Happy Pets عيادة الحيوانات الاليفة بالمنيا

28/10/2024

06/07/2024

بتجيلي في العياده شكاوى كتير من مربين القطط بخصوص مشاكل الحمل و الولادة و ما بعد الولاده، وكمان فترة الرضاعة و عنايه الأم بالكيتين الصغير.
زي مثلاً علي سبيل المثال لا الحصر:
• قطتي بتحاول تولد من إمبارح ومش قادره.
• القطة ولدت قطط ضعيفة وحجمها قليل وبيموتوا.
• القطة رافضه ترضع الكيتينز.
• القطط الصغيرين جعانين طول الوقت ولبن الأم.
هقولكم علي كام نقطه كده لو نقذناها بإذن الله مش هيكون في شكاوى من الحمل و الولادة والرضاعة.
*) التطعيم السنوي للقطة الأم (التطعيم الثلاثي أو الرباعي):
مهم جداً لأن القطط حديثة الولادة بتاخد الأجسام المناعية من أمها في اللبن خلال فترة الرضاعة، وده بيقلل فرص الإصابة بالأمراض لحد فطام القطط الصغيره وتطعيمهم.
*) تطعيم ضد الديدان:
جرعات ضد الديدان بانتظام (كل 3 شهور) لا غنى عنها للقطة وخصوصاً قبل التزاوج والحمل, القطة المصابة بالديدان في اغلب الأحيان ممكن تجهض ومتكملش الحمل، أو يحصل لها تعسُّر في الولادة. لأن الديدان بتتغذي علي الأكل المهضوم بتاع القطه و بتمتص الفيتامينات و ده بيأثر علي صحه القطه عاما و علي مناعتها و قوتها وخاصا في فترات الحمل و الولاده.
*) الحشرات:
ممكن تتسبب الحشرات في موت القطط حديثي الولادة، وممكن كمان تتسبب في رفض القطة الأم إرضاع الصغار لأنها مصابة بالحشرات اللي بتعمل لها حساسية وحكة والتهابات في الجلد وخصوصاً منطقة الحلمات،
فمن الضروري تهتم بنضافة قطتك وتتأكد من خلوها من الحشرات قبل التزاوج والحمل.

*) التغذية السليمة:
مهمة جدًا للقطة قبل التزاوج وأثناء الحمل، والرضاعة. لازمالتغذيه تحتوي علي مصدر للبروتين و الفيتامينات والأملاح المعدنيه (مش ملح الطعام) و كمان المكملات الغذائية مهمة للقطة قبل التزاوج والحمل، وكمان خلال فترة الرضاعة.
*) التوتر:
القطط حساسة جداً للضوضاء، وبالذات قرب ميعاد الولادة او اثناء الولاده، التوتر ممكن يتسبب في تعسر الولادة، أو رفض القطة إرضاع الصغار، أو إنها تؤذيهم بشده من شدة خوفها عليهم. وكمان مينفعش تغير مكان معيشتها او عاداتها او مكان الأكل و الميه أثناء الحمل.

15/06/2024

كل عـــــام و حضراتكم بخـــــير

20/05/2024

خلي بالك لازم تهويه كويسه اليومين دول و طبق الميه يتغير كل ساعتين مثلا

02/05/2024

كل عام و حضراتكم بخير

19/01/2024

معلومه ع الماشي

09/05/2023

المواعيد الصيفـيه

19/12/2022

28/09/2022

العياده مغلقه غداً (الخميس 29 سبتمبر) و سوف نستأنف العمل يوم الجمعه في المواعيد المعتاده من 5 ل 10 مساءَ بإذن الله.