Skopje ZOO / Зоолошка градина Скопје

25/08/2024

Денеска нашиот колега Сашо Панчев по втор пат успеа да спаси мечка фатена во нелегално поставени стапици во планинските предели 👏👏👏

По повик на главниот инспектор за ловство Зоран Вуиќ, денес рано изутрина екипа од Зоолошка градина Скопје составена од Милошевски Јорданчо – биолог и Сашо Панчев – ветеринарен техничар, се упати во близина на Дебарски Бањи, месност викана Пијане каде возрасна кафена мечка (женка) била фатена во стапица за диви свињи 💔

Бидејки се уште не е формиран интервентниот тим на државно ниво за справување со големи цицачи (неговото формирање е во крајна фаза), тимот од Зоолошка градина Скопје заедно со инспекторот за ловство излегоа на лице место, каде Сашо со специјално средство ја успал исплашената мечка која била фатена со сајла околу градниот кош, ја ослободиле од стапицата и и’ ги исчистиле раните од сајлата кои не биле големи.

Откако мечката се освестила, си заминала повторно назад на слобода 🐻

Линк до видеото од спасувањето во коментар ⬇️

15/08/2024

Уште една успешна мисија заедно со Македонско еколошко друштво ❤️

12/08/2024

Денеска низ светот се празнува Светскиот ден на слоновите, но за жал ние оваа година го дочекавме без нашата омилена бабичка Дуња 💔
Во нејзин спомен, сакаме да ви ја раскажеме нејзината животна приказна, а денес ќе започнеме со нејзиниот живот во циркус:
-Слоницата Дуња во официјалните документи стои дека е родена во 1969 година (односно тогаш пријавена од циркусот), но бидејќи не се знае точно кога била грабната од природа, нејзината возраст се претпоставува дека беше околу шеесетина години.
Во просек индиските (азиски) слонови живеат околу 48 години, а наша Дуња дочека длабока старост со околу 60 години. Во Скопје ЗОО добиваше љубов од сите вработени, а на денот кога не напушти и најсилните пуштија многу солзи 😢
🐘Карактеристична по тоа што беше дел од Гинисовата книга на рекорди како најголема азиска слоница во Европа, но и еден од најстарите слонови, нејзиниот живот од бебе не бил воопшто лесен.
Во тој период, криумчарењето на диви животни за употреба во циркус било големо и ја имала таа несреќа од Азија да биде мета на трговци кои ја продале на сопственик на циркус по име Џони Мај Френк. Во 1988 година, Дуња со него била во циркусот Карл Буш, а заедно со слоницата живеел и африкански слон по име Таи, како и нашата втора слоница Даела. Поради доминатноста на Дуња, Таи во 2005 година бил однесен во Сафари Парк, а пријателството на Дуња и Даела успеало да опстои и во тие сурови циркуски услови патувајќи во вагони низ студени краишта. Во јули 2011 година, двете слоници побегнале од циркусот во Хановер, за подоцна да бидат најдени како уживаат частејќи се костени од околните дрва. До смртта на Џони Меј Френк во 2012 година, Дуња и Даела патувале со неговиот циркус Меј. Подоцна биле превземени од шведскиот циркус Максимум на сопственикот Антон Френк и патувале низ Германија, Данска, Шведска и Норвешка.
Исцрпувачкиот циркуски живот кој постојано ги носел од еден до друг град, оставил многу трауми врз слоновите. Во мај 2013 година, Дуња ја уништила гардеробата во циркусот, џвакајќи ги и алиштата на посетителите.
🐘Во 2015 година, кога се носи закон за забрана на експлоатација на диви животни во циркуски точки, Дуња и Даела се префрлени во Pairi Daiza во Белгија, неколку години по ред прогласувана за Најдобра зоолошка градина во светот.
➡️За следен пост посветен на нашата Дуња ја оставаме приказната за нејзиниот живот во Белгија и доаѓањето во Скопје.
Дуњичка, или Дуци како што те викавме нагалено, неизмерно ќе ни фалиш на сите, а и на твојата другарка Даела со која поминавте цели 35 години заедно и во добро и во зло... 🤍🤍🤍

10/08/2024

Соопштение на Македонско еколошко друштво (МЕД) ⬇️
Македонското еколошко друштво за случајот со пцовисаниот орел во ЗОО Скопје: Во Македонија недостига центар за рехабилитација на диви животни
Макфакс09/08/202413:50 557
„Во Македонското еколошко друштво од граѓаните ширум државата често пристигнуваат дојави за пронајдени повредени диви животни. Нашиот тим многупати досега направил се што може за да им помогне, во рамките на нашите познавања и ресурси, иако тоа е многу поразлично од нашите редовни обврски. За жал, можеме да издвоиме ресурси само за единки кои припаѓаат на исклучително засегнати видови (со мала бројност во земјата). Во неколку наврати изминативе години МЕД и Зоолошката градина во Скопје помогнале да закрепнат единки на белоглави мршојадци, штркови и други видови, единки кои потоа биле успешно вратени во природата“, велат од Македонското еколошко друштво.

„Како и во минатото, овој понеделник Македонското еколошко друштво доби дојава за повреден царски орел на локалитетот Пониква. Станувше збор за млада единка, најдена од доброволното пожарникарско друштво. МЕД ги упати пожарникарите во Зоолошката градина во Скопје, каде што орелот беше згрижен, но за жал набрзо почина. Самиот факт што пожарникарите доброволци успеале да го фатат орелот, зборува за тоа во колку лоша состојба се наоѓал. Резултатите од рентген снимките покажаа дека не бил жртва на огнено оружје, и немал скршеници.

Стапката на смртност на младите грабливи птици е многу голема во природата. Кај конкретниот вид, само 10-20% од сите пролетани млади птици ќе дочекаат возраст за репродукција (3-4 години старост). И покрај тоа, заради долговечноста на возрасните единки, доколку заканите се мали, популацијата се одржува стабилна, или расте, како што тоа беше случај во Македонија до пред неколки години. За жал, во последниве неколку години гледаме благо намалување на бројноста, што најверојатно се должи на промените во живеалиштата, намалувањето на изворите на храна, колизиите и струјните удари со енергетската инфраструктура, но првенствено на опасноста од отровни мамки поставени за труење на волци и кучиња. Непознати остануваат ризиците од пестицидите кои се користат во земјоделството, и од конзумирањето на оловни сачми останати во телата на животни кои биле цел на лов.

Во отсуство на центар за рехабилитација на центар за диви животни, Зоолошката градина во Скопје ги има најдобрите услови за закрепнување на ваквите животни, затоа ги поздравуваме нејзините напори за да помогне. Македонскиот систем не е подготвен соодветно да реагира на случаи во кои се повредени диви животни. За разлика од кај нас, во Бугарија и Грција постојат специјализирани центри за рехабилитација на диви животни. Кога на Шар Планина беше пронајдено повредено мече, нашиот тим најпрво го згрижи во Скопје, а потоа издејствува и транспорт на мечето во Грција, каде што тоа и покрај што беше со неподвижни задни екстремитети, со помош на специјализирана нега живееше уште шест години. Во 2017 година, кога добивме дојава за повредено младо од рис во Кичево, нашиот тим издејствува тоа да биде згрижено во Зоолошката градина во Скопје. И покрај големите напори, тоа беше во премногу лоша состојба и по само една недела угина.

Телото на орелот моментално е предадено на Факултетот за ветеринарна медицина при УКИМ, каде што каде што ќе биде извршена обдукција, а резултатите ќе ги споделиме со јавноста и релевантите институции“, соопшти Македонско еколошко друштво.

07/08/2024

Со голема жалост ве информираме дека во текот на вчерашниот ден (06.08.2024 год.), азиската слоница Дуња по насока на сопствениците кои ја позајмија на нашата зоолошка- „Pairi Daiza" од Белгија, одлучија со тимот експерти (ветеринар, офтамолог и сениор зоо негувател на тимот за слонови) кои изминатите денови ја прегледуваа слоницата донесоа одлука за евтаназија на слоницата 💔
Ниту еден третман ниту операција не можеше да ја спаси, а одлуката на сопствениците од Белгија беше од стручниот меѓународен тим за да таа не страда.
Последнава година слоницата Дуња појавуваше симптоми на длабока старост и изнемоштеност и се констатираа повеќе здравствени проблеми кај Дуња, типични за шеестгодишна слоница.
Дуња скоро и да не гледаше, имаше проблеми со вилицата и забите, а ден претходно беше направен преглед и констатиран е комплексен дентален проблем.
За процесот на обдукција и останките, Зоолошка градина Скопје ги следеше законите и правилата, како и консултации со тим од Факултетот за ветеринарна медицина.
Инаку нашата Дуња најголем дел од својот живот го има поминато во шведски патувачки циркус, патувајќи низ цела Европа. Со забраната за користење на животни во циркуси точки, оттаму Дуња и Даела патуваат во Белгија, во еден од најубавите паркови за слонови во светот- „Pairi Daiza", каде се констатира дека за жал поради трауматичното минато двете слоници Дуња и Даела нема да можат да живеат во социјална група со други слонови.
Оттогаш, во 2018 година доаѓаат во Скопје за да ги живеат нивните „пензионерски денови".
Посетителите на Скопје ЗОО од 29.09.2018 имаа прилика да уживаат и да се едуцираат со нивното присуство, а од вчера ја имаме самп нашата африканска слоница Даела, за чиј статус дополнително ќе се одлучи заедно со европската група за слонови.
Дуња, бескрајно ќе ни фалиш на сите, ни беше чест што имавме можност да се грижиме за тебе во твоите „пензионерски" денови 🤍

22/07/2024

Продолжуваме со серијалот „Лична карта на жителите на Скопје ЗОО"
Запознајте ја фамилијата мајмуни од видот индиски макаки со свински опаш ❤️

Кое е е вашето омилено животно од Зоолошката градина – Скопје? Дали знаете како се вика, колку години има, од која земја потекнува и кога за првпат бил донесен тој ви...

17/07/2024

❤️Со „Слободен печат" започнавме едукативен серијал за запознавање со жителите на нашата зоолошка градина.
За почеток, уживајте во приказната за Кика и Ганчо 🐊🐊

Кое е е вашето омилено животно од Зоолошката градина – Скопје? Дали знаете како се вика, колку години има, од која земја потекнува и кога за првпат бил донесен тој ви...

05/07/2024

Даела и нејзината мала лагуна за летно освежување ❤️🐘

04/07/2024

Нашето најново бебе од видот елен лопатар 😍

Малечкото веќе напредува супер и е милениче на целата група елени кои се грижат за него ❤️

Фото: Горан Анастасовски

02/07/2024

Тимон од Скопје ЗОО 😍

Меркатите се припадници на семејството мунгоси и најмногу од нив живеат во пустината Калахари во Боцвана, во Намибија, Ангола и Јужна Африка.
Една група на меркати може да има и до 20 членови, а таквата група се нарекува и банда или клан 😁

Зборот меркат на холандски значи „налик мачка", бидејќи овие животни се мачковидни, но не припаѓаат на семејството мачки 🐱

17/06/2024

Со едукативно предавање за рисот и прошетка низ зоолошката градина зедно со учениците од ООУ „Дане Крапчев" од Скопје ја завршивме училишната сезона ❤️🎉
👉 Само во мај и јуни, ЗОО Скопје ја посетија ученици од над 180 основни училишта од државата, како и дечиња од преку 50 градинки.
👉Продолжуваме со едукација и доближување на природата и љубовта кон животните на најмладите. Ова лето повторно ќе биде отворена нашата програма за млади волонтери
🍀 Ученици, нека ви е среќен крајот на училишната година!

17/06/2024

Долгогодишното пријателство и меѓусебна соработка со Факултетот за ветеринарна медицина го официјализиравме со меморандум со цел што поголема благосостојба на животните, како и заедничка научно-истражувачка, наставно-образовна и апликативна дејност од областа на ветеринарната медицина.
Преку овој меморандум за соработка кој го потпишаа деканот на Факултетот за ветеринарна медицина- проф. д-р Деан Јанкулоски и в.д директорот на ЗОО Скопје - Зоран Попов, студентите ќе имаат можност за практична работа во нашата зоолошка градина, а животните ќе добиваат целосна и ефикасна здравствена нега од најдобрите професори и доктори по ветеринарна медицина, како и дел од услугите на Универзитетската ветеринарна болница ( специјалистички прегледи, ултразвучна дијагностика, компјутерска томографија, хируршки интервенции и друго), како и заеднички настапи на национални и меѓународни проекти и програми.

11/06/2024

По повод Светскиот ден на рисот🐾😸, Македонското еколошко друштво денеска стартуваше со нова кампања👇
Да си го заштитиме балканскиот рис: стоп за криволовот!

Една од најголемите закани за реткиот балкански рис е криволовот. Криволовците трагаат по ретки трофеи или рисот го обвинуваат за угинувањето на домашните животни. Ова мора да заврши! Малата популација на балканскиот рис повеќе не може да трпи загуби.
ЗОО Скопје се приклучува со поддршка кон кампањата на Македонско еколошко друштво 💪
Споделете ја оваа објава и кажете „не“ на криволовот!

08/06/2024

Нашиот Бренди со зимската vs летната фризура 😊❤️

Одржувањето на крзното на алпаките е многу важно, а особено во летните месеци кога температурите се високи. Нашиот тим зоонегуватели се погрижија сите алпаки да добијат летни фризури и да уживаат во летото 😍

Фото: Горан Анастасовски

06/06/2024

🌎 По повод Светскиот ден на животната средина 60 дечиња ученици од ооу Кочо Рацин на едукативна работилница во Зоолошка градина Скопје имаа можност да се вклучат низ игра запознавајќи ја природата и нејзината биолошка разновидност.

🌳 Во Ботаничката градина која е дел од низата проекти на Град Скопје за подигнување на нови зелени површини, кои се реализираат со цел унапредување на животната средина, дечињата самостојно работеа на проект на разубавување и раззеленување на градината со нови садници.

🌸 Едукативната работилница се реализира во рамките на фестивалот за детска креативност Трамболини, организиран од Детскиот културен центар Карпош и зоолошката градина како домаќин

🌿🌺Благодарност до ЈП Паркови и зеленило за донацијата на садници и цвеќенца

20/05/2024

Фамилијарна ❤️

16/05/2024

Времево е само за групна дремка 😁❤️

05/05/2024

Во соработка со Црвен крст на град Скопје/City Red Cross of Skopje, заедно со нашите пријатели од Украина во Скопје ЗОО направивме Велигденска работилница и сите заедно уживавме во дружбата и приготвувањето на украсите за овој голем празник ❤️

04/05/2024

Празнично од Скопје ЗОО- Радост и кај лемурите, мама со две близначиња😍😍😍

30/04/2024

Нашата алпака Фелиција стана мама по вторпат 🥰
Дина која се роди во 2021 година, деновиве доби сестричка ❤️
За малото бебе се грижи целата фамилија на алпаки 😍

Фото: Горан Анастасовски

28/04/2024

Нашето ново бебе ❤️
Во фамилијата Бактријан двогрби камили имаме подмладок, оваа преслатка млада дама, која е второ дете на Карло и Мираи 😍
Се роди на 03 април и по краток карантин со мајката, веќе ужива во пролетните сончеви денови🌞
Да ни е жива и здрава 🐫

Фото: Горан Анастасовски

25/04/2024

Денеска го прославуваме Светскиот ден на пингвините 🐧🐧🐧
Овој ден започнал да се прославува токму со првите пролетни миграции на пингвините во 1972 година, а оттогаш служи како потсетник за како да ги чествуваме и заштитиме овие необични птици. За жал од 17 видови пингвини, веќе 10 се загрозени (три пред истребување) и тоа најмногу поради човечки фактор и климатските промени.
🐧Во Скопје ЗОО живеат 12 пингвини од видот Хамболд, чија егзистенција во природата ( Во Перу, Аргентина и Чиле) е најзагрозена од човечки фактор ( изградба на рудници и уништување на природните живеалишта).
Нивното живеалиште во скопската зоолошка е по светски стандарди и едно од најомилените катчиња на посетителите.
Заедно со нашите зоонегуватели и едукатори секојдневно ја покреваме свеста за пингвините- птици кои можат да пливаат и по 23 км на час, но не можат да летаат.
⚠️Нашите пингвини се хранат со квалитетна морска риба и затоа ве замолуваме при посета на ЗОО Скопје да НЕ ФРЛАТЕ ништо во нивниот базен 🙏🥰

22/04/2024

🌍Денеска заедно со учениците од СУГС „Георги Димитров" го одбележавме Денот на планетата Земја- празник на единствениот дом на сите живи суштества.
Покрај едукативната прошетка низ зоолошката градина, испративме и јасни пораки за значењето и зачувувањето на животната средина 🍃

20/04/2024

Зоолошката градина со утринската саботна игра на пингвините, Ве поканува на убаво поминато викенд време кај нас.

Дојдете и уживајте!

🐒🦁🐆🐊🐫🐯🐴🐍🐢🐻 🐧

15/04/2024

Најубавиот период од годината во Скопје ЗОО ❤️

Работиме секој ден од 09:00- 18:00

Фото: Дарко Ристевски

11/04/2024

Се гледаме и дружиме овој викенд ❤️🐦🐧🦆🦢🦉🦩

🐦🎨 Ги повикуваме сите млади ентузијасти да ни се придружат на забавна детска работилница за птици! 🎨🐦

📅 Дата: 14.04.2024 (недела)
🕒 Час: 11:00-12:40
🏠 Зоолошка Скопје

🌟 Активности:
- Изработка на хранилка за птици 🍂
- Боење на куќичка за птици 🎨
- Разгледување на птиците 🦜
- Едукација за птиците 📚

🎉 Сите материјали се обезбедени! Само донесете ја вашата детска креативност и љубопитност🎉

📧 Резервации во порака или на телефон 070906000

💫Ајде да се вивнеме во светот на птиците заедно!🦜
📌Побрзајте и на време резервирајте си го местото , бидејќи местата се ограничени!

10/04/2024

https://najdobro.mk/lajonite-od-lk-vardar-oddadoa-humana-poraka-za-ljubov/

Денес, традиционално како и 13 години претходно на овој ден, Лајоните од Лајонс клубот Ва

09/04/2024

Сите пролетни расположенија на наша Ана 😁❤️

🐅Сибирските тигри се загрозен вид и живеат на Далечниот Исток, Русија и Кина. Во Сибир живеат само 450 единки, а во Кина околу 50. Покрај човечките фактори, најголема закана за нив е „Снежниот пекол"- екстремни снежни врнежи и тешко пронаоѓање на храна. Зоолошките градини ширум светот во последните години прават се за да се зголеми популацијата на сибирските тигри.

Фото: Игор Паневски

08/04/2024

Уште еднаш изразуваме голема благодарност до едукаторот Кристиан Диенeман и Tiergarten Nürnberg за соработката, дружењето и целото знаење кое го ни го пренесе во Скопје ЗОО 🐾
Професионалната соработка, но и пријателството помеѓу нашата зоолошка и Нинберг ЗОО продолжува и понатаму 🆙
Се надеваме дека заеднички ќе оствариме уште многу заеднички проекти од полето на едукација, конзервација и благосостојба на животните ❤️🐾