30/04/2023
දැනුවත් වෙමු – ජලභීතිකාව වළක්වමු
ලෝක ජලභීතිකා දිනය සැප්තැම්බර් 28 දින වේ.
ඈත අතීතයේ සිටම සුනඛයා (බල්ලා) සහ මිනිසා අතර ඉතා සුහද සබැඳියාවක් තිබී ඇත. ගල් යුගයේ සතුන් දඩයම් කිරීමට සුනඛයාගේ සහාය ලබාගෙන ඇත. නිවෙස් සහ වතුපිටි ආරක්ෂා කිරීමට ආරක්ෂකයෙකු ලෙස මෙම සත්වයා මිනිසා සමග ඉතා සමීපව සහ ආදරයෙන් සිට ඇත.
ශ‍්‍රී ලංකාවේ මිනිසාට ජලභීතිකාව ප්රධාන වශයෙන්ම බෝ වන්නේ සුනඛයන් මගිනි. එය 95% පමණ ප‍්‍රතිශතයක් වේ.
ජලභීතිකා රෝගය වෛරසයක් මගින් බෝවන මාරාන්තික රෝගයක් වන අතර ජලභීතිකා රෝගය ක්ෂීරපායි (කිරි බී වැඩෙන) සතුන්ට වැළඳේ, ජලභීතිකා වෛරසය ශරීරගත වූ සුනඛයන් සපා කෑම හෝ සීරීම නිසා, ජලභීතිකා රෝගී බළලූන්, මුගටියන්, හිවලූන්, මුගටියන් වැනි සතුන් සපාකෑම හෝ සීරීම නිසා, රෝගී සතකුගේ කෙල තුවාලවල හෝ ශරීරයේ සියුම් පටකවල තැවරීමෙන් (ඇස් වල) මිනිසාට රෝගය බෝ විය හැක.
ජලභීතිකා මර්දන කටයුතුවලදී, සුනඛයන් එන්නත් කිරීම, ගැහැනු සුනඛයන්
වන්ද්‍යාකරණය, ගැහැනු සුනඛයන්ට වන්ද්‍යාකරණ එන්නත් ලබා දීම, මහජනතාව දැනුවත් කිරීම, පුහුණු කටයුතු, ”ඔටෝ ඉන්ජෙක්ටරය” මගින් දඩාවතේ යන සුනඛයන් එන්නත් කිරීම හා ගැහැනු සුනඛයන්ට වන්ද්‍යාකරණ එන්නත් ලබා දීම සිදු කෙරේ.
සුනඛයන්ගේ රෝග ලක්ෂණ
ගොළු පිස්සුව – අඳුරු තැන්වල සැ`ගවීමට තැත් කරයි, ආහාර ගැනීම නවතයි, උගුරේ යමක් සිර වූ බව පෙන්වයි, පාද අප‍්‍රාණික බවක් පෙන්වයි, අන් අයගේ අනුකම්පාව ලබා ගැනීමේ ස්භාවයක් පෙන්වයි.
වියරු පිස්සුව – මුඛයෙන් සෙම වැගිරෙයි, ඇස් විශාල වී රතු වී දිලිසෙයි, දම්වැල්, කුඩුවේ දැල් වැනි අසාමාන්‍ය දේවල් සපයි, ඉදිරියට හමු වන සෑම දෙනාම සපා කෑමට පෙලඹෙයි, ආහාර ගැනීම නවතයි, පිස්සු බල්ලකු ලෙස හැසිරෙයි. මේ මගින් පහසුවෙන් පිස්සු බල්ලන් හඳුනාගත හැක.
මෙම රෝග තත්ත්ව දෙකේදීම ජලභීතිකාව වැළඳුන සුනඛයන් දින 10-14 කාලයේදී මිය යනු ලබයි.
ජලභීතිකා රෝගී යැයි සැක කළහැකි සුනඛයකු, බළලකු හෝ කැලෑ සතකු සපා කෑ විගස වහාම ගලා යන ජලයෙන් සබන් යොදා තුවාලය විනාඩි 10ක් පමණ හොඳින් අතුල්ලා සෝදා හැරීම, (සබන් යොදා සෝදා හැරීම තමන් විසින්ම සිදු කිරීම වඩාත් යෝග්‍ය වේ. වැඩිහිටියකු හෝ දරුවකු වැනි උදවු කළ යුතු අයකු නම් සෝදන්නා තමාගේ අත් ආවරණය කරගෙන තුවාලය සෝදා හැරීම වඩාත් යෝග්‍ය වේ.), ළඟම ඇති රජයේ රෝහලට ගොස් වෛද්‍ය වරයකුගේ උපදෙස් ලබා ගැනීම/ අවශ්‍ය නම් වෛද්‍ය උපදෙස් අනුව ප්රතිකාර ලබා ගැනීම, වෛද්‍ය වරයා හමු වීමට යන විටදී, සතාගේ එන්නත් කාඞ් පත ඇත්නම් එය රැගෙන ගොස් වෛද්‍ය වරයට ඉදිරිපත් කිරීම කළ යුතුය.
සපා කන ලද සත්වයා මරුනහොත් හෝ මරුවහොත් තම කොට්ඨාසයේ ක්ෂේත‍්‍ර මහජන සෞඛ්‍ය පරීක්ෂක වරයාගේ උපදෙස් ලබාගෙන මැරුනු සුනඛයාගෙ හිස කොටස කොළඹ බොරැුල්ල වෛද්‍ය පර්යේෂණ ආයතනය, පශු වෛද්‍ය පීඨය පේරාදෙණිය, ගාල්ල කරාපිටිය රෝහල යන පරීක්ෂණාගාර 03න් එකක් වෙත ලබා දීම කළ යුතුය.
සුනඛයන්ට ඇතිවන ජලභීතිකාව වැළැක්වීම සඳහා සියලූම සුනඛයන්ට වයස සති 4-6 අතර ජලභීතිකාවට එරෙහිව එන්නත් ලබා දීම, නැවත මාස 03 දී ජලභීතිකාවට එරෙහිව එන්නත ලබා දීම, ඉන්පසුව සෑම වසරකටම වරක් ජලභීතිකාවට එරෙහිව එන්නත නොවරදවාම ලබා දීම, මීට අමතරව ඩිස්ටෙම්පර් පාවෝ වැනි රෝග සඳහාත් වෙනත් රෝගී තත්ත්ව සඳහාත් පශු වෛද්‍ය නිලධාරී වරයකුගේ උපදෙස් සහ සේවය ලබා ගන්න.
