21/07/2022
موضوعنا النهارده جالى اساله كتييير عليه 🙈
الامراض الجلديه و خصوصا مع ارتفاع درجات الحرارة 🌞 و انتشار الحشرات اللى بتسبب أذى كبير و بتكون مزعجه لاليفنا 🥹🥹
اتسألت كتير عن البراغيت اللى بتيجى للقطط 🪲
البراغيت حشرات بتتغذى على دم القطه المسكينه و ممكن تسبب ليها حساسيه أو انيميا غير طبعا أنها مؤرقه جدااا ليها و بتكثر فى أوقات تغير الفصول خصوصا الربيع 🌺
بيكون شكلها زى النقط السمراء المنتشره على جسم القطه و خصوصا فى منطقة الرقبه و البطن أو بيكون شكلها زى تفل الشاى و لو فرقنا الشعر ممكن نلاحظ حركه الحشرات دى بكل سهوله 🥲
و العلاج عن طريق الامبولات أو الاسبراى القاتل للحشرات دى و بيكون في نفس الوقت آمن على قطتنا و بتحدد عن طريق طبيبك حسب عمر و شده الإصابة 👌
مع ضروره قص اى كلاكيع للشعر لانها بتكون بمثابه بؤره لتجديد العدوى تانى ✂️
لازم نشمس فرش البيت كله ☀️
أحرص دايما أنك تدى جرعات الحشرات لاليفك كل شهر 👌 حتى لو مش بيخرج خالص من البيت
الشاور 💧مهم في الجو الحر ده مرتين في الاسبوع و ممكن نستخدم شامبو علاجى ضد الحشرات 🚫
مع تمنياتي بدوام الصحه ليك و لأليف 🌹
