Pet Station Dr. Salah Mohammed

28/03/2024

طبعا كلنا عارفين خطورة الحصوات و المشاكل الصحية اللي بتسببها لأليفك 🙀 و عشان نمنع المشكلة دي دايماً بننصح باتباع نظام غذائي متوازن لعمر أليفك و احتياجاته من الطاقة و البروتين و الأملاح المعدنية🧂
وعشان كده وفرنالك دراي K9 العلاجي🐈 اللي بيحافظ على صحة الجهاز البولي و كمان بيقلل من تكون الحصوات.😻
متنساش تسأل علي عروض رمضان 💥
كل سنة و أنتم طيبين 🥰



01501041498
العنوان شارع زيدا بجوار مركز الحمد للأشعة

10/03/2024

رمضان كريم 🌙
عشان رمضان شهر الخير عملنالك عروض مميزة 💥
و بنقولك دلع أليفك و حافظ عليه من الديدان و الحشرات لإننا عمالنالك خصم 10% علي كل أنواع تطعيمات الديدان و الحشرات 🐞
مش كده و بس متنساش تسأل علي خصومات الاكسسوارات و الدراي فود 🐱



العنوان شارع زيدا بجوار مركز الحمد للأشعة
01501041498

09/03/2024

حالة النهاردة حالة مميزة جداً لإنها وصلت العيادة في صورة متدهورة و الديل كان فيه غرغرينا وصديد🥲 نتيجة الإصابة بعدوي بكتيرية و ده اتسبب إن نص الديل بالكامل انفصل عن باقي الجسم و فقرات الديل كانت واضحة جدا 🫣
طبعا الحل كان إننا نعمل بتر للجزء المصاب عشان نحافظ علي باقي الديل و نمنع انتشار العدوي لباقي الجسم.🦮
دايماً بننصح عملائنا إنهم يتوجهوا لأقرب طبيب بيطري متخصص في حالة إصابة أليفك بأي جرح و هو هيعمل اللازم. 🥰


العنوان شارع زيدا بجوار مركز الحمد للأشعة
01501041498

01/03/2024

القط ميشو جالنا و عنده احتباس بول بقاله ٣ أيام🙀 بعد الكشف بالسونار اتاكدنا من وجود حصوات و التهاب بالمثانة😿و فوراً عملنا اللازم و فكينا الاحتباس و نزل كمية حصوات كتيرة من المثانة و حالياً بيعمل حمام طبيعي زي الاول.🐈
طبعا مشكلة الحصوات من المشاكل المتكررة اللي بنشوفها نتيجة الاعتماد على الدراي فود بشكل كبير في تغذية أليفك بالذات الأنواع الموجود فيها نسبة عالية من الأملاح و البروتينات الغير مناسبة للمرحلة العمرية اللي فيها أليفك و دايماً بناكد إنك تسأل دكتور بيطري عن التغذية المناسبة لأليفك. 🐈🥰


01501041498
العنوان شارع زيدا بجوار مركز الحمد للأشعة

06/02/2024

إزاي تختار الدراي فود الأنسب لأليفك ؟🤔
تعتبر الخطوة الاولى قبل اختيار نوع الدراي لأليفك هو استشارة طبيب بيطري لمعرفة الاحتياجات الفردية للاليف بتاعك نظرًا لأنها تعتمد على العديد من العوامل ، زي العمر والحجم والسلالة والحالة الصحية العامة ونمط الحياة وما إلى ذلك 🦮🐈
طيب الدراي فود بيتكون من ايه؟ 🥣
بيبقا عبارة عن كذا حاجة:-
اهمها اللحوم أو الأسماك و ده مصدر للبروتين الحيواني . 🍗🐟
وكمان بيكون فيه مصدر البروتين النباتي والحبوب الكاملة والفواكه والخضروات الغنية بالفيتامينات والمعادن الطبيعية. 🥬🍒🌾
مش كده و بس لا بيكون موجود فيه كمية من الأملاح المعدنية زي الكالسيوم و الصوديوم و الفوسفور.🧂
طيب ازاي اتأكد إن الدراي اللي بشتريه مناسب للاليف بتاعي؟ 🐈
لازم تقرأ الملصق ( البيانات الموضحة على عبوة المنتج) و تتاكد إنها مناسبة لاحتياجات أليفك .🔍🧐
طيب ايه المشاكل اللي ممكن تحصل لو اخترت نوع دراي مش مناسب للأليف بتاعي؟ 🙀
ممكن يحصل مشاكل زي الترجيع و الاسهال مش كده و بس لا الموضوع ممكن يوصل إنه يعمل التهاب في الكبد و البنكرياس، ده بجانب إن الاعتماد الكامل علي الدراي بيزود مشكلة تكون الحصوات. ☠️
بنفكرك إن متوفر عندنا كل أنواع الدراي اللي أليفك محتاجها سواء كان عمره صغير أو كبير 🥰
العنوان شارع زيدا بجوار مركز الحمد للأشعة


01501041498

01/02/2024

فصل الشتاء دايماً بيكون فترة صعبة علي أليفك 🙀
و بالذات لو مكنتش مواظب علي تطعيماته الدورية عشان كده بننصح دايماً إنك تطعم أليفك اول ب اول عشان تحميه من الأمراض الفيروسية اللي ممكن تعمله مشاكل خطيرة ☠️
بنفكرك إن متاح عندنا كل أنواع التطعيمات اللي أليفك محتاجها زي التحصين الرباعي للقطط🐈
و التحصين الثماني للكلاب 🦮
الحق و حصنهم قبل فوات الأوان 🚨


01501041498
العنوان شارع زيدا بجوار مركز الحمد للأشعة

29/01/2024

كل اللي أليفك محتاجه موجود عندنا 🐈
العنوان شارع زيدا بجوار مركز الحمد للأشعة
01501041498

20/01/2024

عروض الافتتاح بعنوان يا تلحقونا يا متلحقوناش 🔥
كشف كامل علي أليفك لمدة أسبوع مجانا 💯
يعني تعالا اطمن علي صحة أليفك و كمان هنعمله قص أظافر مجاني 💅
تطعيمات الديدان و الحشرات اللي الكل بيسال عليها عملنالك عليها خصم 20% 💥
و بنفكرك إن عندنا أنواع كتيرة جدا من التطعيمات الآمنة علي أليفك ✅
العنوان :شارع زيدا بجوار مركز الحمد للأشعة 📍



01501041498

06/01/2024

هنتكلم النهاردة عن التحصينات💉
التحصينات من أهم الحاجات اللي بتحافظ علي صحة أليفك لأنها بتساعد جهازه المناعي علي تكوين أجسام مضادة تقاوم الفيروسات و البكتريا و غيرها من الميكروبات اللي ممكن تسبب أمراض للأليف.🤕
طيب ايه هي أنواع التحصينات ؟🤔
تحصينات القطط فيه منها نوعين الثلاثي و الرباعي🐈
إنما تحصينات الكلاب فيه منها أنواع كتير زي الثنائي و الخماسي و السباعي و الثماني.🐕‍🦺
طيب ايه العمر المناسب لتحصين الأليف بتاعي؟
ممكن نبتدي تحصين الأليف من عمر شهرين أو ٣ شهور.
طيب التحصين بيبقا كام جرعة؟
بيبقا جرعتين أو ثلاثة بين كل جرعة و التانية ٢١ يوم
و بعد كده بنحصن مرة واحدة سنوياً.🛡️
بنفكرك إن متاح عندنا كل أنواع التحصينات اللي أليفك محتاجها.✅
اسأل علي عروض الإفتتاح 🎁
د. صلاح محمد
01501041498
العنوان :شارع زيدا بجوار مركز الحمد للأشعة

03/01/2024

خلي بالك و أنت بطعم أليفك من الحشرات⚠️
في أسطورة اسمها حقنة الحشرات (أيفوماك) 🕷️
الحقنة دي غلط علي أليفك و ممكن تسببله تسمم أو تموته☠️
و مش معنى إنها عدت المرة اللي فاتت على خير يبقا هتعدي المرة الجاية🤕
احنا بنوفرلك أنواع كتيرة من تطعيمات الحشرات و الديدان و كلها آمنة علي أليفك✅



01501041498

31/12/2023

مع بداية السنة الجديدة هنكون معاكم بشكل مختلف و ده لإننا قربنا نفتتح عيادتنا في قلين 🚩
ترقبوا الافتتاح قريباً إن شاء الله ⏳
نتمنالكم سنة سعيدة ❤️
العنوان : شارع زيدا بجوار مركز الحمد للأشعة



01501041498

30/12/2023

لسه معاكم في سلسلة
فصل الشتاء دايما بيكون عبارة عن الحقني يا دكتور الأليف بتاعي لقيته سخن و اديته دوا خافض حرارة بتاع الأطفال و هو حاليا راقد خالص و لون لثته غامق؟
طبعا ده فصل من قصة متكررة كل سنة لحالة مشهورة جدا هي التسمم بالباراسيتمول 💉
و دي مادة ممنوعة علي القطط و الكلاب نظرا لخطورتها عليهم و للأسف ممكن تؤدي للوفاة☠️
المادة دي موجودة في أدوية كتير جدا زي سيتال و 123و بنادول و غيرهم من الأدوية الموجودة عندنا في التلاجة.
طيب اعمل ايه يا دكتور؟🤔
لازم تتواصل مع أقرب دكتور بيطري و تتأكد منه إن الدوا اللي عندك أمن ولا ضار على أليفك.✅
نشوفكم في البوست الجاي إن شاء الله



01501041498

25/12/2023

النهاردة هنكمل كلامنا في سلسلة
و هكيون عن الأكلات الآمنة على الأليف بتعنا
طيب ايه هي بقا الأكلات الآمنة؟
:ورقة و قلم و اكتبي معانا يا ست الكل 😂
أول حاجة معانا هي البروتين 💪 و ده فيه كذا نوع
١- الفراخ و اللحمة المسلوقة 🍗
٢- السمك المشوي و التونة(2-3مرات شهرياً) 🐟
٣-البيض المسلوق 🥚
٤-الدراي فود🥡
تاني حاجة معانا الخضروات
١- البطاطس المسلوقة 🥔
٢-الكوسة المسلوقة🥦
٣-شربة خضار 🥣
طيب ينفع نشربها لبن يا دكتور؟ 😋
اللبن الوحيد اللي ينفع هو لبن خالي اللاكتوز 🥛
و كمان نقدر نقدملها جبنة مثلثات و زبادي 🧀
طيب بالنسبة للدراي فود و السوفت فود ازاي اقدر اتأكد انها مناسبة للأليف بتاعي؟
أهم حاجة لازم تعرف مكوناته بحيث يبقا مناسب لصحة أليفك و كمان تحافظ علي معدل نموه و كمان تختار نوع يكون طعمه محبب للأليف بتاعك 🐶
و لو محتاج أي نوع من الدراي فود أو السوفت فود اتواصل معانا و هنوفرلك كل اللي هتحتاجه ✅
استنونا في البوست الجاي

19/12/2023

هنبدأ انهارده أول سلسلة توعية وهتكون عن نظام الأكل تحت عنوان 👌🏻
موضوع انهارده الأكلات الممنوعة لأليفنا سواء كلب أو قطة
زي ما كلنا عارفين احنا اللي نقدر نحدد ايه ضار وصالح لأليفنا، فلازم يكون عندنا وعي كافي بالأكلات الضارة اللي ممكن تعمله مشاكل هضمية أو حتى ممكن توصل للتسمم.☠️
طيب يادكتور إيه هي الاكلات دي ؟
ومعانا أشهر أنواع الأكل الضار وموجود في كل بيوتنا:
١-اللبن 🥛
٢-البصل و التوم🧅
٣-الشيكولاتة و الشاي و البن🍫
٤-التوابل و الملح الكتير🧂
٥- المشروبات الغازية🥃
٦-العضم و هياكل الفراخ 🦴
٧-الببض الني 🥚

طيب هل أليفنا ممكن يحصله مشكلة من - أكلات تانية - غير دي؟
أيوه، أحيانا بيكون الأليف عنده حساسية من نوع - أكل معين-
طيب أعرف ازاي ان عنده حساسية؟
- هتلاقي بيحصل اسهال لو أكل الاكل دي بالذات و كمان ممكن يظهر على جسمه بعض البقع لونها أحمر 🥵
و لو حصل كده اتواصل معانا و هنقولك تتصرف ازاي
- استنونا في البوستات الجاية هنقولك علي معلومات أكتر تساعدك تحافظ علي أليفك ✅

16/12/2023

كشوفاتنا المنزلية فيها كل اللي أليفك محتاجه من أدوية و تحصينات فيروسية و تطعيمات للديدان و الحشرات مش كده و بس كمان بنوفرلك إمكانية إجراء عمليات جراحية.👨‍⚕️🐶
اتواصل معانا و هنجيلك في أي مكان جوا قلين.🚑

15/12/2023