What are the opening hours?

Monday 12:30 - 17:00 Tuesday 12:30 - 17:00 Friday 12:30 - 17:00 Saturday 12:30 - 17:00 Sunday 12:30 - 17:00

https://www.facebook.com/168553943513165/

Cat Garden

Home
Hong Kong
Hong Kong
Cat Garden

Contact information, map and directions, contact form, opening hours, services, ratings, photos, videos and announcements from Cat Garden, 坪洲永興街17號地下, Hong Kong.
(260)

尖沙咀金巴利街7-15號安聯大廈4樓C室(韓國街)
貓花園營業時間:
Monday to Friday
星期一至五
1:30pm-6:00pm
而晚上
*6:00pm -9:00pm 時段只接受預約
*（請於5:00pm前預約）
Saturday / Sunday / Public Holiday
星期六 / 星期日 / 及公眾假期
1:30pm - 6:00pm
查詢/訂座 :
Whatsapp : 6111 4553

26/12/2024

今日boxing day
終於見面喇乖囡
我哋都好掛住你
過去呢幾日
生活仍然要繼續
日子都需要如常咁過
但每一個地方無咗你嘅身影
心𥚃面好似穿咗個窿咁

前幾日細佬出咗去櫥窗到喵喵叫
一個只有你先能夠聽得明嘅聲音
平時細佬一叫，無論幾細聲
你都會聽到，然後就出嚟搵佢
但嗰日細佬叫咗幾次都叫唔到你嚟佢身邊
我眼睛睇住心𥚃哽咽

所有道理都明白
知道時間係良藥
但心𥚃面仍然好唔捨得好難過

同你昔日一齊嘅畫面響每一個角落
好似幻燈片咁浮現眼前

熟我嘅客人哥哥姐姐可能都知道
我每日都有一個習慣
夜晚一定會數齊錫曬你哋10個先熄燈

而家只可以數到九

好唔習慣

好掛住你

今日
終於可以見到我哋嘅聖誕小天使
沿途上心裏面一直哼住我最鍾意嘅聖誕歌去與你相見
心情好複雜，期待又不捨

你依然都係咁可愛
相信你都估到
你媽媽我又喺你面前喊多次
不過今日可以帶你返屋企
我哋又可以一齊
感恩圓滿

響呢度我好想感謝愛錫可可嘅每一位
你哋所有留言同埋PM我都睇曬
只係前幾日一直未好好收拾心情
一直未有逐一回覆大家
所以想藉住此刻好好謝謝大家關心慰問
多謝大家都比我一個好大嘅擁抱
好溫暖好窩心

20/12/2024

2024年 12 月 19 日（星期四）
可可揀咗琴日下晝3:00 陽光滿滿嘅時間
響爸爸嘅懷抱中去做咗快樂小天使

四個月前
可可你確診腎衰竭又嚴重貧血
醫生嗰陣話你可能得一星期
縱使係咁樣
響經濟壓力底下我同爸爸亦希望盡全力嘗試一切可行範圍內嘅辦法

可可你好叻，我哋一齊創造多四個月嘅時光
呢段日子爸爸每日燉牛肉汁俾你補血
你由初初唔鍾意飲
直至去到每次一見到牛肉汁即刻飲晒
超級乖
無論係打皮下點滴定係食藥打針
你都唔會反抗每次都好乖

你知你媽媽我揗雞
所以每次打針嘅時候你都會乖乖伏喺度
成就我成功施針
好多謝你，乖囡

直至最後一星期
你嘅狀態突然轉差
我開始要以灌食方式去為你增強體力同營養
因為唔想你太辛苦
所以每次灌食過程都分一至兩個鐘嘅時間
知道你其實唔係好想食
但你每次都依然乖乖食晒

到最尾幾日
你開始完全冇胃口食野
我亦都應承咗你唔再逼你
但係每次你都會盡力舔幾下
你真係好乖，乖囡

冇乜食嘢嘅你腳仔已經冇乜力
但係你仍然想周圍行吓
17號嗰日
係最後一次見到你自己行去出面曬曬太陽

嗰日夜晚，亦係我最後一次同你打皮下點滴
打完之後大約30 分鐘
你突然間望一望我，之後突然間猛烈抽搐
我同爸爸即刻一齊趴響地攬實你
一個攬住你小小身軀
一個扶住你抽搐嘅手腳
一路同你講叫你放心唔好為我哋操心
就算你去咗另外一個地方
我哋都一樣咁愛你
唔洗怕唔會再痛我哋一路陪住你

然後過咗大約幾分鐘
你抽搐嘅小手捉實咗我
然後一路聽住我哋講嘢嘅你開始慢慢放鬆
我哋響你耳邊叫你放心瞓覺吖，舒服瞓覺吖

點不知你突然間抬起頭
周圍望
然後坐咗喺度
跟住爸爸就話如果你想周圍望吓可以啊
我哋陪住你

時間一分一秒咁過去
嗰一晚你好似搵緊嘢
嗰陣時應該差唔多半夜
我就喺度諗可可你會唔會其實想搵細佬
咁我就叫咗細佬出嚟
樂樂又好乖出咗嚟
跟住我叫樂樂瞓咗喺一個窩度
然後我俾可可你睇
可可你用已經冇咩力嘅身軀
堅持行兩步瞓咗喺細佬隔籬
然後我見到你條尾好自在咁搖

第二日朝早
可可你仍然喺嗰個位置
你抬頭望住我哋
我哋就笑住同你講早晨

知道你已經冇咩力但係仲想行去飲水
然後我餵你飲水
嗰日係爸爸為你最後一次燉牛肉汁
你飲咗6 ml

直到傍晚
知道你已經好攰
你已經進入彌留狀態
我哋一直握住你小手，同你傾偈
幫你輕輕梳毛抹抹眼睛
因為可可你最鍾意乾淨

心𥚃面好難過好難過
但仍然會兌現承諾
微笑陪住你

由細到大你都唔鍾意俾人抱
甚至乎最後一個星期
我哋想抱住你等你暖啲
但係你都係想去返個窩度

琴日朝早
你冇再抬頭望住我哋
就算我再想餵你飲水濕濕你嘴仔
你都已經近乎冇反應

我哋安靜咁樣一路陪住你
點知你突然間起身
跌跌碰碰咁用盡所有力想行過嚟我哋身邊
我哋兩個好肉赤
爸爸即刻抱起你攬實你
今次
你終於俾我哋抱住

喺呢幾個鐘頭裏面
我哋一直抱住攬實你
只希望你可以舒舒服服冇辛苦瞓住覺發個好夢
心𥚃面一萬個唔捨得
但仍然不停同你講唔使擔心我哋
叫你放心去玩
點解咁傻仍然堅持咗兩個夜晚

我就喺度諗你係咪有啲咩仲未完成重想做呢
就係呢個時候我就突然收到個message

你透過橋姐姐同你做靈氣治療之中俾咗個答案我哋
你話原來你知道我成日偷偷地喺其他地方喊
點解你咁叻
咁都俾你發現
你又話原來你最唔捨得係爸爸
爸爸最錫你，你亦都最錫爸爸
原來你最想做嘅嘢
就係想爸爸攬實你錫你一啖
然後你又錫爸爸一啖

可可你好叻叻
一直要擔起成頭家一直堅持要堅強嘅爸爸
終於因為你
釋放到一直唔敢釋放嘅情緒

爸爸一路攬住你
一路微微顫抖咁同你講唔習慣咁樣道別
但今次爸爸冇再強忍淚水
一路咁去完成你嘅心願

之後過咗一陣
你就喺爸爸懷抱𥚃面沉睡去

再之後
橋姐姐話俾我哋聽下晝大約2:30至2:45嘅時候
你同橋姐姐笑住講話你ready好
已經做好晒想做嘅嘢冇牽掛喇

橋姐姐話好多時小朋友走嘅時候都會因為病帶嚟嘅痛而伴隨辛苦離開

但係橋姐姐幫你做最後一次靈氣治療嘅時候
亦即刻爸爸錫完你攬實你嘅時間
橋姐姐話只係感受到你愉快開心
完全冇帶住任何苦嘅感覺

當時抱住你仍然溫暖嘅小小身軀
我冇再偷偷地喊
我同你講我今次就喺你面前喊
但其實知道你有呢個咁圓滿嘅旅程
心𥚃面覺得太好，充滿感恩感激

多謝你陪伴咗我哋仲差一個月就九年嘅時間
記得2016年1月20 日下晝 3:00
我哋緣份之下相遇上
我就響微微細雨嘅天氣中帶咗你同細佬返屋企

你係一個超級乖囡，從來都唔會發脾氣
人哋做緊嘢嘅時候你永遠都會乖乖地
係又唔會搗亂又錫細佬嘅超級乖囡

再一次好多謝可可你黎到我哋面前
選擇做我哋乖囡
讓我哋可以做到你嘅爸爸媽媽
永遠永遠愛你

09/12/2024

花生式曬脾
#皮蛋 #鹿小姐 #花生 #樂樂 #可可 #黑椒 #貓花園 #坪洲

05/12/2024

貓花園好物系列第三彈出世喇😺🎉
經過好多好多客人多次提議
我哋終於出屬於我哋自己嘅tee 喇 ฅ。ω。ฅ
首先出場嘅係我哋十八歲可愛咖啡婆婆🩷
我哋今次好榮幸邀請到@阿朗事多
為我哋一班仔女設計咁可愛嘅圖♥️
由概念、構思、畫圖、跟住擺位、對版，來回多次改動先能夠成就‘’咖啡婆婆織冷衫tee ‘’嘅誕生，實在非常感謝@阿朗事多🫶🏼

而家現貨有少量，
另外現正接受訂購❣️
T-shirt 將會有四個size及四個顏色選擇
💁🏻‍♀️（size & color chart 響圖4 /圖5供大家參考）

所有售出T- shirt 扣除成本，
將全數撥入十個小朋友嘅罐罐基金及醫療費用🫂

感謝大家留意同支持🙇🏻‍♀️🫂♥️
#咖啡 #貓花園 #坪洲

09/11/2024

嘩！好靚吔😭♥️
緣份認識咗貓奴客人Eddie
（而家變咗做鄰居喇，歡迎成為島民🥰）
一次傾偈當中Eddie就話俾我哋聽
佢將會邀請佢一位朋友嚟坪洲幫佢屋企畫畫，
咁我就話不如叫朋友仔都畫埋我哋吖～

點知今日真係驚喜收到！！

多謝@ahlongstore 驚喜畫咗一幅全貓福比我哋!!
多謝你畫到我哋一家每一個細節都咁可愛，
我哋仍然素未謀面，
但已經收咗你一份咁珍貴嘅禮物，
多謝你🩷，非常期待見到你真人吔🥰
#花生 #樂樂 #黑椒 #貓花園 #坪洲

21/10/2024

一對哥哥姐姐由加拿大返香港，
佢哋返嚟時間好短但都特登抽時間入嚟探我哋，
好感恩貓花園能夠遇上咁錫我哋嘅你哋每一位。

同哥哥姐姐傾計當中，
佢哋表示係我哋鐵粉（好感動🥹）
佢哋留意到我哋貓花園好耐冇出post 。

其實都真係一段時間，
因為呢兩個幾月發生事太多，
其中最主要可可確診為腎貓，
同一時間醫生話可可貧血，指數好低，
早晚打皮下水嘅情況下要考慮如何調整。
接住又要考慮藥物上嘅配備同配合，
每日忙東忙西蒐集照顧上需要同可能性。

呢段時間照顧貓貓方面全面改變，
當初醫生又斷言話可可唔知有冇一星期，
搞到一時三刻都未消化好同梳理好自己情緒。

但今日經過哥哥姐姐一講，
先發現可能我哋忽略咗一直關心貓花園嘅你哋，
因為冇諗過大家都會留意到，
首先好多謝你哋🥹
要你哋擔心真係唔好意思🥺

亦因為咁，我今日決定再次出post，
同大家講下貓花園近況，
同埋可可送上可可牌心心比所有哥哥姐姐♥️
謝謝大家一直支持愛護

我哋兩夫婦一樣會繼續盡最大嘅努力
好好照顧我哋一班仔女，
大家都一定要人人貓貓健康平安啊🧡
#可可 #貓花園 #貓 #貓咪 #坪洲

19/07/2024

客人姐姐今日去書展，今年怪叔叔畫黑椒！
多謝怪叔叔畫黑椒仲畫埋客人姐姐同怪叔叔自己一齊舉腳🤸🏽‍♂️
#多謝怪叔叔 #怪叔叔你畫得好靚
#多謝嗡嗡嗡姐姐🫶🏼
#黑椒 #貓花園 #坪洲

12/07/2024

被逼子母裝的蔥
#洋蔥 #貓花園 #貓 #貓咪 #坪洲

30/06/2024

響掛畫布𥚃面走出嚟嘅花生( ･ิω･ิ)
#花生 #貓花園 #坪洲

12/06/2024

剛過完64梁師奶我牛一，又嚟到612純熙生日。
眨吓眼就10歲咯，
踏入雙位數嘅呢個小朋友越嚟越百厭🐒
不過最緊要平安健康開心👦🏻✨
多謝所有姐姐哥哥嘅祝福同禮物🥰
好多謝大家都錫到純熙燶🫶🏼
#貓奴仔 #純𤋮 #鹿小姐 #貓花園 #612

10/06/2024

嘟嘟嘟嘟嘟：深宵新聞報導💡
#黑椒 #花生 #貓花園 #坪洲 #端午節 #龍舟比賽

04/06/2024

又到咗64。梁師奶我又大一歲咯
多謝錫到我燶嘅老公為我準備嘅所有驚喜🩷

今日正日生日，響屋企陪住班仔女♥️
簡簡單單最緊要人人貓貓平安健康🥰

多謝你哋每一位提前特登入嚟同我慶祝嘅貓奴友，
多謝安妮、蜜蜂、熊姐姐、芝媽媽你哋準備嘅禮物，
多謝大家送俾我嘅祝福，
我衷心祝福大家人人貓貓食好痾好玩好瞓好身體好🫶🏼

感恩感恩身邊有好多好多好錫我嘅你哋每一位。

最後最重要
謝謝我親愛嘅媽媽當年今日辛苦生我出嚟💞
愛你媽咪♥️
#純熙 #貓奴仔 #哈哈社長 #皮蛋 #花生 #鹿小姐 #黑椒 #貓花園 #貓 #貓咪 den #坪洲

30/05/2024

好忙的爸與揸緊相機影相：(羨慕中）冇貓的媽😟
#豬扒 #花生 #咖啡 #咖哩 #黑椒 #貓花園 #坪洲

27/05/2024

頭先兩點都未夠已經列陣等午飯🐈🐈‍⬛🐈🐈‍⬛
圖2: 佢哋個樣好不明點解阿媽影完一張又行咗去另一邊🫢
（其實係影完第一張先發現皮蛋喺左邊，所以由呢邊影多次😌）
圖4: 唔影住喇，比咖啡丙🙈
#咖啡 #皮蛋 #洋蔥 #花生 #樂樂 #咖哩 #可可 #貓花園 #坪洲

19/05/2024

感謝大家厚愛同支持♥️🙏🏻
過去幾日好多客人朋友仔都截圖話睇咗我哋嗰集「尋找喵喵的故事」電視節目，
我哋亦認識咗好多特登入嚟搵我哋嘅新朋友仔，
再一次感謝大家厚愛同支持🩷

收到好多PM多謝我哋拯救咗貓貓
你哋實在太誇獎喇🙈
非常感謝你哋嘅讚賞，但與其話我哋拯救貓貓
其實應該係貓貓們拯救咗我哋

我哋係會照顧佢哋日常生活
但係我覺得貓貓如果信任你
佢哋嘅真誠同愛護貓奴嘅純粹
就只能夠響貓貓身上搵到🥹

同埋係貓貓們教識我哋鍾意玩就玩，
鍾意瞓就瞓，要放慢落嚟享受生命，

所以我同貓爸好感恩遇上佢哋，
感恩班仔女們對我哋嘅信任♥️

儘管我哋未必能夠提供最優越嘅生活環境
但會繼續盡最大嘅力量去做一個稱職貓奴🩷

#皮蛋 #貓花園 #坪洲

17/04/2024

晚飯後沖涼直擊
#咖哩 #咖啡 #黑椒 #貓花園 #坪洲

26/03/2024

洋蔥：做咩啫？星期二返工係咁上下㗎啦，影咩啫╮(╯_╰)╭
#洋蔥 #貓花園 #坪洲

18/03/2024

唔經唔覺暫托湊咗呢粒包幾個月，
由初遇嚟到今日，
終於到咗包包「出嫁」去新屋企嘅日子，
百般滋味在心頭，
唔捨得但係好開心知道佢將會有一個好錫佢嘅屋企🤍
衷心祝福呢粒囡繼續日日百厭活潑健康成長🤍
（圖2-圖4 ）好想同大家分享：
有一日，老師同我講純𤋮上堂嘅時候，
響完全冇老師協助底下，全班最快作好一篇文。
雖然文章對好多人嚟講好簡單好顯淺，
但爸爸同我都覺得好窩心🤍
原來呢件事喺佢心目中佔一個重要嘅位置，
之後我問佢點解文中佢話包包係一家人嘅？（因為佢都知道包包將會去新屋企有新生活）
點知佢個答案令我有啲意外，
純熙：「爸爸媽媽你哋話所有貓貓喺我哋呢度都係一家人，無論係一日定係幾多日，總之一生一世都係一家人吖嘛，所以包包都係我哋一家人，不過佢有個更好嘅屋企！」
呢個同包包一樣百厭嘅貓奴小朋友，
平時古靈精怪，有時仲跑跑跳跳嚇親貓，
估唔到響心入面係有記住我哋平時同佢講嘅嘢。
其實都知道純熙唔捨得，不過經我哋解釋之後，
佢有少少明白一生一世照顧嘅責任，
佢明白我哋想比包包有更好嘅選擇，
所以佢都同意同埋希望包包有一個永遠愛佢嘅家🤍
正如純熙所講，希望大家都會愛護動物，世界從此沒有流浪小動物🤍
（圖9-圖10）特別鳴謝@harold.poon #隨貓隨影
怪叔叔幫包包影咗咁可愛嘅靚相🤍
#包包 #純熙 #貓奴仔 #坪洲

Address

坪洲永興街17號地下
Hong Kong
00000

Opening Hours

Monday	12:30 - 17:00
Tuesday	12:30 - 17:00
Friday	12:30 - 17:00
Saturday	12:30 - 17:00
Sunday	12:30 - 17:00

Telephone

+852 61114553

Website

facebook.com

Alerts

Be the first to know and let us send you an email when Cat Garden posts news and promotions. Your email address will not be used for any other purpose, and you can unsubscribe at any time.

Videos

#Repost @hk.hoy with @use.repost ・・・尋找喵喵的故事｜EP3｜預告｜陳柏宇聲音導航！探索坪洲神秘貓花園！｜ HOYTV 今集《尋找喵喵的故事》會去到坪洲！呢個面積不足1平方公里嘅離島，有一個神秘貓花園，入面居然住咗11隻喵喵！全部都係貓媽貓爸收養返嚟，喺佢哋悉心照顧之下，呢11隻貓貓健健康康咁成長，仲成為咗坪洲人心靈嘅寄託，今集等陳柏宇同大家聲音導航，尋找坪洲喵喵嘅故事，留意今個星期日晚9點，《尋找喵喵的故事》啦！ @ckw720 尋找喵喵的故事｜Stories from MEOW MEOW 4月28號起逢星期日晚上9點｜HOY TV #尋找喵喵的故事 #貓主子 #貓奴 #貓星人 #貓品種 #養貓 #貓糧 #貓玩具 #喵喵 #貓賣萌 #當奴 #TysonYoshi #江若琳 #區子琳 #肥腸 #阿妹 #杜以辰 #MoonTang #小肥 #敖嘉年 #葉巧琳 #陳柏宇 #cat #meow #HOY #HOYTV #HOY77

😑黑椒表示今日三八婦女節，放過你呢個三八百厭包 #黑椒 #包包 #貓花園 #catgarden_hk #catgarden #坪洲

見台灣有最強豆漿俊榮業配組合，諗住都叫我班仔女同啲禮物影吓相啦，點知除咗咖啡嬸皮蛋之外，其他有啲撩撩撩有啲食腳嘅就食腳😅。真係要叫班仔囡睇多啲豆漿嘅片學吓野先得😌 今日收到驚喜包裹拜年💕 多謝@catalien_hk 嘅禮物♥️♥️（重點螢光筆） #咖啡 #黑椒 #樂樂 #豬扒 #包包 #貓花園 #catgarden_hk #catgarden #坪洲