Вет Свет

31/12/2024

22/12/2024

Почитувани пријатели и клиенти оваа година ја завршуваме на 31.12.2024 во 12ч. 🎉🥂

За последната недела од годината ви препорачуваме⤵️⤵️⤵️
✨ Со време да направите преглед на вашиот миленик доколку сметате дека неговата здравствена состојба не е во топ форма🩺
✨ Да се снабдите на време со сите потребни лекарства, суплементи, храна и награди затоа што следат неработни денови 🥞🥘🧨🌼

За време на семејните прослави и празници⤵️⤵️
✨ Не ги хранете вашите миленици со остатоци од празничната трпеза ☠️☣️

Ви посакуваме светли празници исполнети со мир и љубов. Бидете здрави и имајте здрави миленици и во новата година.
За сѐ останато сме тука да ви помогнеме.

❤️🥂тимот на Вет Свет

20/12/2024

Дали знаете дека и на нашите миленици им требаат игри и занимација за да не се досадуваат, а слободното време да го користат за ментален развој⁉️

🏥 Во нашата амбуланта знаеме што сѐ е потребно за правилен развој на вашиот домашен миленик и затоа сме снабдени со најразличен вид на висок клас храни, додатоци во исхраната, играчки и награди буквално за сечиј вкус 😻🐶

Посетете нѐ и ќе ви препорачаме сѐ од храна, додатоци во исхраната како и игри и награди кои ќе ви помогнат да имате здрав и среќен домашен миленик. Воедно ќе добиете и совет за правилна исхрана, раст и развој на Вашето милениче.

#ветсветсоветува #ветсветамбуланта #ветсветпетшоп #ветсветаптека

21/11/2024

Кај млади животни (кучиња и мачки) симптомите на намален апетит и повраќање може да бидат знак за присуство на страно тело.

#ветсвет

17/11/2024

✨Фотографија од анализа на измет под микроскоп (копролошка анализа) од куче со дијареа и влошена општа состојба. Изолирани се два типа на паразити по што кучето почнува да прима соодветна терапија.

📄Дијареата кај домашните миленици е еден од најдосадните и највознемирувачките симптоми со кои сопствениците треба да се справат. Ако вашето домашно милениче има дијареа, сигурно ќе сакате да знаете зошто се појавила и како брзо да ја спречите.
🤒Еве неколку причини зошто кучињата и мачките страдаат од дијареа:
- Стрес или анксиозност
- Промена во исхраната или третманите
- Јадење ѓубре или расипана храна
- Голтање на предмети како играчки, коски и ткаенина
- Токсини или отрови
- Вирусна или бактериска инфекција 
- Паразити
- Панкреатитис и воспление на цревата
- Заболување на црниот дроб или бубрезите
☎️Кога да го контактирате вашиот ветеринарен доктор:
🤒Повеќе од 2 епизоди на дијареа може да укажуваат на проблем, исто како и промена во расположението на миленикот. 
🤒Ако ви се чини дека вашето домашно милениче се напрега, но има само мали количини на водена дијареа
🤒Ако вашето домашно милениче е многу старо, многу младо или има компромитиран имунолошки систем.(Голем број на инфекции може да бидат многу сериозни, заразни или дури и опасни по живот.)
🤒Ако вашето домашно милениче има крв/слуз во столицата, невообичаено лигавење, повраќање, недостаток на апетит и слабост, знаци на дехидрација (потонати очи со сув изглед, сув нос или суви, лепливи непца.)
----------
👌Ако вашето домашно милениче има една епизода на дијареа и инаку делува нормално, тоа веројатно не е причина за загриженост и треба само да следите за појава на други симптоми.

⏬⏬⏬⏬⏬

🏥🔬🦠🧫🧪Во нашата амбуланта правиме комплетни тестирања за правилна дијагностика на вирусни и паразитски болести меѓу кои и копролошка анализа (анализа на измет).

📝Со точна дијагноза најлесно ја избираме и правилната терапија за вашиот миленик.

#ветсвет #ветсветамбуланта

07/10/2024

📚🪱🧑‍🎓 Затоа што никогаш не запираме да се развиваме и да стекнуваме нови знаења, од 10.10-12.10.2024 нашиот тим од ветеринарни доктори ќе учествува на една од најголемите конференции во областа на ветеринарната медицина во регионов и пошироко.

⚠️За таа цел на 10.10.2024 ќе работи нашиот прекрасен тим од ветеринарни техничари само за продажба на храна, препарати против внатрешни/надворешни паразити, лекарства и вакцинации.

🚑Амбулантата ќе биде отворена со следното работно време:
10.10.2024 од 11:00-19:00ч.
11.10. и 12.10.2024 - неработни денови
13.10.2024 од 11:00-14:00 само за итни прегледи и терапија.

Ви посакуваме пријатен продолжен викенд ✨

25/09/2024

⚠️Синдром на полицистични бубрези
Оваа болест е вродена состојба кај мачките. Се карактеризира со појава на цисти на бубрезите уште од раѓање. Во почетокот се многу мали, но со текот на возраста растат и доведуваат до нарушување на бубрежната функција.
Болестта е карактеристична за раси на мачки како Персиски, Хималајски, Скотиш фолд и др.
Клиничките симптоми започнуваат со зголемен прием на вода и зачестено уринирање, повраќање, намален апетит и загуба на телесна маса.
Дијагнозата се поставува со крвни анализи и детален ехографски преглед.

26/08/2024

⚠️⚠️⚠️Ограничени количини на храна од марката Farmina ND со намалена цена во нашата амбуланта 🎉🎉🎉

За повеќе информации околу самата храна, правилниот начин на исхрана и промотивни цени може да не посетите секој работен ден од 11:00-19:00 часот.

🌞Во нашата амбуланта исто така може да најдете и голем избор на мокра храна (конзерви) на Farmina ND со различни вкусови и состав прилагодени за различни возрасти и здравствени состојби кај милениците🥓🥘🥚🦐🥕🥔🥞

За храната може да се информирате и на некој од следните линкови⤵️

✨https://www.farmina.com/rs?gad_source=1&gclid=Cj0KCQjwz7C2BhDkARIsAA_SZKbDhRLaqaRaWqNdUrrAhCaNQxvBYJLavJAx3Kr6MjlCzNj0jqzGrqgaAoY6EALw_wcB
✨https://www.farmina.com/za/eshop-d-Dog-food.html

02/08/2024

Честит Илинден! Сакајте ја и почитувајте ја татковината преку целата година, а не само еден ден 🇲🇰

Ако се прашувате како еве и неколку предлози од нас😊⤵️

⚖️ почитувајте ги законите и не дозволувајте да бидете соучесник во расипан и корумпиран нефункционален систем.
😶‍🌫️бидете толерантни кон другите и почитувајте се меѓусебно.
💻Искажувајте го вашето лично мислење и став без напад и навреда кон оние кои не го делат со вас истото мислење.
🫂Грижете се и помагајте колку што можете на оние кои имаат потреба без да парадирате со тоа.
🗑️Собирајте го и фрлајте го ѓубрето на означени места за тоа.
😻Бидете одговорни сопственици и грижете се правилно за здравјето на вашите миленици, а кога имате можност помогнете и на некое бездомно животинче.
🩺Ценете ја ветеринарната професија и сите инволвирани во неа, ценете го нашето слободно време и имајте разбирање кога не сме достапни 24/7.

И уште многу работи можеме да предложиме, но веруваме дека и сами сите сме свесни како треба.✨

01/08/2024

Време е за заслужен краток одмор и за сите нас! 🌞🏖️🍻🍻🏖️🌞
Уживајте во продолжениот викенд или годишниот одмор!🍻🏖️😻

🕑Се гледаме повторно на 05.08. - понеделник кога почнуваме повторно со работа од 11ч.

⚠️⚠️⚠️Во екот на годишните одмори од 05.08-18.08 ќе работиме со изменето работно време!⚠️⚠️⚠️

⤵️⤵️⤵️
Понеделник-Петок од 11:00-19:00ч.
Сабота 09:00-15:00ч.
Недела 09:00-13:00ч.

30/07/2024

Кога работиме заедно за една иста кауза, добиваме среќни и здрави пациенти ♥️✨
Во нашата амбуланта успешно се справуваме со првична дијагностика на ортопедски и невролошки состојби на нашите пациенти, за чиј понатамошен третман и оперативни зафати соработуваме успешно со колегите од

22/07/2024

За да може нашите пациенти да се чувствуваат спокојни по време на терапија наоѓаме начини да ги расположиме. Им даваме време да се приспособат на новите мириси и опкружување кои го зголемуваат нивниот стрес и страв од секоја наредна посета.
#ветсветамбуланта #ветсвет

16/07/2024

✨Мачорот Коко никогаш нема да може да ни ја раскаже историјата за тоа како се здобил со оваа сериозна повреда. Избегал од дома и по неколку дена се вратил со сериозна повреда во долната вилица - отворен рана, скршеница, сериозна инфекција.
Но нели мачките имаат 9 животи 😊 Коко веќе искористи еден со голема желба да продолжи да се радува на останатите 8🎉

Среќни сме што и покрај тешката состојба во која дојде и само ден по извршениот оперативен зафат за реконструкција на кожата и фиксирање на долната вилица Коко почна да јаде.✨

#ветсвет #ветсветамбуланта

15/07/2024

ℹ️За да можеме целосно да се посветиме на секој пациент препорачуваме⤵️

🩺 секогаш да доаѓате во времето на претходно закажан термин за преглед/консултација/вакцинација.
🚑Исклучок се секако итните случаи!

Телефони за контакт во работно време на амбулантата:

☎️ 070 252 386

☎️023161019

11/07/2024

🌟На овие 4 слики се прикажани микроскопски промени во кожата на навидум исти надворешни промени кај различни пациенти!



😶Доста често сопствениците меѓу себе од лично искуство си предаваат и препорачуваат терапии според симптомите на нивните миленици!
🤔 Понекогаш не знаат или не се свесни дека така може да предизвикаат посериозни проблеми кај друго милениче или во најдобар случај да нема никаков резултат.

🧑‍⚕️🩺Нашиот тим знае колку е важна правилната дијагностика на секоја една промена во здравствената состојба на животните.
Затоа се трудиме да сме детални во извршување на прегледите, а тоа понекогаш одзема време.

🕑Сопствениците (некогаш одлагајќи го прегледот до момент на критична точка) доаѓаат со очекување дека резултатот од прегледот и дадена терапија ќе се покаже за еден/два дена.🤷

ℹ️Секогаш за да се стигне до правилна дијагноза е потребно како трпение така и добра соработка меѓу ветеринарниот доктор и сопственикот.

ℹ️Не помалку важна е и довербата на сопственикот во тимот на кој го доверува здравјето на миленикот.

#ветсвет #ветсветамбуланта

02/07/2024

😁И затоа што денталната хигиена не е само отстранување на забниот камен со ултразвук, во нашата амбуланта можете да најдете најразлични препарати и четки за заби за Вашите миленици. Така ќе може да ги одржите здрави забите и небцата и по третманот за отстранување на забен камен.
🪥🦷Од скоро имаме и специјални четки за заби за кои не е потребна употреба на паста.
ℹ️За повеќе информации околу состојбата на забите и небцата на Вашето милениче, како и за препаратите за одржување на орална хигиена можете да закажете преглед и да добиете информација од нашиот тим.

#ветсветамбуланта #ветсвет

28/06/2024

🔝Во нашата амбуланта во моментов има прекрасни награди на акција за Вашите миленици 🥓
Количините се ограничени 😎

20/06/2024

Почитувани клиенти и пријатели,
од 23.06 до 31.08 секоја недела, заради високите температури ќе работиме со променето работно време⤵️

НЕДЕЛА од 09:00-13:00ч.

P. S. Со предност ќе бидат миленици кои треба да примаат терапија или оние кои заради влошена здравствена состојба треба да бидат прегледани.

Останатите денови ќе работиме со стандардно работно време и тогаш ќе може да си купите храна, суплементи, препарати против паразити и др.

😎🌻🌞⛱️☀️🌇
#ветсветамбуланта #ветсветсоветува


🌞Имајте пријатни летни денови, а вашите миленици изнесувајте ги на прошетки само во раните утрински часови или подоцна во вечерта.

🌟Нека имаат секогаш достап до свежа вода како домашните така и бездомните животни!

🚨Вашите миленици не ги оставајте во возило па макар ни за кратко!