07/01/2025
支持領養👍
如果真係要買寵物🐶🐱 記住要選擇合法持牌嘅寵物店買呀🙂
#公民教育【警惕寵物釣魚詐騙】
🚨大家有冇聽過「寵物釣魚詐騙 」（Petfishing）呢？呢個係近年寵物買賣越嚟越普遍嘅詐騙手法，每位準寵物主人都要注意！🐾
「寵物釣魚詐騙」一詞嚟自「釣魚詐騙」（Catfishing），指騙徒喺網上發布一啲虛假或具誤導性嘅寵物資訊吸引買家，而實際上呢啲寵物嘅來源同健康狀況好多都有問題😱。
騙徒好多時訛稱出售自家繁殖嘅健康名種狗，以比市價低一截嘅價錢嚟吸引買家上釣，但呢啲狗狗實際上可能嚟自環境惡劣嘅無牌繁殖場。當買家買咗狗狗後，就會發現狗狗其實體弱多病，需要花費大額嘅醫療費治療🩺；有啲狗狗甚至未趕得切治療就已經離世。呢啲情況唔單止令主人蒙受金錢同心靈損失😥，仲可能涉及動物福利問題！
💡 所以提提大家，養寵物前記得要做足準備。大家買寵物前，不妨考慮向動物福利機構領養寵物，咁就可以拯救到一條寶貴嘅生命 🐶🐱！
想了解更多購買寵物嘅風險及須知，請瀏覽👇🏻嘅專題網頁：
pets.gov.hk/petfishing
#漁護署 #寵物釣魚詐騙 #自家繁殖 #動物福利 #謹慎責任 #善待動物
