https://www.facebook.com/1786198441685905/

Wing Wing Sweet Home

Home
Hong Kong
Yuen Long
Wing Wing Sweet Home

Purple, 比高，女，08/02/2014，領養
B仔，唐狗，男，06/08/2013，原居於慈雲山墳
(1)

27/06/2024

報告一下…
B仔繼續自我Prolong Fasting
然後我除咗餵藥，餵咗omega 3, golden paste,排毒抗氧化嗰個汁（紅菜頭蕃茄紅蘿蔔汁）同優遁草汁…
不過2個真係飲落肚可能都係得各10ml
由於佢唔食，所以golden paste 係塞入膠囊餵，所以都係得1g左右…

放心，全部嘢都係分時段餵。
等佢吸收到之餘又唔駛增加胃負擔…

頭先整的士飯嘅時候都有塞咗2粒免治肉仔俾佢…我眼見就冇吐返出嚟嘅…

諗緊星期六出去覆診同配藥…

26/06/2024

今日大佬針灸嘅時候勁開心，係咁郁郁吓🤣🤣

仲有靚女相伴添

____________________________
#我家的士 #唐狗也是寶 #唐狗
#唐狗其實很可愛 #領養不棄養
#領養代替購買 #不離不棄

#猫犬多頭飼い #雑種犬 #老犬 #老犬介護

25/06/2024

有一件事情，要向大家宣佈…

B仔…

有胃癌…
而且原來胃癌…
就算做化療…
存活同好返嘅機會率好微…

事源由5月尾佢開始有間歇性嘔吐，每次都係放狗行二十分鐘之後就瘋狂食草…然後嘔。

起初以為可能Storm BB 行得太快扯到佢（佢哋係拖右邊），所以已經再次控制Storm 唔俾搶繩。再幫B仔換胸帶。

頭幾日情況有改善，但之後結果一樣…
經驗話我知係胃唔舒服，咁我諗緊會唔會係老咗可能消化唔到某啲嘢令胃部唔舒服…
所以已經剪細咗B仔食嘅骨。
加咗榆樹皮粉同酵素…
但情況冇改善…
於是B仔就跟埋出去一齊見Dr. Li
起初醫生覺得佢可能胃/食道損咗，所以行嘅時候胃酸𠺘𠺘吓令B仔覺得胃唔舒服所以食草催吐。
醫生話唔駛食藥，會自然好…
隨後5日都繼續每晚放狗嘔。
之後同返醫生講，
醫生只係配咗止嘔藥俾佢。
但我發覺食咗唔嘔，唔食就嘔。
（咁即係治標不治本）
醫生就答，正常㗎，腸胃炎要3-6個月時間修復。

咁好啦！我再自己每日餵榆樹皮+止嘔藥。
但一星期過去，冇好轉之餘B仔開始食慾不振同精神欠佳，
上星期五，B仔嘔吐嚴重咗，嘔咗2次。
咁我唯有就近Book優活睇，點知闕醫生放大假…
唯有睇另一個不知名嘅陳女醫生。
佢淨係話佢老，又要我驗胰臟驗甲狀腺驗全血。
但就無視我話覺得佢係個胃有啲問題。
最後胰臟指數偏高，佢又建議我照ultrasound ，
好彩當時冇得現場照
（因為中間發生不愉快事件，助護粗暴對侍我B仔）
仲要開我$5500
後尾醫生只係開咗開胃藥同止嘔藥俾B仔。

然後喺星期日我擺巿集返嚟，就發現B仔嘔，仲要係鮮血。
由於夜晚發現，夜診又係好多都唔好。
決定第二日再睇。
經狗友介紹下去咗睇吳醫生…
佢睇晒啲報告，聽完我講，都認同係個胃有啲問題，於是佢照ultrasound 就決定照胃先。
然後照咗一陣，肝腎好靚仔冇事，到胃附近，就發現唔對路…
有好大遍黑色（原來係胃附近淋巴腫大了！）
再照胃… 醫生臉色一沈…
話大獲了！
胃壁增厚咗好多好多…
醫生已經話應該係啲唔好嘅嘢發生咗…
再照胃嘅另一邊，都有一抽淋巴腫大了…
然後醫生已經confirm 係胃cancer …
佢解釋有2個方案可以做，一就係化療，但佢話胃cancer 做化療效果不大… 最後都係……
二就係如果佢已經去到唔想食嘢階段…不如打枝針等佢舒服啲走…

我當刻沈默咗…
醫生見狀都話唔逼我，俾幾日時間我諗下。
話開住啲藥等佢個胃舒服啲同睇下可唔可以止血先…

暫時食咗2日藥，係冇嘔嘅…
不過依然唔肯嘢，悶悶不樂，無厘精神咁。
尋晚B仔好堅持要一齊出去散步，但行咗幾分鐘後已經體力不支趴低咗…
抖咗一陣之後有再行，最後佢堅持到出去放狗嘅點。
就唔肯再行，起初抱佢，一兩分鐘後佢係有掙扎想落返地（因為佢一向唔鍾意俾人抱）
但行咗幾步又趴低了…
今次抱佢冇再掙扎，一直抱回家。
上網研究咗一輪，胃嘅通常都一定係惡性，並且喺幾個星期至一個月就會惡化得好快。

其實阿媽我好掙扎，我最唔想係要我啪針送你哋走…
最想係你哋瞓住覺走…
加上屋企家族史好多都係cancer 死，所以我已經不斷俾定啲抗氧化嘅食物俾佢哋，希望大家唔好有cancer …

點知… 竟然最乖嘅小朋友就有cancer...
我最放心又生性嘅小朋友竟然有cancer...
最人狗小朋友friendly 嘅小朋友竟然有cancer...

其實都係因為B仔我先開始整零食，因為佢好挑食，膠零食同嗰啲骨樣餅小饅頭嗰啲都唔食…
不過B仔真係由細到大都係腸胃比較差，食狗糧大部份牌子都屙…
為咗你，全家轉生肉，為咗搞好你條腸，我努力研究天然療法，仲整埋kefir 添…

點知最後個胃都係有事…

____________________________

#唐狗也是寶 #唐狗
#我愛黑狗 #我愛黑唐 #領養不棄養 #領養代替購買

#黒犬 #雑種犬

19/06/2024

嚟針灸都可以瞓著覺,仲發夢跑跑添

13/06/2024

因為某啲原因，今日去咗新地方針灸，
佢針灸期間竟然有反應想坐喺身👍🏽👍🏽
之前最多都係手腳撐撐吓。
難得出嚟，又行吓海邊吹吹風啦！！
都順便有行吓k11㗎🤣
雖然係路過~~

#第一次行星光大道
#第一次行尖沙咀
#第一次行商場

06/06/2024

好耐冇影樓梯照😊

05/06/2024

認承咗大佬，佢識揸Uber之後好天氣就帶佢落街。
阿媽今日終於實踐承諾。😎
帶咗大佬落街，仲有行咗叮屎咁短嘅路仔，順便希望可以grounding 一下！！
不過太多蚊啦！我哋ground咗十零分鐘左右就慢慢行返屋企嚕…

#希望下次可以長時間一啲

03/06/2024

本身醫生以為佢唔行倒，同上次一樣話唔駛做高氧壓，因為主要對傷口同關節有幫助嘅。但我俾完條坐輪椅行嘅片醫生睇，醫生見佢咁叻仔行倒話可以做呀！！
不過體重方面，聽醫生口吻應該都係年紀越大，終點越近個體重會越輕…
醫生教我加啲蕃薯俾佢增加返啲脂肪。
咁DDY就用嚟build 肌…

01/06/2024

真係要讚吓自己整嘅stand🤣
話說用我一般嘅stand，平面嘅佢又係食到個鼻都跌埋落啲肉肉度…
試過傾斜45度畀佢，佢又推跌曬啲嘢食落個碗邊。
依家呢個度身位呢個碗而設然後微微傾向前傾斜，
成功，食得舒服又唔會“舐”咁hea🤣

____________________________
#我家的士 #唐狗也是寶 #唐狗
#唐狗其實很可愛 #領養不棄養
#領養代替購買 #不離不棄

#猫犬多頭飼い #雑種犬 #老犬 #老犬介護

30/05/2024

我都係轉行揸Uber 啦！
不過要努力操吓車先🚙💨

27/05/2024

又出嚟針灸，唔知做乜今個星期右腳冇乜力…
但針灸中又識撐吓撐吓！！
希望快啲有好轉…

____________________________
#我家的士 #唐狗也是寶 #唐狗
#唐狗其實很可愛 #領養不棄養
#領養代替購買 #不離不棄

#猫犬多頭飼い #雑種犬 #老犬 #老犬介護

24/05/2024

紀錄一下，一枝呢個都要$5×💸。
大佬個體重係要食10ml，所以我早晚5ml。
今日食第三日！！
不過長肌呢壇嘢，我諗冇咁快睇得出啩？
枝peptide 明明係木虱魚做… 但唔知點解有雞精嘅香味🤣
我偷舐咗一滴，又唔苦㗎喎…
但好得意嘅係，我試下隊俾蒲姐B仔都唔飲…
難道佢哋咁生性知道要留俾大佬嘅？！🥹

DDY Pet HK

23/05/2024

自動自覺飲水的喵😽

21/05/2024

呢枝 DDY Pet HK 真係好貴…
阿媽擺一日巿集先夠錢買…😭
之前都有朋友仔介紹我用… 但真係貴，所以等醫生confirm 埋先買…
呢枝可能係幫佢長肌肉嘅最後補物。
醫生話呢枝嘢嘅peptide 嘅份子好細，細到一啪入口就已經可以喺黏膜開始吸收…😲
呢枝嘢應該又係好活性，因為又係呢啲啡色筒，仲要用針筒抽…
即刻諗起以前做醫美，成日都要抽水光針🤣
不過佢好肯飲喎，實在太好了！
但一枝飲得2日…💸💸💸💸
唔緊要啦！最緊要長肉！！

19/05/2024

呢個大佬好叻仔，中西醫都建議佢坐多啲，由之前坐喺度等放飯到我拎入去會變返瞓低…
到今日係全程坐，
之前食到最尾2啖會瞓低，
今日食完飯飲完水都仲坐緊！！😎
抱佢上天台又好快屙尿！！👍🏽👍🏽

加油！！
尋日擺巿集又喺藥房買到醫生叫佢食嘅B12！

太好了！

____________________________
#我家的士 #唐狗也是寶 #唐狗
#唐狗其實很可愛 #領養不棄養
#領養代替購買 #不離不棄

#猫犬多頭飼い #雑種犬 #老犬 #老犬介護

18/05/2024

尋日見完Dr. Li ，醫生檢查完一輪，話佢啲手仔腳仔反應好好，其他反應都好好… 話佢唔係中風。
咁我問佢會唔會有老人痴呆症啦！佢話呢個年紀實有小小。
同埋16歲，已經好叻仔啦！
我都有同佢講，依家冇餵生肉啦！轉咗煮鮮食俾佢…
加埋糧都越食越瘦…
之後佢話年紀大，胃同腸嘅吸收能力會大幅下降，可能每餐只能吸收倒4、5成…🫠
咁我都有問佢點算，醫生叫我餵消化酵素，然後我話其實我由佢開始唔吸收之後都每餐有餵緊… 之後醫生介紹咗我一隻peptide ，我都即刻訂咗…
另外醫生都有開咗啲腦放鬆藥俾大佬。
咁我又有同佢講佢行唔到啦！同已針灸+物理治療…
醫生都話佢年紀大，之前瞓得太耐唔記得咗點企（因為醫生都話佢手腳有力）
叫我逼佢坐多啲，同埋得閒企吓，等佢記得腳掂地同用力係咩感覺…

17/05/2024

其實真係唔好再同我講佢好瘦啦好冇，老母我已經壓力爆煲了！
我知大家好關心佢，呢一年嚟我都俾多咗嘢佢食，又食緊好多補品，但佢都唔吸收… 我可以點？
我都寧願越食越瘦嗰個係我…

#老母真心崩潰了

17/05/2024

針灸完再加治療師姐姐嚟完，呢2日叫做坐到起身食嘢！
不過有個壞消息…
話說第一次治療師問我佢有冇中風？之後佢摸完一輪話應該冇啩…
前幾日去針灸… 中醫師話佢係中風… 不過可能好輕微…
到尋日治療師姐姐嚟，我再問，佢話係😢
不過佢算好叻仔，手腳有力…
佢話好多都手腳頭都冇力…
今日再去睇dr. Li睇下有咩意見幫倒佢先…
我連人類中風都冇接觸過…
都唔知點搞好…

12/05/2024

#圖狗不符

圖中小狗只是等執雞😋

今次呢轉嘅大佬養生鮮食包Juicy啲嘅~
因為始終驚佢唔夠水。
湯底係bone broth+姬松茸（磨咗粉）+松草花（磨咗粉）+猴頭菇+妃子
配菜係節瓜+西蘭花（打碎了）
主肉：法國火雞+野生三文魚柳
內臟：日本雞心

碗入面係額外加咗蛋殼粉同其他herbs，所以綠綠地😅

____________________________
#我家的士 #唐狗也是寶 #唐狗
#唐狗其實很可愛 #領養不棄養
#領養代替購買 #不離不棄

#猫犬多頭飼い #雑種犬 #犬の食事

12/05/2024

隻兔遇溺呀! HELP!!!🤣🤣🤣

多謝Becky sponsor 兔頭🥰

09/05/2024

謝謝朋友嘅朋友捐贈輪椅🙇🏽‍♀️
#係啊姐姐都好窮但我會盡辦法醫隻老狗囉
雖然佢唔係好肯行…
不過由於治療師姐姐話佢今個星期主要練習返企。
（其實係要行吓㗎…）
不過我發現原先佢左腳唔識用返力企…
咁我哋上星期嘅功課就係train up返佢用返左腳嘅力企，
因為治療師話其實佢手手腳腳都有力，咁我都有問，點解既然有力但佢又企唔倒起身？！
姐姐話要慢慢嚟…
但我一個人幫佢做復健運動就發現，佢企嘅時候調返轉依家會用左腳企但唔用右腳…
然後行重心依然向後，坐咗落我度…😮‍💨
然後我就同姐姐講… 我帶唔到佢學行，
同發現以上問題
唯有只能練企先…

依家張輪椅，起碼幫倒佢企喺度食飯先~~

#謝謝有心人

____________________________
#我家的士 #唐狗也是寶 #唐狗
#唐狗其實很可愛 #領養不棄養
#領養代替購買 #不離不棄

#猫犬多頭飼い #雑種犬 #老犬

01/05/2024

Terra 話依家出嚟行最緊要帶「紙羹」🤣🤣

30/04/2024

喂，影緊樓梯照喔！Terra 可否合作點？ 🫠
下秒到Storm BB hold不住了！🤣🤣🤣

29/04/2024

呢個男人進步咗，尋晚食飽飯，自己拮起身坐咗好耐🚖

#終於唔係瞓啦

27/04/2024

今日終於物理治療師姐姐嚟咗…
然後經檢查發現其實佢冇乜大問題
（咁都放心咗啲）
純粹佢左邊腳冇用力，（or用唔到力）
因為我記憶中佢以前放養嘅舊患就係左腳…
不過經過歲月嘅飛逝…之前補落嘅腳腳quota 應該用晒了！😢
加上年紀大，肌肉流失…
依家嚟緊呢個星期主要係要拉返鬆晒啲筋。
增強返頸部柔軟度。
加強返左腳用力企嘅習慣。
從而鍛煉返左腳嘅力量。

繼上星期飲完雞腳bone broth,
今個星期繼續飲豬骨bone broth.
再飲多轉補肝腎嗰個湯，因為可以幫助引血下流，增加返腳仔嘅血液循環。
繼續鮮食…
繼續照機。
然後仲要一日做三次姐姐教嘅練習。

繼早2日有企過起身屙尿之後，佢就又唔肯再企起身屙尿…
然後今朝我傍住佢行。（治療師姐姐話我咁樣都可以嘅！）
佢又肯屙咗一篤尿。👏🏽👏🏽👏🏽 又行咗半個天台。

呢幾日吠把聲都明顯有氣咗…

加油啊！你企得返起身肯行吓阿媽已經好感恩。
我哋仲要一齊過16歲生日！！💪🏽

____________________________
#我家的士 #唐狗也是寶 #唐狗
#唐狗其實很可愛 #領養不棄養
#領養代替購買 #不離不棄

#猫犬多頭飼い #雑種犬 #犬の愛

18/04/2024

忽然醒起之前dr. Li叫我買嘅呢張能量墊，雖然唔知有冇用，不過當被仔冚吓囉又…
照機又唔駛驚啲餘光其他狗望倒唔好喇！
食咗2日寵芝靈。
Keep住飲cell food 水
繼續食鮮食，依家穩定地出現靚💩，
上星期加咗小小牛肝俾佢都ok，
所以今轉肉嘅比例開始越來越多，今次加埋兔肝。
今日煲咗個bone broth 俾佢補補。

呢2日叻仔呀大佬，
傍住肯行吓，最長有十分鐘。
仲要終於呢2日大佬都唔肯瞓喺度屙尿，要抱上天台傍住佢企先肯屙。乖仔。
希望月尾物理治療師嚟嗰陣有力氣。

____________________________
#我家的士 #唐狗也是寶 #唐狗
#唐狗其實很可愛 #領養不棄養
#領養代替購買 #不離不棄 #老犬

#猫犬多頭飼い #雑種犬 #老犬介護

17/04/2024

聽人講寵芝靈對老狗好，因為的士經過今次肚屙之後就唔肯再行了！其中一個原因我估係冇力氣啦！
佢精神肯趴喺度己經係食飯嘅時候。
姐姐好好呀！我本身諗住買2盒試下，又驚我嘥錢反而叫我買咗一盒試吓先，一啲都冇hard sell !😄
同佢講完個case佢仲第一時間寄俾我。
今日開始食，希望月尾做物理治療會有力氣啦！
（冇偈，嗰個姐姐都好full，要排到月尾先有位）

____________________________
#我家的士 #唐狗也是寶 #唐狗
#唐狗其實很可愛 #領養不棄養
#領養代替購買 #不離不棄

#猫犬多頭飼い #雑種犬 #犬の気持ち

15/04/2024

又同B仔去咗拍拖仔 🥰
因為要帶B仔出去搵姐姐，
順便又要寄貨。咁就梗係獎勵吓呢個乖仔啦！
知道狗狗都有潑水節~~
仲要咁近，冇理由唔過嚟嘅。

#打卡擔當
____________________________

#唐狗也是寶 #唐狗
#我愛黑狗 #我愛黑唐 #領養不棄養 #領養代替購買

#黒犬 #雑種犬 #犬の写真

07/04/2024

多謝大家，
多謝 MIA媽媽一齊準備生日會。
今次同MIA,MAYA一齊慶祝生日。
難得MAYA都好鍾意同Storm BB 玩！！🥰
🙆🏽‍♀️：喂？兩姊妹一齊鍾意我Storm 得唔得㗎😹😹
仲識倒個靚女~~星星
佢都係四眼唐唐🤓
希望下年可以繼續一齊玩~~😘

06/04/2024

諗住整個in-house 嘅生日會仔啦！
（其實係因為準備明天生日會嘅食材多咗😹）
點知相都未影倒，Storm 就偷食了😅

#佢真係超級為食

____________________________
#唐狗也是寶 #唐狗
#唐狗其實很可愛 #領養不棄養
#領養代替購買 #不離不棄

#猫犬多頭飼い #雑種犬 #犬の誕生日

Address

Tai Tong
Yuen Long
00000

Website

facebook.com

Alerts

Be the first to know and let us send you an email when Wing Wing Sweet Home posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Wing Wing Sweet Home:

Videos

嚟針灸都可以瞓著覺,仲發夢跑跑添

紀錄一下，一枝呢個都要$5×💸。大佬個體重係要食10ml，所以我早晚5ml。今日食第三日！！不過長肌呢壇嘢，我諗冇咁快睇得出啩？枝peptide 明明係木虱魚做… 但唔知點解有雞精嘅香味🤣 我偷舐咗一滴，又唔苦㗎喎… 但好得意嘅係，我試下隊俾蒲姐B仔都唔飲… 難道佢哋咁生性知道要留俾大佬嘅？！🥹 DDY Pet HK

自動自覺飲水的喵😽

冇嘢食喺手都hand倒，叻仔！！👍🏽 咁叻仔又靚仔，你哋唔係唔帶佢返屋企呀？ #winston @pawmiseland_ #四眼唐唐俱樂部 #唐狗 #待領養 #adoptnoabondant #adoptdontshop #adoption #puppy #puppylife #puppysofinstagram #hkdog #hkpuppy #mongreldog #mongrellovers #mongrel #mixbreed

Winston 學嘢勁快教幾次就已經識sit同hand!!😎

發夢的節奏…😴 有誰在和你跑跑呢？ ____________________________ #我家Terra #山系女孩 #山系狗狗 #唐狗也是寶 #唐狗 #四眼唐唐俱樂部 #mongreldog #mongrel #hkmongrel #mongrellife #mongrellove #hikingdog #hikingwithdogs #doghiking #hkdog #happydog #hkdoglover #dogslover #雑種犬 #犬の眠い顔

今日出領養日，識咗個好啱玩嘅朋友仔😆 仲玩到濕晒🤣🤣 #大家快啲帶我返屋企啦 #可夾貓狗 #親人親狗 #有意DM我託媽 #FosterStorm #fosterbb #fosterdog #支持領養 #待領養 #唐狗 #唐狗bb #待家的孩子 #adoptnoabondant #adoption #adoptdontshop #playfuldog #puppy #puppylife #puppysofinstagram #mongreldog #mongrellovers #mixbreed #mixdog #hkdoglover #hkdog #dogstagram #wingwingsweethome

兩個玩到呢？但係Storm BB 對鏡頭好敏感喎😄😄 一發現我影住就坐直直唔玩🤓 #大家快啲帶我返屋企啦 #可夾貓狗 #有意DM我託媽 #FosterStorm #fosterbb #fosterdog #支持領養 #待領養 #唐狗 #唐狗bb #待家的孩子 #adoptnoabondant #adoption #adoptdontshop #mongreldog #mongrellovers #mixbreed #mixdog #hkdoglover #hkdog #dogstagram #wingwingsweethome

呢個小朋友，其實上星期已經識食飯前俾hand，不過今日先影得倒🤓 但Storm話隻手好貴㗎，所以派零食係唔會俾㗎🤣 #大家快啲帶我返屋企啦 #有意DM我託媽 #FosterStorm #fosterbb #fosterdog #支持領養 #待領養 #唐狗 #唐狗bb #待家的孩子 #adoptnoabondant #adoption #adoptdontshop #mongreldog #mongrellovers #mixbreed #mixdog #hkdoglover #hkdog #dogstagram #wingwingsweethome

初嚐Kefir Cheese~~😚 #大家快啲帶我返屋企啦 #有意DM我託媽 #FosterStorm #fosterbb #fosterdog #支持領養 #待領養 #唐狗 #唐狗bb #待家的孩子 #adoptnoabondant #adoption #adoptdontshop #mongreldog #mongrellovers #mixbreed #mixdog #hkdoglover #hkdog #dogstagram #wingwingsweethome

剪咗舊細嘅 #鯖魚皮扭扭條俾佢食，BB仔真係好，食咩都咁滋味😋 吸收吓啲魚油等佢皮膚靚啲先，之前救佢返嚟成身都好多損口位，好返就成身結焦甩皮，依家甩得七七八八啦！開始冇頭皮困擾啦！🤓 #大家快啲帶我返屋企啦 #想領養嘅請PM #FosterStorm #fosterbb #fosterdog #支持領養 #待領養 #唐狗 #唐狗bb #待家的孩子 #adoptnoabondant #adoption #adoptdontshop #mongreldog #mongrellovers #mixbreed #mixdog #hkdoglover #hkdog #dogstagram #wingwingsweethome

又到深宵捉老鼠 🐀🐀 嘅時間喇！！😼 🤷🏾‍♀️： er…… 😅 點解捉埋我對拖鞋呢？🤣🤣🤣🤣 佢磨菇㗎！！😆 ----------------------------------------------------------- #我家小蕗 #貓貓 #唐貓 #唐貓也是寶 #領養不棄養 #虎斑貓 #港短 #wingwingsweethome #kitten #kittensofinstagram #hkkitten #catstagram #cats #catlife #playing #playfulcat #hkcat #adoptdontshop #hongkongshorthair #猫 #猫部 #猫好きさんと繋がりたい #猫犬多頭飼い #可愛い猫ちゃん

LOMO忽然發現好耐冇陪小蕗掉🐁🐀🤣，玩咗一輪先記得錄低…😼 依個女仔一玩起上嚟咩儀態都冇晒啦！🤪 #8號波梗係喺屋企開波啦 #愛玩鼠鼠的陳小蕗 ----------------------------------------------------------- #我家小蕗 #貓貓 #唐貓 #唐貓也是寶 #領養不棄養 #虎斑貓 #港短 #wingwingsweethome #kitten #kittensofinstagram #hkkitten #catlover #catloversofinstagram #playfulcat #catstagram #cats #catlife #playing #hkcat #adoptdontshop #hongkongshorthair #猫好きさんと繋がりたい #猫犬多頭飼い #可愛い猫ちゃん #猫 #猫好き