Healthy pets

17/05/2023

لية القطط مبتحبش المية ؟!! 💦
القطط حيوانات حساسة وبيقضوا وقت كبير من يومهم في تنظيف نفسهم ...والفرو الرطب غير مريح للقطط لأنه بيستغرق وقت طويل عشان ينشف. و يعتبر ثقلا على جسم القطة ، وبالتالي بيخالي القطة أقل رشاقة وسهل على الحيوانات المفترسة الإمساك بها. والقطط كائنات نظيفة بطبعها ولا تحتاج للاستحمام وكثرته ممكن تسبب لها عدم الراحة والإسهال والاصابة بالبرد.

13/02/2023

لفترة محدودة الكشف مجانا في مدينة المنيا فقط لحد يوم الجمعة وخصومات تانية كتير علي التطعيمات

12/01/2023

من زيارتي لشليتر أ/ داليا بكر ...

27/11/2022

ازاي تحميهم من برد الشتا ؟ 🐕🐈😻
1- ممكن نستبدل الشاور بالدراي شامبو
2- ابعدهم عن تيارات الهواء البارد
3- اهتم بالتطعيمات علشان مناعتهم بتكون اضعف في الشتا
4- بلاش تنيمهم علي الارض مباشره لازم يكون تحتهم بطانيه او يناموا جنبك علي السرير
5- لو خارج بيهم اي مشوار اهتم انهم يكونوا لابسين ملابس مخصصه ليهم
6- لو قدرت تساعد قطط و كلاب الشارع بأن انت تأكلهم و توفرلهم مكان يناموا فيه و يحميهم من المطر و برد الشتا ❤

19/11/2022

مش هتحتاج تنزل مع أليفك وتدور علي عيادة وتفوتك الماتشات فى كأس العالم...
شجع براحتك وإحنا هنجيلك زيارة منزلية بخصم 20% 💪

للتواصل فون او وواتس : 01155301952
أو عبر رسائل الصفحة

#كأس_العالم

15/11/2022

Abscess in cat
Following recovery

12/11/2022

نظره الام = خلى بالك ارجوك ده لسه نونو .
بيحسو زينا 💔
بيخافو على أطفالهم زينا ❤

09/11/2022

متاح رخص للكلاب معاها تطعيم سعار بسعر ممتاز

أمن نفسك ورخص كلاب وكمان طعمه ضد مرض السعار

وكمان الرخصه هتكون متسجلة في مديرية الطب البيطري

للتواصل عبر رسايل الصفحة

18/10/2022

كتير بيسألنا الاحسن نأكل الحيوانات الأليفه بشكل عشوائي ولا افضل وجبات ..
الماء طبعا يبقي موجود باستمرار خاصة ف الصيف
طبعا قولا واحدا الوجبات

*اولا هنتكلم عن الوجبات في القطط
_ قطط أقل من عمر ٥ شهور> تاكل ٤ وجبات في اليوم
_ قطط أكبر من ٥ شهور> تأكل ٢ وجبة
عادة المفروض الوجبة بتقعد قدام القطط حوالي ربع ساعه ولو ملحقش يشبع هياكل الوجبة اللي بعدها

ايه الاختيارات عندي في الوجبات وكمان تكون مفيدة لصحتهم عندك :
بطاطس مسلوقه
أرز مع كام معلقة تونه
جبنه نستون ونحط معاه بيضه مسلوقه
قطعتين فراخ + ٣ معالق شوفان + مياه + زيت زيتون ويستوي علي نار هادية لحد ما يستوي
لحمه او فراخ + جزر + بطاطس + كوسه ونضربه في الخلاط
وطبعا القطط لازم تحلي بعد ما تاكل 😅
من الفاكهه المسموحه بس طبعا بنستخدم كميات قليله خالص
البطيخ ونشيل البذر طبعا
التفاح
الموز
#وجبات القطط

08/10/2022

Winter shaving 🐕✂

26/09/2022

ازاي اهتم بالكيتن حديثي الولادة واعرف الوجبات اللازمة لكل عمر .. في البوست ده هنوضحلكم كل شئ
في البداية لازم نعرف اننا بنستخدم لبن خالي اللاكتوز علشان الكيتن يعرفوا يهضموه واي لبن فيه لاكتوز بيسبب لهم مشاكل كتير
* من عمر يوم : ١٠ ايام
نشرب الكيتن بالسرنجة حوالي ٥ سم لبن (خالي اللاكتوز ) كل ساعتين واخر ٥ ايام ممكن نبتدي نزود لحد ٨ سم / ساعتين
* من عمر ١١ : ٢١ يوم
نشرب الكيتن ١٥ سم لبن كل ٣ ساعات
* من عمر ٢١ يوم : شهر
نشرب الكيتن ٢٥ سم كل ٤ ساعات بالببرونة طبعا
* من عمر شهر نبتدي ندي وجبة جبنة مثلثات مع وجبة اللبن
* من عمر ٤٥ يوم نبتدي نأكل لحم وفراخ جيد الطهي
* عند عمر شهرين ده يعتبر سن الفطام

من عمر ٢ : ٣ شهور يعتبر انسب وقت نعود فيه القطط علي الليتر بوكس

أتمني تكونوا استفدتم ❤

21/09/2022

الحمدلله حالة موفقة ❤
قطه حامل تقريبا عدي ميعاد ولادتها قعدت حوالي خمسة ايام مش بتاكل وبترجع باستمرار اخدت علاج من دكتور والترجيع خف .. بردوا مش بتاكل وشكوي الاونر بالتليفون ان ميعاد ولادتها عدي واحتمال ان الاجنة يكونوا ماتوا ف بطنها ومصرين اني اعمل عملية قيصرية .. رحت كشفت القطه كويسه بس فيه نسبة جفاف علقنا محاليل حوالي يومين وقولتلهم هتولد طبيعي ان شاء الله وقد كان ولدت طبيعي بعدها ب ٣ ايام تقريبا بعد ٦٥ يوم من الحمل

13/09/2022

Castration of tom cat 🐈

12/09/2022

هل يجوز إعطاء الدواء البشري الى الحيوانات أم من الافضل استخدام الدواء البيطري فقط ؟!
ولماذا يجب مراجعة الطبيب البيطري دائما ؟!

بينما يمكن استخدام بعض الأدوية البشري في الحيوانات الأليفة ، يمكن أن يكون بعض الأدوية الأخرى شديدة السُمية.

لسوء الحظ ، غالبًا ما يفترض أصحاب الحيوانات أن الأدوية البشري آمنة عليهم. و يؤدي ذلك لمشاكل صحية منها التسمم.

مشكلة أخرى هي أنه عندما يكون دواء بشري واحد مناسبًا للاستخدام في الكلاب ، فهذا لا يعني بضرورة أنه آمن للقطط أو الحيوانات الأخرى.

الأهم من ذلك ، حتى تلك التي يمكن إعطاؤها بأمان للحيوانات الأليفة يجب أن يتم حساب جرعاتها بدقة لتجنب الآثار الجانبية.
ولهذا دائمًا اطلب النصيحة من الطبيب البيطري اولا.

اليك أهم 6 حقائق عن الدواء البشري و الدواء البيطري:

• بعض الأدوية التي يصفها الطبيب البيطري هي أيضًا أدوية بشرية. ومع ذلك ، هذا ليس هو الحال دائما.

• يعد استخدام الباراسيتامول paracetamol خطيرًا في الحيوانات الأليفة. يمكن استخدامه من قبل البيطريين فقط كمسكن للألم في الكلاب مع ضرورة مراعاة الجرعات لتجنب ظهور المضاعفات.لا ينبغي أبدًا إعطاء الباراسيتامول للقطط لأنهم قد يتعرضوا لتسمم والوفاة.

• الإيبوبروفين ibuprofen في الكلاب والقطط مختلف عن البشر، و يسبب التسمم والقيء والنزيف والفشل الكلوي. لا ينبغي أبدًا إعطاء الإيبوبروفين للحيوانات الأليفة.

• الأسبرين aspirin خطير على الحيوانات الأليفة. لا يستخدم البيطريون الأسبرين كمسكن للآلام حيث له بدائل كثيرة. ومع ذلك ، يتم استخدام جرعات منخفضة من الأسبرين أحيانًا من قبل الأطباء البيطريين في الحيوانات المعرضة بشكل متزايد لخطر تكوين جلطات الدم.

• تكلفة الأدوية البيطرية قد تكون أغلى من الأدوية البشري و ليس للطبيب شأن في ذلك. ويرجع ذلك إلى التكاليف الاقتصادية و الانتاجية المختلفة المرتبطة بإنتاج المنتجات للأسواق الأصغر حجما من البشري.

• لا تستخدم ابدا المبيدات الحشرية الزراعية أو مبيدات كميائية مختلفة على الحيوانات ابدا. يجب فقط استخدام الدواء البيطري المناسب المخصص استخدامه على الحيوانات.

12/09/2022

11/09/2022

خدمه الزيارات المنزليه البيطريه بمحافظه المنيا
احجز الميعاد المناسب مع حضرتك وهيبقا عندك دكتور بيطرى في أسرع وقت 🐈🐕


‎
احجز الان الميعاد المناسب معاك وهيوصلك دكتور لحد باب البيت عن طريق الواتساب او بالفون
01155301952

نستقبل الاستشارات الطبية عبر رسائل الواتساب

والزيارة المنزلية مجانية لفترة محدودة وأسعار متميزة في التطعيمات الرباعي والثماني والديدان والحشرات

11/09/2022

كتير جدا بيبعت يسألنا انه بيخاف يربي حيوانات أليفه بمجرد عنده معتقدات ان تربية الحيوانات الاليفة خطر وبتنقل امراض كتيرة للانسان ..
في البوست ده هوضحلك كل شئ وهطمنك ان شاء الله
* مرض السعار rabies : ده بينتقل عن طريق العض او الخربشه وده ممكن تتفاداه بتطعيم حيوانك الاليف تطعيم سعار عند عمر ٣ شهور بعد الحيوان ما يطعم مفيش خوف علي الانسان او الحيوان من العض او الخربشة خالص لان حيوانك مطعم .
* التوكسوبلازما Toxoplasmosis:
الطفيل ده بيسبب اجهاض للحوامل بس عايز اقولك طرق الإصابة الرئيسية عن طريق اكل اللحوم النية واللي مش مطبوخه كويس كمان اكل الخضروات والفواكة اللي مش مغسولة كويسه ودي الطرق الرئيسية للاصابة تيجي بعد كدا ان الانسان يتعامل مع براز القطط المصابة او الليتر بوكس وياكل بعدها من غير ما يغسل ايده وطبعا مستحيل حد يعمل كدا ونحمي نفسنا باننا نغسل ايدينا بعد التعامل مع الليتر بوكس .
*بعد كدا بتيجي الديدان والحشرات اللي ممكن تنتقل من الحيوانات الاليفة للاطفال ودول نحمي نفسنا بأننا نستخدم تطعيمات الديدان والحشرات لحيوانتا الاليفة باستمرار وفي مواعيدها .
طبعا لازم نستخدم تطعيمات حيواتنا الاليفة اللي بتساعد في الحفاظ علي صحتهم وبتحميهم من الامراض اللي ممكن تصيبهم وكمان التطعيمات دي بتحمينا احنا بردوا .
Note:
للاسف مرض التوكسوبلازما ملوش تطعيم .. كمان لان الطفيل ضعيف مجرد ما تغسل ايديك بعد التعامل مع الليتر بوكس كدا خلاص اتخلصت منه بالاضافه ان عدد قليل من القطط بيبقي متصاب به يعني ممكن حيوانك ميكونش متصاب بيه اصلا وكمان معظم الحالات اللي اتسجلت مصابة بالتوكسوبلازما كانت بسبب اعتماد الاشخاص دي علي الاكل الغير مطهو جيدا واعتمادهم علي لحوم الخنزير ..
اللي نفهمه من الكلام ده
التطعيمات في معادها = صحة حيوانك الاليف = صحة عائلتك
One Heath Concept

11/09/2022

10/09/2022