28/11/2021
නිවැරදිව හදුනා ගනිමු (1) Reposted
යෝධ ගුරාමි - Giant gourami
(Osphronemus gorami)
පහළ ජායාරූපවල ඉන්න කළු සහ සුදු පැහැයෙන් හමුවන මත්ස්‍ය විශේෂය නොදැකපු කෙනෙක් ලංකාවේ නැති තරම්.බොහෝ නිවෙස්වල සුරතල් මත්ස්‍යයන් ලෙස ජනප්‍රිය මෙයාලගෙ වර්ගය ගැනනම් ලංකාවේ බොහෝ දෙනෙක් නිවැරදිව දන්නෙ නෑ කියල හිතන්න පුලුවන්.මොකද බොහෝ දෙනා හිතන් ඉන්නෙ මේ මත්ස්‍ය විශේෂ 2ක් කියලා.ඒත් එහෙම නෑ මේ වර්ණ 2ම එකම මත්ස්‍ය වර්ගයක වර්ණ ප්‍රභේද.
මේ ගැන පෝස්ට් එකකදි කළු පාට කෙනාට කෙන්දා,දොලයා,මනමාලයා,තිප්පිලි,රත්දැල්ලා,මෝදා,ජපන් කොරලි,දළා වගේ හුගක් නම් කිව්වා.සුදු පැහැ විශේෂයට හැමෝම කියන්නෙ ජෑම් ගුරාමි කියල.තව සමහරු කිව්වා මේ දෙන්නම ගුරාමි කියලා ඔව් මේ දෙන්නම ගුරාමි තමයි ඒත් නිකන්ම ගුරාමි නෙවේ.ගුරාමි වර්ග රාශියක් ඉන්නව නිල් ගුරාමි,වෙල් ගුරාමි,මුතු ගුරාමි,ඩ්වෝෆ් ගුරාමි වගේ.
ඇත්තම පිළිතුර මේ දෙන්නම Osphronemus gorami කියන විදයාත්මක නාමයෙන් හදුන්වන ගුරාමි පවුලේ ලොකුම සාමාජිකයා වෙන යෝධ ගුරාමියා.එහෙමත් නැත්තන් Giant gourami.මෙයා අඩි 3කට ආසන්නව වැඩෙන විශාල සර්වභක්ශක මාලුවෙක්.
මෙන්න මේ giant gourami කියන නම තමයි හැමෝම පටලගෙන ජෑම් ගුරාමි කියන්නෙ ඒත් ඇත්තටම ජෑම් ගුරාමි කියල මාලුවෙක් නෑ හරි නම ජයන්ට් ගුරාමි.හුගක් අය කලු පාට ජයන්ට් ගුරාමියට තිප්පිලියා/තිලාපියා කියල කියනව ඒත් තිලාපියා කියන්නෙ ලංකාවේ බහුලව ආහාර සදහා යොදාගන්න සාමාන්‍ය ප්‍රමාණයේ මාලුවෙක්ට ජයන්ට් ගුරාමියා සහ තිලාපියා කියන්නෙ සම්පූර්ණයෙන්ම වෙනස් මාලු විශේශ 2ක්.පහළ තිලාපි විශේශයක (Nile tilapia) ෆොටෝ එකක් තියෙනව හොදින් බැලුවොත් වෙනස පැහැදිලිව තේරෙනවා.
ජයන්ට් ගුරාමින්ගෙ කලු පාට ප්‍රබේදය ලංකාවෙ බොහෝ ජලාශවල ස්වාභාවිකව හමු වෙනව.නමුත් ඔවුන් දෙර්ශීය විශේශයක් නෙවෙයි මෑතකදී ආහාර සදහා හදුන්වා දීලා වියාප්ත වුණු විශේශයක් .සුදු පාට වර්ගෙ එහෙමත් නැත්තම් Albino giant තමයි සුරතලයට හදන්නෙ හැමෝම.මීට අමතරව ඇස් රතු,වරල් රතු සහ සුදු කලු පාට 2ම මිශ්‍ර වුණු වර්ග ඇතුලුව වර්තමානයේ ලංකාවේ බහුලව දකින්න පුළුවන් වර්ණ ප්‍රභේද 5ක් ඉන්නව මෙයාලගෙ.
1.Black giant
2.Albino giant
3.Red fin giant
4.Albino red eye giant
5.Harly queen giant
ඒ වර්ග 5ම පින්තූර පහළ වෙන වෙනම තියෙනව.ශරීර වර්ණ වෙනස්කම් තිබ්බට ගගේ ඉන්න කලු කෙනත් ටැංකියෙ ඉන්න සුදු කෙනත් ඇතුලු අනිත් වර්ගත් ඔක්කොම යෝධ ගුරාමි විශේෂ නැතුව මේ එකිනෙකට වෙනස් මාලු විශේශ නෙවෙයි.මෙයාලාගෙ වැඩි දුර විස්තර ඉදිරියට දාන්නම් පෝස්ට් එකක්.මේ පෝස්ට් එක දැම්මෙ මේ මාලුවා හැමෝටම අදුරගන්න පහසු වෙන්න වර්ණ කීපයකින් හිටියට එකම කෙනෙක් කියලා.
Dilanga madushan
2020/06/13
ජායාරූප අයිතිය මුල් අයිතිකරුවන් සතුයි ❤️
