Royal Guard K-9

25/04/2023

13/12/2022

تطبيق سلالات الكلاب Dog Breeds

جميع سلالات الكلاب بالصور والمواصفات في تطبيق واحد اضخم انواع الكلاب اذكي انواع الكلاب اغلي انواع الكلاب تدريب جميع انواع الكلابجيرمن شيبرد روت وايلربيتبولما...

08/12/2022

رد فعل الجيرمن شيبرد وقت الخطر

https://youtu.be/xU7YH62QY-A

#جيرمان #كلاب

نتيجة تدريب كلب جيرمن علي الحراسة الشخصية كلب الجيرمن من افضل انواع الكلاب في الحراسةكوبر لابس كمامة جلد للكلاب في الفيديو أي حد محتاج مني حاجة يكلمني وقلبه ...

12/10/2022

🔹 كلبك بقى عنيد ومتمرد أو جبان أو عدواني ؟

➖ كلبك مش بيسمع لاوامرك و بيتصرف بعنف معاك ومع الي حواليك ، فضولي مع الغرباء أو بيخاف منهم أو بيهجم عليهم؟!

🔻 هنحللك الـمشـاكل دي .
لاننا بنقدملك كورسات مختلفة لتأهيل كلبك أنه يعيش معاك بطريقتك انت مش بطريقتة هو 🐕‍🦺 👇

🔗 تدريب طاعه اساسية
🔗تدريب طاعة متقدمة
🔗 تدريب شراسة وحراسة
🔗 تأهيل جراوي
🔗 تدريبات رياضية (جر -قفز- سباحة)
🔗تعديل سلوك (العدوانية - الخوف-العض-التواليت)

🔻 وكمان بنقدملك ضمان شامل علي تدريب الكلب مدي حياة يعني فى أي وقت تقدر تكلمنا نجيلك ونفكرة بجميع التدريبات
01158183308

27/09/2021

ازاي تختار مدرب كويس لكلبك واعمل حسابك أن هيا مره يا صابت يا خابت

مبدئياً كدة في كذا طريقة لتدريب الكلاب في منهم طريقه العقاب ركن مهم فيها بمعني الكلب بينفذ الأمر خوفاً من العقاب وفي طريقه تانية وهي تجاهل السلوك الخاطئ والمكافأة علي السلوك الجيد ودي طبعا المكافأة والحب الركن المهم فيها ، يبقي اول حاجة تعرفها انت عايز تدريب كلبك ب انهي طريقة
الطريقة السلبية بتاعت العقاب ولا الطريقة الإيجابية بتاعت المكافأة.

اعرف المدرب معاه شهادة معتمدة ولا لأ
مع العلم معظم المدربين في مصر مش معاهم شهايد وده مش معناه أن حامل الشهادة اكفء والعكس صحيح لكن حامل الشهادة اكيد بيبقي عارف الأساسيات في للتدريب.

اسأل عميل او اتنين عن رأيهم في المدرب والنتيجة الي وصلو ليها.

أتأكد أن المدرب بيخليك تشارك معاه في التدريب اول ب اول ويفهمك هو بيعمل ايه عشان في معظم الحالات المالك هو إلي بيبقي محتاج يتعلم.

التكلفة العالية مش بتدل علي جودة التدريب وبرضو متسترخسش عشان متقعش في حد يتعلم في كلبك 😁.

اها صحيح كنت هنسي بالنسبه بقي لكلاب الحراسة في مدربين بتأذي الكلب عشان ميثقش في حد لمرحلة لا امان للامان فيبداء يهجم علي اي حاجة بتتحرك ومدربين تاني بيبدؤ خطوة خطوة وبيهتموا أن الكلب هو إلي يبادر بالهجوم .

01158183308
01091486599

04/06/2021

04/08/2020

😂😂

29/03/2020

=هي الناس راحت فين😂😂😂

23/03/2020

Save your world with your friend ❤️❤️

09/03/2020

بيو بيو🔫🔫
موت يا شرير😂❤️👑
01158183308

02/03/2020

😂😂😂

28/02/2020

جلاكسي♥️👑

26/02/2020

الناس دي 😂😂😂

23/02/2020

الأدب فضلوه عن العلم 😄🤩

20/02/2020

ماذا ستفعل مع هذا العنيد؟

هناك خيارات عديدة ولكن اصلحها انك تجيبة مدرسة

الحارس الملكي عشان يدرب ويتأهل صح.

اية الميزة الي بتفرقنا عن بقيت المدارس؟

👈بنبعتلك فيديوهات أثناء فترة التدريب للكلب وبنشرح فيها أساسيات التدريب والتعامل مع الكلاب.

المكان : من المحور 26 يوليو - سلم المنصورية

او من ميدان الرماية طريق المنصورية ابو رواش.

كابتن هشام الأمين/ 01158183308

19/02/2020

كلمني عن الراحة النفسية الي هما فيها 😂❤️👑

15/02/2020

أنت اللي بتمشي كلبك؟ ولا كلبك اللي بيجري بيك؟ 😅 ..
كتير بيعانوا من مشكلة انو الكلب بيشد الليش و هو ماشي و في حالات بيجري منهم في الشارع
و ده معروف انو خطر على الكلب و على اللي بيمشيه بالذات لو فيه عربيات في الشارع 😱

احنا كخبراء هنساعدك بتدريب كلبك و بنقدملك الطرق و النصائح اللي تخلي تجربة المشي مع كلبك تجربة ممتعة و مفيدة بدون حوادث ولا قلق في مدرسة رويال جارد كيناين لتدريب الكلاب 🦮🤍

اتواصل معانا على رسائل البيدج 📨 و احصل على خصم ٢٥٪؜ على كورسات الطاعة و السلوك 👏🏻
المكان: المنصورية - الهرم 👑

🐾

15/02/2020

ولو الظروف هتسخف.. سقف سقف اوعا توقف 😂😂❤️👑

14/02/2020

♥️👑🐕‍🦺🐩

11/02/2020

ومعانا تاني مشترك مروان وكلبتة بسكولنيا 😂❤️
مروان عندة مشكلة ان بسكولنيا بتسمع الكلام في البيت لكن في الشارع مبتعرفهوش اصلاً على حد تعبيره 😂😂
مروان استغل الـ50% خصم و هيشترك في كورس الطاعة وهيدفع 1000 جنية بس 👑♥️

11/02/2020

ومعانا اول المشاركين
الاستاذ أمير وكلبة يوري البطل
يلا انت كمان تقدر تشارك وتاخد خصم 50%علي كورسات التدريب وخدمات الإقامة لما تصور فيديو لكلبك وهو بينبح بالأمر 👑👌

10/02/2020

لو كلبك بيعمل الأمر ده اعرف ان هو مدرب كويس جدا.
اشمعنا بقى الأمر ده بالذات امر النباح لان انت عمرك مهتعمل ضغط على الكلب عشان ينبح لكن ممكن تدوس على اخر ضهره عشان يقعد او تسحب الليش (السلسة) لتحت عشان ينام وهكذا لكن امر النباح الكلب بينفذو بدون اي خوف من توجية او شد بالليش.
ابعتلنا فيديو لكلبك وهو بيعمل امر النباح وهينزل على الصفحة بأسمك وهتاخد خصم 50% على كورسات التدريب والإقامة ولو كلبك مدرب طاعة اصلاً هنزود علية ونعلي كفائتة اكتر.
اسم الكلب:شيكو 3 شهور
النوع:هاسكي

09/02/2020

الحب و الاهتمام بيصنعوا المعجزات 💗😍🐶

08/02/2020

لقطه فريدة من نوعها لجروين واحد كوكيجن وواحد شيواوا لسه مولودين سبحان الله.

06/02/2020

الفرق بين الكلب الاليف الي عايش في البيت وكلب العمل الي بيشتغل في الحراسة والبحث وفض الشغب.. الخ)، زي الفرق بين الشخص المدني والعسكري يعني تدريبات كلب الشغل بتبقى عنيفة وشاقة عشان الكلب يستعد ل جميع ظروف العمل غير الكلب الاليف الي مطلوب منه حجات محدودة جدا زي انه يبقى مطيع ومش بيخرب مش بيأذي الناس والحيوانات التانية.
لو بتقابل اي مشكلة في سلوك كلبك اكتب في الكومنت او على رسايل الصفحة ونجاوب على استفسارك ونخليك تعدل السلوك ده بايدك 😍👑💪

31/01/2020

🌷 جمعة مباركة 🌷
شاركنا في التعليقات 🔽 بمعلومتين تعرفها عن الكلاب 🐕🐩🦮🐕‍🦺
———
نوع الكلب في الصورة: دوبرمان Doberman Pinscher

29/01/2020

شخصية الكلب وادراكه وانطباعتة للاشياء من حوله بتتكون من التجارب والاحتكاك ب هذه الأشياء اذا كانت كائنات حية او جماد.
يعني ايه الكلام ده؟!
يعني لو انا عندي جرو صغير عندة 45 يوم يدوب وعية للحواليه قليل جدا، لسه هيكتشف ان في قطط وفي عربيات وفي أصوات عالية وطبعا كل كلب حسب البيئه الي عايش فيها، كل مهيكبر في السن كل مهيشوف ويتعرف على حجات اكتر ويمر بتجارب اكتر انت مهمتك ك مربي انك تخلي كلبك يشوف الشارع والناس ويحفظ المنطقة والبيت الي عايش فيه ويحتك بالبيئة بتاعتة من صغرة، النزول والجري مهمين جدا لكلبك لصحتة النفسية والجسدية جرب كده وهتحس بفرق رهيب على الكلب.👑

28/01/2020

فيه نوعين من مربين الكلاب من ناحية الخبرة
دي أهم الفروقات بينهم و اللي هتساعدك تطور نفسك و تربي كلبك بطريقة بروفشنال أكتر 👑
——————
By 🐾

22/01/2020

أشهر ١٠ أنواع كلاب في مصر

الحياة من غير كلاب مالهاش طعم ! و اللي ربى كلاب قبل كده يعرف انه الإنسان ما يعرفش الحب الحقيقي الا لو جرب تربية كلب أليف 🥰
دول مخلوقات بريئة و جميلة و ذكية، دايمًا بيعلمونا ازاي نحب من غير حدود و نعطي بدون أنانية، بيعلمونا الصبر و الليونة في التعامل و المعنى الأصيل للفهم من غير ما نحكم على الغير.

الرائعين محمد خيرت و نينا عواد بمساعدة فريق Dubizzle عملوا بحث قدروا يعرفوا من خلاله أشهر أنواع الكلاب المحببة للشعب المصري.

✨♥️ ((( لو نفسك تنقذ روح أليفة خد لفة على الملاجئ المصرية زي ESMA و Touch Of Life و ESAF ))) ♥️✨

1. كلب الراعي الألماني German Shepherd
الكلب ده معروف بحجمه الكبير و اللي أصله من ألمانيا هو أكتر كلب معروف عند المصريين.
دي كلاب نشيطة جدًا و عندهم الدافع للتعليم و التدريب.
ليه الكلاب دي أكتر كلاب مشهورة في مصر؟ غالبًا بسبب العرف اللي بيقول انهم كلاب حراسة ممتازة.

2. بوكسر Boxers
حجم متوسط و شعر قصير، النوع ده برضو اصله من ألمانيا. الكلاب دي لعوبة و نشيطة جدًا. صبرهم و اهتمامهم خصوصًا مع الأطفال خلاهم معروفين عند العائلات اللي بتدور على حيوان أليف ينضم لبيتهم.

3. لابرادور ريتريڤر Labrador Retrievers
الكلب ده من اكتر الأنواع الرياضية و اللعوبة، هم ثالث نوع معروف في مصر لكن اكتر نوع محبوب في استراليا، كندا، نيوزيلاندا، المملكة المتحدة و أمريكا.
كمان الكلاب دي المساعد المفضل لذوي الاحتياجات الخاصة و بالذات المكفوفين.

4. جولدن ريتريڤر Golden Retrievers
الكلاب دي ماهرة جدًا بالصيد و تقليديًا كانت بتساعد الصيادين انهم يمسكوا البط و الطيور مثلًا.
دي كلاب مطيعة جدًا و مشهورة لأن تدريبها سهل. مع كده خليك حذر: الكلاب دي بيقلشوا شعر كتير جدًا و محتاجين عناية و تسريح مستمر!

5. جريت دين Great Dane
الكلاب العملاقة دي بتحب الأحضان جدًا! و مع كبر حجمهم الا ان شخصيتهم ودودة جدًا و حتى ودودين و محترمين مع الكلاب التانية كمان. مع العناية المناسبة بيبقوا كلاب ممتازة مع الأطفال و العائلة بس بيتطلبوا حب و اهتمام في المقابل.

6. سنت بيرنارد St. Bernard
النوع ده في الأصل تم انتاجه بهدف أعمال الإنقاذ. الكلاب العملاقة دي (مع انها مش بحجم الجريت دين) صبورة، و لطيفة و هادية.
هم زي الطفل الكبير الحنون الطيب اللي نفسه بس تحبه زي ما بيحبك.
تحذير بخصوصهم: يفضل انك تدربهم و تعودهم على الناس و الحيوانات التانية من صغرهم لأن لو كبروا هتكبر مشاكلهم و يبقا صعب التعامل معاهم.


7. روتڤايلر Rottweiler
الكلب ده كان بيستعمل أساسًا في الرعي، لكن النهاردة غالبًا بتستعمل في الانقاذ، او تكون كلاب مساعدة لذوي الاحتياجات الخاصة، و ككلاب حراسة.
الكلاب دي طبيعتها جيدة و مطيعين جدًا و مشهورين في مصر لأن عندهم وعي فائق بكل اللي حواليهم. هادية بس قوية و يتطلبوا عناية كبيرة و اهتمام.

انعدام المسؤولية تجاههم او التعنيف او قلة الاهتمام بيكونوا سلوكيات خطيرة. في النهاية اي سلوك خطير ينتج عن الكلب هو نتيجة استهتار المالِك و قلة اهتمامه و قلة احترامه للكلاب القوية دي. 😤

8. دوبرمان Doberman Pinscher
كلب الدوبرمان تم انتاجه للحراسة الشخصية. بجانب صفات زي الحجم الكبير و الشكل المرعب و الشجاعة الكافية عشان يحموا صاحبهم. الكلاب دي النهاردة طيبة اكتر و بيعبروا عن الولاء و الذكاء العالي.
غالبًا الكلاب دي بتخدم مع الشرطة و بتستعمل ككلاب حراسة، لكن دلوقتي ناس كتير بيحبوا يقتنوه في البيت و معروف النوع ده بأنه نشيط، مطيع، واعي، و مدافع.

9. بيتبول Pittbulls
النوع ده تم انتاجه ككلب قتال. البيتبول النهاردة بيسببوا جدل في السوشيال ميديا و حول العالم.
السوشيال ميديا صورت الكلاب دي على انها خطيرة و عنيفة. التنميط ده توسّع لدرجة ان استراليا حظرت استيراد النوع ده و تعقيم و اخصاء اي بيتبول في البلد عشان تنفي وجودهم. 🥺
و بالرغم من تكرار حوادث هجوم الكلاب دي، آراء الخبراء بتقول انو الكلاب المدربة و المقدم ليها العناية المناسبة هي كلاب اقل عدائية .. النوع ده مش بيكون خطير الا لو حسوا انهم مهددين او عاملتهم بشكل غير صحيح او اتعرضوا للإهمال.

10. دالميشن Dalmatian
لو اتفرجت على فلم ديزني "١٠١ كلب دالميشن" يبقا نوع الكلاب ده غالبًا كان نوعك المفضل خلال طفولتك.
الكلاب دي متوسطة الحجم و رياضية و غالبًا بتستخدم ككلاب انقاذ (عمليًا كلاب مطافي)، بس ممكن كمان يكونوا حرّاس ممتازين و فرد نشيط من العائلة. مع ذلك ممكن يواجهوا مشاكل صحية متعددة و الناس اللي عايزين يرحبوا بكلب زي ده في بيتهم لازم يبحثوا كتير قبل ما يقرروا !
____

شاركنا في التعليقات بنوع كلبك، ايه نوعك المفضل من الكلاب و النوع اللي نفسك تربيه؟ 🔽
....................................
المصدر :

https://egyptianstreets.com/2015/01/12/14-dogs-egyptians-love-the-most/

By: 🐾

21/01/2020

ازاي تختار نوع الكلب المناسب لك؟

لو انت مهتم تعرف نوع الكلب المناسب لك او محتار ايه شكل و نوع و عمر الكلب اللي عايزه كصاحب الموضوع ده طويل شوية لكنه يستحق القراءة بعناية :-

خلينا نقول ان فيه عوامل متعددة لازم تعمل حسابها قبل ما تختار كلب. و الأهم انك تشوف نظام حياتك و تعرف ايه التعديلات اللي انت مستعد تعملها للكلب.
شوف احتياجات اسرتك، خصوصًا لو عندك اطفال او اقارب كبار في السن او حيوانات اليفك تانية في البيت، كمان احسب حساب الناس اللي بيعانوا من حساسية تجاه الكلاب و الناس اللي بتفضل انو الكلب ميوقعش شعر كتير.
فكر بخصوص الحجم المناسب، مستوى طاقة الكلب، و عمر كلبك الجديد. و خليك فاكر ان امتلاك كلب يتطلب التزام صارم و مسؤولية كبيرة.

الحجم

ممكن تكون انت قررت فعلًا انك تجيب كلب صغير زي الجريفون او الشيتزو يعني كلب لعبة تشيله معاك في كل مكان او ممكن قلبك بيميل أكتر للكلاب الكبيرة او الضخمة زي الهاسكي او الجريت دين. لو مش قادر تقرر بين الاتنين يبقا الكلاب متوسطة الحجم هي اختيار مناسب.

الكلاب الصغيرة رقيقة و معرضة للخطر بشكل أكبر، زي انك تدوس عليها او تمسكها بطريقة غلط دي حاجة ممكن تسبب لهم مشاكل كبيرة، بجانب انو الكلاب الصغيرة ممكن تكون حساسة بشكل اكبر للحرارة المنخفضة و متستحملش البرد، لذلك خليك مستعد انك تدفيهم على طول.
على فكرة! الكلاب الصغيرة بتحتاج تدريب طاعة كمان، بعض الكلاب الصغيرة ممكن تكوّن شخصية متسلطة و عنيفة غالبًا عشان تعوّض النقص اللي بتحسه نتيجة صغر حجمها، كون مستعد لحالة زي دي.

الكلاب الكبيرة جدًا محتاجة مساحة اكبر تتحرك فيها. الكلاب الكبيرة المبسوطة بتحتاج مساحة بحيث انو حركة الديل متسببش خراب لأنتيكات البيت أو حتى تعور ديل الكلب نفسه.
حاجة تانية تاخدها في الاعتبار هي المصاريف، كلما زاد حجم الكلب كلما زاد سعر حاجته زي الاكل او اطباق الاكل و الالعاب و الاطواق و حتى العناية الطبية بتبقا أغلى.
ما ننساش انو التدريب برضو مهم جدًا هنا؛ لو جبت جرو جيرمان مثلًا و عاملته كأنه كلب لولو من صغره هيكبر و يدوس عليك و هو ماشي ، حرفيًا!! 😂😅

مستوى الطاقة

تقريبًا كلنا عارفين انو بعض الكلاب طاقتها أكبر من غيرها. مستوى طاقة الكلب غالبًا بيبقا متحدد من نوع الكلب. بس ده مش معناه انك تعتمد على نوع الكلب بس عشان تعرف مستوى طاقة الكلب هيبقا قد ايه. كل الكلاب لازم ليهم تمرين روتيني بغض النظر عن النوع و الحجم، لذلك اتأكد انك هتعرف توفر الحاجة دي للكلب.
لو انت عارف انك مش هتقدر تلتزم بساعتين او ساعة على الاقل تمرين في اليوم، فالأفضل لك انك تختار كلب مستوى طاقته اقل زي الباسيه هاوند او البولدوج. لو عاوز كلب يشاركك الركض او متسابق لياقة خد في الاعتبار انك تجيب البوردر كولي.
خليك على استعداد انك تضبط كمية التمرين و الاهتمام اللي بتديه لكلبك.
الكلب اللي بينبح كتير و يخرب البيت و سلوكه سيء بطريقة او بأخرى ده غالبًا بيبقا محتاج تمرين و لعب أكتر، اغلب المشاكل السلوكية بتبقا نتيجة الطاقة المفرطة.
للأسف فيه كلاب كتير بتترمى او حتى بتقتل قتل رحيم بسبب مشكلة سلوكية كان ممكن يتم تجنبها بالقدر المناسب من التمارين و الاهتمام.

العناية الجسدية

شكل الكلب له دور كبير في تحديد احتياجاته من حيث العناية. كل الكلاب بتحتاج تسريح grooming أساسي بس بعض الانواع بتحتاج عناية اكتر و ده بحسب نوع شعر الكلب. لو هتجيب كلب بشعر بيطول على طول يبقا لازم توفر عناية متقدمة للشعر تسريح و قص.
اغلب الكلاب اللي شعرهم قصير و ناعم بيقلشوا شعر كتير و دول محتاجين نظافة اكتر.
خلي بالك انو الكلاب اللي عندها ودان طويلة زي الجولدن ريتريفر معرضين اكتر للإصابة بأمراض الاذن و بيتطلبوا تنظيف اكتر و فحص مستمر لودانهم.
فيه مالكين كتير للماستيف او البلود هاوند و الكلاب اللي شبههم بيكونوا شايلين معاهم مناديل او قطعة قماش عشان يمسحوا بيها لعاب الكلب لأن الأنواع دي لعابها بيسيل اكتر من الباقي.

العمر

الجراوي بتحتاج أكبر قدر من التدريب و الاهتمام خصوصًا خلال الست شهور الأولى. خليك جاهز لتوفير اغلب وقتك لتعليم البوتي "الحمام" و تربية جروك الجديد.
غالبًا كلبك الجديد هيعمل حمام في اماكن غلط في البيت و ممكن يعضعض العفش و حاجتك الشخصية، المشاكل دي هتتحل بالتدريب الصح و المستمر لكن الصبر ضروري جدًا في الحالات دي.

الكلاب البالغة ممكن تكون اختيار ممتاز، الكلب البالغ ممكن يكون اختيار افضل لو انت عايز فكرة كويسة عن مقدار الطاقة و الاسلوب و قدرة تحمل الكلب الجديد. بس مش معنى ان الكلب بالغ فتفتكر انو متدرب، عشان كده انت لازم تكون متوقع درجة معينة من الالتزام على التدريب في البداية.

المفروض ما ننساش الكلاب الكبيرة في السن !
الترحيب بكلب كبير في السن في بيتك هو طريقة جميلة جدًا تنعش بيها سنين الكلب الذهبية. لسوء الحظ انو الكلب لما بيكبر في الملجأ نادرًا لما حد بيتبناه و غالبًا بيقضوا باقي حياتهم في الملجأ.
الكلب الكبير في السن ممكن يكون صاحب رائع لو انت بتدور على كلب مستوى طاقته قليل. مع ذلك مهم تعرف ان كلبك الكبير في السن له احتياجات خاصة من ناحية الاهتمام و الزيارات للطبيب البيطري و ممكن يتعرض لمشاكل صحية بتستهلك وقت و فلوس اكتر للتعامل معاها.
لكن طبعًا انت مش هتقضي وقت مع كلبك الكبير في السن اكتر من الوقت اللي ممكن تقضيه مع الجرو او الكلب البالغ.
لو انت عندك الارادة انك تتقبل المسؤولية فكر انك تتبنى كلب كبير في السن لأن دي ممكن تكون اكتر حاجة رؤوفة ممكن تعملها بحق المخلوقات الغالية دي.

النوع

انواع الكلاب النقية (purebred dogs) بلا شك منتشرة و معروفة، ناس كتير ممكن يحبوا نوع كلاب معين لأسباب مختلفة. ربما تكون عشت و اتربيت مع نوع معين طول حياتك و ممكن تكون بتحب نوع عشان شكله عاجبك او بتحب شخصيته او ممكن حتى تكون معتقد ان النوع ده مناسب ليك بناءً على اللي قرأته او سمعته عن نوع الكلاب ده.
لو انت عايز نوع كلب نقي اتأكد انك تبحث و تقرأ كتير عنه.
حدد لو انت عندك استعداد انك تسيطر على التحديات مع مزاج الكلب و احتياجات العناية بالشعر و المشاكل الصحية الخاصة بنوعه. اتأكد ان نوع الكلب هيتناسب مع عائلتك و نمط حياتك و بعدها دور على مزرعة نظيفة او مالك مسؤول ذو سمعة كويسة للنوع اللي انت عايزه.

الكلاب المخلطة أو الكلاب البلدي ممكن تكون اضافة رائعة لحياتك. الدمج بين نوعين كلاب او اكتر غالبًا بيوازن شخصياتهم و صفاتهم الجسدية بس دايمًا اتوقع الغير متوقع، بالذات لو انت هتتبنى كلب مشرد لأنك متعرفش شكله هيبقا عامل ازاي لما يكبر و متقدرش تتوقع المشاكل الصحية.
خبراء كتير بيقولوا انه الكلاب المخلطة اقل عرضة للمشاكل الصحية من الكلاب النقية بجانب انه بتبقا طبيعتهم جيدة و اذكياء.

By 🐾
—————-
المصدر:

https://www.thesprucepets.com/how-to-choose-the-right-dog-1117320