FON

09/10/2023

09/10/2023

*वन्यजीव सप्ताह 2023*
दि.०७ ऑक्टोबर २०२३ रोजी भिवंडी येथील दिंडीगडाच्या पायथ्याला विद्यानिकेतन क्लासेस,भिवंडीच्या विद्यार्थ्यांसाठी तसेच वन्यजीव सप्ताहाचे निमित्त साधून निसर्गभ्रमंती सहलीचे आयोजन केले होते त्या निसर्गभ्रमण सहलीत कु.निकेतन रमेश ठाकूर, फ्रेंड्स ऑफ नेचर चिरनेर, उरण-रायगड यांनी विद्यार्थ्याना त्या परिसरातील जैवविविधता दाखवून त्यांच्या विषयी माहिती सांगितली व तेथून येताना त्या परिसरातील प्लास्टीक कचरा देखील साफ करण्यात आला.B.N.N. कॉलेज भिवंडी चे प्राणीशास्त्र विभागाचे प्रा.डॉ.दिलीप काकविपुरे ह्यांनी विद्यार्थ्यांशी संवाद साधत त्यांना मार्गदर्शन केले. त्यांनी विद्यार्थ्यांना त्यांच्या स्वतःच्या फ्रेश वॉटर स्पाँज च्या संशोधन कार्याविषयी माहिती दिली.जैवविविधतेचं संरक्षणासाठी व निसर्गवेड जपण्यासाठी त्यांनी विद्यार्थ्यांचा एक इको क्लब - "नेचर वॉरियर्स" देखील बनवण्यासाठी विद्यानिकेतन क्लासेस च्या संचालकांना सुचवले, जेणेकरून विद्यार्थ्यांत निसर्गाची आवड निर्माण होईल व भविष्यातील निसर्ग संवर्धक बनतील. कार्यक्रमास विद्यानिकेतन क्लासेस चे संचालक श्री.अनिल राठोड सर, सौ. सुकन्या राठोड मॅडम व शिक्षिका कौसर अन्सारी ह्या उपस्थित होत्या.

07/07/2023

काल (06/07/2023) संध्याकाळी 06.03 मिनिटांनी आवरे गावातून समाधान म्हात्रे ग्रा.सदस्य (पाले) यांचा कॉल आला,की आवरे गावात भटक्या कुत्र्यांनी जखमी केलेल एक भेकर (Barking Deer) संजय गावंड यांच्या घरात आश्रयाला आलं आहे. मी त्यांना सांगितले की याबाबतब कुणाला सांगून तिथे गर्दी वाढवू नका.त्यांनी सांगितले की आम्ही थेट तुम्हालाच कॉल केला आहे व आम्ही त्या जीवाला एका अंधाऱ्या खोलीत ठेवले आहे.या घटनेची खबर उरण चे RFO श्री.कोकरे सरांना दिली. मी, माझा मुलगा प्रथमेश ,राकेश शिंदे,अविनाश गावंड घटनास्थळी पोहोचल्यावर पाहिले असता भेकराच्या उजव्या शिंगाला दुखापत झाली होती, हे प्रथमदर्शनी समजले कारणं त्यातून रक्त वाहत होत.मनुष्य संपर्कात आल्यामुळे तो जीव स्ट्रेस मध्ये येऊ नये म्हणून त्याच्या डोळ्यावर एक कापड टाकून जखमी शिंगावर लिक्विड बेटाडीन लावले.पण नंतर च्या तपासणीत त्याच्या छातीच्या उजव्या बाजूला एक चाव्याची जखम, तसेच मानेवर नखे मारल्याचा खुणा व शेवटी मागच्या डाव्या पायाला सुद्धा चावा घेतल्याचे समजले.तो एक नर भेकर होता.
एवढ्या वर्षांचा वन्यजीवांच्या स्वभावाचा,सहवासाचा अनुभव व त्यातून आलेले काही दुःखद अनुभव..............अनुभव म्हणजे काही जीव वैद्यकीय मदतीच्या प्रतिक्षेत हातातच जीव सोडलेले पाहिलेत,तर काही भीतीमुळे (स्ट्रेस) हातातच मेलेले आहेत.
गतवर्षी(08/06/2022 )केळवणे गावात कुत्र्याच्या हल्ल्यात जखमी झालेले भेकर माझ्या घरी आणलं गेलं, डॉ.चा इलाज चालू असतानाच हार्ट अटॅक ने माझ्या डोळ्यासमोर मृत झाले. या भेकराच्या बाबतीत तस होऊ नये म्हणून काळजी वाटत होती. पुण्याला ट्रीटमेंट साठी पाठवायचं झालं तर गाड्यांचे हॉर्न,अडीच ते 3 तासांचा प्रवास यात काहीही होऊ शकतं. ..........म्हणून कोकरे सरांच्या मार्गदर्शनानुसार त्याच्या जखमांवर इलाज करून त्याच्या अधिवासात सोडायचा निर्णय घेतला.वेळ वाया न घालवता आम्ही आवरे गावचं जंगल गाठलं,एका ठिकाणी भेकराला ठेवून आम्ही सर्वजण तिथून बाजूला झालो.अर्धा तास,एक तास होत आला तरी ते भेकर पळून जायचा प्रयत्न करत नव्हतं,अंधार पडायला लागला होता,पाऊस ही वाढला होता,शिवाय 2 कुत्रे तिकडून येताना दिसले म्हणून त्याला उचलून एका घराचा आसरा घेतला.कोकरे सरांना कॉल करून सर्व प्रकार सांगितला.सरांनी Resq (पुणे)शी संपर्क साधून पुढील उपचाराची व्यवस्था केली.resq टीमशी मी सुद्धा संपर्क साधून इतिप्रकार सांगितला.फोर व्हीलर च्या मागच्या सीटवर भेकराला ठेऊन मी त्याच्या बाजूला बसलो होतो,मुलाला सांगितले की गाडी सावकाश चालव पण हॉर्न वाजवू नकोस.घरी आणल्यानंतर एक अंधाऱ्या खोलीत ठेवून ती खोली बंद केली.resq ची टीम यायला कमीतकमी अडीच ते 3 तास लागणार होते.10-15 मिनिटांनी त्याच्या हालचाली वर लक्ष ठेवून होतो.10.57 ला resq टीम आली ,त्यांनी तपासलं, काही इंजेक्शन दिली आणि एका केज मध्ये सुरक्षितरित्या ठेवून घेऊन गेले.
बाप्पाकडे एकच प्रार्थना की तो जीव सुखरूप resq ला पोहोचू दे आणि पूर्ण बरा होऊन लवकर त्याच्या आधीवासात त्याच्या जोडीदारासोबत राहू दे.

तळटीप:- लोकांमध्ये वन्यजीवांबद्दल जागरूकता येतेय ही मनाला सुखावणारी बाब आहे. आवरे गावचे नागरिक श्री.संजय गावंड,ग्रा.सदस्य समाधान म्हात्रे (पाले), जयवंत ठाकूर (आवरे गाव) या निसर्गप्रेमी नागरिकांनी केलेल्या सहकार्यामुळे आज वन्यजीव रक्षणासाठी आमच्या कामाला बळकटी आली.
श्री.कोकरे सरांचे विशेष आभार🙏🏻🙏🏻 वन्यजीवांच्या उपचारासाठी ते नेहमी quick action घेऊन मदत करत असतात.
या सर्वांचे आभार🙏🏻.
#फ्रेंड्स ऑफ नेचर (फॉन) सर्पमित्र निसर्ग संवर्धन संस्था ,चिरनेर,ता.उरण,जि. रायगड. #
हेल्पलाईन--9594969747

22/04/2023

20/03/2023

फ्रेंड्स ऑफ नेचर ( FON ) उरण या आपल्या संस्थेने केलेल्या कामाची दखल घेवून दि. 19 मार्च 2023 रोजी सेवा संकल्प प्रतिष्ठान, सांताक्रुझ (पुर्व) मुंबई. या संस्थेने अलिबाग येथे संस्थेला सन्मानपत्र देऊन सन्मानित केले.
🙏 धन्यवाद सेवा संकल्प प्रतिष्ठान आणि सर्व पदाधिकारी.

20/03/2023

*फ्रेंड्स ऑफ नेचर (फॉन)- सर्पमित्र निसर्ग संवर्धन संस्था चिरनेर,ता. उरण,जि. रायगड* तर्फे *जिल्हा परिषद प्राथमिक शाळा गुळसुंदे व तुंगारतन विद्यालय,गूळसुंदे* येथे जागतिक चिमणी दिवस साजरा केला.*जागतिक चिमणी दिना* निमित्ताने चिमणीचे आपल्या परिसंस्थेतील महत्त्व शालेय विद्यार्थ्यांना समजावून सांगितले तसेच चिमण्यांसाठी टाकाऊ वस्तूंपासून घरटी कशी करता येईल यासाठी कार्यशाळा देखील आयोजित केली.*वेस्ट मधून बेस्ट* या संकल्पनेतुन पुठ्ठ्याचे रोल,आईस्क्रीम स्टिक व कार्डबोर्ड ही साधने वापरून 62 घरट्यांचे वाटप केले.प्रात्यक्षिक दाखवून विद्यार्थ्यांकडून घरटी बनवून घेतली.
सदर कार्यशाळेसाठी संस्थेचे *संस्थापक अध्यक्ष श्री.जयवंत ठाकूर,जितेंद्र घरत,प्रथमेश मोकल,प्रणव गावंड, युवराज शर्मा व निसर्गमित्र दिनेश चिरनेरकर* यांनी विद्यार्थ्याना मार्गदर्शन केले व विद्यार्थ्यांनी ही या कार्यशाळेचा आनंद घेतला.*निसर्गविषयक प्रश्नमंजुषा* ह्या विषयातून विद्यार्थ्यांशी संवाद साधला.जो विदयार्थी -विद्यार्थिनी प्रश्नाचे उत्तर देईल त्याला एक घरटं विशेष भेट म्हणून देऊ केलं.

आजच्या या कार्यक्रमाकरिता
*रा.जि. प. शाळा गूळसुंदे च्या सौ.वेदांती महाले मॅडम* व
*तुंगारतन विद्यालयाचे श्री.कांबळे सर व इतर शिक्षक वृंद*
तसेच
*कर्नाळा पक्षी अभयारण्याचे
*श्री.शंकर पवार (भाऊसाहेब)*
*श्री.संतोष म्हात्रे (भाऊसाहेब)*
*वनरक्षक श्री.संतोष राठोड*
यांचे सहकार्य लाभले.🙏🏻🙏🏻

☘️ *फॉन टीम* ☘️

14/03/2023

*'फ्रेंड्स ऑफ नेचर (FON) चिरनेर,ता.उरण, जि.रायगड,नोंदणी क्र. एफ-5358(रायगड)* संस्थेची स्थापना १३ मार्च २००६ रोजी झाली. फ्रेंड्स ऑफ नेचर (FON) चिरनेर,उरण संस्था ही रायगड मधील फक्त वन्यजीवांसाठी काम करणारी पहिली संस्था आहे.
स्थापनेपासून ते आजपर्यंत संस्थेच्या कार्यात अनेक समस्या,चढ-उतार आले पण त्या सर्व संकटांवर व परिस्थितीवर मात करत आपल्या सर्व सदस्यांनी मातीशी नाळ जोडून संस्थेच्या वाढीसाठी आपापल्या परिने मोलाचे योगदान दिलंय !
*फॉन* च दुसरं अंग म्हणजे *S.A.T.(सॅट)-Snakebite Action Team (सर्पदंश कृती दल)* सॅट च्या माध्यमातून आतापर्यंत *40* सर्पदंश रुग्ण उपचार घेऊन त्यांच्या घरी सुखरूप परतलेत (यात एकही मृत्यू झाल्याची नोंद नाही).
वन विभागासोबत अनेक वन्यजीव रेस्क्यू ऑपरेशनमध्ये संस्थेचं मोलाचं योगदान आहे.*फ्रेंड्स ऑफ नेचर (फॉन)* ने १७ वर्षे पूर्ण करून १८ व्या वर्षात पदार्पण केलंय.अनेक शाश्वत निसर्ग संवर्धनाच्या संकल्पना प्रत्यक्षात उतरवत FON चे काम आजही त्याच जोमाने सुरू आहे.
या कार्यात साथ देणाऱ्या सर्व सहकाऱ्यांचे आभार.

14/03/2023

आज दिनांक १३ मार्च २०२३ रोजी *'फ्रेंड्स ऑफ नेचर (FON) चिरनेर,उरण'* चा १७ वा वर्धापन दिन अत्यंत साध्या पद्धतीने साजरा करण्यात आला.संस्थेची स्थापना १३ मार्च २००६ रोजी झाली. फ्रेंड्स ऑफ नेचर (FON) चिरनेर,उरण संस्था ही रायगड मधील तसेच उरण- पनवेल तालुक्यात फक्त वन्यजीवांसाठी काम करणारी पहिली संस्था आहे.
स्थापनेपासून ते आजपर्यंत संस्थेच्या कार्यात अनेक समस्या,चढ-उतार आले पण त्या सर्व संकटांवर व परिस्थितीवर मात करत आपल्या सर्व सदस्यांनी मातीशी नाळ जोडून संस्थेच्या वाढीसाठी आपापल्या परिने मोलाचे योगदान दिलंय!आज १७ वर्षे पूर्ण करून १८ व्या वर्षात FON ने पदार्पण केलंय.अनेक शाश्वत निसर्ग संवर्धनाच्या संकल्पना प्रत्यक्षात उतरवत FON चे काम आजही त्याच जोमाने सुरू आहे.
आजच्या वर्धापन दिनानिमित्त संस्थेच्या नामफलकाला संस्थेचे सन्माननीय सदस्य श्री. विवेक हुदळी ह्यांच्या शुभहस्ते हार - नारळ वाढवून तर संस्थेचे वैद्यकीय सल्लागार व सन्माननीय सदस्य डॉ.श्री.मनोज बद्रे सर आणि संस्थेचे नव निर्वाचित सदस्य श्री.जावेद अली सर (भारतीय वायुसेना,निवृत्त कर्मचारी) ह्यांच्या शुभहस्ते नामफलकाचे पूजन करण्यात आले.संस्थेच्या वर्धापन दिनी संस्थेचे संस्थापक अध्यक्ष श्री.जयवंत ठाकूर व त्यांच्या सुविद्य पत्नी सौ.श्रद्धा ठाकूर,उपाध्यक्ष- श्री. राजेश पाटील,उपाध्यक्ष- श्री.गोरखनाथ म्हात्रे,सचिव - कु.निकेतन ठाकूर,सह सचिव - श्री.शेखर म्हात्रे तसेच संस्थेचे सदस्य ज्येष्ठ सदस्य श्री.अविनाश गावंड,श्री.हिम्मत केणी, श्री.अनुज पाटील श्री.प्रीतम पाटील,श्री.निवृत्ती भोईर,श्री.पियूष म्हात्रे, कु.राकेश शिंदे, कु.प्रथमेश मोकल,श्री.तुषार कांबळे,श्री. ऋषिकेश म्हात्रे, कु.प्रणव गावंड, कु.युवराज शर्मा,कु.प्रथमेश ठाकूर, कुमारी सृष्टी ठाकूर,कु. आयुष जाधव हे ही उपस्थित होते.त्याच बरोबर संस्थेची जनरल सभा देखील झाली आणि त्यात संस्थेच्या पुढील वाटचालीबाबत चर्चा करण्यात आली.

27/02/2023

26 फेब्रुवारी 2023
*पिल्लई, एच.ओ.सी.कॉलेज ऑफ इंजिनीअरिंग अँड टेक्नॉलॉजि,रसायनी* यांच्या *एन एस एस* कॅम्पमधील विद्यार्थ्यांना... *फ्रेंड्स ऑफ नेचर (फॉन)* संस्थेच्या वतीने ..... *शून्य सर्पदंश मृत्यू अभियान* अंतर्गत सापांविषयी माहिती देण्यात आली.यासोबत *क्लायमेट चेंज चा सजीवसृष्टी वर होणारा परिणाम* याविषयावर विद्यार्थ्यांशी संवाद साधला.
सदर कार्यक्रमासाठी *जयवंत ठाकूर,निकेतन ठाकूर,राकेश शिंदे,प्रथमेश मोकल,तुषार कांबळे* यांची उपस्थिती होती.

*फॉन टीम*

09/02/2023

*विद्या विकास युनिव्हर्सल कॉलेज व लॉर्डस युनिव्हर्सल कॉलेज गोरेगाव (पश्चिम)* यांच्या एन.एस.एस (NSS) च्या कॅम्प मध्ये *फ्रेंड्स ऑफ नेचर (फॉन) -सर्पमित्र निसर्ग संवर्धन संस्था,चिरनेर,ता.उरण,जि. रायगड* च्या वतीने *झिरो स्नेक बाईट मिटीगेशन- शून्य सर्पदन्श मृत्यू अभियान* या विषयावर फ्रेंड्स ऑफ नेचर,चिरनेर उरण च्या श्री.जयवंत ठाकूर,श्री.गोरखनाथ म्हात्रे व कु. प्रणव गावंड यांनी उपस्थितांना मार्गदर्शन केले.
*फॉन टीम*