What are the opening hours?

Monday 10:00 - 20:00 Tuesday 10:00 - 20:00 Wednesday 10:00 - 20:00 Thursday 10:00 - 20:00 Saturday 10:00 - 20:00 Sunday 10:00 - 20:00

https://www.facebook.com/2331176253837224/

Paw Veterinary Clinic

Home
Iraq
As Sulaymaniyah
Paw Veterinary Clinic

Veterinary Clinic & Pet Supplies, Accessory Shop
کلینیکی پزیشکی ڤێتێرنەری

08/04/2024

ئەم جارەیان وێنەکەمان خوێن و برینی تێدا نیە.

لە هەولێر دۆزرایەوە لە حاڵێکی خراپ لە لایەن ئاژەڵ دۆستێکی بەڕێزەوە. پاش وەرگرتنی ڕێنمایی لە لایەن ئێمە و وەرگرتنی چارەسەری ڕاست و سەرەتایی لە لایەن (کلینیکی ئاریۆس)ی بەڕێز. پاش پێنج ڕۆژ گەیشتە لامان و کۆرسی چارەسەری بۆ دانرا و لە ڕێکخراوی فیلاین فرێنز مایەوە.

پاش مانەوەی بۆ چەند هەفتەیەک و تەواو بوونی چارەسەری، ئێستا لە ماڵێکی دڵسۆز خۆی کردووە بە پاشا و بەخۆشی ژیان ئەباتە سەر.

بە بۆنەی دابین کردنی جێ لە لایەن فیلاین فرێنز، ئەم و سەدان بەستەزمانی تر، لە حاڵی خراپی کۆڵەنەکان و کێشەی تەندروستەوە ژیانیان گۆڕا بۆ لای ماڵێکی دڵسۆز.

29/03/2024

پشەیەکی بێ لانەیە، سەردانی کردین بۆ تەداوی برینێکی بچوک (بەقەد سەرە پەنجەیەک) وەک ئاژەڵ دۆستەکە کە هێنابووی؛ فەرمووی.

پاش پاک کردنەوەی برین و چواردەوری، برینەکە بەم شێوەیە دەرکەوت پێست و ماسولکەکانی سەرجەم بڕیبوو، تەنها پەردەی سکی (کە تەنکە وەک کلینێکس) ڕێگرر بوو لەوەی ڕیخۆڵەو ناو سکی بێتە دەرەوە.

دوورینەوەی هەموو برینەکە کارێکی هەڵەیە بۆ برینێکی کۆنی بەم شێوەیە، وا دەکات هەوکردنێکی زۆر لە ژێرەوە کۆببێتەوە. بەڵام بە دانانی سۆندەی تایبەت بۆ دەرهێنانی کێم و جەراحەت و تێکردنی پاکژکەرەوەی برین و چارەسەر ڕۆژانە لە ڕێی سۆندەکەوە، دوورینەوەکی سەرکەوتوو کرد. ئامێری لەیزەر دەورێکی گرنگی بینی لە ڕێگری کردن لە هەوکردن و خێراتر کردنی چارەسەرەکەی.

پاش مانەوەی لای ڕێکخراوی فیلاین بۆ ماوەی ٣ هەفتە، برینی نەما بە تەواوی چاک بووەوە.

26/03/2024

سڵاو لە هەموو ئاژەڵدۆستان
چەندڕۆژێکە بابەتێک بڵاو بۆتە لەسەر کلینیکمان، حەزمان کرد ڕوون کردنەوە بدەین.

ئێمە وەک کلینیک هۆتێلمان نیە بۆ مانەوەی ئاژەڵ و پشیلە و هیچ ئاژەڵێک لامان نامێنێتەوە.

ڕێکخراوەی فیلاین لە قاتی سەرەوەی کلینیکمان نیشتەجێن، کە ڕێکخراوێکە دامەزراوە بۆ یارمەتی پشیلەی بێ لانە لە کاتی نەخۆشی و کێشەی تەندروستی بێ وەرگرتنی هیچ سوودێک.

رێکخراوەکە خزمەتگوزاری هۆتێلیان هەیە وەک یارمەتیەکی دارایی بۆ ئەوەی بتوانن یارمەتی زۆرترین ئاژەڵی بێ لانە بدەن و بەردەوام بن.

پشیلەیەک لەگەڵ بەچکەکانی سەردانی کردوون و لەو کاتەدا بێ ویستی کەس نەخۆشیەک بڵاو بووەوە ناو پشیلەکان کە (کوشندە نیە ئەگەر چارەسەری ڕاست وەرگرێت) وە لە پشیلەی ماڵانیش بڵاوە لە ئێستایا.

بەچکە و دایکەکان تا لای ڕێکخراو ماونەتەوە چارەسەریان وەرگرتووە، دوای چەند ڕۆژێک لە بەجێ هێشتنی هۆتێلەکە بەچکەکان گیانیان لەدەست داوە و لە ڕێی پۆست کردن ئاگاداری حاڵەتەکە بووین.

ئێمە سەرەڕای دڵ تەنگیمان بە ڕووداوەکە هەموو لایەک ئاگادار ئەکەین، لای ئێمە هیچ نەخۆشێک گیانی لەدەست نەداوە بەو نەخۆشیە. وە ئەو پشیلانەش دوای بەجێ هێشتنی هۆتێلەکە سەردانیان نەکردوین بە مەبەستی چارەسەر تا کەم تەرخەمی هەبێت لە ئێمە.

پەیوەندی کلینیکمان و ڕێکخراوەکە تەنها خۆبەخشی ئێمەیە لە یارمەتی مادی و خۆبەخشی یارمەتی دانی ستافەکەیە لەو ئەرکە پیرۆزەی ئەیکەن.

ڕێکخراوەکە بە دۆکیومێنت؛ ژیانی سەدان پشیلەی لە مردن ڕزگار کردووە.

هەرکەس خوازیارە سەردانیان بکات و بە چاوی خۆی کاریان ببینێت دەرگایان واڵایە.

27/02/2024

یەکێک گرنگترین هەنگاوەکانی نەشتەرگەری، گرنگی پێدانی دوای ئەنجامدانی نەشتەرەکەیە. لە داخستنی برینەکە بە لکێنەری تایبەتی ڤێتێرنەری بۆ پێست، پاشان پاکژکردنەوەی بە ئامێری لەیزەر، کە ئازار و ئاوسانیش ناهێڵێت و وا دەکات شوێنی برینەکە خێرا بەرەو باش بوون بڕوات. دوا هەنگاو داپۆشینی برینەکەیە بە درێسی تایبەتی ڤێتێرنەری بۆ سەر برینەکە.

بەم شێوەیە هەوڵ ئەدەین کە چانسی هەو کردن و ئازار و هەڵوەشاندنەوە بگەیەنینە کەمترن ئاست و سەلامەتترین نەشتەرگەری بۆ ئاژەڵەکان بە ئەنجام بگەیەنین

15/06/2023

ڕاپۆرتێکی پوخت لەسەر کاری کلینیکمان.

27/11/2022

پێش هەموو شتێک (لولو ئێستا تەندروست و باشە)

لولو باشترین نمونەیە بۆ ئەو قسەیەی پزیشکانی ڤێتێرنەری ئەڵێن (نەشتەرگەری نەزۆکی بۆ ئاژەڵەکەت ئەنجام بدە).

ئەگەر لە کاتێکی باش و تەندروستێکی باش نەشتەرگەریەکەی بۆ ئەنجام بدەیت، ناگەیت بەوەی وەک لولو گیان کە سەرەڕای ئەوەی خەریکی دیاری کردنی کاتی نەشتەرگەری بوین بۆی، فریا نەکەوت و توشی هەوکردنی منداڵدان بوو بەو شێوەیە.

قەبارەی ڕاستی منداڵدان لە چەند میللیمەتێکی ئەستووری و لە حەوت کارتۆن درێژی زیاتر نابێت. بەڵام منداڵدانی لولو لەوەیا بوو بتەقێت و مەترسی گەورە لەسەر ژیانی لولو دروست بکات.

نەشتەرگەریەکە بە سەرکەوتوویی بە دەستی (پرۆفیسۆری یاریدەدەر دکتۆر عثمان- پسپۆری نەشتەرگەری) لە کلینیکی پاو ئەنجام درا و مەترسی لەسەر ژیانی لولو نەما.

23/10/2022

کەرە گیان ❤️❤️❤️🤣😘

15/09/2022

Cats will be cats..

18/08/2022

حاڵەتێکی دەگمەنی تر..

قژ بژ گیان بەرازێکە گینیایە. کێشی کەمترە لە نیو کیلۆ..
داماو گیان چەناگەیەکی دەرچووە و لەبەر بچووکی دەمی هەستی پێ نەکراوە. ماوەی چەند مانگێکی زۆر بەو حاڵ و ئازارە ماوەتەوە. بەو هۆیەوە ددانەکانی زۆر درێژ بوون و زمانیشی گیر بوو لە ژێریا.. لەو ماوەیە پزیشکێک ددانەکانی پێشەوەی بۆ کورت کردۆتەوە بەڵام دیقەتی چەناگەی و ددانی پشتەوەی نەدراوە..

پاش ناردنی بۆ لامان لە لایەن دەست بەجێ ددانەکانی چاککرا و پاشان بە تەکنیکێکی قورس و بە یارمەتی دکتۆر تێشوو چەناگەی خرایەوە شوێنی خۆی..

قژ بژ گیان ئێستا لە ئازارێکی زۆرە و لە ژێر بەکارهێنانی ئازار شکێن ئەژی. لە سەرەتای هەفتەی داهاتوو دەست ئەکرێت بە وەرگرتنی چارەسەر بە لەیزەر و ئەبێتە یەکەم ئاژەڵ لە وڵاتەکەمان و یەکەم بەرازی گینی لە وڵاتمان و وڵاتانی دەورو پشتیش کە چارەسەری لەیزەر وەرگرێت بۆ شل کردنە ماسولکەی شەویلگە و هەروەها نەهێشتنی ئازاری جومگەی شەویلگە

27/06/2022

Ranula

حاڵەتێکی دەگمەن کە تێیدا لیک لە ناو کیسێک، لە دەرەوەی لیکە ڕژێن و ناو دەم کۆ ئەبێتەوە. لە مرۆڤدا ئەکەوێتە ژێر زمان، لە ئاژەڵ ئەگۆڕێت.

پشە گیان لە پشتی زمانی دروست بووبوو. نزیکەی ٢مل لیکمان دەرهێنا و دەرچەی بۆ دروت کرا.
چانسی دوبارە بوونەوەی هەیە و چارەی بە هەمان شێوەیە.

07/05/2022

(ددانی سەرەوە چەقیوە لە پوکی خوارەوە.) حاڵەتی لەو جۆرەمان زۆر بووە و سەرجەمیان بە بەکارهێنانی ستیرۆید و دژە بەکتریا چارەسەر بوون، چونکە کێشەکە ددانەکە نەبووە. بەڵکو هەوکردنە پوک و گەورە بوونە بووە و وای کردووە وا دەرکەوێت ددانەکە چەقیوە لە پوکەکە.

بەڵام ئەم پشەیە کێشەکە جیاواز بوو. ددانە سەرەوە نیشتبووە سەر پوکی خوارەوە و لە ئەنجامدا گۆشتی زیادە لە پوکی خواروو دروست ببوو.
بە خۆشحاڵی پاش لابردنی گۆشتی زیادە و لابردنی بەشێکی زۆر کەم لە ددانە سەرەوە، کێشەکە چارەسەر بوو.

07/05/2022

کەم ئیتر ڕەسمی سەگ و پشیلەی نەخۆش بنێرن و بەتەما بن بە نامە چارەی بکەین.

دکتۆری خۆ پەبجی نیە بە مۆبایل بکرێت.

نەخۆش دێتە کلینیک، چارەکێک خەریکی ئەبین، دنیایەک فەحسی تاقیگە و سۆنار و تیشک ئینجا کەمێک نزیک ئەبینەوە لە دیاری کردنی نەخۆشی.
لە شارێکی دووریت سەر سەرمان، بەڵام دکتۆرێکی هیچ نەزان ئاژەڵ ببینێت، لە دە دکتۆری زانا باشترە کە بە ڕەسم چارەسەر بکات.

خۆی ئاژەڵ هیچ ناڵێت، کەس لێی تێناگات کوێی لەشی کێشەی هەیە، ئیشەکەمان خۆی لە سەرەتاوە زەحمەتە، بەڕێزیشت ئەتەوێ بە ڕەسمی سناپ بۆو چارە بکەین..

ناهەقی توڕەییمان مەگرن، سێ ساڵە وێنەمان بۆ دێت دانمان بە خۆمان گرت. بەڵام وێنەکان ماوەیەکە فلتەریشی ئەخەنە سەر..!!!!!!

بە داوای لێبوردنەوە هیچ نامەیەک وەڵام نادرێتەوە کە نەخۆشی هەبێت بۆ چارەسەر. نەخۆش لە کلینیک پشکنین و چارەسەری بۆ ئەکرێت.

29/04/2022

بۆ یەکەم جار لە کوردستان و عێراق

ئەوەی ئەیبینن لە وێنەکە، دەمار بڕینە بۆ ددانی کەڵبەی پشیلەیەک ئەنجام درا لە کلینیکمان. هەرچەندە دەمار بڕین کارێکی هێندە گەورە و قورس نیە، بەڵام پێویستی بە کەرەستەی تایبەتی ئاژەڵ و توانای زانستی تایبەت هەیە. (کە لە وڵاتی ئێمە شتێکی ئەستەم بوو پێشتر)
بەڵام لەگەڵ پاو 🐾، شتی سەیر ئەبینن..

پشە گیان بە هۆی بەرکەوتنەوە ددانی تەواو شکابوو. لەبەر ئەوەیی ددانەکەی لکابوو بە ئێسکەکە و دەرهێنانی کێشەی گەورەی دروست ئەکرد، بۆیە بڕیارماندا، دەرهێنانی دەماری بۆ بکەین تا بە بێ ئازار بتوانێت دیسان ژیانی ئاسایی بباتە سەر.

22/03/2022

ئەشڵێن پشیلە بێ وەفایە
لە باخێک بە برینداری بینیمان.. هێنامانە کلینیک تا چاکبووەوە مایەوە. ئێستاش هاتۆتە قسە و بانگم ئەکات

21/03/2022

تازەترین تەکنەلۆجیای پزیشکی بۆ:
* نەهێشتنی ئازار
* خێرا کردنی ساڕێژ بوونی هەموو جۆرە برینێک بۆ چەندین هێندە.
* چارەسەری چەندین جۆری هەوکردن
*چارەسەری کرژ بوونی ماسولکە

ئەمانە تەنها بە لەیزەر و بێ هیچ دەرزیەکی دژە هەوکردن و ئازار و دژە بەکتریا

هەروەها:
بۆ ئەنجامدانی نەشتەرگەری بێ خوێن بەربوون و گەرەنتی باش بوونی برینی نەشتەرگەری بە نیوەی کاتی ئاسایی و کەمتریش
ئەو ئاژەڵانەی ئەتوانن سوودی لێ ببینن:
سەگ و پشیلە و ئەسپ و باڵندەی جوانی

14/03/2022

سڵاو ئەم پشیلەیە لە دوێنێوە نزیکەی سەعات چواری عەسرەوە دیارنەماوە لە زەرگەتەی تازە پێ ئەچێ توشی ڕووداوێک یان کەسێک پشەی بەدڵ بوبێ و بردبێتی چونکە زۆر ماڵیە بەداخەوە پشە نەخۆشی دەرونی هەیە ناتوانێ لەشوێنی داخراو و لە ناوماڵ دا بمێنێتەوە چونکە ئازاری خۆی ئەیا شوێن برینێکی چاکەوەبوی گەورە لەسەر ڕانیەتی تکایە هەرکەس بینی یان لایەتی ئاگادارم بکا سوپاسی ئەکەم 07701212090

28/02/2022

جیاوازی ئەو ئاینی ئیسلامەی خەڵکی خۆمان باسی ئەکەن، لەگەڵ ئەو ئاینەی لە وڵاتی سعودیە پەیڕەو ئەکرێت: تەنها لە ڕووی ئەو خاڵانەی وێنەکە باسی ئەکەین.

٭لای ئەوان نەشتەرگەری نەزۆک کردن ڕێ پێ دراوە و لە لیستی نەشتەرگەریە قەدەغە کراوەکان نیە، لای ئێمە هەندێک خەڵک ئەڵێن حەرامە.
لای ئەوان خەساندن بە دەرمانی کیمیایی ڕێ پێ دراو نیە، لای ئێمە هەر ناکرێت.

٭لای ئەوان شاخ بڕین حەرامە، لای ئێمە دەرمانی شاخ سوتاندن وەک خۆڵ سەرف ئەبێت و شاخ بە مەڕ و بزنەوە ناهێڵن.

٭لای ئەوان گوێ و کلک بڕین قەدەغەیە، لای ئێمە سەگی پاسەوان ئەبێت گوێی ببڕیت. کلکیش مناڵەکان بۆ خۆشی ئەیبڕن و گەورەکان سەیری ئەکەن..

نازانین پێغەمبەرمان یەکە، دین یەکە، خودا یەکە.. بۆ ئیسلامەکەی هەندێک کەسی کورد لە ئاست ئازاردانی ئاژەڵ ئەونە جیایە؟!!!!!

21/02/2022

دوو وێنەی لونا خان..
هەمان پشیلە..
دوو ڕەنگی چاوی جیاواز لە دوو ڕۆژی جیاواز.
هۆکار حاڵەتێکی دەگمەنە بە هۆی نەخۆشیەکی کوشندە کە هیچ پەیوەندی بە چاوی نەبوو.

سوپاس بۆ خوا ڕەنگی چاوی گەڕایەوە بۆ شین و تەندروستی لونا خان بە تەواوی چاک بووەوە لە نەخۆشیەکەی پاش وەرگرتنی چارەسەر بۆ ماوەی زیاتر لە دوو هەفتە.

20/02/2022

باشترین خزمەت تەنها بە قسە نابێت.
دوو ساڵە هەوڵی بۆ ئەدەین، ئێستا بەردەست بوو.
وێنەی یەکەم باشترین براندی حەبی دژە کرمی سەگە لە جیهان(درۆنتاڵ- بایەر).

وێنەی دووەم لە کاتی نەخۆشیە مەترسیدارەکانی وەک پارڤۆ، یەکێکە لە باشترین تەواوکەری خۆراکیەکانی کۆمپانیای براندی ئەمریکی (فایزەر )کە لە ڕێی دەماری خوێن دەدرێت بە ئاژەڵ. چانسی ژیانی زیاتر ئەکات.

24/01/2022

چی ئەبێت؟! ئەگەر پشیلەکان نەمێنن..

04/01/2022

Old furniture bring ghosts..
New Furniture bring ideas

A warm wishes for safe and healthy 2022 from Paw 🐾

21/12/2021

قەدری زێڕ لای زەڕەنگەرە..

دوای ئەوەی سەگی پێشووی بەناوی (چامپ) لە مانگی شەش مرد. بایدن سەگێکی تازەی بۆ هاتووە بە دیاری. بڕیاری داوەلە کۆشکی سپی بەخێوی بکات.
بێجگە لەمە سەرۆکی ئەمریکا سەگێکی تری هەیە بە ناوی مێجەر.

چاوەڕێین مانگی داهاتوو یەکەم پشیلەش بباتە کۆشکی سپی 😍..

12/10/2021

بابەتەکە تایبەتە بەوانەی پزیشکی ئاژەڵی ماڵین (سەگ و پشیلە)

وێنەکان وێنەی چەن پزیشکێکی بیانین باس لە کێشەی خۆکوشتنی پزیشکانی ڤێتێرنەری ئەکەن لەبەر سترێسی زۆر..

لە هەر شەش دکتۆری ڤێت، یەکێکیان خۆی کوشتووە..
لەبەر سترێس و خەفەتی فریا نەکەوتنی ئاژەڵان لە کاتی کەرەنتین، لەبەر خەفەتی گیان لەدەست دانی ئاژەڵان سەرەڕای هەوڵ و هیلاکی پزیشک.. لە هەر شەش پزیشکێکی ڤێت یەکێک خۆی کوشتووە..

لای خۆمان بۆچی وا نیە؟

وەڵامی ئاسانە و زۆرتان ئەیزانن..
لەبەر ئەوەی پزیشکی لای خۆمان بەو شێوە خەمخۆر نین..

خۆ هەمووان دکتۆر لاڤین نین..

هەست کردن بە ئازاری ئاژەڵ و هەست کردن بە بەرپسیارێتی ئەوەی کە بەستە زمانێک چاوەڕێی ڕەحمی ئەو زانستەیە کە بەڕێزت وەک پزیشک پێویستە پێت بێت، لای هەموو کەس نیە..

هەست کردن بەوەی ئەو پارەیەی وەری ئەگریت، ئاژەڵەکە توانای نیە پەیای بکات، ئەگینا ئەیڕشت بەسەرتا بەس بۆ ئەوەی ئازار شکێنێکی کوالیتی باشی بە بڕی پێۆیستی بێ زیاد و کەم بۆ بەکار بهێنیت، نەک دەرمانی بێ کوالیتی.. لای هەموو کەس نیە..

خۆ خستنە جێی ئەو بەستەزمانەی ئەناڵێنێ بە ئازار، تۆش بێ ئەوی بخوێنیتەوە لەسەر نەخۆشیەکەی، بێ فەحس بە دەست پزیشکی پسپۆر، بێ تیشک، بێ لێکۆڵینەوە، خوا وەکیلی چوار دەرزی بۆ ئەکەیت، بە هەموو کەس ناکرێت..

نمونەی دکتۆری بەرپرسیارمان زۆر بێت انشاللە..

لەگەڵ ڕێزمان بۆ دکتۆری بەرپرسیارەکان، کەمن بەڵام یان ژمارەیان لە شەش دکتۆر کەمترە یان ئێمە تەحەمولمان زۆرە، ئەگینا ئەبوو ئێمەش یەکێکمان خۆی بکوژێت..

تەمەن درێژی و ڕێزمان بۆ هەموو هاوپیشەمانە بێ جیاوازی..

10/10/2021

کاتێک گەیشتە لامان تەمەنی دوو هەفتەی تەواو نەکردبوو. ماسولکەی نەبوو بۆ دەرزی نەشتەرگەری..
چاوێکی لەدەست دابوو، هەو کردنێکی زۆر گەورەی هەبوو.. بە دوو نەشتەرگەری بەڕێز د. عوسمان و چارەسەر و چاودێری چڕ لە کلینیکمان، ڕەشە هیوای ژیانی بۆ گەڕایەوە.

ڕەشە یەکێکە لە نەرم و نیانترین پشیلەکانی سەردانی کردووین، هەرگیز توڕەیی و ناڕەزایی نەبووە لە کاتی دەرزی لێدان و چارەسەر کردنی، سەرەڕای گەورەیی ئازارەکەی.

ڕەشە ماڵێکی ئەوێت کە خۆشیان بوێت و تایبەتانە بەخێوی بکەن. ڕەشە ناتوانرێت وەک یاری بۆ منداڵەکەتی ببەیت، چونکە نەهامەتی زۆری بینیوە و شایەنی ژیانێکی خۆش و بێ ئازارە

بۆیە تکا لە ئاژەڵدۆست و میهرەبانەکان ئەکەم کە توانای بەخێو کردنی پشەیەکی ئاقڵیان هەیە، با ڕەشە بکەنە میوانی خۆیان.

ڕەشە زۆر ئاسان ڕێک ئەکەوێت لەگەڵ پشیلەی تر. هەرکات ڕەشە ئەبینیت، پشەیەک لە باوەشی نوستووە.

تەمەنی سێ مانگە..

21/09/2021

دوا نەخۆشی مانەوە لە کلینیکمان..
پاش ئەوەی لە دوو ساڵی ڕابردوو سەدان پشیلەی نەخۆشی سەر شەقامەکان لەسەر ئەرکی ئاژەڵ دۆستان یان خۆمان، لامان مایەوە و چارەسەری وەرگرت. ئەم پشە بەچکە جوانە دوا نەخۆشە کە بێتە لامان و بیهێڵینەوە..

ئیتر کاتی ئەوە هاتووە کلینیکمان باشتر و بەرەوپێشتر ببەین..
ئەو شوێنەی پشەکانی تێدا ئەمانەوە، خزمەتگوزاری پزیشکی باشتری تێدا دابین ئەکرێت بۆ نەخۆشەکانمان..

پشە نەخۆش و بێ لانەکانیش تا ئێمە مابین، بێ لانە نابن.. شوێنی تازە و بەهەشتی بچوکیان، لە کاتی خۆی ڕادەگەینرێت.😊

12/07/2021

زۆرمان بیستومانە دەربارەی هەستیاری لاکتۆز لای بەچکەی سەگ و پشیلە. چەند هەڵەیەک هەیە زۆر ئەیبیستین و پێویستە ڕاست بکرێتەوە:
شیری دایکی بێچووە پشیلە لاکتۆزی تێدایە
شیری دایکی بێچووە سەگ لاکتۆزی تێدایە.

هەردوو بێچووەکە شیری دایکیان پڕە لە لاکتۆز. وە ئەو ئەنزیمەیان هەیە کە توانای شکاندنی بۆندەکانی لاکتۆزی هەیە و هەرسی ئەکەن بێ کێشە.

ئەم ئەنزیمە (هەروەک لە مرۆڤدا) لەگەڵ هەڵکشانی تەمەندا نامێنێت. لە سەگ و پشیلە لە دوای تەمەنی یەک ساڵ نامێنێت و شیر خواردن توشی غازاتی ئەکات. بەڵام ئەمیش بە ڕێژەی زۆر کەمە و سەگ و پشیلەکان ئەتوانن شیر بخۆن بێ کێشەیەکی زۆر. دەگمەن پشیلە یان سەگ هەیە هەستیار بن بە شێوەیەکی مەترسیدار. وە توشی کێشەی تەندروستی مەترسیدار ببن بە هۆی خواردنی شیر و شیرەمەنیەوە.

بۆیە تکایە پزیشکان و خاوەن ئاژەڵە بە ئەزموونەکان، ڕێنمایی ڕاست بدەن بە خاوەن ئاژەڵەکانی زانیاریان کەمە. لە کۆتاییدا ئاژەڵی بەستەزمان ئەبێتە قوربانی.

09/07/2021

دەیناسۆرەکان
٢٤٠ ملیۆن ساڵ پێش ئێستا دروست بوون
٦٠ ملیۆن ساڵ پێش ئێستا لە ناو چوون.

١٨٠ ملیۆن ساڵ ژیان.
هۆکاری لەناو چوونیان خۆیان نەبوون.

مرۆڤەکان:
نزیکی سەد هەزار ساڵە دروست بوون.
وا بە بۆنەی نەخۆشی و جەنگ و پیس کردنی ژینگە ژیان و داهاتووی خۆمان و سەرجەم بوونەوەرەکانمان خستۆتە مەترسیەوە..

کاممان وەحشیانەتر و دڕندەتر و زیان بەخشترین؟

ئایا ئەتوانین هیچ نەبێت، یەک ملیۆن ساڵ بژین لەسەر ئەم زەمینە بێ لەناو بردنی؟

ئایا وەک دەوترێت : (بە ڕاستی مرۆڤ بە جوانترین شێوە دروست کراوە؟!!) یان ڕاستیەکە پێچەوانەیە ؟!!!

02/06/2021

ئەمە نمونەی نامەیەکە کە ڕۆژانە چەندین جار ئەینێرین بۆ خاوەن ئاژەڵان.

تکایە ئاژەڵێکت نەخۆشە وێنەی مەنێرە، بەڵکو بیگەیەنە لای پزیشک..

تکایە ئاژەڵێکت نەخۆشە بە نامە داوای چارەسەر مەکە..
تکایە ئاژەڵێکت نەخۆشە، بە نامە ناتوانین تەشخیس و چارەسەر بدەین.

پزیشک زۆر جار بە پشکنینی خۆی و کۆڵێک پرسیار، هێشتا ناگاتە چارەسەر و ئاژەڵ ئەنێرین بۆ پشکنینی تاقیگە و سۆنار و تیشکی سینی..

خۆمان کارمان ئەونە ئاسان نیە و ئاژەڵەکە پێمان ناڵێت کێشەی چیە وکوێی ئێشێت.. بەڵکو پەلاماریشمان ئەدات، تۆی خاوەن ئاژەڵیش ئەونەی تر قورسی مەکە لەسەرمان..

پەیج و نامە بۆ هۆشیاری بڵاو کردنەوە و کاری ئاژەڵدۆستیە، کاری پزیشک ناو کلینیک ئەکرێت. ئەگەر هەست ئەکەیت ئاژەڵەکەت کێشەی تەندروستی هەیە، تکایە ئەژەڵەکەت بهێنە و سەردانمان بکە لە کلینیک..

Address

Bakhtyari, Opposit To The Ganjan Center Yards, بەختیاری، بەرانبەر یاریگاکانی سەنتەری گەنجان
As Sulaymaniyah
53

Opening Hours

Monday	10:00 - 20:00
Tuesday	10:00 - 20:00
Wednesday	10:00 - 20:00
Thursday	10:00 - 20:00
Saturday	10:00 - 20:00
Sunday	10:00 - 20:00

Telephone

+9647725095151

Website

facebook.com

Alerts

Be the first to know and let us send you an email when Paw Veterinary Clinic posts news and promotions. Your email address will not be used for any other purpose, and you can unsubscribe at any time.