كل ما يخص الأرانب والحيوانات

08/09/2023

متاح الان بفضل الله
كتاكيت بيضا نوع (RUSS) وزن 250 جرام : 300 جرام
الحجز متاح حتي نفاذ الكميه
للحجز عبر واتساب 01154556095

26/08/2023

سلام عليكم ورحمة الله وبركاته
محتاج رقم تاجر ينزل كتاكيت فراخ بيضه عمر يوم كميه 500 فرخ كل شهر سلالات محترمه
التعامل بشكل دائم

08/06/2023

انا خريج زراعة واشتغلت فترة كدة في مزارع ارانب (عامل ) عشان اتعلم و افتح مزرعة لنفسي
الاخطاء الي كنت بشوفها و محدش بياخد باله منها و لا حد بيسمع النصيحة
١ قبل التنظيف
العامل اول م بيدخل بيفتح المياه و بينظف و ده غلط
المفروض المشرف او صاحب المزرعة كل يوم قبل التنظيف بيدخل يبص على شكل الزبل قبل التنظيف
ممكن يكون في اسهال او افرازات زي التهاب الرحم او التهاب الامعاء و او حتى ديدان في الزبل او تغير في لون البول
ثانيا اول متدخل العنبر لو لقيت ارانب بتخرج من البطارية و تنزل على الارض كل يوم اعرف ان دي بداية فشلك و اهمال و هرجلة
لو في نبل بينقط او وصلات و انت مكبر دمااك اعرف ان دي بداية فشلك
٢ اثناء التنظيف
لو الي بينضف بيستخدم الخرطوم و برطرطش دي كارثة
الطرتشة على العلافات بتكون بكتريا و بتعمل عفن
كان في علافات و انا بنضفها بلاقي العلف في قلب العلافة من تحت عامل زي الاسمنت لما بينشف ده بقا نتيجة ان العلف ساب بودرة في العلافة و بعدين جه عليه مياه و بعدين العلف نشف و هنا بتيجي ميزة العلافة امو غطاء و احيانا كنت بلاقي ديدان في قلب العلافة
و الطرطشة عامة بتكون جلخ مع الوقت و بكتريا و دبان و قرف
٣ حشرات داخل المزرعة
دبان بينقل امراض و ناموس و في و ده نتيجة هطل صاحب المزرعة
٤ صاحب المزرعة عايز العامل يشتغل كهربائي و سباك و بنا و لحام و دكتور و عايظه يخش يعشر الارنبه بنفسه لو حكمت
و ده امبر غلط ادي العيش لخبازه العامل هيعمل كل شئ بتطلبه منه زي مابيعرف اديله مفك و شنيور هيشتغل بس هيشتغل غلط و هيكروت لان كل واحد له شغله
٥ حل المشاكل بطريقة غلط
عندك عطس بتنزل ادوية من غير متحل مشكلة التهوية
عندك كوكسيديا بتنزل ادوية و انت تندك فئران في المزرعة و كمان بتحل مشكلة الفران غلط ( عمال تشتري سم فران و مصايد )
وانو عندك السقف مخرم و الجدران متفتحة
يعني انت عارف المشكلة و بتحلها غلط و لو حاولت تحلها صح برضه بتستهبل ......
دؤ بعض الحجات الي شفتها بعيني
٦ البطارية الهرمي فاشلة بكل المقاييس و لايوجد واحد نجحت معاه اكثر من سنة
٧ افضل انواع البطاريات هي الأفقية والنصف هرمي
٨ متربيش ارضي لو عاوز تنجح وتعمل فلوس كويس جدا من الأرنب

18/04/2023

تحبو نعملكم منشور عن كل نوع في الارانب ومميزاته وعيوبه وعدد خلفاته و عدد الاجنه والتثمين ولا لا ؟
اللي موافق يكتب تم في الكمنتات ☺

15/04/2023

كل واحد يقول سعر الأرانب عنده كام ومحافظة إيه

14/04/2023

لقاح اليوم
لقاح التسمم الدموي البكتيري الفورماليني للارانب والعبوة ٥٠ جرعة والسعر ٨٥ جنيه وبسعدني تلقي اي استفسار

20/05/2022

كنت عاوز اقدم نصيحه لوجه الله تعالي
لاي حد لسه مبتدئ في مجال تربيه الارانب
متشتريش ارانب والده قبل كده لان الي بيبيع ارانب والده قبل كده اكيد مش بيبيعها عشان بتولد 20 ارنب وهو زهق منها ومن ولادتها الكتير 😂
لا يا باشا بيبيعها عشان
1- يا اما مش بتعشر اساسا
2-يا اما عشان بتتعب كتير
3-يا ما بتفترس اولادها بعد الولاده
4-يا اما مش بترضي ترضع اولادها
5- يااما ....ويا اما ...ويا اما.....ويا اما
فلذالك انا بنصح انك تشتري ارانب مولدتش قبل كدا ارانب بكر
وللاسف كلامي ده هيزعل ناس كتير اوي مني
لكن والله هيا دي الحقيقه💔
Cpd
الدوكتور احمد

20/05/2022

جمعه مباركه عليكم جميعاً
متاح 100 كيلو لحم
الأوزان من ١٨٠٠ لحد ٢٢٥٠

13/05/2022

حاجات لا يعرفها الا مربي الارانب😂😂

03/05/2022

ده جروب الواتس
بنتكلم فيه عن كل حاجه تخص الأرانب
https://chat.whatsapp.com/KK3oTImetL8EH9Vc18hMYQ

03/05/2022

كل سنه وانتو طيبين جميعا
بتابعنا منين؟!

28/04/2022

ذكر ونتايه شانشيلا للبيع
للتواصل عبر واتساب أو رسائل البيدج دلوقتي
سيب تعليق او كمنت علي المنشور

26/04/2022

كنت عاوز اقدم نصيحه لوجه الله تعالي
لاي حد لسه مبتدئ في مجال تربيه الارانب
متشتريش ارانب والده قبل كده لان الي بيبيع ارانب والده قبل كده اكيد مش بيبيعها عشان بتولد 20 ارنب وهو زهق منها ومن ولادتها الكتير 😂
لا يا باشا بيبيعها عشان
1- يا اما مش بتعشر اساسا
2-يا اما عشان بتتعب كتير
3-يا ما بتفترس اولادها بعد الولاده
4-يا اما مش بترضي ترضع اولادها
5- يااما ....ويا اما ...ويا اما.....ويا اما
فلذالك انا بنصح انك تشتري ارانب مولدتش قبل كدا ارانب بكر
وللاسف كلامي ده هيزعل ناس كتير اوي مني
لكن والله هيا دي الحقيقه💔
Cpd

26/04/2022

ايه أفضل نوع علف أرانب بتستخدموه

09/04/2022

الأخطاء الشائعة في تربية الآرانب الفنية والإقتصادية.
__ جدول المياه من أكبر الآخطاء المدمرة فنيا وإقتصاديا فالآرانب لا تتم معالمتها كقيطع الدواجن دجاج أو بط أو رومي لنعطيهم أدوية في سقايات المياه للجميع ككل وإنما تحتاج الارانب للتعامل أرنب أرنب حسب إحتياجاته ..فلا يحتاج كل شهر مضادات حيوية وفيتامينات وأملاح معدنية ورافع مناعة وعسيل كلى وكبد..فبجانب أنها ملكفة جدا وتزيد من النفقات وتقلل الارباح أو تؤدي للخسارة غالبا.فهي مدمرة للارنب وقدرتة على الانتاج..النظافة والتطهير والعلف الممتاز وتقديم بعض الخضروات كورق الخس والجزر والبطاطا والبقدونس والبرسيم معلوم المصدر من أراضي ليس بها كلاب كافية جدا لإعطاء الآرنب كل إحتياجاته.ولا نحتاج إلا التحصين الفيروسي والبكتيري والإيفوماك ثم التعامل مع كل أرنب على حدة في حالة المرض.
__ عدم التحصين لتوفيرالمال..خسائره جسيمة جدا سواء بالموت المفاجئ للفيروسي أو ظهور أمراض خطيرة من البكتيريا مثل إلتهاب الضرع وغيره.
__ تنظيف العنبر بخرطوم مياه يستخدم لتنظيف العنبر وهو نفسه المستخدم في ملئ جرادل المياه مما يؤدي لتلويث المياه.والمفروض وجود مخرجين بخرطومين واحد للسقي وأخر للتنظيف.
__ تنظيف العنبر والشبابيك مغلقة وهذا يؤدي لإنتشار الفيروسات والطفيليات وكافة الميكروبات في العنبر والأفضل إخراج الفضلات خارج العنبر بمواسير صرف أو حين إخراجها بواسطة عربة (براويطة) فتح الشبابيك أولا.
__ تقديم كميات علف محددة للأمهات خطأ فادح فالآم العشار أو التي ترضع أو الإثنين معا تحتاج لعلف مفتوح ليلا ونهار لأنها تأكل لنفسها ولآجنتها ولتدر الحليب لصغارها.
__ الإستمرار في التلقيح والإنتاج في شهور الصيف دون خلايا تبريد وشفاط ..ويجب ان يتم التخلص من القطيع فى الصيف او على لااقل وقف التلقيح تماما في شهر 6 و7 و8 والبدء ثانية من شهر سبتمبر او تركيب تكييف صحراوي.
__ بيع الفطام في وزن أقل من 1800 هو خسارة مؤكدة لآن الارنب من وزن 1500 ينمو بسرعة كبيرة وخلال اسبوع يزيد وزنه مابين 300 الى 350 جرام واكثر في السلالات الجيدة والعلف الممتاز.
__ تلقيح الام في نفس يوم الولادة او ما يسمى بالانتاج المكثف تدمير للام وانتاج فطام ضعيف.والافضل التلقيح بعد عشر ايام من الولادة لضمن راحة الام وعدم سلسلتها وانتاج فطام بمناعة عالية وتقليل النفوق جدا بإذن الله.
__ إدخال التاجر إلى عنبرك أو مكان تربيتك بأقفاصة الملوثة من مكان لمكان خطأ جسيم .لا بد ان تخرج له انت بأقفاصك ولا يدخل عنبرك مطلقا حتى تتجنب العدوى.
__ عدم تفرغك لمشروعك وعدم المرور عليه مرة على الأقل كل ساعتين أو اضعف الإمان الإستعانة بعامل (فاهم وأمين) خسارة جسيمة فعلى سبيل المثال خروج بعض الارانب الرضيعة من أقفاص الولادة في الشتاء دون إعادتها في وقت كثيرستموت فورا وتسبب خسائر كبيرة.
__ مع أطيب الامنيات بالتوفيق والنجاح بإذن الله.

09/04/2022

كل واحد يقول سعر لحم الأرانب كام عنده في محافظته

09/01/2022

افاجئك؟!.. هفاجئك.

الأرانب عندها ديل طويل، بس هي إللي بتخبيه تحتها.. جرب كده تجيب أي ارنب، وتشد الديل الصغير إللي ورا دا، هتلاقيه بيتشد معاك وممكن يوصل طوله ل20 سم!

ليه بقى بيخبوه كده!

آلية تطورية للبقاء من أجدادهم.. كون عندهم ديل طويل في نهاية جسمهم، دا معناه إنه وقت المطاردات، أي مفترس هيقدر يشدهم من الديل دا، فبدأت الأرانب إللي ديلها طويل يتم افتراسها بأستمرار، فاتطورت الآلية دي في حمضهم النووي ولسه موجودة حتى الآن..

كل ماتعرف أكتر عن حاجات حواليك، تحس إنك مكنتش عايش أو مفيش حاجه تعرفها صحيحة!.. عشان كده لازم تتفاعل عالبوستات دي عشان أعرفك اكتر..

26/10/2021

الرطوبه، ومعضله (ضبط المناخ المناسب) للتربيه! المقصود بالرطوبه هو نسبه بخار الماء في هواء العنبر، او العشه او مكان الترييه، ودي مسأله مهمه جدا، في نمو وتكاثر، وصحه الارانب، والنسبه المثاليه للرطوبه من ٦٠الي ٧٠٪،،في الشتاء لازم ندفي، يعني حنقفل، يعني حتزيد نسبه الرطوبه،، تمام، وبالتالي حتزيد نسبه البخر، وتزايد غاز الامونيا القاتل، والمسبب، لكتير جدا من الامراض، منها، الالتهابات الانفيه، والتهابات الجفون والعيون، وتلبد شعر الارنب، والالتهاب الرئوي، والجرب، وفقد الشهيه، وعدم الرغبه في للتزاوح، وووو،،
تمام، طيب اي الحل، اولا، السيطره علي البول والتخلص منه اول باول، مع خلط مغلي (الشيح)، كوب على ٢لتر مياه شرب، وده بيغسل الكلي، ومقوي عام وبيقلل جدا من الامونيا في البول، (مره اسبوعيا)
ثانيا، رش جير مطفي علي ارضيه العنبر مره اسبوعيا، ودي بتجفف المناخ وبتمص البخر الزايد من الامونيا، وبتقتل حشره للجرب والبراغيث، والطفيليات
ثالثا، عدم الغسيل والتطهير وقت الظهيره، لان درجة الحراره بتساعد علي ذياده سريعه للبخر، ورفع الرطوبه بصوره حاده، ثم هبوطها مما يحدث التهابات رئويه، وصعوبه في التنفس،
مع تغطيه خزانات المياه وعدم ترك الزبل والبول فتره طويله علشان تفاعل الاتنين بيولد غاز الامونيا القاتل،
وللتحكم بتجيب ترمومتر جوي وبيبقي في مقياس لدرجه الحراره، وايضا مقياس للرطوبه، وده متوفر في الصيدليات البيطريه،

15/10/2021

سبب حدوث الاجهاض فى الارانب:-
أولا - أسباب ميكانيكيةمنها:
1 -جس الأرنب الحامل بشدة والضغط الشديد على الرحم.
2 -الضجيج الشديد والازعاج المستمر مما يجعل الأرنبة الحامل شديد العصبية ومتوترة وقد تجهض.
ثانيا - أسباب بيئية: منها:
1- الارتفاع الشديد في درجة الحرارة.
ثالثا - أسباب غذائية: وأهمها عدم اتزان العليقة مثل:
1- نقص أو زيادة في معدل فيتامين أ .
2- نقص فيتامين ه
رابعا - أسباب مرضية: منها:
1- مرض الليستيريا Listeriosis.
2- مرض السالمونيلا Salmonellosis.
3- سرطان الرحم Uterine Cancer.
4- مرض الباستوريلا Pasteurellosis.
في حالة حدوث الاجهاض بسبب ميكانيكي أو بيئي أو عدم اتزان العليقة فانه يمكن اصلاح السبب المؤدي للاجهاض ومعالجته وبالتالي ليس هناك خوف من اعادة تلقيح الانثى بعد علاج السبب.
أما في حالة الاجهاض بسبب مرضي فهنا يجب تشخيص المرض من قبل الطبيب البيطري واعطاء العلاج اللازم، ويفضل استبعاد الانثى من التربية خوفا من انتشار المرض الى باقي القطيع، حيث يمكن ان ينتقل المرض جنسيا من الانثى المصابة الى الذكر الملقح ومنه الى باقي الاناث.
كما يخشى احيانا من حدوث تقيح برحم الانثى المصابة وتصبح الانثى غير صالحة للتلقيح
للمزيد تابعونا

28/09/2021

عاوز تكسب، وكله بإذن الله وفضله، امشي علي الخطوات دي، ومن خبره ١٩ سنه شغل، وتجاره، وانشاء مزارع،
١-انسي كلمه (سلاله، بيور، دم عالي، عشر) ادوات النصب والغش والضحك علي الزبون ٠
٢-خاف علي حبه العلف اللي ممكن تقع علي الارض، لان فاقد العلف ٥٠٪ من تكلفه الكيلو
٣-متملاش ميه علي ميه في الخزان، لازم تغسله كل يوم، لان التلوث والفطريات اغلبها من الميه وعطنتها، وتغير طبيعتها،
٤-حافظ علي نسبه الرطوبه والتهويه، لان ٩٠٪من الامراض التنفسيه من ذياده الرطوبه وذياده الامونيا، وكتمه المكان،
٥،متدخلش حد غريب ولاقريب المكان، الا لما يطهر حذائه، لانه ممكن ينقل اخطر الأمراض، من الشارع، من مزرعه تانيه، من غيط، واشدها (الكوكسيديا، السالمونيلا، الليسيريا)
٦-أأمن مطهر، اليود المركز، وواوسعها طيفا، واقلها رائحه نفاذه، وصرر علي الجهاز التفسي.
٧،-لا تستخدم الديزانون، لانه سم قاتل، الا في أضيق الحدود، لان بقاياه، كفيله بعد ل*س الارنب لها، بالموت الماجئ، واجهاض الحوامل
٨-الايفوماك،في الأساس للقضاء علي الد يدان، في المواشي، استخدامه (كتحصين) ضد الجرب، كارثه، فد تسبب العقم، الإجهاض، ويحقن حسب الوزن وبدقه شديده
٩،لاتتابع الامهات الوالده، بدون غسيل يدك بالماء وصابون او مطهر، بين الام والأخرى لعدم انتقال روائح الامهات وتختلط بالولده، فتهجرها اوتمتنع عن رضاعتها، اوتفترسها
١٠،الإضاءة مهمه جدا وخاصه اشعه الشمس غير المباشره، (١٤ساعه) تقريبا بما في ذلك الاضاءه الصناعيه الليلية
١١-اتعلم الجس وسجل تاريخ للتلقيح وميعاد الولاده، وبلاش افتكاسه تاكيد التلقيح،،،
١٢،-متزودش اكتر من الكميه المقرره للعلف ولا تقلل عنها
وباذن الله تحصل علي انظف واحلي موسم وترزق من وسع، وهتمسك فلوس تظبط مزاجك

28/09/2021

يااللي واجعين دمغانا، عندنا سلالات!؟ رقم شاسيه مسجل،!؟ تقولش عربيه، له ملف وشهاده ميلاد، مش العواجيز القاطعه اللي خارجه من دار المسنين بتاعه الأرانب مجهوله النسب!؟ ها، ،، حنبطل فشر، ولابرضه مفيش فايده

23/07/2021

متاح سلالات أرانب ٥ شهور
بابيون وشنشيلا و بلجيكي و ركس ألماني
وموجود أرانب لحم 🥩

19/07/2021

03/06/2021

انا خريج زراعة واشتغلت فترة كدة في مزارع ارانب (عامل ) عشان اتعلم و افتح مزرعة لنفسي
الاخطاء الي كنت بشوفها و محدش بياخد باله منها و لا حد بيسمع النصيحة
١ قبل التنظيف
العامل اول م بيدخل بيفتح المياه و بينظف و ده غلط
المفروض المشرف او صاحب المزرعة كل يوم قبل التنظيف بيدخل يبص على شكل الزبل قبل التنظيف
ممكن يكون في اسهال او افرازات زي التهاب الرحم او التهاب الامعاء و او حتى ديدان في الزبل او تغير في لون البول
ثانيا اول متدخل العنبر لو لقيت ارانب بتخرج من البطارية و تنزل على الارض كل يوم اعرف ان دي بداية فشلك و اهمال و هرجلة
لو في نبل بينقط او وصلات و انت مكبر دمااك اعرف ان دي بداية فشلك
٢ اثناء التنظيف
لو الي بينضف بيستخدم الخرطوم و برطرطش دي كارثة
الطرتشة على العلافات بتكون بكتريا و بتعمل عفن
كان في علافات و انا بنضفها بلاقي العلف في قلب العلافة من تحت عامل زي الاسمنت لما بينشف ده بقا نتيجة ان العلف ساب بودرة في العلافة و بعدين جه عليه مياه و بعدين العلف نشف و هنا بتيجي ميزة العلافة امو غطاء و احيانا كنت بلاقي ديدان في قلب العلافة
و الطرطشة عامة بتكون جلخ مع الوقت و بكتريا و دبان و قرف
٣ حشرات داخل المزرعة
دبان بينقل امراض و ناموس و في و ده نتيجة هطل صاحب المزرعة
٤ صاحب المزرعة عايز العامل يشتغل كهربائي و سباك و بنا و لحام و دكتور و عايظه يخش يعشر الارنبه بنفسه لو حكمت
و ده امر غلط ادي العيش لخبازه العامل هيعمل كل شئ بتطلبه منه زي مابيعرف اديله مفك و شنيور هيشتغل بس هيشتغل غلط و هيكروت لان كل واحد له شغله
٥ حل المشاكل بطريقة غلط
عندك عطس بتنزل ادوية من غير متحل مشكلة التهوية
عندك كوكسيديا بتنزل ادوية و انت عندك فئران في المزرعة و كمان بتحل مشكلة الفران غلط ( عمال تشتري سم فران و مصايد )
وانو عندك السقف مخرم و الجدران متفتحة
يعني انت عارف المشكلة و بتحلها غلط و لو حاولت تحلها صح برضه بتستهبل ......
دي بعض الحجات الي شفتها بعيني
٦ البطارية الهرمي فاشلة بكل المقاييس و لايوجد واحد نجحت معاه اكثر من سنة
٧ افضل انواع البطاريات هي الأفقية والنصف هرمي
٨ متربيش ارضي لو عاوز تنجح وتعمل فلوس كويس جدا من الأرنب