小玉谷 粉嶺某村浪貓療養院+托兒所

小玉谷 粉嶺某村浪貓療養院+托兒所 粉嶺一列村落的餵貓阿姑日常。
當中有老弱病殘需要醫療救助的
也有其他傷病各種事故求助的
總之全部都係貓.

太攰一黑醒就已是半夜😅🙏🏻New哥今天做左一系列急救：吊鹽水，洗傷口，驗血，抽尿，洗膀胱，插尿喉，置餵食喉，開住暖風機...因為New哥痾過深啡色既尿，醫生又摸到佢膀胱有啲脹，所以就抽啲尿睇下，一抽就發現全部係血尿😔上下午分別都抽到125m...
15/01/2025

太攰一黑醒就已是半夜😅🙏🏻
New哥今天做左一系列急救：吊鹽水，洗傷口，驗血，抽尿，洗膀胱，插尿喉，置餵食喉，開住暖風機...

因為New哥痾過深啡色既尿，醫生又摸到佢膀胱有啲脹，所以就抽啲尿睇下，一抽就發現全部係血尿😔上下午分別都抽到125ml左右既血尿，幫佢照聲波見到膀胱有好多結石塞住左尿道，所以洗埋膀胱希望盡量沖到多啲結石出來。
驗血指數關於腎既都爆哂燈，估計係尿道閉塞導致尿液倒灌拖冧左個腎。
就咁睇外傷反而事小了，右頸有一個寸幾深既窿入面含哂膿，外皮傷口大約手掌大小，好彩冇傷到血管神經之類，
清潔後包紮好就得。
睇返相估計係因為佢平時藏身既貨櫃有好多建築物料，有大量鋼筋角鐵之類既尖銳物品，一不小心就整受傷了。😔

浪浪有FIV都好平常，但因為血鉀太高(超過10)，所以雖然做左一堆嘢但未算過危險期，要睇下吊住水後腎指數會否回落先知。

New哥剛剛送到診所時係迷迷糊糊咁，洗完膀胱插尿喉後，肉眼可見係精神左既，所以我相信佢一定會捱得過💪🏻

#唔接又接
#能救盡救啦別讓自己後悔
#醫療費籌募中

15/01/2025

大家食哂飯未？
我預備Update下New哥既消息喇😅
啲相唔係幾好睇呀嘛...

今朝一早帶爛頸貓去到診所，由於係攝位睇嘅所以放低先，等醫生一得手就即刻檢查。因為尋晚佢屙同嘔出嚟嘅嘢都係深啡黑色， 所以有啲擔心佢個內傷會好嚴重，醫生摸到佢膀胱有少少脹，諗住幫佢抽尿出嚟驗點知抽出來全部都係血....😭而家所有檢查還在進行中...
15/01/2025

今朝一早帶爛頸貓去到診所，由於係攝位睇嘅所以放低先，等醫生一得手就即刻檢查。
因為尋晚佢屙同嘔出嚟嘅嘢都係深啡黑色， 所以有啲擔心佢個內傷會好嚴重，醫生摸到佢膀胱有少少脹，諗住幫佢抽尿出嚟驗點知抽出來全部都係血....😭

而家所有檢查還在進行中，晏啲有結果再報告...

幫佢改咗名叫 “NEW哥”，捱過呢關就從新開始啦～

前線救援越來越難😢
懇請大家幫幫忙新仔同埋其他貓豬既醫療費🙏🏻🙇🏻‍♀️

#能救盡救 🙇🏻‍♀️🙇🏻‍♀️
#龐大醫療費籌募中

捉到了！！近看真係好大個傷口🥺，而且聽求助人講，貓貓係附近既浪浪，出現了一年多，但其實已經傷左有起碼大半年😰，只係之前冇爛得咁勁，佢仲可以靈活走動，所以一直都捉唔到。直到近幾日開始唔食嘢，昨日仲突然間開聲叫人，又行到搖搖擺擺咁，應該係終於撐...
14/01/2025

捉到了！！

近看真係好大個傷口🥺，而且聽求助人講，貓貓係附近既浪浪，出現了一年多，但其實已經傷左有起碼大半年😰，只係之前冇爛得咁勁，佢仲可以靈活走動，所以一直都捉唔到。
直到近幾日開始唔食嘢，昨日仲突然間開聲叫人，又行到搖搖擺擺咁，應該係終於撐唔住所以搵人求救...

過籠時好乖，入左飛機籠後嘗試摸佢，竟然摸得到😳
再摸多陣仲可以摸頭仔，跟住煲水添！😳😳原來係一隻乖豬黎...

早幾日咁凍，佢又傷咁重，C唔去已經好大命，不過睇佢情況都唔樂觀，嘔過一次深啡黑色既水(怕有內出血)，體溫係偏涼，所以即刻攞毛巾包哂全隻再加個暖包，今晚安心休息，明天就帶去睇醫生...

#龐大醫療費籌募中懇請幫忙
#能救盡救

今日好頻撲...昨晚凍冰冰被人遺棄喺馬路邊嘅小寶貝，由於今日該大厦 法團唔俾再收留，必須六點前攞走否則就會交愛協， 所以臨急又執咗返嚟先...搵到暫托嘅但係我今日嘅行程實在太密，所以未交到畀佢住，又塞入黎迫下先囉唯有...
14/01/2025

今日好頻撲...

昨晚凍冰冰被人遺棄喺馬路邊嘅小寶貝，由於今日該大厦 法團唔俾再收留，必須六點前攞走否則就會交愛協， 所以臨急又執咗返嚟先...

搵到暫托嘅但係我今日嘅行程實在太密，所以未交到畀佢住，又塞入黎迫下先囉唯有...

睇到我都想叫救命...仲未捉到，捉到會即刻送去診所...咩事咁傷...
14/01/2025

睇到我都想叫救命...
仲未捉到，捉到會即刻送去診所...

咩事咁傷...

14/01/2025

緊急突發
又一隻重傷貓 😭
剛剛收到個叫救命嘅電話，有一隻貓條頸爛曬，位置喺打鼓嶺雲泉仙館，嗰度係一個狗咬貓嘅重災區🥺 上年panda仔就係喺嗰度執嘅 😔之後都再有一隻細貓喺嗰度執走不過嗰隻係救唔返
而家又嚟一隻 ......

14/01/2025

er.... 原post唔知點解 delete咗🥺 貓相在留言
感激各位應該搵到暫托可以托到4月 希望呢個期間可以幫佢出到領養
急尋暫托...

啲人渣天寒地凍先至嚟棄貓！🤬🤬🤬
貓貓尋晚衝出馬路，好彩個司機停得切， 跟住就發現路邊有個透明膠箱😔 佢應該係衝開咗個膠箱跟住就衝埋出馬路🤦🏻‍♀️ ...

唉… 貓貓好乖呀可以畀司機將佢放返入個膠箱度， 咁啱我個領養家長路過 ，佢兩個都收留唔到佢，唯有擺咗喺大厦管理處先， 今日先再諗辦法搵人接手。

我冇位啦大家都知， 唔係個地方冇位係個人冇時間照顧，要求其開個籠塞入去梗係得㗎，不過照顧唔到咁多咋嘛...😔

有冇邊位有時間有地方可以照顧到呢粒 慘豬呀？請pm我吖🙏🏻🙏🏻🙏🏻 管理處已經話要打俾愛協喇😢

https://www.facebook.com/share/p/15wSvNBo2Y/

大家早前有沒有看過屯門這一隻貓的求助post？喺送別小白嗰日咁啱喺屯門，所以我都有去搵過隻傷貓，當時當然搵唔到貓，不過見到附近有餵食兜，又問到路口間屋既一對好心人，知道每天早上都會有個人嚟餵流浪貓狗，所以我都留低咗電話，請佢哋幫忙問一問餵貓...
13/01/2025

大家早前有沒有看過屯門這一隻貓的求助post？

喺送別小白嗰日咁啱喺屯門，所以我都有去搵過隻傷貓，當時當然搵唔到貓，不過見到附近有餵食兜，又問到路口間屋既一對好心人，知道每天早上都會有個人嚟餵流浪貓狗，所以我都留低咗電話，請佢哋幫忙問一問餵貓人知唔知呢一隻受傷貓嘅情況。

昨天終於都有消息了，好心人又見到隻貓坐喺村口，見到有一對老夫婦喺隻貓附近， 原來隻貓係嗰對老夫婦養嘅，但係因為係舊式養貓法，即係只餵食但受傷生病嗰啲都唔會帶睇醫生😞

佢哋原來一直知道隻貓受咗傷，其實唔止一隻手，係四隻腳都爛曬😔，仲要已經爛咗一段時間🤦🏻‍♀️ (估計係食得人食嘅嘢多令到皮膚搞到敏感爛肉)
佢地話唔使理佢......🥺
唉…貓係人地既，主人話唔理，我想幫都冇立場...

不過最後我都有請好心人轉達我嘅意思，如果幫佢醫返好隻貓，唔使佢畀醫療費，會唔會肯畀我帶佢睇醫生？ 不過隻貓好驚人可能要捉都有難度...

又... 已經爭緊十萬醫療費， 我仲邊有錢醫🤦🏻‍♀️

#知道要量力而為但又做唔到視而不見
#醫療費極沉重懇請各位幫忙🙏🏻

肥肥等家等到差啲出唔到門口啦～(太肥😅)等到個樣都悶埋...有冇人鍾意肥豬肉呀好厚實㗎 ～十分好攬🤣快啲搵我傾下啦～
12/01/2025

肥肥等家等到差啲出唔到門口啦～(太肥😅)

等到個樣都悶埋...

有冇人鍾意肥豬肉呀好厚實㗎 ～十分好攬🤣
快啲搵我傾下啦～

11/01/2025

嘩太好啦！！阿一今日終於都肯自己食嘢了！🎉🎉🎉🎊🎊🎊🎊好開心💃💃💃

加油喔小寶貝💕

#醫療費籌募中
#成十萬呀陰公...

10/01/2025

蝦米係黑白禮服囡， 好乖不過唔可以困龍 ，珍珠生既2024年7月28日出世
九妹係黄色囡，嗲死人咁可愛，圓圓生既2024年7月25日出世
剛仔係黑色禮服仔， 非常親人活潑，珍珠生既
文仔係灰虎紋仔，一樣十分親人乖嗲，圓圓生既

兩個女仲食緊441藥，兩隻仔就好健康

成班細路廿個都出唔到幾多隻😔 由手掌大嘅bb 到而家幼童size，佢哋哎吔老母(即係我)湊大佢地堅好很累，將我個意志都磨到消沉曬🤦🏻‍♀️好想躺平 ......

有意領養懇請pm我，多謝多謝🙇🏻‍♀️

回家啦回家啦～又一個寶貝可以回家休養了😊娃娃出院後，就只剩Panda仔(在優活)阿一阿八同埋星爺(在新界北)，幾個還在住院中。阿八情況穩定，爭啲皮膚再好多少少就又可以出院😁星爺直頭係渡假中啦😆Panda已經冇再抽筋👏🏻不過間中都會作下， 佢...
10/01/2025

回家啦回家啦～又一個寶貝可以回家休養了😊

娃娃出院後，就只剩Panda仔(在優活)阿一阿八同埋星爺(在新界北)，幾個還在住院中。
阿八情況穩定，爭啲皮膚再好多少少就又可以出院😁
星爺直頭係渡假中啦😆
Panda已經冇再抽筋👏🏻不過間中都會作下， 佢冇乜望搵到領養，唯有過多一排等佢完全穩定後，睇下有冇位攝到俾佢返來。
阿一個情況今日都有好轉，不過依然係最擔心佢， 仲有排住 .....

住院毛孩報告完畢🙇🏻‍♀️

#醫療費籌募中
#告急呀告急呀

哎呀……你想點呀俊哥仔🤦🏻‍♀️ 明明個傷口好緊㗎啦點解今日又整爛佢呢？雖然知道只係嚴重啲既皮外傷，冇斷骨，但都唔使自殘呀嘛.....想紅住過年唔係咁搞法既...🤦🏻‍♀️🤦🏻‍♀️🤦🏻‍♀️
10/01/2025

哎呀……你想點呀俊哥仔🤦🏻‍♀️ 明明個傷口好緊㗎啦點解今日又整爛佢呢？
雖然知道只係嚴重啲既皮外傷，冇斷骨，但都唔使自殘呀嘛.....想紅住過年唔係咁搞法既...🤦🏻‍♀️🤦🏻‍♀️🤦🏻‍♀️

今日帶蓉蓉去絕育， 順便又諮詢下 Dr. Michael嘅意見，睇返之前驗血報告，今日再驗SDMA腎指數正常，都覺得蓉蓉係一隻奇怪嘅貓😅😅 所有嘢都冇大問題但係就瘋狂飲水，尿係清似水既，但又冇菌冇特別驗到其他嘢🤔 Any肥絕育都係可以照做，...
08/01/2025

今日帶蓉蓉去絕育， 順便又諮詢下 Dr. Michael嘅意見，睇返之前驗血報告，今日再驗SDMA腎指數正常，都覺得蓉蓉係一隻奇怪嘅貓😅😅 所有嘢都冇大問題但係就瘋狂飲水，尿係清似水既，但又冇菌冇特別驗到其他嘢🤔
Any肥絕育都係可以照做，其他就再慢慢諗。

阿一個腸胃麻麻，仲係唔肯自己食，今晚去探佢嘅時候就撞見佢又嘔啦...😔
其他都進入康復階段，唯獨係阿一真係比較擔心，有啲停滯不前嘅感覺😢

好似我現在咁，都好迷茫.....
點解六合彩冇我份中🥺😆

#醫療費籌募中
#誰來救救我

呢隻就係前幾日講過，唔知係俾人打定係俾車撞到頭嘅浪浪， 佢叫做小小白(個名唔係我改㗎😅) 照片可以見到第一日剛剛捉佢嘅時候塊面係非常腫，睇咗初步醫生後，食住藥有消左啲腫既。👀請注意，這個不是籌款帖！👀現在求助人申請緊NPV嗰邊嘅流浪動物福利...
07/01/2025

呢隻就係前幾日講過，唔知係俾人打定係俾車撞到頭嘅浪浪， 佢叫做小小白(個名唔係我改㗎😅)
照片可以見到第一日剛剛捉佢嘅時候塊面係非常腫，睇咗初步醫生後，食住藥有消左啲腫既。

👀請注意，這個不是籌款帖！👀

現在求助人申請緊NPV嗰邊嘅流浪動物福利基金，如果申請到嘅話手術費同住院費都係NPV俾，不過照ct同埋住院按金就要係求助人出返。

出呢個post嘅原意係證明真係有呢一個求助，並唔係我隨口噏出嚟搏同情😅
你知啦而家呢啲好敏感，大家都好驚俾人呃，我自己都驚俾人偷相去呃人，所以都係出返個post交代一下而家呢隻貓既情況同去向，照片都經過求助人同意才刊出🙇🏻‍♀️

暫時未收到通知佢哋申請成功， 不過應該都會批掛🤔因為佢真係一隻浪浪...

阿妹個傷口畀我包紮住兩日，佢R唔到之後， 今日幫佢洗傷口就見到好返好多喇， 不過一日未生返埋都唔可以掉以輕心， 要繼續包住。娃娃嘅兩個大傷口今日做咗縫針，過幾日如果冇咩特別就可以出院💪🏻阿一今日裝咗餵食喉不過未有相，聽日補上。診所嘅醫療數已...
07/01/2025

阿妹個傷口畀我包紮住兩日，佢R唔到之後， 今日幫佢洗傷口就見到好返好多喇， 不過一日未生返埋都唔可以掉以輕心， 要繼續包住。

娃娃嘅兩個大傷口今日做咗縫針，過幾日如果冇咩特別就可以出院💪🏻

阿一今日裝咗餵食喉不過未有相，聽日補上。

診所嘅醫療數已經上到七萬🥶🥶
唯有都係碌卡頂住先啦...挨年近晚大家都有好多過年嘅嘢要預備，捐款少咗都係冇辦法嘅事😞

好多貓b要出領養呀，大家有親戚朋友有興趣領養嘅記得介紹下🙏🏻🙏🏻

#龐大醫療費籌募中
#能救盡救

圖片比較震撼，或會令人不安🙏🏻，敬請自行斟酌觀看🙇🏻‍♀️1️⃣未包扎既係娃娃，終於今天傷口狀況穩定開始收細，明或後天可以縫起來了。2️⃣妹妹既441藥食到第72日，後頸之前打針爛既傷口本來好緊黎，哎一夜之間又R到損哂🤦🏻‍♀️冇細size...
06/01/2025

圖片比較震撼，或會令人不安🙏🏻，敬請自行斟酌觀看🙇🏻‍♀️

1️⃣未包扎既係娃娃，終於今天傷口狀況穩定開始收細，明或後天可以縫起來了。
2️⃣妹妹既441藥食到第72日，後頸之前打針爛既傷口本來好緊黎，哎一夜之間又R到損哂🤦🏻‍♀️冇細size既衫仔唯有自己幫佢包住先。
3️⃣阿一真係最嚴重嗰個😔，當啲皮終於爛開哂之後，基本成個背脊啲皮爛哂😢好在今日個驗血報告血指數有好轉，雖然白血球升左，不過再加左呼吸道抗生素俾佢，希望有幫助。
4️⃣九妹之前傷口都半邊身咁大，不過已經縫合左，望落成條刀疤咁都係多少有啲嚇人😅

跟住係報告12月既醫療費支出，嚴重超支😰如果各位能幫忙支援，懇請pm我，感激感謝！🙏🏻🙇🏻‍♀️

達哥 (已出院)$31,736
阿八(留院中) $31,750+8960(19~30/12)
星爺 (留院中)$13,189+$9920(19~30/12)
Sasa(已歿) $3,194
小白 (已歿) $49,690
阿一 (留院中) $12,027
九仔 (已出院)$7,494
娃娃 (留院中) $10,902
總數：$178,862

由於單據頁數太多，所以都是只上傳第一頁與最後一頁，如想睇全部的請pm我另外給你🙇🏻‍♀️

Address

Hong Kong

Website

Alerts

Be the first to know and let us send you an email when 小玉谷 粉嶺某村浪貓療養院+托兒所 posts news and promotions. Your email address will not be used for any other purpose, and you can unsubscribe at any time.

Videos

嘩太好啦！！阿一今日終於都肯自己食嘢了！🎉🎉🎉🎊🎊🎊🎊好開心💃💃💃 加油喔小寶貝💕 #醫療費籌募中 #成十萬呀陰公...

蝦米係黑白禮服囡， 好乖不過唔可以困龍 ，珍珠生既2024年7月28日出世 九妹係黄色囡，嗲死人咁可愛，圓圓生既2024年7月25日出世 剛仔係黑色禮服仔， 非常親人活潑，珍珠生既 文仔係灰虎紋仔，一樣十分親人乖嗲，圓圓生既 兩個女仲食緊441藥，兩隻仔就好健康 成班細路廿個都出唔到幾多隻😔 由手掌大嘅bb 到而家幼童size，佢哋哎吔老母(即係我)湊大佢地堅好很累，將我個意志都磨到消沉曬🤦🏻‍♀️好想躺平 ...... 有意領養懇請pm我，多謝多謝🙇🏻‍♀️

花姐，3個BB 5/10/2024 在家出世，村民見佢大肚唔想佢再喺街生，因為之前生嗰啲bb都唔見曬了， 所以今轉佢大肚就求助搵我接入屋生產。 幾個塞豆窿都長大曬啦，呢幾隻捱過咗傷風存活下來，花姐既傷風同埋腸胃炎都好返了，全部都出領養呀～ 拜託大家幫幫忙全部post都大力share下🙏🏻🙏🏻🙏🏻， 出唔到領養塞實哂，想救嘅貓/全部近期嘅求助我都幫唔到，咁唔係辦法呀😖～ 大家想領養就搵我啦～貓滿為患呀😅

包包既BB都已經好大個了， 全部都好可愛似足阿媽咁親人 ，但仲係一隻都未出到....🤔 黄色仔，另外兩個係囡 8月25日在家出世 如果可以連埋阿媽一對領養梗係最好啦，不過如果有貓伴都可以單隻領養嘅😊

🎊🎊🎊YEAH~~~!!!🎉🎉🎉👏🏻👏🏻👏🏻👏🏻 Panda仔已經連續8日冇抽筋了！🎉🎉🎉 太好😍😍

哎呀你睇下蓉蓉🥰真係超級無敵勁咁嗲！🥰💕 任摸唔嬲，一停手仲會自己撞埋來☺️ 但係咩解咁靚又乖都冇人問呢？唔通挨年近晚真係冇人想領養？ 有冇黑貓控呀快啲搵我傾下啦～

最開心的莫過於見到你安好，唔抽筋可以正常的食玩瞓😊 唔摸得唔緊要，剩係望住你玩都好開心🥰

還記得一個月前因為Panda仔抽筋越來越嚴重，所以約了去睇神經專科醫生嗎？ 之前一直不敢更新Panda仔的情況，直到這兩天確定他的抽筋終於又再受控了才敢報告一下... 睇完專科返來換走了一隻副作用大的藥，加左一隻新藥，希望能更有效控制病情，怎料Panda仔對新藥毫無反應，而且抽筋情況比之前更嚴重了不止一倍，最嚴重時一天抽十次筋，時間最長一次試過抽4分鐘😭 Keep 住都有問專科嗰邊應該點做，加過兩次藥都係冇用唔得，期間恰逢醫生放兩星期大假，得到的回覆都是只能俾時間等抽血去驗..... 睇住護士報告每日佢抽筋既次數同時間，越來越多越來越長，心裡十分擔心咁抽法唔死都變腦殘，專科又一味話要等，情況就好比你望住佢喺你面前受傷流血不止，而你竟然話要等佢繼續流血到一個點再驗下啲藥有冇效先再調較劑量一樣😖，然後每次同專科診所的電話對答都要重覆一次佢既所有情況🤦🏻‍♀️心很累... 最終還是決定不用新藥了因為根本沒效果，兩害取其輕之下用返之前話副作用大嗰隻藥(專科嗰邊唔准用，因為有4成機會有副作用，如果出現的話可嚴重至死亡，但睇情況係如果不用的話應該死得仲快)，再加重另外兩隻藥量，再加多隻放鬆神經的藥... 做完呢一輪操作，終於終於，呢幾日Panda仔冇再抽筋了！實在太好！謝天謝地謝謝優活醫生護士！🙏🏻🙏🏻🙏🏻 Panda仔大抽筋既片段我有好多😔，都不放上來了，這一條片是停了抽筋後兩日，昨天護士給我的等開飯片段😆 擔心了一個月，終於可以放心一陣....

救命呀！呢兩條小笨友曳到拆天🤦🏻‍♀️😵‍💫😫 有冇人可以啦我攞走佢地呀…😖

餵左8年既俊俊，唔見左4日之後今日終於出返來，果然受傷了😥 連續搵咗佢幾日，幾條村週圍傻婆咁大叫，其實都估到佢係受咗傷出唔到嚟，佢一向肥C大隻冇病冇痛，唔會無端端失蹤，對上嗰次都係因為隻手受咗傷失蹤左幾日，今次又係隻手出事，🤦🏻‍♀️好彩都仲可以出返來搵我，但係佢而家長期喺屋頂，捉唔到佢入屋養傷😥 唯有繼續餵多啲等佢食飽啲，希望對傷勢有幫助啦...

星爺飲住水祝各位： 冬至快樂🥰

小白其實好嗲好鐘意人摸 ..... 今日一摸佢就已經挨個頭埋黎，仲係咁煲水添🥺 但係佢個病情...其實已經好差😭，複雜而且極不樂觀，不知從何說起...等我稍為整理一下再出一個詳細既post 現在係等緊抽組織既化驗報告先能確定佢情況... 望住佢仍然想生存的眼神，實在做不到送他走....以後再說吧😔

Shortcuts

Share

Category