A modern Cat boarding service, with healthy and comfortable environment.
27/09/2024
زينة.. قطة فلسطين ! 🐾🇵🇸
زينة اجت من رام الله لعندنا فترة إقامة بالأول لمدة ١٠ أيام… بانتظار عودة صاحبيتها لترجع تاخذها معها عالبلاد، هيك كان المفروض..
بعد ما أخذتها صاحبتها معها لجسر الملك حسين، وبدون أي سبب مقنع، قرر الجندي الإسرائيلي انه ما يدخلها.. رغم انها ماخذة كل المطاعيم اللازمة للسفر، وعملياً بتقدر ترجع عليهم أو تسافر أي بلد ثانية..! بعد نقاشات طويلة وعقيمة مع جنود الجسر الا ان المجند قرر انه ما يدخلها مع كل ما صح من إجراءات سابقة..
واشترط انها ترجع تعيد الإجراءات اللازمة للسفر مع عمل فحص دم جديد مع انها عامليتهم قبل لتقدر تسافر بالأصل للأردن.! وللي ما بعرف هاي الإجراءات بتاخذ تقريباً شهرين وأحياناً أكثر بشوي ناهيك عن تكاليفها…! بهذاك اليوم صاحبتها دفعت مبلغ عالي لإعادة الإجراءات وزينة رجعت عندنا لتخلص هاي الفترة وترجع تسافر، وضلت بعيدة عن بيتها لمدة شهرين ونص فقط بسبب مزاج المجند الاsرائيلي..
الخلاصة: هاي الناس ممكن تعمل أي شيء صغير كان أو كبير لتخرب حياتنا، سواء بأنه ما يخليك تاخذ قطتك معك أو ما يخليك تاخذ أشي من الحياة، بما في ذلك أعز الأمور عندك، ولو كانت حياتك نفسها..!
المقاومة واجبة بكل الأشكال ورح نضل نقاوم بكل الوسائل لأنه هذا الحل الوحيد..
عاشت فلسطين عربية حرة ✨.. من النهر للبحر… 🕊️🍉✌🏼
