبيحتاج في التحضين الي حرارة اعلي درجتين من الطبيعي ( بيحتاج حرارة ٣٣ الي ٣٤ درجة ) لان الحرارة لو نزلت عن كدة هتتجمع الكتاكيت علي شكل كُبش وهيحصل تأخر وتفاوت في الاوزان .

4-اخر حاجة ان الكتكوت ده بيكون متأخر عن الطبيعي حوالي يومين حتي عمر ٢١ يوم .. وده طبيعي ماتقلقش منه .

5- لزم تهتم بالحرارة وشوف هوا عاوز حرارة كام يعني مش شرط إنه علشان بشاير لزم حرارة عالية
فيه ممكن يكون كويس علي حرارة 31 ، 32
وفيه كتكوت عاوز حرارة 33 ، 34
اهم حاجه انت اول مينزل عندك تكون المكان فيه حرارة كويسه وابداء ظبط الحراره لحد متحس إنه مستحب عليها ومنتشرة في المكان

24/05/2022

قواعد ثابته في الدواجن ✌️🐣
علي حد علمي و خبرتي مفيش غير اتنين بس ثابتين و الباقي متغير
القاعدة الاولي ف وهي عينك مناخيرك ودنك
ودي قاعدة الشرح فيها طويل و لكن هنختصر
عينك تتابع بيها الفرخ و تشوف مشاكل الفرخ المعوية و التنفسية و الفرشة و تتابع بيها عنبرك
مناخيرك دي جهاز قياس co2 و الامونيا في العنبر ودي مهمه جدا لان ارتفاع الامونيا بيسبب مصايب كبيرة اشدها انه بيدمر الجهاز التنفسي في الفرخ
وودنك تسمع بيها صوت الطشمة و الطخة و اي مشاكل في صدر الفرخ
و ثلاث حواس دول لازم يكونوا علي اعلي مستوي في تربية الدواجن ويمكن هم دول خبرة اي واحد محترف في الرعاية الحقلية
القاعدة الثانية وهي سلوك الفرخ وده شي مهم جدا في التربية انك تتابع سلوك الفرخ انت قوانينك و معادلاتك تنحني امام سلوك الفرخ لان اذا كان سلوك فرخ في العنبر جيد فانت في الطريق الصحيح و اذا كان الفرخ عندك مسطح او نايم و مفيش عدد بياكل و عدد بيشرب و عدد بيلعب فانت عندك ياما انخفاض في درجة الحرارة
او سرعة هواء علي دهر الفرخ
او نقص أكسجين في العنبر
الادوية و الرعاية البيطرية لا تاتي قبل الرعاية الحقلية في التربية
لو انت عندك مشكله في التربية و جبت جميع الادوية مش هتفيدك الا لما تضبط الرعاية الحقلية اولا

23/05/2022

الإجراءات التي يمكن اتخاذها للوقاية من الإصابة بفيروس 👇🏻

🔵 تؤكد وزارة الصحة والسكان حتى الآن:
• أنها تتابع بشكل دقيق الوضع الوبائي على مستوى العالم لفيروس جدري القرود والأمراض الوبائية الأخرى.

• أنه لا توجد حتى الآن أي حالات إصابة أو مشتبه بإصابتها بفيروس جدري القرود في مصر.

12/05/2022

29/04/2022

مدة الحمل عند الحيوان

الفيل 646 يوم مده الحمل
وحيد القرن 454 يوم مده الحمل
الزرافة 450 يوما مده الحمل
البقرة 278_290 يوم مده الحمل
الحصان 335 يوم مده الحمل
الغوريلا 251 يوم مده الحمل
فرس النهر 238 يوم مده الحمل
الاسد 106 يوم مده الحمل
الكلب 63 يوم مده الحمل
القط 62 يوم مده الحمل
الدب الابيض 60 يوما مده الحمل
الثعلب 52 يوم مده الحمل
الفار 21 يوم مده الحمل
الأرنب 31 يوم مده الحمل
الكنغر 32 _ 39 يوم مده الحمل
السنجاب 44 يوم مده الحمل
العرسة 41 يوم مده الحمل
الجاموسة 10 أشهر و10 أيام،
الذئب من 60 إلى 68 يوما بمتوسط 64 يوما.

أما الحيوانات الأطول فى مدة الحمل،
وهي أن الفيل الأفريقى يستمر لمدة 645 يوما، أى عامين حامل، والفيل الأسيوى 617 يوما،
والزرافة من 420 إلى 450 يوما بمتوسط 430 يوما، والجمل من 360 إلى 420 يوما بمتوسط 390 يوما، الحوت من 480 إلى 590 بمتوسط 535 يوما،
الحمار المخطط من 360 إلى 390 يوما بمتوسط 375 يوما،
والحصان 336 يوما،
والحمار 365 يوما،
اللاما 330 يوما،
وكلب البحر 650 يوما،
الغوريلا 257 يوما،
فرس النهر من 225 إلى 250 يوما بمتوسط 237 يوما،
الأسد 108 أيام،
والنمر 109 أيام،
والماعز والأغنام 151 يوما،
الدب الأسود 220 يوما،
والدب القطبى "الأبيض" 241 يوما،
والشمبانزى من 230 إلى 250 يوما بمتوسط 240 يوما.
منقول .

27/04/2022

عزيزي مربى التسمين

علشان تقدر تقلل خسائرك وتزود مكاسبك في الظروف دى انتبه كويس للنقاط دى :-

١- الكتكوت لو مش حلو وعاجبك عند الاستقبال ماتاخدوش ولو ببلاش ولازم يكون الكتكوت من مصدر محترم ومتجانس وخالي من الأمراض المنقولة من آلام... لان ده هيوفر معاك تكلفة علاج ونافق وتحويل

٢- العلف يكون من مصدر محترم بيستخدم اجود خامات واضافات الاعلاف من مضادات كوكسيديا وكلوستريديا وسموم فطرية وماتقبلش علف ردئ لمجرد ان نظام السداد مريح فأنت كدة بتضر نفسك

٣- بلاش إسراف وعشوائية في استخدام الدواء واستخدم الادوية فقط بقدر احتياج الفراخ وتحت إشراف طبيبك لان عشوائية استخدام الادوية هتزود معاك التكلفة

٤- اختار انواع أدوية جيدة من إنتاج مصانع لها سمعة واسم في السوق والجودة مش دائما بالسعر لأن فيه أدوية كتيرة غالية ومش على قدر الكفاءة المطلوبة وفي المقابل ممكن تكون فيه أدوية رخيصة وفاعليتها ممتازة

٥-قلل هدر العلف سواء من العلافات او الفئران او الطيور البرية او بسبب التخزين السئ

٦-حاول تعمل عزل حراري للمزرعة حتى ولو بالطرق التقليدية البسيطة الغير مكلفة علشان تقلل تكلفة التدفئة في الشتاء والتبريد في الصيف وأصبح ده ضروري جدا خصوصا مع ارتفاع أسعار الوقود

٧- لو مزرعتك نظام مفتوح (opened system ) يبقى الأفضل بلاش تشغلها في الصيف لأنها هتعمل معاك نافق وهتكلف دواء وهتفرغ الفراخ منك لو جات موجة حر في العمر الكبير

٨- حصن صح بالتحصينات المناسبة لمنطقتك ومزرعتك وبلاش تسرف في التحصينات لأنها من ناحية هتزود معاك التكلفة ومن ناحية تانية كتر التحصينات ممكن تضر اكتر ما تنفع

٩- تابع الأوزان أسبوعيا وقارنها بمتوسط وزن السلالة في الكتالوج علشان تقدر تعالج بدري أى تأخر في الوزن

١٠- بلاش تهمل في علاج الأمراض اللي بتأثر على سحب العلف أو التحويل( زي الكوكسيديا و الكلوستريديا) حتى لو مش عاملة معاك نافق كتير لأنها ممكن تسرق تعبك طول الدورة

27/04/2022

عزيزي المربي
١_ نرجو في هذه الفتره أن تراجع برنامج تحصيناتك حسب الوبائيه في الفتره السابقه
وكذلك برنامج التطهير الخاص بك في ظل التكلفه العاليه للأعلاف والأدوية
٢_الاهتمام بعمل أختبار حساسية قبل أعطاء أي مضاد حيوي
٣_الاهتمام بقياس تترات مناعات القطيع في أول الدوره وعلى أساسه يتم تحديد برنامج التحصينات
نتشرف بزيارتكم لمركز البرج للرعاية البيطرية
010028878270

08/04/2022

حصنت قبل كده مثلا ضد الـ Newcastle disease أو الـ IB ورغم كده لقيت مزرعتك اضربت بنفس المرض ؟؟؟

تعالو ندردرش كده بأسلوب علمي مبسط في الموضوع ده اللي بصراحه الماسنجر ورسائل البيدچ عندي اتملى من شكاوي زي دي

⁦▪️⁩لو فاكرين مقاله التحصين وطرقه المختلفه
قولتك أن التحصين ماهو الا " فيروس " تم تضعيفه معمليا ونعطيه للفرخ عشان الجسم يتعامل معاه ويقضي عليه بالتالي هتتكون ذاكرة مناعيه في الجسم أنه تغلب عليه بالتالي لو حصلت إصابة مستقبلا الجسم يقدر يقضي عليه بسهولة ..

تمام لحد كده ؟

⁦▪️⁩طب انا دلوقت حصنت لاسوتا ولقيت بعد يومين تلاته لقيت كام فرخ كده ظهرت عليهم أعراض عصبيه التواء رقبه واسهال اخضر وتشريحيا لاقيت اعراض نيوكاسل زي الأعراض العصبيه لو حصنت بالرش وأعراض معوية لو حصنت عن طريق ماء الشرب

⁦▪️⁩هل كده التحصين فشل ؟؟

بالعكس تماما ❌
⁦▪️⁩ده اكبر دليل على نجاح تحصينك عارف ازاي ؟؟

⁦▪️⁩دلوقت هل الحالات اللي بتقول عليها دي بإعداد صغيرة وبتظهر ع الفرخ الضعيف فقط ده دليل أن باقي قطعيك التحصين اشتغل كويس جدا معاه والجسم عرف يقاومه ويتغلب عليه وده شئ مبشر

⁦▪️⁩لكن بشرط
يكون اللي ظهر عليه الاعراض دي ⁦✋🏽⁩
⁦▪️⁩اعداد فردية
⁦▪️⁩جسم الفرخ اصلا ضعيف عشان كده الفيروس تغلب عليه

⁦▪️⁩طب التحصين الميت يا دكتور ؟؟
التحصين الميت ملوش رده فعل الهدف من التحصين الميت بالأساس تكوين مناعه دموية

⁦▪️⁩التحصين الحي لو بالرش أو التقطير هتلاحظ رده الفعل سريعه جدا بعد يومين او ثلاثه بالكتير
⁦▪️⁩التحصين في ميه الشرب ممكن رده فعله تتأخر لبعد اسبوع من التحصين

🔺طب انا حصنت وكل الحاجه اللي بتقول عليها تمام بس برضو جالتي إصابة بفيروس ..

دي في قولين ⁦2️⃣⁩

👈 القول الأول
أن الفيروس جه بعتره مغايرة للي حصنت بيها وديما بنشوف الحاله دي في الإصابة بالـ IB مثلا عشان بيتحور بشكل سريع جدا وبتظهر عترات كتير منه بضراوة مختلفه فبالتالي التحصين بتاعك مش هيقدر يصد العتره الجديده اللي ضربت الجسم

👈 القول التاني
إن الفيروس جه بنفس العترة اللي حصنت بيها
بس هل مناعه الجسم قادرة أنها تقاوم الفيروس ولا المناعه ضاعت بسبب السموم الفطرية ولا بسبب الميكوبلازما اللي فتحت أبواب الجهاز التنفسي على مصراعيه لدخول الفيروس بكل سهولة ولا بسبب الأمراض اللي طول الدورة تعالج فيها ؟؟

عاوز تعرف أن
التحصين يصد معاك لكن ميمنعش الإصابة ❌

⁦▪️⁩المناعه الموضعيه الي كانت أعلى مايكون بعد تحصين بالرش هل بالعقل والمنطق جسم الفرخ بعد الامونيا العالية والهيدروكسيد أمنيوم دوب الأغشية المخاطية اللي اتكونت عليها المناعه دي ؟؟

👈 انت اللي بأيدك تخلي تحصينك يصد معاك وانت برضو اللي بأيدك تدمر قطعيك

⁦▪️⁩كله المقال ده اختصاره في كلمه واحده

( التربية مربي واعي رعاية سليمه ) فقط لاغير لا دكتور ولا مهندس

الخلاصه
⁦▪️⁩ظهور اعراض فيروسية تشريحيا وظاهريا على بعض الاعداد القليلة دليل قوى على نجاح تحصينك
⁦▪️⁩ظهور الأعراض على الفرخ الضعيف دليل ان الفرخ القوى التحصين نجح معاه
⁦▪️⁩التحصين الحي يصد ولا يمنع
⁦▪️⁩التحصين الميت ملوش ردة فعل

يارب اكون قدرت أوضح وأبسط المعلومه
تحياتي لحضراتكم

07/04/2022

04/04/2022

يوجد حجز جميع انواع الكتاكيت
فرز اول شركات
كب و روص و ايفيان و اربو
اعلي مناعة
اعلي معامل تحويل
ويوجد حجز كتاكيت
ساسو جيل اول
جميزة
فيومي
روزي
هجين
بلدي مشعر
بلدي حر
ويوجد حجز بط عمر يوم و عمر 15 يوم
مسكوفي
مولار
بيور
فرنساوي
ويوجد حجز رومي ابيض مستورد عمر شهر
والتوصيل لجميع المحافظات
للتواصل
01028878270

03/04/2022

عيادة رعاية الحيوانات الاليفة
د / صفاء ابراهيم
استشاري جراحة و باطنة و وتناسليه

03/04/2022

ما هو سبب رجفة القطط

1- نقص السكر في الدم
انخفاض نسبة السكر في الدم “Hypoglycemia” هو أحد اسباب رجفة القطط الشائعة، والتي تحدث عندما لا تأكل القطط لوقت طويل.

لذلك إذا كانت قطتك لم تأكل وجبتها كاملة، او لم تأكل بشكل كافي، فربما تلاحظ أنها ترتجف قليلا بسبب انخفاض نسبلة السكر في الدم.

كما تنخفض نسبة السكر في دماء القطط بسبب المعاناة من أمراض الجهاز الهضمي، على سبيل المثال إذا أصيبت قطتك بالقئ او الاسهال أو الامساك، فقد تعاني من نفس المشكلة.

قدم لقطتك الطعام، وإذا قامت بالاكل بشكل طبيعي ستلاحظ اختفاء المشكلة وستتوقف القطة عن الرعشة.

لكن إذا رفضت قطتك الطعام، قم بوضع قطرة عسل داخل الفم، او قدم لها قطرات مياه ممزوجة بالسكر (ليس اكثر من نقاط بسيطه اقل من ربع ملعقة صغيرة) حتى ترفع نسبة السكر في الدم.

2- ارتفاع درجة حرارة الجسم
ترتفع درجة حرارة جسم القطط بسبب العدوى البكتيرية المتقدمة، ولهذا السبب قد تلاحظ رعشة القطط بوضوح.

لذلك فمن الجيد ان تحتفظ بمقياس حرارة “ترمومتر” لتختبر درجة حرارة جسم قطتك من وقت لآخر.

درجة حرارة جسم القطط الطبيعية تتراوح بين 38 درجة و 39.4 درجة مئوية، في حال ارتفعت درجة الحرارة عن 39 درجة ونصف يجب ان تستشير دكتور بيطري في أقرب وقت

3- انخفاص درجة حرارة الجسم
مثلما تسبب الحرارة العالية للجسم في الرعشة، فقد يكون انخفاضها هو سبب رعشة القطط أيضا.

القطط البالغة التي تتمتع بصحة جيدة تستطيع ضبط درجة حرارة جسمها الداخلية. لكن على الجانب الآخر القطط الكبيرة في السن وكذلك القطط الصغيرة او القطط المريضة لن تستطيع فعل ذلك بكفاءة.

لذلك إذا لاحظت انخفاض درجة حرارة جسم قطتك قم بتدفئتها قليلا ولاحظ هل تختفي الرعشة ام لا.

انخفاض درجة حرارة الجسم والتشنجات قد تكون أيضا علامة على مشكلة خطيرة وهي التسمم

03/04/2022

دكتور صفاء ابراهيم
استشاري أمراض الباطنية و التناسلية مديرية الطب البيطري بالفيوم

01/04/2022

نسال الله العظيم ان يبلغنا واياكم شهر رمضان المبارك اعاده الله علينا وعليكم بالخير واليمن والبركات وكل عام وانتم بخير ❤️

⚫ العمل مستمر داخل المركز طوال ايام الاسبوع من بعد الساعة الواحدة ظهراً
🔴 السادة الافاضل زملاء شركات الادوية برجاء الاتصال لتحديد موعد الزيارات نظرا لضيق الوقت