What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00 Saturday 08:00 - 17:00

https://www.facebook.com/106691317658022/

ACTIVETO

ACTIVETO est un cabinet et pharmacie vétérinaire.

05/05/2024

Ny "monorchidie" na ny hoe "tokam-biana"

Ny hoe "monorchidie" dia adika sy hita tsotsotra hoe tokana ihany ny voatabory(testicule) ao anaty "bourse testiculaire". Vao teraka ny alika kely dia mbola tavela anaty kibo ny "testicule" fa mikisaka tsikelikely eo amin'ny toerana tokony hisy azy (ao anaty "bourse testiculaire)izy mandritry ny 6 herinandro aorian'ny fahaterahana. Aorian'izay dia mikatona ny "canal testiculaire". Ka eto dia tavela ao anaty kibo ny iray: monorchidie. Misy koa anefa ny "cryptorchidie" ka ny "testicules" roa mihitsy no tavela ao anaty kibo. Miteraka ihany ny alika " monorchidie" fa tsy miteraka( sterile) kosa ny " cryptorchidie". Mety lasa hifamatotra amin'ny taova hafa toy ny tranon'amany(vessie) sy tsinay(intestin) izany ary mety ahatonga fiforonan'ny homamiadan'ny taovam-pananahana ka tsaratsara kokoa raha vosirina mihitsy izy. Sady mety hanaranaka ilay izy ka ho tratran'izay koa ireo taranany. Tsy misy fitsaboana azo atao fa dia ny fandidiana( castration chirurgicale) ihany no vahaolana tsara indrindra.
Mila mitandrina tsara eo amin'ny lafiny ara-tsakafo fa mety ho lasa mora matavy ny alika vositra. Teto dia samy novosirina ny Rainy " monorchidie" sy ny zanany. Mirary soa ho an'i Balto sy N'ours be!
Aza misalasala manatona ny ACTIVETO Ambodimita (eo ambany banque BOA Anosisoa Ambohimanarina) raha misy mampisalasala ny fahasalaman'ny biby fiompinao.

13/04/2024

ACTIVETO amin'ny ankapobeny:
-Mivarotra fanafodim-biby
-Mivarotra sakafom-biby(Alika sy saka)
-Mivarotra kojakojam-biby(Alika, saka, akoho)
-Manao vaksiny , mitsabo ary mandidy
-Mapandro sy manadio
-Manome toro-hevitra ara-pahasalamana
-Manao fizahàna biby any an-trano
Tongava mitsidika fa raisinay am-panajana hatrany! Sady efa misy Royal canin koa an. Mandefa antsinjarany izahay!
Antsoy ny 034 08 239 51 na tongava eny an-toerana( Ambodimita Ambohimanarina, eo ambany banque BOA Anosisoa).

09/04/2024

Tsy mety mahazo aina mihitsy ity Berger Belge Malinois ity nefa voatohana tsara ara-tsakafo. Ratsy sy mihintsana foana ny volony ary ny farany dia nivalana naharitra sy nandoa foana izy. Tsy nahinan-kanina intsony izy ny farany ka noentina tato amin'ny ACTIVETO Ambodimita. Rehefa nanao fitiliana ny tainy ny mpitsabo( examen coproscopique) dia hita fa feno ilay karazan-kankana atao hoeTrichuris sp izy. Rehefa tena nohadihadiana ny tompony dia fantatra fa tena mihinana tain-kisoa foana izy io nefa karazan-kankana matetika mpahazo ny kisoa izany. Sitrana soamantsara nefa izy rehefa nanaraka fitsaboana andro vitsyvitsy tato aminay.
Mila arahi-maso akaiky foana ny alika fa ny fihinanany zava-poana hafa ankoatran'ny sakafo dia mampiseho foana fa misy tsy tomombana ny fahasalamany. Manàtona mpitsabo biby haingana raha vao misy tranga hafahafa.

05/04/2024

Rottweiler kely iray koveta!

Vita vakisiny voalohany ireto Rottweiler mahafatifaty kely ireto!
Mankasitraka hatrany ny tompony amin'ny fahatokisan

10/03/2024

RESAKA VAKSINY
Antoka lehibe indrindra amin'ny fahasalaman'ny alika ny fanaovana vaksiny. Amin'ny ankapobeny dia areti-mifindra 6 no hanaovana vaksiny fanefitra amin'ny alika(maladie de Carré, hepatite canine, toux de chenil, leptospirose, parvovirose,rage). Miankina tanteraka amin'ny taonan'ny alika sy ny karazam-bakisiny ampiasaina ny fanaovana vaksiny. Ny mpitsabo biby irery ihany no mandahatra izany arakaraky ny zava-misy. Aza adino anefa fa tsy hoe rehefa manao vaskiny dia tsy maintsy mandaitra ny vaksiny atao. Tsy mandaitra ny vaskiny(échec vaccinal) raha toa ka marary ny alika na aloha loatra ny fanaovana vaksiny(vaccination trop precoce).
Ireto ary misy fepetra vitsyvitsy tsara arahana alohan'ny fanaovana vaksiny alika:
- Tokony alika salama tsara no atao vaskiny(tsy misy soritr'aretina, tsy misy kankana, tsy misy parasy, tsy misy fery, tsy mihinana fanafody antibiotique na antifongique na anti-inflammatoire,sns...);
- Tokony alika tsy misy "stress"(alika vao azo andro vitsyvitsy, alika avy notapahana volo, alika niova sakafo na niova toerana,bevohoka, mampinono, alika mahia, nandeha avy lavitra,sns...;
- Fampiasana vaksiny azo antoka: kalitao vaksiny, fahadiovana mandritry ny vaksiny, fomba fampiasa ny vaksiny izay mifanaraka amin'ny taona sy sokajin'alika,sns...
Mila arahana ara-dalàna ny fomba famerenana vaksiny apetraky ny mpitsabo biby mba ahatomombana izany rehetra izany.

23/02/2024

Nlef nlave ntsmet dsak npozin!

Saka lahy tia mivoaka alina manenjika sipa sady tia ady i Patou. Gaga ny tompony raha nahita azy nandady sady nitsirepirepy ary nifaroratra niditra ny trano maraina. Rehefa noentina nozahàna tato amin'ny ACTIVETO Ambodimita izy dia hita fa tena efa ambavahaonan'ny fahafatesana. Nifanintona tsy akijanona izy, nifaroratra ary indrindra sady nangatsiaka be no efa zara raha nitempo ny fony. Fanapoizinana (empoisonnement) no nahazo azy ary efa niparitaka nanerana ireo taova lehibe( organes vitaux) ny poizina. Tsy maintsy notanana izy ary natao fitsaboana totoafo(traitement intensif). Nitsiky taminy anefa ny vintana ka dia tafavoaka soamantsara ihany izy ora maromaro taorian'ny fitsaboana izay natao. Mbola eo ampanohizana ny fitsaboana anefa izy satria mbola vizabizaka koa dia mirary fahasalamana ho azy izahay.
Mila fanaraha-maso hentitra be ny saka na eo amin'ny ara-tsakafo na fomba fiainana (mode de vie) fa tena biby mora poizinina kely izy. Mpanakorontana raha teo izy any an-tranondrafozana any ka mahatezitra ny hafa.
Raha vao mahita tranga fanapoizinana( soritr'aretina miseho tampoka, mifanintona, mifaroratra, sempotra,...) dia hoento manatona mpitsabo tsy misy atak'andro ny biby fa minitra vitsy no manelanelana ny fahavelomany sy ny fahafatesany.

!

20/02/2024

Miteraka foana i Fotsy (saka) nefa avy eo tena alahelo be no hisarahan'ny tompony amin'ilay zanany. Nana-pakevitra izy ireo fa tsy ampiterahana intsony i Fotsy. Natao ovario-hystèrectomie na OVH ( nalàna ny tranon-jaza sy ovaires) arak' izany izy.
Fomba iray ahafahana tsy mampiteraka saka be mpanao indrindra ny OVH satria azo antoka tanteraka ny fahombiazany aorian'ny fandidiana. Miaro amin'ny aretin'ny tranon-jaza sy ireo fikorotanan 'ny "hormone" ara-pananahana ihany koa anefa izy. Tsy misy "cycle sexuel" intsony ny saka vavy rehefa novosirina. Tsy mivoaka ny trano manenjika saka lahy firy intsony koa izy. Lasa mora mahazo lanja anefa izy ka mila fitandremana be eo amin'ny sakafony. Efa misy karazana sakafo ho an'ny saka vositra azo omena azy ireny anefa. Azo atao OVH na saka mbola tsy niteraka aza fa tsy maintsy efa nisy "cycle sexuel " iray vao mety. Izany hoe efa taitra( en chaleur) indray mandeha ilay saka vavy farafahakeliny.
Manatona ety amin'ny ACTIVETO Ambodimita raha mila fanazavana misy misy kokoa. Afaka miantso ny laharana 034 08 239 51 ihany koa!

et bien être animal.

11/02/2024

Natao toilettage complet i Popie:
- Nombangoina( brossage) sy novahaina(démêlage) ireo volo misaringotra;
- Nampandroina tamin'ny shampooing roa samy hafa( ny iray manala parasy, ny iray manafotsy sy mampamiratra volo);
- Nohetezana sy nampitoviana ny halavan'ny volo;
-Nokikisana ny hoho ary nodiovina manokana ny faladia( coussinet);
-Nodiovina tamin'ny "produit cerulyse" ny sofina;
-Nopotserina ny "glandes anales"( vidange des glandes anales)
Sady nanaraotra kely nanao fizahàna ara-pahasalamana amin'ny ankapobeny koa izahay. Mila ahena kely ny hangezany fa somary ngeza loatra izy.
Tsy tsara atao matetika loatra ny fampandroana alika fa manimba ny " flore microbienne cutanée"( isaky ny 3 volana raha malaky indrindra). Mila bangoina matetika kosa nefa ny volo ary atao isan-kerinandro ny fanadiovana sofina sy ny faritry ny maso. Mampiasà savony(shampooing) azo antoka natokana ho an'ny alika rehefa mapandro azy!

04/02/2024

Ontsa tanteraka ny fo raha nahita an'i Piwi kely tonga tato amin'ny ACTIVETO . Saka mbola vao 4 volana monja izy nefa dia nipotsaka ny masony ankavanana. Tsy fantatra izay nahatonga azy fa dia tsy maintsy nalàna ny maso "énucléation" satria dia efa simba tanteraka. Tsy maintsy nampatoriana nefa izy nandritry ny fandidiana na dia hita somary marefo aza. Vita soamantsara ihany nefa ny fandidiana fa miandry ny fahasitranana feno ho azy. Mirary fahasalamana feno ho an'i Piwi kely.

01/02/2024

Aretina iray mpahazo ny mason'ny Cane Corso ny "prolapsus de la glande nictitante". Ny glande nictitante dia taova kely mpamokatra ranomaso. Miala ao amin'ny toerany ara-boahajanahary izy io ka mivoaka ao anaty maso. Mibontsina mena be ny sisi-maso. Vetivetika izy hitanao, vetivetika izy tsy hitanao amin'ny voalohany. Mijanona eo ivelany foana amin'izay anefa izy avy eo. Tokana ihany ny fitsaboana azy dia ny fandidiana. Averina amin'ny toerany ilay "glande nictitante "ary tazomina tsy avela hivoaka intsony.
Izahay ato amin'ny ACTIVETO dia mirary fahasitranana feno ho an'i Nolla fa natao fandidiana an'izany tato aminay izy.
Raha vao mahita tranga hafahafa amin'ny mason'alika dia manatona hatrany mpitsabo biby fa mety hanimba ny fahitany izany.

16/01/2024

Cane Corso kely 3 volana i Lucky. Alika voakarakara tsara izy saingy tia mihinankinam-poana. Tamin'ity indray mitoraka ity dia tafihinana fantsika sy hazo ary lomotra kely izy. Lasa nandoa sy nivalan-drà izy ka tsy maintsy notsaboina fotoana naharitra. Mbola eo ampitsaboana izy izao ka mirary fahasitranana feno ho azy izahay ato amin'ny ACTIVETO. Mila arahi-maso tsara ny alika kely fa mety mahafaty haingana ny mihinankinam-poana.

08/01/2024

Efa tonga ny GOSBI:
- Exclusive grain free: 320 000Ar(12kg)
-Exclusive: 295 000Ar(12kg)
-Life: 205 000Ar(12kg)
Mivarotra antsinjarany ihany koa:
-Exclusive grain free:28 000Ar
-Exclusive: 26 000Ar
-Life: 18 000Ar

29/12/2023

Ho fiatrehana ny taona vaovao dia tsy misokatra izahay ny Alahady 31/12/2023 hatramin'ny Talata 02/01/2024. Miverina misokatra kosa ny Alarobia 03/01/2024.
Mirary faran'ny taona sy taona vaovao finaritra ho antsika rehetra!

25/12/2023

Mirary fety sambatra ho antsika rehetra!

03/12/2023

Vanim-potoana mampirongatra ny aretina piroplasmose( aretina mifindra amin'ny kaikitry ny kongona) sy leptospirose( aretina azo avy amin'ny voalavo sy/na rano kely miandrona) izao. Mandoa(matetika misy rà na mavomavo be), manavy be (hafanana mihoatra ny 40°C), tsy mety misakafo ary havizanana be no fisehon'izy ireo. Matetika tsy mipipi na mipipi volontany(marron café) ny alika voa an'izany. Aretina milazo ary haingam-pivoarana izy ireo ka mila fitsaboana haingana. Mety ho voan'ireo avokoa ny sokajin'alika manontolo( eny na vita vaksiny fanefitra leptospirose aza). Koa raha mahita soritr'aretina mampiahiahy dia hoento ety amin'ny toeram-pitsabona biby haingana ny alikanao.

ACTIVETO Ambodimita(0340823951).

24/11/2023

Hoavy izao ny Noël atsy ho atsy an. Mila cadeau hafa mihitsy sa mila alika mifono neige? Ireto misy Berger Blanc Suisse mahafatifaty kely. Roa volana mahery kely izy ireo ary efa vita vaksiny fanefitra parvovirose. Mitombo tsara ary salama tsara. Raha mahaliana anao dia jereo ao amin'ny wolf white of Madagascar na antsoy mivantana ny laharana 034 53 979 82.
NB: Parents manana pédigrée LOF.

18/11/2023

Mandriampiadanana lesy Roxy kely! Navesatra ny faran'ny herinandro tato amin'ny ACTIVETO !

17/11/2023

Ny paoziko lasa saina be amin'ilay hoe ho lany premier tour i Rajoelina.
NB: Amidy io an!

09/11/2023

ROYAL CANIN(mbola tsisy) fa ny ankoatran'izay misy! Alaivo ny anjaranao!

28/10/2023

Mety ve tompoko izao paoziko izao? Asio tranga lela fotsiny lesy dia raikitra io a. OK...izao izany koa!
Mirary faran'ny herinandro finaritra ho antsika rehetra!

27/10/2023

Rottweiler kely vao 2 volana monja i Kiwi. Nihinana savony izy ka niteraka areti-kibo be ho azy izany. Nanotika foana ny kibony ary te handoa foana izy. Noho izany dia lasa kamo nihinan-kanina izy. Lasa nalemilemy izy ka nomena fitsaboana sahaza haingana. Sitrana soamantsara ihany izy taorian'ny fikarakarana nataon'ny dokotera tato amin'ny ACTIVETO . Mila arahi-maso tsara ny alika kely rehefa milalao fa mampidi-doza ho azy ny mihinankinam-poana. Mirary fahasalamana feno ho an 'i Kiwi.

18/10/2023

Maherisetra be i "Poids Lourd" rehefa milalao amin'ny mpiray tampoho aminy ka voadona mafy ny foto-pe-ny. Tsy afa mitsangana izy noho izany. Efa manaraka fitsaboana izy amin'izao. Mangataka firariantsoa avy amintsika izy mba ahazo fahasalamana feno indray. Izahay ato amin'ny ACTIVETO dia mirary fahasitranana lavorary ho an'i Poids Lourd.

13/10/2023

Mitsabo sy manome toro-hevitra momba ny fiompiana kisoa koa izahay ato amin'ny ACTIVETO .

05/10/2023

"Pet bobo". Izy ity dia vokatra iray hampiasaina mba hizaran'ny alika sy saka hanao maloto amin'ny toerana iray izay tianao tompony hanaovany izany. Tsotra kely ny fampiasa azy ity satria atifitra eo amin'ny toerana iray tianao hanaovany maloto izany. Atao matetika ny fampiasana azy. Tsy mandeha irery anefa fa miaraka amin'ny fampianarana omen'ny tompony ihany koa ny fahombiazana azo. Tongava manjifa izany ato amin'ny ACTIVETO Ambodimita amin'ny vidiny 25 000Ar monja.

01/10/2023

Mirary fahasitranana feno ho an'ireto Boerboel roa ireto. Ny iray(ambony) voan'ny piroplasmose( aretina azo avy amin'ny kaikitry ny kongona) ny iray (ambany) nihinana taolan'akoho. Mirary faran'ny herinandro finaritra ihany koa!

29/09/2023

Fikarakarana ny sakafo, ny toerana honenana ary ny fahasalamana ihany no antoky ny fahombiazan'ny fiompiana biby. Maneho izany ireto sary manaraka izay mampiseho alika tsy ampy sakafo sy tsy nisy fikarakarana mihitsy ka tena nahitana fihovana be ny vatany sy ny fahasalamany 13 andro monja taorian'ny nikarakarana azy. Omeo sakafo azo antoka sy fanafody tsara kalitao hatrany ny biby fiompy. Misy karazana croquette ho an'ny alika maro karazana ato amin'ny ACTIVETO Ambodinita.

22/09/2023

Mirary fahasitranana feno ho an'i Kiwi izay natao fandidiana taovam-pananahana. Mirary azy ho ela velona ihany koa!

14/09/2023

Hoy i Mainty:"Mr le veterinera ô, raiso ny tanako". Ary dia natolotro ny tanako! Mirary soa an'i Mainty ary aza manaikitra olona intsony fa manahirana an'i Bebe.

08/09/2023

Nandoa tsy aki-janona, tsy nisakafo, nifaroratra ary nisefosefo i Tchoupi (Spitz) no tonga tato amin'ny ACTIVETO . Rehefa nozahàn'ny mpitsabo akaiky dia hita fa misy kankana izy. Lasa nihintsana be ny volony nefa lelafiny matetika. Niteraka "boule de poil "(volo miangona sy mitambatra ao anaty taova) tao amin'ny vavoniny izany ka lasa nankarary azy ny fihangonan'izany tao. Vizaka be izy noho ireo rehetra ireo ka tsy maintsy notanana narahi-maso akaiky. Notsaboina nandritry ny 2 andro nisesy anefa izy dia sitrana soamantsara. Maro dia maro ny voka-dratsy ateraky ny kankana eo amin'ny alika fa mila atao ara-dalana tsara ny fanomezana ody kankana azy. Mila miezaka mampiasa ody kankana azo antoka ihany koa nefa mba ahazoana fahasitranana lavorary. Mirary fahasalamana ho an'i Tchoupi izahay.

27/08/2023

Vizaka be i Tsoupi no tonga tato amin'ny ACTIVETO . Efa nandritry ny 3 andro izy no tsy salama( tsy nisakafo sady nivalan-drà). Rehefa nozahàna nefa dia hita fa manao "choc septique"( hafanana 41,5°C) izy sady tena maina be ( choc hypo-volémique). Torana sy nifanintona izy ary sempotra arak'izany. Rehefa nahazo fitsaboana nefa dia sitrana soamantsara izy ny harivan'ny nahatongavany tato amin'ny ACTIVETO ihany. Aza miandry ela fa vao misy soritr'aretina dia hoento manatona mpitsabo ny biby. Mirary fahasalamana feno ho an' i Tsoupi.

Address

Ambodimita Ambohimanarina (EX SUPERMAKI, à 100 Mètres De La Banque BOA Anosisoa))
Antananarivo
101

Opening Hours

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00
Saturday	08:00 - 17:00

Telephone

+261340823951

Website

facebook.com

Alerts

Be the first to know and let us send you an email when ACTIVETO posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ACTIVETO:

Videos

Nohon'ny fankalazana ny fetin'ny faran'ny taona sy ny taona vaovao dia tsy misokatra izahay ny Alatsinainy 02 sy Talata 03 Desambra 2023. Miverina misokatra ny Alarobia 04 Desambra 2023. Mirary fety sambatra sy taona vaovao feno fahasalamana ho antsika rehetra! NB: Misokatra anio 31 Desambra 2022.