https://www.facebook.com/100504199257127/

PIND Chohan, Amritsar Jalandhar GT Road near tangra, Amritsar (2025)

Q: What is the address?

Amritsar Jalandhar GT Road Near Tangra

02/04/2022

ਅੰਮੜੀ 🍃

ਮੈੰ ਕਦੀ - ਕਦੀ ਸੋਚਦਾ ਹੁੰਨਾਂ ਮੇਰੀ ਜ਼ਿੰਦਗੀ ਪੰਝੀ - ਤੀਹ ਸਾਲ ਪਿਛਾਂਹ ਚਲੀ ਜਾਵੇ , ਮੈੰ ਓਸ ਦਿਨ ਨੂੰ ਆਪਣੀਆਂ ਅੱਖਾਂ ਨਾਲ ਵੇਖਾਂ , ਜਿਸ ਦਿਨ ਮੇਰੀ ਮਾਂ ਦਾ ਡੋਲਾ ਮੇਰੇ ਬਾਪ ਦੇ ਘਰ ਆਇਆ ਸੀ , ਜਿਸ ਦਿਨ ਉਸਨੇ ਇੱਕ ਜੁੜਿਆ ਹੋਇਆ ਘਰ ਪਿੱਛੇ ਛੱਡ ਕੇ ਇੱਕ ਨਵਾਂ ਘਰ ਜੋੜਨ ਲਈ ਆਪਣੀਆਂ ਸੱਧਰਾਂ ਦੇ ਤੀਲ੍ਹੇ 'ਕੱਠੇ ਕਰਨੇ ਸ਼ੁਰੂ ਕੀਤੇ ਸੀ ।
ਮਹਿੰਦੇ ਵਾਲੇ ਹੱਥਾਂ ਦੇ ਕਲ੍ਹੀਰਿਆਂ ਨਾਲ ਲਮਕਦੇ ਓਸ ਖੋਪੇ ਨੂੰ ਸੰਭਾਲਦਿਆਂ , ਇੱਕ ਬਿਲਕੁਲ ਹੀ ਬਿਗਾਨੇ ਘਰ ਵਿੱਚ ਨੀਂਵੀਂ ਪਾ ਕੇ ਤੁਰਦੀ ਨੇ ਜਦੋਂ ਘਰ ਦੀ ਦਹਿਲੀਜ਼ ਤੇ ਪੈਰ ਰੱਖਿਆ ਹੋਊ ਤਾਂ ਕਿਆ ਸੋਹਣਾ ਵਾਤਾਵਰਨ ਹੋਵੇਗਾ ।
ਮੈਂ ਚਾਹੁੰਨਾਂ ਉਸਦੇ ਚੌਂਕੇ ਚੜ੍ਹਨ ਵਾਲੇ ਦਿਨ ਬਣਾਏ ਕੜਾਹ ਦੀ ਇੱਕ ਲੱਪ ਮੇਰੇ ਹਿੱਸੇ ਵੀ ਆਵੇ , ਸ਼ਰੀਕੇ - ਭਾਈਚਾਰੇ 'ਚੋਂ ਨਵੀਂ 'ਨੂੰਹ' ਵੇਖਣ ਆਈਆਂ ਜਨਾਨੀਆਂ ਦੀਆਂ ਗੱਲਾਂ , ਮਾਂ ਦੇ ਨੈਣ - ਨਕਸ਼ਾਂ ਦਾ ਬਿਰਤਾਂਤ ਮੈਂ ਸੁਣਾਂ ਤੇ ਗਦ - ਗਦ ਹੁੰਦਾਂ ਜਾਵਾਂ ।
ਉਸ ਨੇ ਜਦੋਂ ਸਾਡੇ ਕੱਚੇ ਘਰ ਦੇ ਬਨੇਰੇ ਤੇ ਆਪਣੀ ਪਹਿਲੀ ਦਿਵਾਲੀ ਦਾ ਦੀਵਾ ਰੱਖਿਆ ਹੋਊ ਤਾਂ ਮੇਰੀ ਦਾਦੀ ਦਾ ਦੋਵੇਂ ਹੱਥ ਜੋੜ ਕੇ ਰੱਬ ਨੂੰ ਕੀਤੇ ਸ਼ੁਕਰਾਨੇ ਦਾ ਕਾਸ਼ ਮੈਂ ਗਵਾਹ ਬਣ ਜਾਂਵਾਂ ।
ਤੰਗੀਆਂ - ਤੁਰੱਟੀਆਂ 'ਚੋਂ ਨਿਕਲਦਿਆਂ ਜਦੋਂ ਮੇਰੇ ਪਿਉ ਨੇ ਮੇਰੀ ਮਾਂ ਦੇ ਹੱਥ ਤੇ ਪਹਿਲੀ ਹਾੜੀ ਦਾ ਹਿਸਾਬ ਰੱਖਿਆ ਹੋਊ , ਜਿਹੜਾ ਪੱਕਾ ਮੇਰੀ ਮਾਂ ਨੇ ਬਰਾਂਡੇ 'ਚ ਲੱਗੀ 'ਗੁਰੂ ਨਾਨਕ' ਦੀ ਫੋਟੋ ਪਿੱਛੇ ਸੰਭਾਲ ਦਿੱਤੇ ਹੋਣਾ ,ਰੱਬ ਕਰੇ ਉਸ ਦੇ ਕੁਝ ਆਨੇ ਮਾਂ ਮੇਰੀ ਜੇਬ 'ਚ ਪਾ ਦੇਵੇ ।
ਦੋ ਸੂਟਾਂ ਨਾਲ ਇੱਕ ਸਾਲ ਕੱਢਣ ਵਾਲੀ ਮੇਰੀ ਮਾਂ ਦੇ ਏਸ ਹੌਂਸਲੇ ਦਾ ਮੁੱਢ ਕਿਹੜੀ ਪੀੜ 'ਚੋਂ ਨਿਕਲਿਆਂ ਜੇ ਮੈਂ ਉੱਥੇ ਹੋਵਾਂ ਤਾਂ ਇਹ ਪੀੜ ਖੁਦ ਜਰ ਕੇ ਆਪਣੀ ਮਾਂ ਨੂੰ ਸੁਰਖੁਰੂ ਕਰਾਂ ,
ਅਰਦਾਸ ਹੈ , ਮਾਲਕ ਸਭ ਦੀਆਂ ਮਾਂਵਾਂ ਦੀ ਉਮਰ ਲੋਕ ਗੀਤ ਜਿੰਨੀ ਕਰੇ ਤੇ ਮਾਂਵਾਂ ਨੂੰ ਓਸ ਦੇ ਪੁੱਤਾਂ - ਧੀਆਂ ਦੀਆਂ ਉਮਰਾਂ ਵੀ ਲੱਗ ਜਾਣ ।

✍🏽ਰਣਜੀਤ ਸੰਧੂ