青山獸醫診所

08/02/2021

相信各位同工尋日都已經知道呢件事，而港島嘅診所都可能已經有接收到相關嘅狗狗。

忠誠勇毅同埋愛護動物協會都聲稱已經處理緊相關事件，但係到今時今刻各獸醫診所都係仲未收到有關毒物嘅任何消息又或者任何由忠誠勇毅或其他正苦部門嘅指引。如果中毒嘅係人類，又會唔會超過廿四小時都仲未驗到係咩呢？

由於唔知我哋要處理嘅係乜嘢毒藥，我哋而家可以做嘅就只係一啲比較大包圍處理吞食毒物嘅療法。而且呢個毒藥藥性甚強，大部分毒發嘅狗狗其實都已經救唔返。

各位主人暫時避免去數碼港、淺水灣及西貢一帶。放狗亦要留意狗狗會唔會亂執嘢食，有需要可以選擇使用豬籠嘴口罩減低狗狗接觸到毒物嘅機會。

另外，喺呢個正苦凡事不作為嘅香港，被好多主人投訴向錢看嘅VSH 反而係第一個提供有用資訊嘅機構。今日下晝佢哋已經send 咗email去全香港嘅獸醫診所，除咗提供相關醫療資訊，亦都提供咗一個平台畀獸醫們交換資訊。
辛苦晒你哋 Veterinary Specialty Hospital of Hong Kong - VSH - 香港專科獸醫醫院 同其他努力幫助緊呢班無辜狗狗嘅同行。

最後，落毒嘅渣滓，本刀祝你中武肺發兼有嚴重併發症但係死唔去，長命百歲百病纏身。

By 氣沖沖夾硬拉埋其他Admin 落水嘅
百辟刀

🚨緊急通知所有狗主人！！！🚨

請注意並分享給其他狗主人！！

VSH直至目前為止已收到了6宗懷疑狗隻中毒個案。所有的狗隻都在2021年2月7日去過數碼港。狗主人發現於接觸後約由兩小時到12小時之內出現的症狀先是氣喘和躁動不安。

隨著數碼港（薄扶林）、The Pulse商場（淺水灣）和西貢的狗隻中毒事件不斷增加，我們建議所有狗主人避開前往以上地區，在任何時候狗隻都以狗帶牽引，散步時需格外留神注意任何可疑物品，防止狗隻進食可疑食物，必要時戴上筐狀口罩。另外，先記下住處附近的急症獸醫診所地址以備不時之需。如果您懷疑狗隻吃了一些可疑或未知的東西，或發現任何異常症狀，請立即帶同您的寵物到獸醫診所求醫。

有兩隻生命小鬥士於本院正在奮斗中，VSH的急症獸醫及專科獸醫，包括深切治療及急症專科 - 石志榮醫生，不僅日以繼夜地努力拯救病患，而且更積極地記錄及研究這種毒藥的副作用。本院團隊正努力不懈地開展拯救生命的道路，並將竭盡所能阻止這些蓄意可怕的襲擊。

警方亦呼籲市民如有任何與該案有關的消息提供，可致電3660 6611 / 9824 1367 (24小時)或電郵至 [email protected] 與西區警區重案組第一隊聯絡，及致電 2711 1000 或電郵至 [email protected] 聯絡愛護動物協會調查員。

香港及九龍專科獸醫醫院的急症服務全年無休，24小時營業。如果您有任何疑問或疑慮，請致電2408 2588。

注意安全！！

專科獸醫醫院 - 香港，灣仔道165-171號地下至2樓
專科獸醫醫院 - 九龍，何文田自由道7號地下至1樓

🚨URGENT WARNING TO ALL DOG OWNERS!!!🚨

PLEASE BE AWARE AND SHARE THE WARNING TO OTHER DOG FAMILIES!!

Sadly, VSH’s Emergency Service received six suspected dog poisoning cases as of last night. All of the dogs have been to Cyberport on 7th February 2021. The first symptoms seen by the dog owners are increased panting and restlessness, and can start anywhere between 2 hours and as long as 12 hours after exposure.

With the increase in reported dog poisonings in Cyberport (Pok Fu Lam), the Pulse (Repulse Bay) and in Sai Kung, we would recommend all dog owners to avoid these areas, keep your dog on short leashes at all times, keep an extra eye out for suspicious items on walks, prevent your dog from eating anything outside, and put a basket muzzle on if necessary. Also, know where your closest veterinary emergency service facility is. If you suspect your dog might have eaten something suspicious or unknown, or if you see any unusual symptoms, please bring your pet to the emergency veterinarian immediately.

Two of the poisoned patients are still fighting for their lives at VSH. VSH emergency veterinarians and specialists, including emergency and critical care specialist Dr Erik Zager, are not only working around the clock to try to save patients, but are aggressively documenting and researching the effects of this poison. Our team is leading the way to the possibility of life-saving treatment and are currently collaborating with the police to help in any way we can to stop these deliberate and horrible attacks.

If anyone has any information related to the poisonings, please contact the Police Hotline at 3660 6611 / 9824 1367 (24-hr) or email to [email protected] and the SPCA Inspectorate at hotline 27111000 or email to [email protected].

VSH Emergency Services are open 24 hours a day, 7 days a week on both sides of the harbour. Please call 2408 2588 if you have any questions or concerns.

STAY SAFE!!

VSH Hong Kong G/F-2/F 165-171 Wan Chai Road, Wan Chai
VSH Kowloon G/F-1/F 7 Liberty Avenue, Ho Man Tin

22/12/2020

by 犯太歲的姑娘

話說我同事(簡稱S)接到一個電話，依個女人唔係我地嘅客，只係之前打過嚟問嘢，但係就從來未嚟過我哋診所。

以下事件發生時我坐係S隔離，嗰時我只係覺得點解個電話講咁耐，同埋點解S係咁捶打我……

個女人一開波就話要同我地醫生講電話，咁S緊係唔制啦，就問佢咩事，個女人就鬧我地點解做獸醫診所只係顧住賺錢，毫無醫療道德。S就一臉黑人問號咁，嘗試理解個女人到底up mud 9。

原來個女人因為隻狗行得唔好而睇過其他醫生，咁嗰位醫生就話要長期打骨針，但個女人就好不滿每次都要收藥費+注射費。咁可能嗰個醫生都頂佢唔順，所以就俾骨針佢自己返去打。

個女人就係咁同S拗，唔應該收注射費。S就答標準答案「每間診所做法唔同，我唔係佢哋員工，唔方便評論人哋診所」。

咁個女人可能見無位入就鬧S(我都唔明點解關我地事？_？)點解可以立亂俾客人自己打針，如果打到流血咁點算blah blah blah。咁S就話其實好多客人經教導下，都可以自己打針、打皮下水、篤耳仔驗血糖等等。個女人就deadair咗，跟住仲cut埋線……

12/10/2020

我反而想知，當佢帶貓睇獸醫嗰陣又會唔會叫個獸醫順手幫佢睇埋呢？

BTW, admins 都好鍾意睇 診所低能奇觀。

有日一位女士睇完醫生，等攞藥。
我：「可以攞藥啦」
佢行埋嚟聽我講解啲藥點食。
我：「呢度三百蚊呀，病假紙收據放埋喺袋入面」
佢：「我仲有啲嘢想請教你」
唔好啦，多謝啦，我區區一個診所小賤人點教到你嘢呀，唔好咁客氣啦。
我：「你要唔要入返去問醫生？問醫生好啲喎」
佢喺自己袋度拎出兩個小藥袋：「呢啲係咪藥嚟呀？」
我望望，獸醫診所…
我：「係呀，不過係獸醫處方喎，你有唔清楚嘅地方去問返佢好啲」
佢：「我見個藥名好熟面口，係咪人食都得呀？」
我：「獸醫開俾動物食嘅，同人食嘅份量唔同啊」
佢：「呢隻呢…我好似喺你哋啲藥入面見過，你可唔可以幫我睇吓係咪呀？」
我：「你其實想問啲咩呢？」
佢笑笑：「哎呀，你咁直接問到我真係唔好意思」
我想打巴你。
佢再講：「唔知你可唔可以幫我放多幾粒落去俾我看門口呢？」
唔可以。
我：「你要配動物藥嘅話去返獸醫診所啊」
佢：「獸醫冇得claim嘛，我要幾粒看門口㗎咋，未必食㗎」
你講到我份人咁隨便，其他人又點會俾面？
我：「我唔會咁樣出藥俾你㗎」
佢：「我想知點解喎？順手咋喎，我成日喺度睇㗎喎，幾粒咋喎」
以閣下嘅智慧確實係幾難理解。
我：「你都唔會去獸醫診所度拎自己食嘅藥啦…你係人，唔係動物呀嘛」
佢『喵～』咗一聲：「我會呀，我係貓呀」
喵你屎忽，你去死啦。
我：「…你唔好咁啦，見你咁樣我都好難過，不如你去出面啲藥房問吓啦，應該唔係好貴嘅啫」
佢：「我唔想俾錢先嗌你放幾粒落去咋嘛，我明明記得你都有呢隻藥，個英文名又係有L有O」
我俾個『LOVE』你，你快L啲同我走，OK？
我：「我真係俾唔到你」
佢放低三百蚊：「咁我以後去第二度睇囉」
佢離開咗診所。
以後你係咪去睇獸醫呀？獸醫貴啲㗎喎，你老闆收唔收獸醫寫嘅病假紙㗎？咪住先，獸醫會寫病假紙㗎咩？

18/08/2020

by 一個就黎比人磨滅意志的VA

相信好多人都好似我咁
不停搵一間啱自己嘅診所
好多時都可能做咗兩三個月就走. 我估都係呢一行嘅習俗.
好彩嘅就遇上一間診所做長時間. 唔係 就醫生恐怖一係就 老屎忽做怪 忍唔到就走.

我真係好唔明白點解做呢一行特別多老屎忽 . 有啲人話 做va 要對生命要負責任 所以就會特別嚴格. 其實我明呢一個道理 但係點解遇上嘅老屎忽唔係對工作上嘅嚴格. 係對人事嘅嚴格 . 做埋一啲唔合理嘅嘢 . 當新人好似玩具咁樣玩 唔啱傾嘅就踢你走 .

我都係打份工姐我唔係喺度同你地玩人情遊戲 . 我揀得呢一份工係因為我對動物 出於熱愛 . 我錯咗嘅我希望你哋同我講 俾時間我去改善 . 但係佢哋只會係你背後講你壞話 .

我開始對呢一行失去熱成.
連見咗工嘅 都唔想再去做.
好驚都係遇上呢啲人.

16/08/2020

by 冬菇receptionist

純粹想講同好多間動物醫院姑娘電話都有唔少溝通
發現
大家把聲好好聽，有時feel到大家做到甩碌講野啲語無倫次好cute
係咁多lol
加油，放工又一條好漢

10/03/2020

by 食死貓食飽嘅人

針對近期 '獸醫報料大聯盟' 嘅其中一個 post 。想請各位評下理。動物當時黎睇後腳 limping 。
身為獸醫/正常人會點做？
1. x ray 照心肺
2. x ray 照後腳

我選擇後者。
但主人嘅男友係'放射技術 工作係幫人照 x ray' 竟然見到 '心有異常 有粒野'。
真心覺得自己學藝不精竟然唔知道心臟原來位於後腳。好想向呢位男朋友請教一番， 以後有咩事都必定搵此人照x ray。

06/11/2019

有一班同行喺telegram討論緊成立工會同埋罷工事宜
如果仲未入group/想入group, 可以pm我地

利申個group唔係我地開

14/10/2019

今晚，中環要人。

27/08/2019

較早前收到一位同行嘅inbox, 希望各位獸醫界嘅人士都可以支持。留意返，呢個係一個實名聯署。admin我行得正企得正😊未L驚過所以已經簽咗。

「Admin們你地好！

醫療界而家發起緊一個實名聯署爭取五大訴求，link在此:
https://docs.google.com/forms/d/e/1FAIpQLSeqs40q29ckpoFo4SoazJUkDd6kyqF-Uq-WfXrlY9v8YcO0LA/viewform
考慮到今次運動令到不少家中寵物，流浪動物，甚至係城大動物醫療中心住院既貓隻不必要地受到催淚氣體影響，再加上有同行係現場擔當急救人員時身體受到嚴重永久傷害，我想請你地幫手呼籲一下同行們加入呢個聯署！

我同聯署既admin聯絡過，已經係list入面加入獸醫同埋獸醫護士/助理。由於現時VA並無註冊制度，所以可能會被要求提供職員証/証書等核實身分。

萬分感謝🙏🏼
香港人加油！」

各聯署人請留意： 1. 聯署將以登報為目標，聯署人需要參與稍後之眾籌活動以支持登報費用 2. 聯署目標人數為10日內（2019年8月13日23:59前）達到7000人或以上，眾籌將於聯署達到目標人數後開始 3. 每位參與眾籌人仕之最低資助額...

17/08/2019

是的沒錯，青山獸醫診所又嚟深夜先發文。
本來應該尋晚出嘅post被個19學會打擾到，要等到而家先有時間出。

唔講廢話，請大家食粒核彈級催淚彈😭

嚴格嚟講，而家已經係8月18日，一陣維園見。

香港 加油

#香港人加油

#光復香港時代革命
#五大訴求缺一不可
#因果由國容港治己

2019年夏天，香港人展開了一連串反【逃犯條例修訂】修例活動，該條例嚴重威脅及影響一國兩制。時至今日，香港政府不但沒有回應市民五大訴求，更選擇縱容香港警方一次比一次更暴力的鎮壓，務求以白色恐怖平息民怨。 由2...

16/08/2019

#香港獸醫護士學會並不代表我
＃HKVetNurseAssociationNotRepresentingMe

今日，香港獸醫護士學會發出有關香港現時社會問題的聲明，本專頁表示極不認同。

英國皇家獸醫學會（RCVS）註冊獸醫護士誓詞如下：
" I PROMISE AND SOLEMNLY DECLARE that I will pursue the work of my profession with integrity and accept my responsibilities to the public, my clients, the profession and the Royal College of Veterinary Surgeons, and that, ABOVE ALL, my constant endeavour will be to ensure the health and welfare of animals committed to my care."

澳洲獸醫護士議會（VNCA）獸醫護士專業守則亦有以下條文：
" General Standard
iii Shall act at all times in the best interests of the animal (subject only to the instructions of the owner/keeper and employer), and in such a manner as to justify the trust and confidence of the public and to uphold the good standing of the veterinary profession."

毋庸置疑，作為獸醫護士，守護動物健康與福利是我們的首要宗旨。

當催淚性化學煙霧彈在香港唯二之一的動物專科醫院—城大動物醫療中心外無限量發放時，院內的工作人員（包括獸醫護士）及病畜不是受到不必要的驚嚇及健康威脅？

當7.21元朗恐襲當天及過後，元朗的獸醫診所不是活在白色恐怖中，連返工放工都要擔驚受怕？

當警民對恃時，在場的真．警犬不是在面對大量群眾時表現出強烈不安，甚至在毫無保護裝備下被置身於催淚性化學煙霧中？更遑論慘糟催淚性化學煙霧波及的各界寵物及野生動物。

以上種種真的是獸醫護理行業沒有受到威脅？動物的健康與福利沒有受到威脅？

期望我們有一個和平與互相理解的未來

獸醫護理界茶餘飯後放負專頁 青山獸醫診所Admin
羅Sir 百辟刀 黑面神 胃扭結

P.S. HKVNA page已經消失，多謝各界同工落力表達意見。

Today, the Hong Kong Veterinary Nursing Association issued a statement regarding the current social situation in Hong Kong. We as admins of this page would like to express our strong disagreement.

According to the Royal College of Veterinary Surgeons (RCVS) Declaration on professional registration:
" I PROMISE AND SOLEMNLY DECLARE that I will pursue the work of my profession with integrity and accept my responsibilities to the public, my clients, the profession and the Royal College of Veterinary Surgeons, and that, ABOVE ALL, my constant endeavour will be to ensure the health and welfare of animals committed to my care."

And according to the Veterinary Nurses Council of Australia (VNCA) Code of Professional Conduct:
" General Standard
iii Shall act at all times in the best interests of the animal (subject only to the instructions of the owner/keeper and employer), and in such a manner as to justify the trust and confidence of the public and to uphold the good standing of the veterinary profession."

As a veterinary nurse, there is no doubt our fundamental principle is to protect animal health and welfare.

CityU Veterinary Medical Center, one out of only two referral clinics in Hong Kong, was affected by tear gas. Is this not considered a health threat and poses unnecessary fear to all hospital staff (including veterinary nurses) and sick animals?

During the 21.7 Yuen Long Attack and the day after, were the local clinics living in white terror and the staff fearing for their own safety just to transit between work and home?

During the police confrontations, the real police dogs expressed signs of anxiety having to face large crowds and were exposed to chemical tear gas without any protective gear. Not to mention the innocent pets and stray animals also affected by the tear gas.

Is it true the veterinary nursing industry is not targeted or threatened? Was there no violation in animal health or welfare?

Wishing all of us a peaceful and enlightened future.

From the Green Mountain Veterinary Clinic FB admins –
Mr Law, Hundred Knives, Black Face God, Stomach Kink

P.S. Thanks to all our fellow colleagues expressing their opinions, HKVNA FB page has disappeared.

16/08/2019

獸醫護士學會不代表我
（至少不代表此專頁的三位獸醫護士admin）

14/08/2019

8月17日晚，有動物保護團體聯合動物醫護界、訓犬師及前線記者等發起集會投訴警察罔顧動物權益濫用暴力。今次集會已經有不反對通知書，係一個合法嘅集會。

獸醫／動保界喺其他事情上或者會有分歧，但對於保護動物、維護動物福利呢一方面我相信大家都係一致嘅。希望今次大家可以團結一致，為今次政治爭議中無辜嘅動物發聲。

P.S. 雖然AnimalSaver HK之前活動有搵過民建聯葛(好似係)博士幫手，但係今次佢哋講咗唔會有議員出面。如果當晚有任何建制派議員出席騎劫，獸醫界齊齊拉大隊走！

到時見。

未得到其他Admin同意就擅自出Post嘅百辟刀

［手動轉］
大家好...
本會Animalsaver HK已收到不反對通知書,我們確定於8.17晚上7:30於愛丁堡廣場舉行集會。
是次集會目的:强烈譴責警方於示威場合中出動警犬,更在狹窄民居不斷施放催淚彈,嚴重引至動物不適。
當晚本會聯同獸醫及動物醫護界、訓犬師及前線記者等發起集會投訴警察罔顧動物權益濫用暴力。事實上警察過去的失控暴力行為已經奪去一位香港獸醫助護的眼睛，我們對此深感痛心。動物權益界推崇愛護生命、尊重動物，我們強烈要求警察嚴守警例及法例，立刻停止濫用暴力，保護香港市民保護眾生。
本會更誠邀所有關顧動物權益團體或人士出席集會。

今次集會四大訴求：

1)要求警方停止帶警犬處理示威活動；或利用警犬向民眾作出挑釁行為。
2)要求警方做好保護警犬措施,更不可在警犬出現範圍內發射催淚彈或其他有害物質；
3)要求警方停止在民居範圍發射催淚彈或其他有害物質以保障家居寵物及社區浪浪等
4)要求警方停止濫用暴力,以確保不會再發生同類獸醫助護;於前線擔任急救人員時被射盲眼睛的嚴重傷害。

集會資料
日期: 2019年8月17日
時間: 晚上7:30至9:30
地點: 中環愛丁堡廣場
衣著: 黑衣 或 Scrub Top

PS 本會不建議帶同寵物出席一些集會遊行等活動,但如市民一定要帶,必須自行妥善照顧好自己寵物

Dear All,
We have received the letter of no objection issued by the Hong Kong Police. It has been confirmed that we are conducting an assembly at Edinburgh Place, Central at 7:30pm August 17th (Sat), 2019.

The purpose of the assembly is to condemn the inappropriate dispatch of police dogs at the scene of public demonstration and the misuse of tear gas near residential areas, which consequentially has caused multiple symptoms to the animals.

We unite with representatives of veterinary groups, animal welfare groups, dog trainer groups, as well as frontline press for this combined assembly.

As a matter of fact, HK Police has displayed a series of uncontrollable violent acts which consequently seriously injured a veterinary nurse. It has been recently confirmed that vision in her right eye has been permanently taken away. We all feel deep regret, and anger for such a loss.

The industry of veterinary medicine and animal welfare have always esteemed the idea of loving all lives and respecting animals.

We strongly demand the HK Police to comply with the Police Ordinance, the Basic Law and the Geneva Convention; to cease all abuses of power and use of violence, especially on medical personnel, and most importantly to protect all citizens and lives.

All people who show interest in being involved in this animal welfare assembly is welcome to join us.

Our 4 demands:
1. The HK Police is to cease all dispatch of police dogs to the scenes of any public demonstration, or worse to provoke peaceful protestors with the misuse of dogs.

2. It is the HK Police 's obligation to provide protective measures to all police dogs. Hence firing tear gas or any other chemical substance or similar in nature within the area of police dogs shall be prohibited.

3. HK Police shall cease any usage of tear gas or any other chemical substance or similar in nature within residential areas, in order to prevent any potential threat to HK residents, home and social animals.

4. HK Police shall suspend all abuse of violence to ensure there will be no reoccurrence of any injured medical/paramedic personnel on the frontline.

Assembly details:
Date: 17th August 2019 (Sat)
Time: 7:30p.m. to 9:30p.m.
Venue: Edinburgh Place in Central
Dress code: black shirt or your scrub top

It is not recommended to bring pets / animals along to the assembly. Should you choose to do so, please ensure to take full care and responsibility of your pets / animals

04/08/2019

今晚遍地開花，忙著睇LIVE。
唯有深夜出Post。

響應醫護界黑口罩日，慾罷不能嘅我哋5/8工作嘅時候請戴上黑口罩表態。

#八月五日 #支持三罷
#醫護同行 #香港加油
#罷工不罷醫

百辟刀

31/07/2019

#我係香港人
#我會參與8月5日三罷
#罷工罷市罷課

雖然我哋嘅「病人」並唔人類，但係作為醫療行業嘅一份子，對於我哋嘅「病人」係有責任，罷工未必係我哋可以選擇嘅方法。同樣地，基於我哋嘅專業，我哋都唔會因為主人嘅政見或者職業而拒絕治療佢哋嘅動物。動物嘅健康同福祉永遠都係我哋嘅第一位。

講遠咗⋯

希望8月5日星期一放假嘅你哋，同埋你哋可以罷工嘅朋友，出席七區集會，支持並保護我哋呢個病咗嘅屋企。

P.S. 我以為由呢個Page開始嘅第一日，我哋嘅立場已經好鮮明。如果閣下覺得我哋出政治POST令你覺得好唔舒服嘅，歡迎閣下Unlike ＆ Unfollow。

光復香港 時代革命
五大訴求 缺一不可

Admin： 羅Sir 百辟刀 黑面神 胃扭結

#光復香港時代革命
#生於亂世有種責任
#尊重生命 #謹守崗位

14/07/2019

By 潛水admin 百辟刀

嘩！警察被班暴徒打得咁傷，
而家召集各位嘅工傷相，睇吓我哋嘅Patients暴力啲，定係班暴徒暴力啲！
#因工受傷
#拋磚引玉
#我哋返工好危險

30/06/2019

***着黑色！着黑色！着黑色！***

既然升旗禮呢個「天災」咁危險，連寵物節都要腰斬。咁聽日都應該要繼續去港島行吓。

我們一個都不能少。

面對修例惡法，以及香港政府漠視市民聲音的態度，我們更加要堅強起來。為此，我們呼籲廣大香港市民積極參與明日（1/7）由民陣主辦的七一遊行。唯有團結一致，我們才能將每人心中僅存的一絲希望轉化成力量，向政府展現我們不畏強權、追逐自由的決心。

二零一九．七一遊行
主題：撤回惡法 林鄭下台

副題：
1. 重啟政改
2. 釋放所有政治犯
3. 撤銷暴動定性
4. 徹查612鎮壓

日期： 2019年7月1日
集合時間：下午2時30分
遊行路線：銅鑼灣維園至金鐘政府總部
衣著：***黑色***
主辦團體：民間人權陣線

EVERY ONE OF YOU MATTERS.

In protest against the Extradition Bill Amendment and the government’s unwillingness to heed the voice of its people, we must remain strong and unwavering. This is why we now urge you to hit the streets tomorrow for the 1st July March organised by the Civil Human Rights Front. We can transform our flickers of hope into strength by standing in solidarity, showing the government we are not daunted by their power, and proclaiming our determination to chase the freedom we deserve.

Details of the July 1st March 2019
Theme: No Extradition to China, Carrie Lam Step Down

Sub-themes:
1. Restart the Electoral Reform
2. Release All Political Prisoners
3. Retract the Characterisation as Riot
4. Investigate the 612 Crackdown

Date: July 1st, 2019
Gather Time: 2:30pm
Route: Victoria Park, Causeway Bay to Central Government Offices, Admiralty
Dress code: Black
Organiser: Civil Human Rights Front

#71遊行 #不撤不散

30/06/2019

by犯太歲的姑娘

今日想分享下診所同事嘅行為
話說每年診所都會有啲學生申請實習，咁都唔會期望佢地幫到咩手㗎喇，不過只要佢地肯學，我地都會教。

但今次依個學生真係令到我"啤"一聲:

1. 叫佢幫手𢴇屎尿，佢黑面🤷‍♀️你第一日嚟，唔係做依啲下欄嘢，唔通俾個手術你做咩？

2. 永遠唔知佢匿埋係邊......你申請做實習，都係想跟醫生學嘢，了解依行運作啫，但係每當醫生有症要睇，次次都要捉佢入房聽，唔會主動浦頭。終於有一次HN頂佢唔順，問佢點解成日要我地"捉"佢？佢話覺得啲客唔想佢企係診症房，覺得啲客"歧視"佢🤦‍♀️

3. 依單真係令到我好撚嬲。話說有個patient要安樂死，咁醫生係房同主人解釋個流程&火化事宜。屌佢吖，佢企又企唔直，仲要撟住手，兩頭望。之後主人喊住道別佢安樂走咗嘅動物，個學生又係咁左擰右擰，仲要係到摷頭髮! 我即刻屌佢叫佢離開間房，之後HN問我發生咩事，我同佢解釋，跟住HN就同佢傾。原來個學生唔明點解我屌走佢......
大佬呀，我明白人人面對生離死別嘅反應唔同，如果你唔識面對，你咪離開間房囉，無人會怪你。佢可能覺得自己依啲小動作無傷大雅，但係別人眼中 (尤其是個主人)，會覺得你係咪唔耐煩/係咪嫌棄佢係到喊。

我唔係想做老屎忽，覺得一代不如一代，因為我都part過啲好好嘅學生。請你地記得當初讀依一科&申請做實習嘅初衷，如果唔想俾人睇死，麻煩做好自己，唔好俾位人入。


#佢根本0興趣
#返嚟唔知為乜
#屌咁唔好嘥鳩我啲時間同你玩伏匿匿啦

22/06/2019

by我不是姑

大家好，我有個喺同我唔同診所做姑娘嘅朋友，早幾日先聽佢講原來佢終於由上一間診所解脫，除左恭喜佢之外，雖然無經佢同意，但係呢半年我都叫聽唔少佢呻，既然佢走到人，咁我都唔駛比面間野，黎分享一下佢起呢間診所遇到既癡線醫生加癡線事件。

首先講下間診所先，間野呢就細診所黎，得一個醫生同總共五六個姑娘，聽講就會睇埋爬蟲類動物。咁佢成個區好似就係得一間定兩間診所，所以一講你地應該就知邊間，咁我就唔特別講喇廢事被人估得到。同時希望間野D人自己唔好跳出黎柒，我無開名架。

事源我個friend呢就pt入去做既，一開始做個陣都好地地，個醫生同佢仲幾啱key做得埋朋友，亦都喺幾個月之內叫佢轉長工三四次。結果我個friend終於轉左長工之後呢，D癡線野就開始黎料啦，醫生突然憎左佢，完全唔叫佢做野，同事仲開始搞針對，搞到佢打份工都仲要比人欺凌，最後起兩個月之後夾硬踢佢下個月返返pt，口口聲聲話無客所以要cut更，但係就喺勞工處上面繼續po招聘廣告。咁我個friend真係受唔住呢種侮辱，最後決定走人。

咁可能有D人會話係唔係佢做錯D咩所以先比人針對，佢起診所有無做錯大事我就唔知，但係個醫生就肯定有囉。我自己都係養貓既，聽到佢話比我聽既野真係都嬲到七彩，我盡量將佢向我呻既野分享出黎。

1. 呢單野我聽完之後記憶最深，亦懷疑就係呢單野搞到個醫生突然唔likey我個friend。事源係有個主人拎隻肚痾貓黎順便做埋body check，話係買左幾日既BB貓。
咁個醫生話要抽血，但係隻B抽血個陣會尖叫同成隻彈起，就叫左我個friend同另一個姑一齊禁，要佢地禁到隻B實一實，一見佢地禁唔實就發脾氣。前面捉頸個姑超用力捉實隻B想佢唔好咁彈，結果隻B被佢捉捉下開口叫唔出聲，咁我個friend即刻知係捉得太緊所以隻B透唔到氣所致，但係佢只係負責禁住隻B個身所以都管唔到。
然後終於抽完血啦，咁個醫生就話去照X光。我個friend入左X光室打開袋，見隻B居然開口喘氣，即刻知道大檸樂，就拿拿聲同醫生講然後拎入手術室，醫生即刻開氧氣比佢聞，聞左一陣隻B仲訓低埋好似死左咁，不過仲見到有呼吸亦聽到有心跳，然後個醫生就叫左主人入黎話隻B心臟病同氣管有問題，依家急救緊。
之後精彩既事黎喇，叫返主人出去等，然後個醫生起iso前面行開左去抽針既時候，我個friend見到原來醫生頭先開氧氣個陣開埋麻醉。隻B之所以訓低係因為佢被個醫生錯誤gas down左。即刻熄返個麻醉之後無幾耐隻貓B就醒返亦都無再喘啦。
但係個主人見隻B咁多問題，又肚痾又心臟病又氣管問題，就要醫生開張證明然後打算去退貓。咁你地都知一退貓其實基本上都係會比pet shop個邊p架啦，最嬲係張所謂醫生證明居然仲寫話咩「抽血期間倒下」，哇大佬佢明明就係被你個姑連到喘氣既，而且係你開錯麻醉先至會訓低，寫張咁既紙去害死一隻貓有無過份左少少呢？真係聽到我差D想喊，邊有咁無品既獸醫架。
我個friend話呢次之後佢黑左醫生面，而亦都係呢次之後個癡線醫生就開始憎左佢，唔知係唔係真係同呢件事有關。

2. 我做姑娘就做過一間診所架姐，但係都叫做有其他診所既姑娘係朋友。我就真係未聽過有一間診所，會因為驚隻貓起診所走失捉唔到，就將隻留院貓塞入洗衫袋住幾日都唔比佢出黎，然後由佢屙到自己成個pat都係屎尿，仲要發脾氣話搞到隻貓咁污糟，然後要D姑捉隻貓去沖涼再開風筒吹返乾佢。
我知道有時D長毛貓屙完爛屎都會搞到自己成個pat係，之但係呢個醫生咁樣搞法，係連超乖既短毛貓都無一例外會被搞到成身污糟曬，而且呢一樣係完全可以避免架。更何況有時D貓一住就係一個禮拜，大佬，成個禮拜隻貓都無得出黎要綁起個袋度，其實可唔可以告佢虐待動物？
我個friend話佢試過偷偷地放隻野出黎鬆下，但係轉個頭個醫生一發現就會鬧人，然後又將隻貓塞返入去，口口聲聲話捉唔返捉唔返，根本就係佢搞到D動物緊張到爆炸癡曬線，想唔走貓都難啦係咪呀。

3. 唔知係唔係個醫生癡線，所以D比佢教出黎既姑都一齊癡癡地線。咁我個friend其實就唔係第一次做姑娘既，之前曾經起另一間大診所做過住院，所以都叫做有返D正常知識，尤其係喺照顧住院動物果方面，不過聽佢講驗血呀跟手術個D佢之前就完全無做過所以真係唔識。
其中呢間野有D老海鮮就串串共，我個friend做咩佢都睇唔順眼，好似ff隻貓食野咁，我個friend ff到一半隻貓開始嬲想咬人，咁佢就話反正食剩少少就比隻貓抖抖先，因為都仲可以做住其他野先一陣再餵過，結果個老海鮮就好串咁話「你知唔知隻貓一定要食得曬罐野？」，我個friend解釋完之後佢完全唔聽，西曬面話「得啦咁我自己餵」然後走左去迫隻貓食野。
講真，係唔係我見識少，定我做緊間診所先至唔正常？起時間許可既情況下等D住院動物起做treatment時有適當時間休息唔係常識黎架咩？一定要搞到隻隻動物都癡曬線一陣連血都抽唔到咁樣？
仲有隻喘氣狗ff完之後喘到七彩條利都紫埋，但老海鮮又西曬塊面話做咩唔同佢抹嘴，我friend話比佢知隻狗利紫，結果條友塊面西得仲金，我個friend超無奈完全唔知可以講咩好。

4. 我個friend因為第一次做細診所，除左住院既野有好多都唔識，唔識既野就會直接開口問，結果有一次就比個醫生話問得太多，然後個老海鮮就叫佢觀察多D唔好乜都問。
然後發生左一單野，係有關於send柏立既，咁個日個老海鮮放假，有另一個老海鮮同我個friend同一個新人同個經理一齊返。做左咁耐完全無人教過我個friend柏立唔寄得針頭，佢當時跟住隔離個同事(佢話其實佢唔記得係邊個同事，好似係另一個老海鮮，但一直都唔sure)一齊將尿既sample入落袋，咁個同事成枝尿針連埋針頭好順手咁入袋佢就跟住一齊入，結果就賴左野。
第二日佢放假，個癡線老海鮮打電話黎乜都未清楚就問我個friend係唔係佢send柏立，咁佢就話唔係佢send既不過有份入袋，老海鮮聽到就發神經直接鬧佢成日都唔識又唔問，衣家柏立唔收，問佢要點解決。
我個friend超委屈，佢話明明一開始就係呢條友叫佢觀察多D，咁依家觀察左啦，又無人同佢講過針頭唔寄得，佢既觀察就係同事將針頭都塞埋入袋咁佢咪照做囉，然後居然仲要比人鬧「成日都唔識又唔問」。個老海鮮仲好惡咁鬧佢係唔係覺得自己無錯，我個friend超嬲但係又唔可以鬧返轉頭，只可以話自己有份將針頭入袋的確做法錯左，但係呢樣就唔係唔識又唔問既問題囉。佢話其實擺到明搞針對，都無咩好講。

5. 其實仲有好多鎖碎野我個friend都有同我呻過，不過我就唔記得咁多啦，上面寫到咁多果D係因為同佢whatapp有留底我先寫得返咁詳細。有D聽返黎既例如個醫生做野同思維奇奇怪怪果D就算啦唔多講。

佢依家好似自主放假緊仲未開始搵下一份，我有問過下佢，都話仲仍然希望做返呢一行，唯有希望佢下一份工開開心心，D同事正正常常啦。順便都祝願睇呢間野既動物可以平安出得返去...

13/06/2019

By 潛咗好耐水嘅admin 白辟刀。

其實一早己經想出post，不過真係太嬲！

獸醫助護王小姐同埋你嗰5-6位同行人士包括獸醫，多謝你哋企出嚟！

#真香港人

日間爆發激烈衝突的夏慤道，凌晨時份顯得平靜，警員已經退守，示威者也剩下100人左右。其中穿背心短褲的王小姐默默地撿拾膠樽。任獸醫助護的王小姐，同行約5至6人包括獸醫。她說，其實昨晚已經來到，和平靜坐，至清晨....

25/05/2019

by 正義姑娘

長文慎入

話說，我係一間好細好細診所做左無耐，間唔事要負責一下訂藥嘅部份

事情發生如下
上幾星期老闆即醫生啦，叫我訂藥，佢就講要咩藥，我就寫係張紙到然後就send出去。

直到幾日後，啊搞屎棍老闆話其中一盒藥佢自己落錯左，無咁多錢扎貨，要我同另一位男同事打電話去問下有無得換左佢，問左幾次終於可以安排換 ，因為係搞屎棍老闆自己落錯，所以對方都話今次係特別換返比我地，處理時間都要幾個工作天，有返個最低收費。咁我通知返上頭，佢哦一聲，就告一段落

如是者，隔一日，啊搞屎棍老闆又嗌藥，貨送到嘅時候老闆同佢老母唔知痴乜線話佢想退嗰一件貨無換到比佢，小9我無做嘢，不知所謂，仲話我父母無教我做人，話我垃圾！我好撚嬲，立即打電話去間公司，對方都係同一句說話，即時做唔到比我地
咁我同搞屎棍老闆講，人地話做唔到佢就開始發癲，話點解唔係立即 serve 佢呢個大客，我再打電話去問，佢一手搶左個電話鬧，我聽到搞屎棍老闆係電話中不停問候人地啊爸啊媽又全家，說話不堪入耳
唔係一個醫生應講嘅侮辱說話

又話要搵經理搵老闆投訴，話發誓要搞到人地無左份工為止，在旁邊嘅我，被迫係佢同人地對質嘅時候，佢打眼色叫我講大話，話人地無講過公司嘅規矩，無奈嘅我就只好答係

最經典我聽到佢同人地講，我fax張單比你，唔代表我係落單，我都無簽名，我fax比你玩下唔得嫁？
嘩，我係旁邊聽到下巴都跌撚左出黎 玩？醫生？玩？

通話完左之後，仆街醫生老闆小左我九個字話我做唔到嘢，錯係唔需要認，佢自己一出馬，洗下橫手人地就肯換，乜乜柒柒，又話一定要煩到間公司處分員工佢先會收手，又話要日日打電話煩人地 。我自己經歷左成件事，個仆街醫生完全唔似一個老闆同正常醫生。

同一日，我自己都悄悄地永遠離開了呢間痴撚線青山診所⋯⋯

希望所有人都會無事

08/04/2019

By薯仔都做唔到既薯泥

診所肯請新人 一件幾好既事 起碼真係可以比有機會真心中意動物既人入行
本人我啱啱入行 願意去學

Old seafood 姑娘 負責教
Old seafood 係咪覺得啲人 天生識所有野？講一次就識？
咁我唔洗返學啦！老師講一次就識！同杜汶澤屌個電磁爐一樣 ！自己熄架！
成日問返左幾多日工？
屌！一個星期渣！
做錯左 搶返黎做
你都唔比試 點識？
問藥名......dllm
一個星期識曬藥名？功用？
好耶！

Ok!fine! 我忍
診所日日大大隻字請full time
其實請part time ..仲要 cut更

仲有其實醫生做手術唔帶口罩 正常嗎？ 💁🏿‍♀️

24/03/2019

By犯太歲的姑娘

今個月不斷遇到幾款我"至愛"嘅客人，想同大家分享下:

1. 要診所答應可以100%醫好隻動物:-

話說依位客人隻狗嘔咗一日，又冇乜胃口&精神。醫生檢查&問診完之後，覺得好有機會係pancreatitis，咁就建議做cpl test啦。但客人拒絕，淨係要啲止嘔藥，咁醫生都warn佢如果真係pancreatitis會點點點，自己留意下啦。

到第二日，客人老公打嚟診所屌鳩我地，話琴日已經大嗱嗱使咗幾百蚊，但隻狗依然冇胃口......咁我當然同佢講返醫生嘅建議&覆診。

佢大致上不斷重複話要同醫生係電話傾，要佢100%肯定係pancreatitis同可以醫好先會嚟覆診......跟住我忍唔住答佢就算醫生真係肯應承你，咁你都要帶隻狗嚟診所㗎......

跟住佢又不斷重複，一方面話錢唔係問題，但另一方面又強調已經使咗幾百蚊都醫唔好......

屌! 結果咪又係要嚟，驗咗cpl仲要係strong positive。佢仲要話都唔知點解無啦啦會咁🤷‍♀️

我知呀!因為你地係咁俾不同零食佢囉on9!

2. Force feed (包括直接餵藥入口，而唔係溝落食物到)/restraint/command係好殘忍嘅事:-

有啲狗仔入到嚟診所好多時都太興奮/驚而有啲不受控，而靠上述嘅主人實永遠控制唔到，連簡單要佢地上磅都做唔到，所以其實我唔係好明佢地當條狗繩用途係乜。當姑娘出手時，依啲主人實話"不如唔好磅，由佢啦!" or "佢唔習慣俾人控制/命令㗎!"

另外試過有隻狗住院需要force feed(佢住院前已經唔食嘢兩三日)，我地匯報俾主人知成功餵到1/4罐頭，佢竟然唔係因為隻狗食咗嘢而開心，而係責怪我地force feed佢咁好唔人道

10/01/2019

by 今次終於破戒嘅姑娘

繼續上次講嘅新客

好喇，舊嘅唔去，新嘅唔嚟。
今日(星期日)接到個新客(男人)打嚟話隻貓前手腫咗，想今日帶嚟睇睇。

咁例牌要問下: 行唔行到？踮唔踮地？腫咗幾耐？知唔知點發生？

個男人就好似乜都唔清楚，連隻貓叫咩名都唔知，淨係話佢前2日俾條線纏住隻手幾個鐘。咁我以為係街貓啦，如果唔係點解唔即日去睇醫生呢？

但係我錯......一個後生仔(book症嗰個)&一名阿嬸帶隻貓嚟，原來佢係舖貓。隻貓叫丁丁。

醫生仲忙緊，所以我係waiting room打開貓袋，望下丁丁點。其實佢地一入嚟，我已經聞到一陣腐肉嘅味，都心知不妙。

點知一見到丁丁，首先佢係一隻異短(其實我初初唔明點解搵異短做舖貓，之後講)，但瘦到仆街，啲毛又唔靚，個身好多scab，仲要有好多跳蚤!!!!!!!

但正所謂好戲在後頭，佢隻左前手掌腫到係右手3倍，腫到啲指甲陷哂入肉，基本上不能稱之為一隻手掌。我即刻摸摸佢隻手掌，好彩仲係暖嘅。而丁丁好乖，無出過聲，無郁嚟郁去。

入到診症房，一抱丁丁出嚟，醫生忍唔住講句WTF。

V=Vet
🧑=後生仔
👵=阿嬸

V: 究竟發生咩事？

🧑: 佢2日前俾條線纏住隻手幾個鐘

👵: 係呀，我一返到舖頭見到就解開條線喇
V: 咁點解唔即日去睇醫生？

👵: 要做嘢無時間嘛 (而個後生仔都黑住面望住個阿嬸)

V: 無時間？!你自己隻手腫到咁，會唔會無時間睇醫生？

👵: (笑笑口) 咁諗住2日啫，無過搞到咁

V: 你仲笑？!成件事根本唔好笑呀!佢可能會無咗隻手，嚴重啲會死㗎!

我未見過醫生咁嬲，平時就算個客幾煩幾on9都好，佢都會笑住咁串人，未試過當面鬧人。

跟住醫生都廢事再聽佢鳩噏，直接話要驗血照光洗傷口。點知阿嬸聽到價錢後話貴，有冇得平啲。

V: 無得平!如果你當日即刻帶佢睇醫生，就唔使洗咁多錢。仲有，唔好諗住一次搞掂!之後覆診洗傷口，我當唔使鎮靜，每次都要$###x，如果你嫌貴負擔唔起，之後又唔會返嚟覆診跟進的話，我建議你一係去其他診所，一係唔好再俾丁丁受苦，今日就送走佢。

阿嬸同後生仔就話要打俾個主人(我諗係老闆)問下，而得返我係診症房陪佢地。

之後佢地話照醫，我就再問清楚 "你地真係決定醫啦嘛？!醫生剛才講得好清楚，唔係一日搞得掂，你預往後費用加埋要過萬"。
其實個阿嬸係仲猶豫緊，但個後生仔就話照醫。

咁我就帶丁丁入去做嘢。到剃毛洗傷口時，佢真係好合作，唔使鎮靜，摸住佢個頭仲會煲水。點解咁乖嘅貓會俾依啲仆街養㗎？!

搞掂之後，我坐係reception執藥，個阿嬸都仲同個後生仔呻，又話好貴，又話只係2日啫，blah blah blah......

期間有第二個客帶隻貓入嚟，可能聽到佢兩個又係帶貓嚟，所以同佢地吹水，問隻貓咩事。
咁當然阿嬸就避重就輕啦，淨係話整傷咗隻手，又話其實係有人棄養，求佢地養，所以先收留丁丁做舖貓。咁個客聽到就話"你地真係好人呀，收留咗佢。"
我心諗: 唔好信個仆街呀!

希望我下星期仲見到丁丁啦，唉!

09/01/2019

by唔識嘢姑娘

其實香港法例幫動物針灸需要牌照嗎？
係咪求其學過都可以係診所幫動物針灸？
主人係針灸期間有否觀察醫生施針？

真心求教

08/01/2019

by 今次終於破戒嘅姑娘

繼續上次講到Client B,
話說我同醫生都係覺得佢都係no show。
吖，估佢唔到，居然準時出現喎!
結果係惡夢嘅開始......

V=Vet
C=Client

V: 豬仔有咩事？(醫生知道哂成件事&VA同主人嘅對話)

C: 星期四痾爛屎，噚日同今日正常返，但都仲有血囉。不過你姑娘叫我觀察住先吖嘛!

(我聽到依句，道怒火即刻0到100衝上頭頂。)

V: 依句說話好似係你自己講㗎喎？!我好肯定我啲姑娘唔會咁樣suggest你，你唔好屈佢地喎。

我: 我地絕對無建議你繼續觀察，day 1已經你嚟睇醫生。

C: 哈哈，係咩？可能我誤會咗啦

其實豬仔已經瘦到肉眼見到ribs，舊股骨都突哂出嚟。之後豬仔上磅，屌......睇返7月嘅record又輕咗3kg......
點解我講"又"呢？ 因為佢由2017年一月到宜家，體重不斷下跌，總共輕咗10kg，而佢係一隻閹咗嘅唐狗。

醫生問佢點解會咁，佢又詐傻扮懵話唔知，話已經餵佢食2餐，不過就成日胃口麻麻......屌，你咪答咗囉!

結果豬仔CpL kit係strong positive

醫生同佢講係胰臟炎，成因/要食藥etc.
而且都同佢講埋個snap kit點睇 (左手藍點係control; 右手藍點係結果)

跟住佢就問: 咁而家係咪即係腎臟發炎呀？

V: 唔係呀!胰臟炎呀!

佢: 咁係咪右邊胰臟發炎，左邊無事呀？

V: 胰臟得一個㗎咋!

其實當時醫生唔明點解佢會咁問，但我明!
(睇下你地又明唔明lol)

咁有藥要食，又要食GI糧。可能佢聽完之後覺得煩，就對住豬仔口噏噏話"仲以為養唐狗好易㗎嘛，點解你咁煩㗎!"

唉，難為豬仔跟着咁嘅主人。佢好乖，抽血又唔掙扎，係waiting room到又唔亂走亂吠，淨係一心一意望住個仆街主人!

07/01/2019

By 灰心姑娘

呢個世界又叫人唔好食翅🦈轉頭又話Hermès用鱷魚皮做手袋好殘忍🐊但又好多“愛寵之人”係咁問醫生可唔可以買d鯊魚軟骨嘢補補骨、川貝鱷魚嘢比d寵物止咳，鱉蛋嘢爆爆毛🤔咁其實同食魚翅用鱷魚皮手袋有咩分別？唔通用人道方法P左條鯊魚/鱷魚等等先再拎黎磨粉？

06/01/2019

by 今次終於破戒嘅姑娘

話說聖誕假後，連續俾3個no show客激到變身成超級撒亞人，而其中嘅Client A(No show母女) & Client B(隻狗痾2日血都繼續要觀察，下次再講)，係星期六咁忙嘅日子都仲要搞着我......

Client A:
佢個女中午打嚟，想book即日2點打vax。其實平時我地就無所謂會照book，even醫生比較忙，因為打針最多都係15分鐘。
但鑒於佢地嘅前科[數次no show+經常性遲到]，咁我緊係唔會再俾佢為所欲為啦!

我: 今日已經full哂，最快要星期一3點

佢: 吓？Full哂？打支針好快啫

我: 無錯，full哂，你考慮下個時間再打嚟啦

佢: 咁你幫我book咗先啦，如果到時嚟唔到再cancel啦

我: No! 你要宜家confirm。因為你已經cancel過幾次&no show，再係咁，我好難再安排時間俾你

佢: 幫我book啦

到咗1點，有個男仔自稱新客，想2點帶隻狗嚟打vax。由於有slot，而且係我同事接電話，唔知剛才發生咩事，所以就book咗。

到2點10分個男仔出現，仆佢個街......係個女仔嘅男朋友帶同一隻狗嚟打針......

當佢地踏入診所無耐，個女仔就打嚟話cancel星期一嗰個預約，佢仲要話"你頭先又話今日full哂嘅"。

我真係頂你個肺，點解做人可以做到咁樣衰？有冇諗過點解我地要咁對你？你估有錢唔想搵？係要做埋啲咁撚討厭嘅事!

29/12/2018

By今次終於破戒嘅姑娘

(以下資料/名字會有少許改動，以免成為下一個俾人投訴要刪post嘅姑娘lol)

今日放完聖誕假返嚟，原本諗住可以將依份愉快嘅心情延續到2019，但可愛親切又友善嘅客人點會俾我好過呢？!仲要連續3個......

Client A:
約咗4點打預防針。佢個女啲狗都係睇開我地，而且有幾次no show嘅前科，所以都已經唔俾佢地約啲繁忙日子，而且一定會double book。咁當然佢唔會令我失望: 4點15都未出現又冇打嚟。打俾佢，一聽接駁鈴聲就知唔係香港......打俾佢個女，就話"係呀，佢唔係香港呀！佢冇話俾你地知咩？"

小姐，有就唔使打俾你啦......

其實我地都已經主動offer客人，如果個booking超過一星期前約，我地可以前一日打電話提醒，但佢地又要懶醒話mark咗係電話到實會記得嘅......

Client B:
Senior同我講，依個客噚日打嚟話隻狗痾咗爛屎+血一整日，已經同佢噚日要嚟睇醫生，但佢又話想觀察先，不過又要照幫佢book噚晚&今日，怕真係嚴重時，我地無時間睇佢。Ok，今日唔算忙，所以幫佢hold住個slot。

當然噚晚就no show啦。今朝我打俾佢確認appt時，佢就接咗電話但唔出聲。到佢打返嚟時就問我邊到打嚟......明明你噚日先打完依個電話。

問佢係咪今日嚟，又話隻狗正常返，冇痾爛屎但仲痾血，會再觀察下。我已經回返佢句: 仲痾血你都話正常？!
跟住佢可能覺得我串親佢，所以要搵我senior，問下佢覺得隻狗情況係咪正常。

跟住我就忍唔住開始爆佢 "無論人貓狗，痾2日血都唔正常啦？!如果你自己痾2日血屎，你會唔會再觀察下先呀？!"

跟住佢開始九唔搭八，話咩 "我都知唔正常，不過想再觀察下" ，我都廢事嘥時間，同佢講 "你想keep住觀察係你嘅選擇，但如果你想聽日(星期六)先再決定嚟唔嚟，恕本診所無辦法再咁樣幫你hold住時間，始終其他病人都有需要睇醫生。"然後cut佢線。

Client C:
去到依個客，我心中嗰團怒火終於忍唔住爆出嚟。
佢係一個義工，而我對義工嘅印象就係，我唔係抹殺佢地嘅努力，但老實講: 十個有八個都係onlun79。

佢24號打嚟約今日十點(28號)帶隻LH limping+maggot wound嘅流浪狗睇醫生。對佢第一印象已經麻麻，一打嚟就話要搵x醫生傾，又話係x義工介紹嚟，想收平啲; 如果你真係識嗰位義工，就知道我地冇義工價好耐啦......

因為要麻醉，所以book咗2個鐘俾佢。

到今日佢9點40打嚟話會遲啲，要11點先到，因為而家先去捉狗......我頂你個肺啦! 佢仲要係新界捉狗，帶嚟港島區睇症。

我當時就沉住到火未爆住，因為佢唔係我第一個見識咁冇準備冇交帶嘅義工🤷‍♀️
同佢講如果10點45都未上到車，一定要通知我，再約時間。

到咗11點都未打嚟，咁我又要打俾佢啦，而醫生較早時同我講: 既然佢都唔係有心又冇準備，如果佢11點都係no show，就麻煩佢去其他診所睇症，以免浪費雙方時間(主要係醫生&我嘅時間lol)。

當我打俾佢時，佢先施施然話捉唔到隻狗呀，要cancel再約。

嘩，跟住我真係好似超級撒亞人咁變身，對佢連珠炮發，內容大約如下:

我: 第一，你4日前約今日十點見醫生，你今朝9點40先打嚟話去捉狗都算，我當你人手不足準備唔到; 第二但我已經再三提你10點45都嚟唔到嘅話，一定一定一定要打嚟，而你完全唔當係一回事。我地診所得一個醫生，而且仲有病人要睇，你已經浪費咗佢地2個鐘頭。既然大家啲schedule咁難夾，咁無謂再浪費時間，請你約過第二間診所。

義工: (Dead air咗3秒) 咁Sorry囉!

我: 係咁! (Cut線)

以上嘅人最鍾意就係自己隻動物有需要時，就係咁求你/逼你/鬧你，點都要嘔個時間俾佢，跟住覺得有啲好轉/唔得閒時就no show。

永遠都唔諗下仲有其他有需要嘅病人; 又或者因為你遲少少(其實都講緊30分鐘以上)，而對其他準時嘅主人好唔公平。

其實你cancel唔係咁大問題，但麻煩要有交帶!
難怪日本啲旅館餐廳，知道係香港人預約時都耍手擰頭。