街貓宿舍 Street Cats Hostel 領養 - 暫託 - 義賣

17/01/2025

灰灰祝大家 大吉大利🍊

下星期日，一，六較缺清潔義工，負責幫忙清砂盤，掃地，拖地，抹貓傢俬。

另外都想徵中午間嘅義工，呢排有3個中午間嘅義工請左假😵 時間係1-2pm，負責1，2隻貓嘅餵藥，開罐，少量清潔。

如果你可以加入及幫助拯救返黎嘅貓貓就pm 聯絡喇，thx🙏😺

16/01/2025

Edmond 祝大家係新一年百毒不侵，主子同奴才都健健康康 🍀🍀🍀

#待領養 #徵義工

14/01/2025

Hailey 係新一年祝大家 大吉大利🍊 佢都想收到你地嘅祝福，希望搵到一個幸福的家 🫶🏻🏡

#待領養 #徵義工

13/01/2025

Beranca n Benji 兩位靚仔靚女仍等待有緣人出現 😻🫶🏻 佢哋都係被遺棄的😿 剛剛1歲 仲係小朋友友黎 🥰

#待領養 #徵義工

10/01/2025

灰灰 已著上新年裝扮準備係農曆新年逗好多利士 💰🧧

領養後生活照片📸

#徵義工

09/01/2025

大家留意喇，太高頻同尖銳嘅聲音會令貓貓引發反射性癲癇 😵

國際貓咪護理組織（International Cat Care）
與英國戴維斯動物專科醫院（Davies Veterinary Specialists）的獸醫神經學家合作發現，許多貓咪會因為高頻聲音而誘發癲癇的現象。該疾病如今已被認定為貓咪的一種獨特症候群。

在2016年，這篇科學論文發表於國際貓咪護理組織的獸醫期刊《貓科醫學與外科學期刊》（Journal of Feline Medicine and Surgery）。

這種症候群被命名為聲音引發性反射癲癇（Feline Audiogenic Reflex Seizures，FARS），其中「反射」（reflex）指的是癲癇發作是由某種刺激引起的，而「聲音引發性」（audiogenic）則指這種刺激是一種聲音。

另外，該病症也被稱為「湯姆貓與傑利症候群」（Tom and Jerry syndrome），靈感來自動畫角色湯姆貓，該角色對聲音的驚嚇反應強烈且誇張，經常因聲音不由自主地抽搐。

目前尚不清楚此病在貓咪中的發展機制，但研究顯示，這種疾病在年長貓咪和某些品種（如伯曼貓Birmans）中更為常見，這表明可能存在遺傳因素。

可能引發貓咪聲音敏感性癲癇（Feline Audiogenic Reflex Seizures, FARS）的聲音，通常具有特定的特徵，主要是高頻率或尖銳的聲音。在該研究中，有列舉出幾個可能觸發癲癇的聲音類型和具體例子：

常見會影響的聲音
1.金屬碰撞聲
•鑰匙掉落在地上的聲音
•金屬勺子敲擊碗邊的聲音
2.塑膠或紙類的揉搓聲
•塑膠袋被揉捏或拉扯時的聲音
•包裝紙撕裂或捲動時的聲音
3.高頻電子音
•鬧鐘或計時器的聲響
•電腦、手機的通知聲或來電鈴聲
4.玻璃或陶瓷的碰撞聲
•玻璃杯互相碰撞的聲音
•碗盤掉落時的撞擊聲
5.尖銳或意外的聲音
•啪嗒一聲（例如筆掉在桌上的聲音）
•用指甲敲擊表面或刮擦的聲音

聲音的特徵
•高頻聲音：通常頻率在2000 Hz以上的聲音更容易觸發。
•短促且突發：突然出現的尖銳聲音是最具刺激性的。

如果你發現某些聲音讓貓咪顯得不安、瞻望、肌肉抖動甚至癲癇發作，建議儘量減少使用這些物品或聲音，並為貓咪提供一個安靜、無刺激的環境。同時，將發作過程錄影並帶去給獸醫進一步評估，有助於診斷和治療。

資料來源：
Audiogenic reflex seizures in cats. Journal of Feline Medicine and Surgery 2016, Vol. 18(4) 328-336

09/01/2025

Mark哥 眼大靚仔，可愛度爆燈🥰 係性格比較慢熱，尋有耐性嘅奴才領養 🏡😺

#待領養 #徵義工

08/01/2025

Edmond 嘅哥哥Edgar 病左🤒 希望佢快d 好返同細佬繼續踏上尋家嘅路 🍀🍀🍀

#待領養 #徵義工

07/01/2025

Joy Joy 係新一年有冇機會變成幸運嘅女孩，得到一個幸福的家呢？🏡😺

#待領養 #徵義工

06/01/2025

Dee妹 係毛色優雅嘅3色貓，期待喜愛3色貓嘅地星人帶佢返屋企錫 😽🫶🏻

#待領養 #徵義工

05/01/2025

波波兒 眼仔碌碌又肥嘟嘟好qq 😻😘 有冇愛貓嘅地星人想帶佢返屋企呀 🏡😺

#待領養 #徵義工

04/01/2025

Hailey 豬豬 係新一年繼續努力尋家 💪🏻🏡 今年3歲喇，仲好後生靚女 🫶🏻😻

#待領養 #徵義工

03/01/2025

灰灰 打響頭炮🧨 係2025年第一隻去新屋企嘅貓貓，聽日就入伙喇，要幸福呀🫶🏻😼

#徵義工

02/01/2025

多謝餵貓姨姨嘅鼓勵 及 多謝領養人照顧到 Sunny 肥嘟嘟好得意 😺🫶🏻
（露台門有限距鎖）

#徵義工

01/01/2025

Mark 哥想係新一年有新屋企，祝各位毛孩同奴才係新一年事事順利 🎉🥂

#待領養 #徵義工

31/12/2024

踏入2025年，趁機寫返個貓舍回憶錄，紀錄一下貓舍呢幾年所發生既事。但因為好隨心寫，所以內容可能會一忽忽。

2017年年尾既時候，同獨立義工申請領養，順順利利領養左貓舍既創始貓娘娘同公主。 過左兩個月既三人(?)世界之後，忽然有日義工問可唔可以幫手暫託下隻貓，因為辦公室有位置可以放籠所以就應承左，咁就開始左貓舍既前身，少量暫託下浪浪，貓舍1.0正式啟用。

之後2年，辦公室暫托既浪浪越黎越多，開始考慮正正式式成立貓舍，著手註冊公司(街貓宿舍)同申請NGO牌。同時因為冇抽氣系統，又比較細，間格都唔係咁適合，辦公同貓舍溝埋一齊，有時啲貓貓會屙/嘔落啲貨或傢私度。為左令貓貓有更好既環境，決定搵個大啲既地方搬，分返開貓舍同辦公範圍。跟住就搬左去6樓成為貓舍2.0，呢個就係早期已經有follow我地既貓友上黎見過既單位，亦係蘋果日報上黎採訪過嗰個單位。

6樓個單位分左一細部份係辦公室，另外大部份係貓舍，新貓舍啲貓貓們有好大地方可以周圍跑，有大型工業用抽氣扇確保空氣流通，環境比1.0更適合。但好景不常，搬黎唔夠1年，疫情爆發，公司本身既業務晌農曆新年後既第一個工作天開始直接歸零。 (公司係做戶外推廣等marketing野所以客戶全數cut單) 個人同貓舍即時斷左資金鏈，於是馬上轉型，聯絡各貓糧代理入貨，開始轉戰零售市場。我亦由做左N年既B2B生意，零經驗咁進入B2C既世界。

由於冇收入，存貨又要錢，所以門市都係用返原有既傢私改建，非常簡陋，幾個格仔櫃，幾個貨架，幾張辦公檯塞盡所有空間，淨係留返條路俾人行就正式開業。又因為本身個間格冇諗住要做門市，只係分左好細既位做辦公室，所以門市非常細，大家入黎買野都寸步難行咁。而且地方唔大所以存唔到太多貨，搞到成日賣晒啲現貨補唔切。結果晌2022年決定租多個單位，擴大門市範圍兼再完善一下貓舍既設備。

晌講貓舍3.0之前，特別想講一件事。當時貓舍有位Cancer重病既院友，晌我最冇錢既時候洗左我一筆好大既醫療費。嗰陣門市開始冇耐，生意未係幾好，晌我非常頭痛同徬徨既時候，忽然有位(戴婆婆)上黎門市話要捐一筆頗大既捐款，因為呢筆錢都真係幾大(咁當然冇得同某啲大機構一個歌迷會既支票黎比, 但對我地黎講都真係好大)。 面對咁大筆捐款，雖然當時好缺資金，但我都唔太好意思收，所以叫婆婆返去考慮清楚，同屋企人商量好先再決定。 最後戴婆婆都真係過黎捐左俾我地。 雖然已經之前出過post講過，但依家想再講多次，真係好多謝你個好及時既捐款， 直接令貓舍可以繼續落去。 因為嗰筆醫療費真係幾大，本身已經疊埋心水要將個卡數搞分期架喇.....多謝晒，好多年冇聯絡，希望你身體安好。

2022年，我地租多左個單位，就係之前好多貓友都黎過既5樓J。 5樓比6樓大少少，可以間開門市同貓舍，大家都有足夠空間，院友們有得周圍跑，門市亦終於可以擺啲正式既貨架。 5樓做貓舍同門市，6樓做貨倉同有啲唔適應既院友就留返晌上面，正式進入貓舍3.0時代。

貓舍3.0時代其實好短暫冇乜特別事發生，主要係個廚房大左方便儲物同埋俾義工工作，門市又變大左可以賣多啲唔同牌子既產品，又有倉可以存貨，少左好多賣斷貨白行一趟既貓友。 而最大既轉變係3.0時代開始徵義工，以前都係聯絡識既人搭上搭咁，但3.0開始就有晌facebook公開徵義工，多左好多義工黎幫忙，減輕左我地好多工作量。 日日都有院友既陪玩專員. 令院友們更開心，環境亦變得更好。

3.0最特別既事係，第一次有人棄貓晌我地門口(改左名做粟米羹)，同埋第一次搞搬遷清貨活動搞到一鑊泡.....由於貨分別存放晌5樓同6樓，我又得1個人晌度處理，清貨嗰幾日我不停咁跑樓梯拎貨，搞到黎拎貨既貓友大排長龍個個都要等......有時仲因為system錯數或者一時間唔知件貨放左晌邊搞到唔齊貨，真係非常之唔好意思. 亦好多謝大家過黎支持，我從未想像過舖頭可以塞到咁多人....

2024年，5樓業主一完左死約即刻話要加租1x%，本身都諗住死死地氣硬食，點知!!!忽然有一日鬼使神差咁行左入地產舖問，呢間地產舖咁多年黎經過無數次都冇行過入去，一問就發現原來1樓有間食堂吉左，而同層既另一個單位都好快會交吉，即係可以租到同一層2個大單位，仲要晌1樓添，連lift都唔駛搭。 加上我對跑樓梯遊戲已經十分厭倦， 所以晌半日內就決心要搬，同跑樓梯遊戲講byebye。

搬落一樓後，貓舍同門市就分開左唔同單位喇。門市就晌大家成日上黎既1樓K室，貓舍就係1樓F室。 2024年6月進入街貓宿舍4.0時代。

門市嗰邊，倉同舖終於合做一個單位，大左好多，所以我地一路都增加緊唔同既牌子同產品， 大家黎拎貨唔駛等我跑樓梯。最重要既係，大家都唔駛再等嗰啲死人lift…..直接晌地鐵站閘口行上黎就得。 晌地鐵站行出黎30秒就到，非常方便。

而貓舍嗰邊，最大既轉變係單位對住大街觀塘道景觀開揚，院友們可以望街曬太陽! 貓舍亦設置左觀賞區，可以入去隔住玻璃睇下啲班院友食玩瞓。 又因為前身係食堂，有符合食牌既換風系統，一個大廚房可以擺洗衣乾衣機方便義工們洗野。 廚房夠大要開咁多罐罐都方便好多。

4.0只係開左半年，冇咁多野寫，所以呢篇文要收尾喇。

趁新一年，多謝每一個黎幫過手既義工，冇你地幫手，我估我會連瞓覺既時間都冇，貓舍環境亦唔會咁整潔，院友都少左好多人陪玩。

多謝每一位捐過善款既貓友，有你地幫輕左啲資金壓力貓舍先生存到落去。

再要多謝每一位黎買過野既貓友，如果冇你地，貓舍根本就冇收入去維持住呢幾年既支出. (有睇過個財務報告就知我每年洗緊幾多錢...)

最後要多謝每一個follower，你地既支持係我繼續營運個貓舍既動力之一。

2024臨尾幾位院友大病又洗左10萬.....2025年希望班院友同貓友身體健康，院友繼續食到肥肥白白， 生意越黎越好，唔好再繼續蝕我啲存款，我唔係有錢佬，冇幾多錢可以再蝕架咋.....

ps. 成篇文都用個"我"字黎寫, 純粹因為呢個係院長角度既回憶錄, 但其實貓舍係仲有另一位義工一齊成立既，照顧院友嗰個都主要係佢黎，萬分感激。如果佢想寫既話就等佢自己再寫😂

多謝大家睇到黎呢度
無限感激
多謝晒

院長Alan
1/1/2025

31/12/2024

Hailey ready 好今晚由5開始同大家一齊倒數 😺
Happy New Year 🎉🥂 祝各位毛孩係2025年都生生性性，健健康康 🍀🍀🍀

#待領養 #徵義工

30/12/2024

波波兒諗緊今晚食咩罐罐 😋😋

🐾🐾🐾徵長期固定義務鏟屎官 🐾🐾🐾

🐱貓舍收留了獨立義工拯救返黎嘅流浪貓貓同被遺棄嘅貓貓，因為貓貓數量越黎越多，及有些年老或長期病患嘅貓貓比較難找到領養，所以現徵義務鏟屎官🙏🏻😼

如人手不足可能需要幫忙裝糧裝水，餵藥💊，帶貓睇醫生 👨🏼‍⚕️

因已收左幾個學生義工，所以暫停接收需簽義工時數報學校或工作的申請🙏🐈

要求如下 :
1. 清大約30隻貓嘅貓砂盤。（視乎人數而定）
2. 掃地，拖地，清潔貓傢俬。
3. 唔怕未馴服嘅貓。
4. 有消毒知識及意識。
5. 有部分長期病患嘅貓貓，可能會見到貓貓彌留狀態。
6. 每星期固定一日黎。
7. 地址係觀塘。
8. 開始時間： 星期一，二，四 7pm,
星期三 ， 五 6:30pm, 星期六，日 2pm.
9. 遵守負責人指示。
10. 有記性，有手尾，有貓奴性。
11. 需與其他義工合作。

如有興趣報名請pm 我地，thx 🐱💌

#流浪貓義工 #待領養