https://www.facebook.com/105517419023054/

ZooEtica pet clinic, Minya (2024)

29/09/2023

جراحة استكشافية واستئصال جزئى للطحال

27/09/2023

من أصعب المشاكل إلى ممكن تواجهك مع حيوانك الأليف هى الولادات.

توتا كمثال واضح للكلاب الجريفون الجميلة كانت بتتألم بشدة فى اخر ايام حملها وقطعت اكل وحركتها قلت مع افرازات مختلفة الألوان من الفتحة التناسلية.

مع الاسف بعد الكشف عليها وفحصها اتضح أنها فى حالة صعبة من موت الأجنة وتعفنهم وتهتك الرحم والى ادى لانفجاره وانتشار السوائل الرحمية إلى لونها اخضر حوالين الاعضاء الداخلية.

بعد التدخل الجراحى قدرنا نطلع الأجنة الميتة واستئصال الرحم إلى كان فى حالة لا تسمح ببقائه داخل الجسم وتتضيف كل الاعضاء الداخلية.

النهاردة توتا بعد اسبوعين من استئصال الرحم رجعت لحياتها وحركتها الطبيعية ومكانتش سايبة فرصة لينا نفك الغرز بسهولة!

متنساش أثناء فترة الحمل لو حصل اى مشكلة زى ظهور افرازات غريبة أو قطعان اكل او صعوبة فى التنفس تسألنا عن تداعيات واحتياجات حيوانك !

01/04/2023

قطعة شعر كاملة من قطة عمر عشر سنوات.
hairball in a 10 year old cat!

23/03/2023

بمناسبة شهر رمضان بنحب نعلن اننا عاملين خصم 50% على التعقيم الجراحى للذكور ويستمر العرض خلال شهر رمضان كاملاً.
مستنيينك تسألنا عن التفاصيل.

10/03/2023

مع دخول فصل الصيف وانتشار الحشرات فى الحيوانات الأليفة بندور على ملاذ لينا ولحيواناتنا منها.
للأسف فى ممارسة خاطئة جداً لعلاج الحشرات والديدان باستخدام أدوية الايفرمكتين (ايفوماك-ايفرزين) سواء بشكل اقراص او حقن او لوشن على الجلد.

وللأسف الشديد بردو بتظهر أعراض تسمم فى احيان كتيرة بعد استخدام المادة دى واحياناً بتودى بحياة الحيوان.

تظبيط جرعة الايفرمكتين صعب جداً ويكاد يكون مستحيل على غير المتخصص فى الحيوانات الأليفة على عكس الماشية والخيول والانسان. ودايما مش بنلجأله الا فى حالات قليلة ونادرة زى الديدان القلبية بجرعات ضئيلة جداً ومحسوبة بعناية. او بنستخدمه فى حالات معينة فى بعض الحالات القليلة والمعروفة بالنسبة للأطباء البيطريين.

دايماً قبل ما تدى جرعات الديدان والحشرات تسأل دكتورك البيطرى عن مدى امان المادة دى. وتتأكد كويس جداً انها مش حقنة ولا أقراص ايفرمكتين او تتأكد من دكتورك اذا وصف المادة دى ان الحالة فعلاً مستلزماها بجرعاتها المحسوبة بالميكرو جرام.

ومتنساش ان الدنيا مش هتقف عليها وان فى بدايل احسن بكتير وأكتر أمان وفعالية من المادة دى ومستنيينك تسألنا عليها.

17/02/2023

even those who are still small do matter
surgical management of submandibular abscess in rat.
حتى الحيوات الصغيرة تهم.
علاج جراحى لخراج تحت فك جرذ

03/02/2023

حقنة الشراسة
هل ممكن فعلاً ادى كلب حقنة اخليه شرس ؟
الحقيقة تنقسم لنصين.
مفيش حاجة اسمها حقنة بحد ذاتها او دوا هيخلى الكلب شرس.
ومفيش اى اجراء معين بحد ذاته ممكن يزيد من شراسة الكلب سواء قص اجزاء من ودنه او تقصير ديله. كلها خرافات وتشبه بكلاب الـ fighting.
وده يدخلنا لنقطة ليه كلاب ال fighting والحراسة بتبقا شرسة بالشكل ده ؟
حقيقة الأمر ان الكلاب دى بيجتمع فيها تلات عوامل وهما التدريب مع الجينات الممتازة والرعاية الصحية.
يعنى باختصار تمم كويس على صحة الحيوان وعرفنا انه كلب حراسة او رعى وهنزود فى تعاملنا معاه برامج خاصة من المكملات الغذائية.
وساعد الكلب بالتدريب الكويس سواء على يدك او على يد متخصص.
والنقطة الأهم فى المعادلة اختيارك لنوعية الكلب وجيناته وال pedigree بتاعه واختار الانواع المخصصة لكل غرض.
الجولدن هيحبك بس مش هيحميك زى الشيبرد.

22/01/2023

فئة كبيرة جداً من الناس بتكسل او بتستخسر انها تودى حيواناتها للدكاترة البيطريين وبتفضل علاجها فى البيت بأدوية اعتيادية فى سبيل التوفير والاسترخاص والتكاسل.
أحياناً كمان فى ناس بتلجأ للصيدلى البشرى فى تشخيص حيواناتها أو فى وصف ادوية ليهم.

الممارسة الخاطئة دى بينشأ عنه حالات تسمم لا تعد ولا تحصى هنعدد شوية منهم مع بعض احتراساً واحترازاً من تسميمك لحيواناتك.

الأيفرمكتين (الأيفوماك بيطرى والايفرزين بشرى)
والدلتا ميثرين والبيرميثرين (اكتومثرين بشرى)
الصيادلة بيدوهملك على انه ضد الحشرات رغم انهم بيموتو عشرات القطط قدام عينينا.

الباراسيتامول (البانادول والادول والباراسيتامول وسيتال وغيرهم)
الأيبوبروفين ( بروفين وألفافين وبروفيمول وغيرهم)
اسبرين (ريفو وأسبرين وأسبوسيد وغيرهم)
خوافض حرارة أمنة للانسان لكنه سم متعبى للحيوانات.

أدوية الديدان البشرى بشكل عام فئة ضخمة منها بتسبب ضمور فى نخاع العظام على المدى المتوسط والبعيد غير ان استخدامهم بشكل غير متخصص ممكن يسبب تسمم سريع.

الكورتيزون بأغلب اشكاله للاناث فى وقت الحمل. او بشكل قطرات زى توبراديكس وديكسا ترول بدون الرجوع للطبيب احيانا بيكون السبب فى دمار العين الكلى. او استخدام مراهم فيها كورتيزون زى فيوسى كورت على الجروح والأماكن المتقرحة او الجروح بدون اشراف طبى خطر جداً.

المكملات الغذائية فى منها كتير مينفعش الحيوانات تاخده وبيعتبر سام لكبدهم.

الأدوية دى فى حالة حيوانك خد منهم اى كمية لازم فوراً حتى قبل ظهور اعراض يتعرضو على دكتور بيطرى. كذلك اسألنا قبل ما تفكر تدى اى ادوية انت متعرفهاش او تغير ادوية من نفسك.

فى ادوية كتير تانى سواء لازم تستخدم بحذر من متخصص او مينفعش تستخدم من أساسه. قبل ما تدى اى أدوية فكر كويس جداً فى عواقب الدوا الى هتديه ومين وصفهولك ومتاخدش وصفة ذاتية من نفسك او اى حد حتى لو دكتور فى مجاله طالما هوا مش دكتور بيطرى مؤهل للتعامل مع حيوانك.

13/01/2023

دايما بنسأل فى الفترة الحالية والى عدت عن اكل القطط. الدراى فود مبقاش يسد زى زمان لوحده. والى مربى قطة او كلب عارف انه لازم يدخل أكل من البيت مع قططه. لكن يدخل ايه ؟ عملنالكم ليستة بسيطة للمنوعات والمسموحات فى أكل الحيوانات.

الأكل المسموح:
خضار زى البطاطس والبسلة والجزر والسبانخ والبروكلى والخيار.
واللحوم بأنواعها طالما كانت مسلوقة وبدون بهارات وبدون عضم ولا شوك.
الألبان الخالية من سكر اللاكتوز ومنتجاتها زى الجبنة المثلثلات والكريمى والفيتا الا لو عملت مشكلة لحيوانك فوقفها.

القطط والكلاب على حد سواء ممنوع عليهم الآتى:
الملح والتوابل
البصل والثوم
الطماطم والصلصة وكل أنواعها
مشتقات الشوكولاتة والقهوة
العنب والأفوكادو
الألبان كاملة الدسم واللاكتوز
الماشروم
الأكل النى خصوصا اللحوم

أكل يستخدم بحذر :
التونة وكمان بشرط انها متكونش بزيتها ولو ينفع تتشطف قبلها يستحسن.
الكبدة متتاكلش باستمرار لو مرة كل اسبوع او اتنين كويس.
رجول ورؤوس الفراخ طالما كانت مخلية من الضوافر والمناقير ومسلوقة
والسمك المسلوق يتخلى من الشوك
ممكن يتعمل شوربة خضار او لحوم ويتضاف عليها كمية عيش علشان تحسن قابلية أكله لكن لا يعتمد عليها كوجبة رئيسية يوميا.

الكلام ده يطبق على سلالات القطط والكلاب كلها واذا كان فى حاجة عايز تضيفها لكن مش متأكد منها استشيرنا قبلها أو استشير أقرب دكتور بيطرى متاح تستشيره.

19/11/2022

فى خلال السطور القليلة الى قدامنا دى هنتكلم عن طريقة تحويل الأسود والضباع الى كلاب وقطط بشكل سهل وفى البيت.
اذا كنت مربى قطط او كلاب فهتعرف ان سلوكياتهم فى اوقات كتير بتكون غريبة جدا زى انهم يكونو شرسين وعدوانيين وبيعملو تصرفات غير متوقعة وبيحاولو يعلمو على اماكنهم فى البيت برش الرذاذ فى كل حتة.
ودايما بنشتكى للدكتور السلوكيات العدوانية دى وبيفسرها ان الأسود والضباع الى مربيينها فى البيت بتمر بموسم تزاوج اكتر من مرة فى السنة وبيدونا السلوكيات دى.
طيب والحل ؟ ارجع ازاى قطى لحالته الطبيعية واهدى سلوكياته وعدوانيته الغير مرغوب فيها وازعاجه المستمر بالندائات والصوت العالى ؟
الحقيقة فى حلين الحل الأول هوا استخدام الهرمونات وللأسف ده حل مكلف وغير دائم وكمان ممكن يسبب مضاعفات صحية اكبر بكتير. لذلك بنقدملك حل ابسط واكتر سهولة ودوام وهوا التعقيم الجراحى.
باختصار بعملية جراحية بسيطة حيوانك هيغير سلوكه وهيمنعلك ازمة كتير بيعانى منها.
كمان بنقدملك تخفيض 100% على فحص طبى كامل وتعقيم جراحى (للذكور) لأول 3 هيطلبوه لحيوانهم. وتخفيض 50% للـ 3 الى وراهم (للذكور).

08/11/2022

كتير بنتسأل "يا دكتور سلحفتى اديلها فترة قلت اكلها جدا وحركتها قلت طمنى عليها".

بما ان الشتاء على ابوابها وكتير من الناس بتربى سلاحف سواء كانت مائية او برية فلازم نتكلم عن مشكلة بتواجه مربى السلاحف الجديد وهيا مشكلة البيات الشتوى.

هل ده فعلا بيكون مرض ولا بيكون سلوك طبيعى ؟
فى الحقيقة ده بياخدنا لعوامل كتير زى درجة الحرارة والبيئة المحيطة بالسلحفة. هل هيا فى درجة حرارة شتوية بتنزل تحت ال 10 درجات ؟ هل هيا مبتتشمسش نهائياً ؟ هل هيا بيتعملها حمام مائى بشكل مستديم؟ والأهم اذا كان ظاهر عليها اى اعراض مرضية تانية وحصولها على جرعات الديدان بشكل ممنهج.

ولذلك حابين نطمنك انك لو مستديم على فحص دورى لسلحفتك كل 3 شهور واهتمامك بتجريعها من الديدان وموفر ظروف منزلية كويسة ليها لكن حركتها وأكلها قل شتوياً ده ميستدعيش القلق عليها نهائياً. وباستشارة بسيطة من دكتور سلحفتك هيعرفك هل هيا تستدعى الكشف ولا فعلا مجرد بيات شتوى.

03/11/2022

استكمالا لكلامنا عن تحصينات الحيوانات الأليفة هنتكلم باختصار عن تحصينات الكلاب.

تحصينات الكلاب تنقسم بالنسبالنا الى شقين:
1- تحصين ضرورى لصحة الكلب ومالكه : ودى يندرج تحتها مرض السعار قاتل الحيوانات والانسان والطفيليات الخارجية والديدان الداخلية للحفاظ على نضافتها وصحتها وبالتالى صحتنا.
ولا تنسى ان تحصين السعار هوا المفتاح الاساسى لتراخيص الكلاب. (اسألنا على الرخص)

2- تحصينات ضرورية لصحة الكلب نفسه: ودى امراض لا تنتقل او صعب تؤثر على صحة الانسان وعلى رأسها يندرج التحصين الثمانى/السباعى/الخماسى والى كلهم بيتضمنو اهم مرضين وهما طاعون الكلاب وخناق الكلاب.

لصحة حيوانك تقدر تطلب زيارة لتحصين كلبك بخصم 10% على ثمن الزيارة وتحصين الديدان والطفيليات والسعار وبخصم 5% للتحصين الثمانى او السباعى او تحصينات القطط.
خليك فى الأمان ودايما حصن أليفك 🥰

02/11/2022

دايما لما بنتسأل على تحصينات الحيوانات الأليفة بكل انواعها بنرد رد ثابت وهوا حضرتك بتفكر اكتر فى صحة حيوانك ولا بتفكر فى صحة صحاب الحيوان والى بيتعاملو معاه اكتر ؟

وحاليا عايزين نوضح النقطة دى بشكل أوسع فى اطار الكلام على القطط.

-يعنى ايه نحصن الحيوان لصحة لصاحب الحيوان ؟
الحيوانات فى بعض الاحيان بتكون ناقلة لشوية امراض خصوصا اذا كانت بتتعرض لتعامل مع حيوانات تانية.

-امراض زى ايه ؟
السعار ويعض انواع الديدان والطفيليات الخارجية. ده غير انها لما بتتعب شوية بسبب ديدان او طفيليات خارجية بتبدأ مناعتها تقل فتصاب بعدوات فطرية واغلب الأمراض دى سواء السعار المرض الى ملهوش علاج او طفيليات او فطريات معدى للانسان وكمان مدمر للحيوان صحياً.

-طيب ويعنى ايه خايفين على صحة القط الجميل بتاعنا ؟
يعنى خايفين عليه من الامراض الى فاتت طبعا بالاضافة لتلات او اربع امراض غير معدية للانسان لكن مدمرة لصحة الحيوان وممكن تسبب موته. زى مرض طاعون القطط ومرض الهيربس ومرض الكاليسى الى كلها عدوات فيروسية خطيرة جداً وملهاش علاج محدد غير التحصين المسبق للتخفيف من حدوثها واعطاء مناعة ضدها. وده بيعرف بالتحصين الرباعى والثلاثى.

لذلك دايما بنفكرك ان التحصين مش بس لصحة الحيوان لكنه لصحة الى فى تعامل دائم معاه.

وكمان بنفكرك تطالب بخصم 10% على تحصينات الديدان والطفيليات والسعار وسعر الزيارة الكلى. وخصم 5% لتحصينة القطط الرباعية او الثلاثية.

29/10/2022

حالة تم تقديمها بعسر فى الولادة وتأخر نزول الأجنة. بعد مساعدتها فى الولادة مع الأسف تم خروج جينين احداهم ميت تماما ومشوه تشويه كلى والأخر بعد ولادته حى ولكن الأمعاء كاملة خارج التجويف البطنى وبقايا جنينية اخرى. تم التوصية بالقتل الرحيم للجنين الحى وتعقيم الأم بعد الولادة.

presented case with dystocia. throughout assisted labor, a large deformed fetus was pulled out dead. the other fetus had irreparable deformities in the abdomen but yet still alive. euthanasia was indicated for the other fetus and spaying was suggested for the queen.

ZooEtica pet clinic

29/09/2023

27/09/2023

01/04/2023

23/03/2023

10/03/2023

17/02/2023

03/02/2023

22/01/2023

13/01/2023

19/11/2022

08/11/2022

03/11/2022

02/11/2022

29/10/2022

Address

Website

Alerts

Shortcuts

Share

Category

Other Veterinarians in Minya

You may also like